ਦੇਸ਼ਵਿਆਪੀ ਵਿਸ਼ਾਲ ਕੋਵਿਡ -19 ਟੀਕਾਕਰਨ ਪ੍ਰੋਗਰਾਮ ਤੀਜੇ ਦਿਨ ਵੀ ਸਫਲਤਾਪੂਰਵਕ ਆਯੋਜਿਤ ਕੀਤਾ ਗਿਆ। 

ਆਰਜ਼ੀ ਰਿਪੋਰਟ ਦੇ ਅਨੁਸਾਰ, ਕੁੱਲ 3,81,305 ਲਾਭਪਾਤਰੀਆਂ ਨੂੰ 7,704 ਸੈਸ਼ਨਾਂ ਦੌਰਾਨ ਵੈਕਸੀਨ ਲਗਾਈ ਗਈ। 

ਦੇਸ਼ ਵਿਆਪੀ ਕੋਵਿਡ -19 ਟੀਕਾਕਰਣ ਦੇ ਤੀਜੇ ਦਿਨ ਅੱਜ ਸ਼ਾਮ 5 ਵਜੇ ਤੱਕ 1,48,266 ਲਾਭਪਾਤਰੀਆਂ ਦਾ ਟੀਕਾਕਰਨ ਕੀਤਾ ਗਿਆ। ਅੰਤਮ ਰਿਪੋਰਟਾਂ ਅੱਜ ਦੇਰ ਰਾਤ ਤੱਕ ਮੁਕੰਮਲ ਕਰ ਲਈਆਂ ਜਾਣਗੀਆਂ। 

ਟੀਕਾਕਰਣ ਦੇ ਬਾਅਦ ਪੈਦਾ ਉਲਟ ਸਥਿਤੀ ਅਚਾਨਕ ਮੈਡੀਕਲ ਘਟਨਾ ਹੁੰਦੀ ਹੈ ਜੋ ਟੀਕਾਕਰਣ ਦੇ ਬਾਅਦ ਆਉਂਦੀ ਹੈ। ਇਹ ਟੀਕਾ ਜਾਂ ਟੀਕਾਕਰਣ ਦੀ ਪ੍ਰਕਿਰਿਆ ਨਾਲ ਸਬੰਧਤ ਹੋ ਵੀ ਸਕਦਾ ਹੈ ਅਤੇ ਨਹੀਂ ਵੀ। 

ਹੁਣ ਤੱਕ ਏਈਐਫਆਈ ਦੇ 580 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਨ੍ਹਾਂ ਵਿੱਚੋਂ ਸੱਤ ਨੂੰ ਹਸਪਤਾਲ ਦਾਖਲ ਕਰਾਉਣਾ ਪਿਆ ਹੈ। ਦਿੱਲੀ ਤੋਂ ਸਾਹਮਣੇ ਆਏ ਤਿੰਨ ਮਾਮਲਿਆਂ ਵਿਚੋਂ ਦੋ ਨੂੰ ਛੁੱਟੀ ਦੇ ਦਿੱਤੀ ਗਈ ਹੈ, ਜਦੋਂ ਕਿ ਇੱਕ ਵਾਰ ਬੇਹੋਸ਼ੀ ਹੋਣ ਦੀ ਖ਼ਬਰ ਮਿਲਦਿਆਂ ਹੀ ਮੈਕਸ ਹਸਪਤਾਲ, ਪਤਪਰਗੰਜ ਵਿਖੇ ਨਿਗਰਾਨੀ ਅਧੀਨ ਹੈ। ਉਤਰਾਖੰਡ ਵਿੱਚ ਏਈਐਫਆਈ ਦਾ ਰਿਪੋਰਟ ਕੀਤਾ ਕੇਸ ਸਥਿਰ ਹੈ ਅਤੇ ਏਮਜ਼, ਰਿਸ਼ੀਕੇਸ਼ ਵਿਖੇ ਨਿਰੀਖਣ ਅਧੀਨ ਹੈ। ਮੈਡੀਕਲ ਕਾਲਜ, ਰਾਜਨੰਦਗਾਂਵ ਛੱਤੀਸਗੜ੍ਹ ਵਿੱਚ ਇੱਕ ਵਿਅਕਤੀ ਨਿਗਰਾਨੀ ਹੇਠ ਹੈ। ਕਰਨਾਟਕ ਵਿੱਚ ਏਈਐਫਆਈ ਦੇ ਦੋ ਮਾਮਲਿਆਂ ਵਿਚੋਂ ਇੱਕ ਜ਼ਿਲ੍ਹਾ ਹਸਪਤਾਲ, ਚਿਤਰਦੁਰਗ ਵਿਖੇ ਇੱਕ ਨਿਰੀਖਣ ਅਧੀਨ ਹੈ ਅਤੇ ਦੂਜਾ ਵਿਅਕਤੀ ਚਿੱਤਰਦੁਰਗ ਦੇ ਜਨਰਲ ਹਸਪਤਾਲ, ਚਲਕੇਰੇ ਵਿਖੇ ਨਿਗਰਾਨੀ ਅਧੀਨ ਹੈ।

ਦੋ ਮੌਤਾਂ ਵਿੱਚ, ਮੁਰਾਦਾਬਾਦ, ਯੂਪੀ ਦੇ 52 ਸਾਲਾ ਪੁਰਸ਼ (ਜਿਸ ਨੂੰ 16 ਜਨਵਰੀ 2021 ਨੂੰ ਟੀਕਾ ਲਗਾਇਆ ਗਿਆ ਸੀ ਅਤੇ 17 ਜਨਵਰੀ 2021 ਦੀ ਸ਼ਾਮ ਨੂੰ ਮੌਤ ਹੋ ਗਈ) ਦੀ ਮੌਤ ਪੋਸਟ ਮਾਰਟਮ ਦੀ ਰਿਪੋਰਟ ਅਨੁਸਾਰ ਟੀਕਾਕਰਨ ਨਾਲ ਸਬੰਧਤ ਨਹੀਂ ਹੈ। ਮੌਤ ਦਿਲ ਦੀ ਬਿਮਾਰੀ ਕਾਰਨ ਹੋਈ ਸੀ। 

ਦੂਜੀ ਮੌਤ ਕਰਨਾਟਕ ਦੇ ਬੇਲੇਰੀ ਨਿਵਾਸੀ, 43 ਸਾਲ ਦੇ ਇੱਕ ਪੁਰਸ਼ ਵਿਅਕਤੀ ਦੀ ਹੋਈ ਸੀ। ਉਸਨੂੰ 16 ਜਨਵਰੀ, 2021 ਨੂੰ ਟੀਕਾ ਲਗਾਇਆ ਗਿਆ ਸੀ ਅਤੇ ਅੱਜ ਉਸ ਦੀ ਮੌਤ ਹੋ ਗਈ। ਮੌਤ ਦਾ ਕਾਰਨ ਦਿਲ ਦੀ ਨਾੜੀ ਦੀ ਅੰਦਰੂਨੀ ਝਿੱਲੀ ਦੇ ਟਿਸ਼ੂਆਂ ਦੇ ਨਸ਼ਟ ਹੋਣ ਕਾਰਨ ਕਾਰਡੀਓਪਲਮੋਨਰੀ ਫੇਲ੍ਹ ਹੋਣਾ ਹੈ। ਪੋਸਟ ਮਾਰਟਮ ਅੱਜ ਵਿਜੇਨਗਰ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼, ਬੇਲਾਰੀ, ਕਰਨਾਟਕ ਵਿਖੇ ਕੀਤਾ ਗਿਆ। 

****

ਐਮਵੀ