হন্দক লাউথোকখিবা ফার্ম লো অহুমগী মতাংদা মরী লৈনবশিংগা কুপ্না ৱা খন্ননবা জনুৱারি ১২, ২০২১দা সুপ্রিম কোর্তনা ওর্দর অমা থোক্তুনা শেমখিবা কমিতিগী অহানবা মীফম ঙসি পাংথোকখ্রে। মীফম অদুদা এগ্রিকলচরেল কোস্তস এন্দ প্রাইজেস কমিসনগী হান্নগী চিয়রমেন দোক্তর অশোক গুলাতি, সেতকারি সঙ্গাতানগী প্রসিদেন্ত শ্রী অনিল ঘানৱাত অমসুং সাউথ এসিয়া, ইন্তরনেসনেল ফুদ পোলিসি রিছস ইন্সতিতুৎকী হান্নগী দিরেক্তর দোক্তর প্রমোদ জোসি শরুক য়াখি অমসুং লৌমীশিং, লৌমীশিংগী লুপশিং অমসুং অতোপ্পা মরী লৈনবশিংগা খন্নরবা মতুংদা মখোয়গী ৱারেপ অমা লৌনবা থৌরাং তৌনবা থা অনিদা কমিতিনা পাংথোক্কদবা থবকশিংগী মতাংদা খন্নখি।

পাউমীশিংদা ৱা ঙাংবদা, অনিল ঘানৱাতনা হায়খি সুপ্রিম কোর্তকী য়াথং মতুংইন্না ফার্ম লোশিং য়ানিংদবা অমসুং য়ানিংবা লৈবাক শীনবা থুংনা লৈরিবা লৌমীশিং অমসুং লৌমীশিংগী লুপশিংগা কমিতিগা ৱারি শানগনি। কমিতি অসিনা রাজ্য সরকারশিং, স্তেৎ মার্কেত্তিং বোর্দশিং অমসুং অতোপ্পা মরী লৈনবশিং হায়বদি ফার্মর প্রদুসর ওর্গনাইজেসনশিং অমসুং কোওপরেতিপশিংগা ৱা তান্নগনি। ফার্ম লোশিংগী মতাংদা মখোয়গী ৱাখল্লোলশিং ফোঙদোক্নবা কমিতিনা অথুবা মতমদা লৌমীশিংগী লুপশিং অমসুং মরী লৈনবশিংদা চেবাউ থারগনি। অথুবদা মতমদা লাউথোক্লগদবা পোর্তেলদা লনাই লৌমীশিংনা মখোয়গী ৱাখল্লোলশিং ফোঙদোকপা য়াগনি।

******