ইন্দিয়ন এয়র ফোর্স অমসুং ফ্রেঞ্চ এয়র এন্দ স্পেস ফোর্স (আর্মে দে লা’এয়র এৎ লা’ইস্পেস)না  জনুৱারী ২-দগী ২৪, ২০২১ ফাওবা জোধপুরগী এয়র ফোর্স স্তেসন্দা বাইলেতরেল এয়র এক্সর্সাইস, এক্স দেজর্ত নাইৎ-২১ পাঙথোক্কনি।

ফ্রেঞ্চকী মাইকৈদগী রাফেল, এয়রবস এ-৩০ মল্তি-রোল তেঙ্কর ত্রান্সপোর্ত (এম.আর.তি.তি.), এ-৪০০এম তেক্তিকেল ত্রান্সপোর্ত এয়রক্রাফ অমসুং চাউরাক্না পর্সনেল ১৭৫গা লোইননা শরুক য়াগনি। এক্সর্সাইস অসিদা শরুক য়াগদবা ইন্দিয়ন এয়র ফোর্স এয়রক্রাফতা মিরেজ ২০০০, সু-৩০ এম.কে.আই., রাফেল, আই.এল-৭৮ রিফ্যুলিং এয়রক্রাফ, এ.দবল্যু.এ.সি.এস অমসুং এ.ই.দবল্যু.এন্দ সি এয়রক্রাফ য়াওগনি।

এক্সর্সাইস অসিনা এয়র ফোর্স অনিগী মরক্তা মথং-মথং থবক তৌমিন্নখিবগী মরু ওইবা পন্দুপ অমা ওইরগনি। ইন্দো-ফ্রেঞ্চ দিফেন্স কোওপরেসনগী শরুক ওইনা ইন্দিয়ন এয়র ফোর্স অমসুং ফ্রেঞ্চ এয়র এন্দ স্পেস ফোর্সনা ‘গরুদা’ হায়না মিংথোনবা এয়র এক্সর্সাইসকী ইদিসন তরুক পাঙথোকখ্রে, খ্বাইদগী কোনবদা ফ্রান্সকী এয় ফোর্স বেজমোন্ত-দি-মর্সনদা ২০১৯দা পাঙথোকখি। হৌজিক লৈরিবা কোওপরেসন অসি মখা চত্থবগী খোঙথাংশিং ওইনা ফোর্স অনিনা ‘হোপ-এক্সর্সাইস’ পাঙথোক্নবা লৈরিবা খুদোংচাবশিং মপুং ফানা শীজিন্নখি। অস্ত্রেলিয়াগী ২০১৮গী এক্স পিৎচ ব্লেককীদমক্তা ফ্রেঞ্চ এয়র অমসুং স্পেস ফোর্স দিপ্লোই তৌবা অদু পুনবা ফাইৎতরশিং অমসুং এম.আর.তি.তি. এয়রক্রাফকী এক্সর্সাইসকা লোইননা আগ্রা অমসুং অমসুং গ্বালিয়রগী এয়র ফোর্স স্তেসনশিংদা আই.এ.এফ.না হোস্ত তৌখি। হৌজিক্কী ওইনা এক্স দেজর্ত নাইৎ-২১গীমক্তা ফ্রেঞ্চ দেতেচমেন্ত অসি মখোয়গী ‘স্কাইরোস দিপ্লোইমেন্ত’গী শরুক ওইনা এসিয়াদা দিপ্লোই তৌরি অমসুং জোধপুরগী এয়র ফোর্স স্তেসনদা পুরক্কনি।

এক্সর্সাইস অসি তোপ-তোপ্পী মরমদি মসিদা নাকল অনিমক্তগী রাফেল এয়রক্রাফ ফিল্দিং তৌবা য়াওরি অমসুং মসিনা মাংজিল থারিবা এয়র ফোর্স অনিগী মরক্তা মরী ফগৎলক্লি হায়বা তাক্লি। দিতেচমেন্ত অনি অসিনা জনুৱারী ২০দগী হৌদুনা এয়র এক্সচেঞ্জ তৌবগা লোইননা মখোয়না তেরেনশিং অমসুং স্পেকত্রমশিংদগী ফংলকপা ওপরেসনগী ওইবা এক্সপিরিয়েন্স অসি থবক ওইনা ওন্থোক্লগনি অমসুং ইন্তেরোপেরেবিলিতী হেনগৎহন্নবা ৱাখল্লোনশিং অমসুং খ্বাইদগদী ফবা প্রেক্তিসশিং এক্সচেঞ্জ তৌনবা হোৎনগনি

***