লৈবাক শীনবা থুংনা পাংথোক্লিবা কোবিদ-১৯ তিকা থাবগী খোঙজংগী হুম্নি চনবা নুমিৎশু মাইপাক্না পাংথোকখ্রে।

অহানবা ফংবা পাউগী মতুংইন্না, সেসন ৭,৭০৪ পাংথোক্তুনা ঙসি পুন্না মীওই ৩,৮১,৩০৫ তিকা থাখ্রে।

লৈবাক শীনবা থুংনা পাংথোক্লিবা কোবিদ-১৯ তিকা থাবগী খোঙজংগী হুম্নি চনবা নুমিৎকী ঙসি নুংথিল পুং ৫ ফাওবদা মীওই ১,৪৮,২৬৬ তিকা থাখ্রে। ঙসিগী অরোইবা রিপোর্তশিং ঙসি নুমিদাং অথেংবদা ফংগনি।

এদভর্স ইভেন্ত ফোল্লোৱিং ইম্মুনাইজেসন(এ ই এফ আই)অসি তিকা থাখ্রবা মতুংদা খঙহৌদনা থোকপা মেদিকেলগী থৌওং অমনি অমসুং মসি তিকা নত্রগা তিকা থাবগী থবক অদুগা মরী লৈনদবা ওইবা য়াই।

হৌজিক ফাওবদা এ.ই.এফ.আইকী কেস ৫৮০গী পাউ লৈরে। মখোয়গী মনুংদা কেস ৭ হোস্পিতালদা পুখৎপা দরকার ওইখি। কেস অহুম অসিগী মনুংদা কেস অনি দিসচার্জ তৌখ্রে অমসুং অতোপ্পা কেস অমনা ৱান্থরকপদগী মেক্স হোস্পিতাল,পাতপারগঞ্জতা মখা তানা য়েংশিল্লি। উত্তরখান্দগী এ.ই.এফ.আইকী কেসশিং খুদোংথিনিঙাই ওইদ্রে অমসুং এ.আই.আই.এম.এস, রিসিকেসতা মখা তানা য়েংশিল্লি। ছতিসগরদা মীওই অমা গভর্নমেন্ত মেদিকেল কোলেজ, রাজনন্দগাওনদা য়েংশিল্লি। কর্নাতাকাদা এ.ই.এফ.আইকী কেস অনি থেংনখি, কেস অমা চিত্রাদুর্গাগী দিস্ত্রিক হোস্পিতালদা মখা তানা য়েংশিল্লি অমসুং অতোপ্পা মীওই অমনা জেনেরেল হোস্পিতাল, চাল্লাকেরে, চিত্রাদুর্গাদা য়েংশিল্লি।

মীওই অনি লৈখিদা অসিগী মনুংদা, য়ু.পিগী মোরাদাবাদতগী চহি ৫২শুরবা নুপা অমা শিখিবা(জনুৱারি ১৬, ২০২১দা তিকা থাখিবা অমসুং জনুৱারি ১৭, ২০২১গী নুমিদাংৱাইরমদা লৈখিদবা)অসি পোস্ত মোর্তেমগী রিপোর্ত মতুংইন্না তিকা থাবগা মরী লৈনদে। মহাক্না কার্দিওপুলমোনারি লায়ননা মরম ওইদুনা লৈখিদবনি।

অনিশুবা শিখিবা মীওই অদু কর্নাতাকাগী বেল্লারিদগী চহি ৪৩শুরবা নুপা অমনি। মহাক জনুৱারি ১৬,২০২১দা তিকা থাখি অমসুং নুমিৎ অদুদা লৈখিদে। মহাক শিখিবা অদু কার্দিওপুলমোনারি য়াদবদগী এন্তেরিয়র ৱাল ইনফ্রাকসন্না থোকহনবনি। ঙসি কর্নাতাকাগী বেল্লারিদা লৈবা বিজয়ানাগর ইন্সতিতুৎ ওফ মেদিকেল সাইন্সেসতা পোস্ত মোর্তেম পাংথোকখি।

*****