বি.আর.ও.গী লেফতনেন্ত জেনরেল, রাজিব চৌধরীনা কেন্দ্রগী নোর্থ ইস্ত রিজন দিবেলপমেন্ত (দি.ও.এন.ই.আর) (ইন্দিপেন্দেন্ত চার্জ), রাজ্যমন্ত্রী পি.এম.ও., পার্সোনেল, পব্লিক গ্রীভেন্সেস, পেনসন্স, এতোমিক এনর্জী অমসুং স্পেসকী মন্ত্রী, দা. জিতেন্দ্র সিংদা জম্মু অমসুং কাশ্মিরদা অমসুং অৱাং নোংপোক্তা পাংথোক্লিবা অমসুং প্রোপোজ তৌখিবা লম্বি অমসুং থোংগী প্রোজেক্তশিংগী মরমদা খংহনখ্রে।  মহাক্কী প্রজেন্তেসন অদুদা জেনরেল চৌধরীনা হায়খি, জম্মু অমসুং কাশ্মিরনা হৌখিবা চহি ৫দগী ৬ ফাওবদা লম্বি অমসুং থোং শাবগী মরমদা তোঙানবা অহোংবা কয়া অমা উবা ফংঙি অমসুং উধমপুর-কাথুৱা-দোদাগী লোক সভা কেন্দ্রদতা বি.আর.ও.না থোং ১২ রোম শাখ্রে, মসিদা পনবা য়াবদি বসোহলীদা অতল সেতু অমসুং উধমপুরদনা দেৱিকা ব্রিজ।

 জম্মু অমসুং কাশ্মিরদা শানবা থৌরাং তৌরিবা ছত্তরগলা তনেল অসিনা ভদ্রৱাহ অমসুং দোদাবু ছত্তরগলাগী খুত্থাংদা শম্নহন্নবা  বসোহলি-বানি ফাওদুনা চৎলগা অনৌবা হাইৱেদা চত্তুনা কথুৱা জিলাবু দোদা জিলাগা শম্নহনগনি। য়াম্না অথাপ্পদা লৈবা মফম অনিগী মরক্তা অয়িং অশা খায়দনা চৎপা য়াবা লম্বি অতোপ্পা অমা পীগদৌরিবা অমসুং দোদাদগী পঞ্জাব বোর্দরদা লৈবা লখনপুর ফাওবা চৎপদা চংবা মতমবু হন্থহন্দুনা পুং ৪ খক্তমক চংহনগদবা প্রোজেক্ত অসি ইতিহাসতা ইদুনা লৈহৌরগদবা অমনি।

শুরুং অসি কি.মি. ৬.৮ শাংগনি, মসিগীদমক বি.আর.ও.না হান্নদগী ফিজিবিলিতী সর্ভে পাংথোকখ্রে। থবক হৌরবা মতুংদা শরুং অসি শাবা লোয়রকপদা চহি মরি রোম চংগনি অমসুং মসি শাবদা লুপা করোর ৩,০০০ রোম চংগনি। শুরুং অসিনা অচৌবা অহোংবা অমা পুরক্কনি । মসিনা শেল থোকপগী লম্বি ওইবতা নত্তনা থবকসু ফংহনগনি।

মসিদা নত্তনা , নোংজু-নুংশা খাংবা ঙম্বা লম্বি অসিনা হাংবদা বিজনেস তৌবদা লাইহনগনি, মফম অমদগী অমদা চৎপদা মতম তেলহনগনি অমসুং বানি অমসুং ভদেরৱাহগুম্বা মফমশিংবু লৈবাক্কী ওইনা মমিং চৎপা তুরিস্তকী দেস্তিনেসন ওইবদা মতেং পাংগনি।

দা. জিতেন্দ্র সিংনা হায়খি, ছত্তরগলাগী শরুং শানবগী থবক অসি চহি কয়াদগী পন্দুনা লৈরক্লবনি, অদুবু হৌখিবা গোভর্নমেন্তনা মখোয়গী অতোপ্পা থবক্না লুবনা মসিগী মরমদা খনখিদে।

মীফম অসিদা খন্নবা মতমদা বি.আর.ও.গী অতোপ্পা প্রোজেক্তকী মরমদসু ৱারি শান্নখি, মসিদা জম্মু অমসুং কাশ্মিরগী তোঙান তোঙানবা চিংগী অমসুং খুদোংচাদবা মফমশিংদা লম্বি অমসুং থোং শাবগী মতাংদসু য়াওরি।

অৱাং নোংপোক্কী মরি লৈননা, দা. জিতেন্দ্র সিংনা মফম অসিদা তোঙান তোঙানবা রাজ্যশিংদা পাংথোক্লিবা বি.আর.ও.গী প্রোজেক্তশিং, মরু ওইনা মিজোরামদা দিবেলপমেন্ত ওফ নোর্থ ইস্তর্ন রিজনগী (দি.ও.এন.ই.আর) মন্ত্রালয়না য়েংশিন্দুনা নোর্থ ইস্তর্ন কাউন্সিল (এ.ই.সি.)না শেন্থং কাইথদুনা শারিবা লম্বি মরিগী প্রোজেক্তশিং অমসুং মনিপুরদা বি.আর.ও.গী প্রোজেক্ত অনিগী মরমদা খংহনখি।