প্রধানমন্ত্রীগী লোইশঙ
প্রধান মন্ত্রীনা অহমদাবাদ মেত্রো রেল প্রোজেক্ত ফেস-II অমসুং সুরৎ মেত্রো রেলগী ভুমী-পুজন পাঙথোকখ্রে
সুরৎ অমসুং গান্ধীনগরদা হৌখিবা দিকেদ অনিদা অওনবা পুরকখিবা অসিনা অর্বানাইজেসনগী নীংথিজনা থৌরাং তৌবা লালোংনা মীয়ামদা মরু ওইনা নহারোলশিংদা করম্না কান্নবা পীবগে হায়বা উৎখ্রে: পি.এম.
গুজরাতকী খুঙ্গংদা পুরক্লিবা অওনবশিং মীয়াম পুম্বদা খঙহন্নবনি: পি.এম.
লৈবাক্কী খুমাং চাউশিন্নবা মপাঙ্গল লৈবা এম.এস.এম.ই. সেক্তর অমা মরু ওই: পি.এম.
Posted On:
18 JAN 2021 2:02PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অহমদাবাদ মেত্রো রেল প্রোজেক্ত ফেস-II অমসুং সুরৎ মেত্রো রেলগী ভুমী-পুজন পাঙথোকখ্রে। থৌরম অসিদা গুজরাতকী গভর্নর, কেন্দ্রগী গৃহ মন্ত্রী, গুজরাতকী মুখ্য মন্ত্রী অমসুং হাউসিং এন্দ অর্বান এফিয়র্সকী কেন্দ্রগী মন্ত্রীনা শরুক য়াখ্রে।
Towards prosperous urban centres in Gujarat. #GujaratMetroRevolution https://t.co/bQH5rM33eU
— Narendra Modi (@narendramodi) January 18, 2021
থৌরম অসিদা ৱা ঙাংলদুনা প্রধান মন্ত্রীনা অহমদাবাদ অমসুং সুরৎনা লৈবাক অসিগী মরু ওইবা ললোন-ইতিক্কী সেন্তর অনিদা লম্বী-থোং ফাওনবা হেনগৎনবা সর্ভিস ফংহনগদৌরিবা মেত্রো খুদোল ওইনা তমখিবদা থাগৎপা ফোঙদোকখ্রে। অহমদাবাদতগী কেৱারিয়া ফাওবগী মোর্দন জন শতাবদি য়াওনা কেৱারিয়াগী অনৌবা ত্রেনশিং অমদি রেলৱে লাইনশিংগীদমক্তা মহাক্না গুজরাতকী মীয়ামদা থাগৎপা ফোঙদোকখ্রে। প্রধান মন্ত্রীনা হায় ঙসিগী থবক অসি লুপা করোর লিশিং ১কী ইনফ্রাস্ত্রকচর পরোজেক্তশিং ওইনা হৌখি। মসিনা কোরোনাগী মনুংদসু ইনফ্রাস্ত্রকচর শানবা হোৎনবদা খুমাং চাউশিনখি হায়বা তাকখ্রে। হৌখিবা নুমিৎশিংদা লুপা করোর লিশিং কয়া চংবা ইনফ্রাস্ত্রচর প্রোজেক্তশি জাতিদা কত্থোকখ্রে নত্ত্গা অনৌবা প্রোজেক্তশিংগী থবক হৌখ্রে।
অহমদাবাদ অমসুং সুরৎপু আত্মানির্ভর ভারত্তা মতেং পাংলিবা সহরশিংনি হায়না ফোঙদোক্লদুনা প্রধান মন্ত্রীনা অহমদাবাদতা মেত্রোল লোঞ্চ তৌখিবা মতম ফাওখিবা নুংঙাইবা অমসুং অহমদাবাদনা মেত্রোগা লোইননা করম্না মাগী মঙলানশিং অমসুং মশক্কা মরী লৈহনখিবগে হায়বা অদু নীংশিংখ্রে। মেত্রোগী অনিশুবা ফেস অসিনা মীয়ামদা কান্নবা পীরগনি নুংঙাইরবা চত্থোক-চৎশিনগী পাম্বৈ অসিগা লোইননা সহর অসিগী অনৌবা মফমশিং ফাওনহল্লগনি। নিসগা চপ মান্না সুরৎসু লম্বী থোং নুংঙাইরগনি। প্রধান মন্ত্রীনা হায় প্রোজেক্তশিং অসি পাইখৎপা মতমদা তুংলমচৎতা মথৌ তারক্কদবা অদু ৱাখল্লদা থম্লগা পাইখৎখি।
প্রধান মন্ত্রীনা হান্না পাল্লম্বা সরকার অমদি হৌজিক পাল্লিবা সরকার অসিগী মরক্তা মেত্রো শেমগৎপদা য়াৎলিবা লালোংদা খেনবা অদু পুথোকখ্রে। মহাক্না হায় ২০১৪গী মমাংদা কিলোমিতর ২০০ শাংবা মেত্রো লাইন চহি ১০-১২ চংলম্বা অদু চহি ৬ খক্তদা কিলোমিতর ৪০০ শাংবা মেত্রো লাইন মথৌ তৌহনখ্রে। সরকারনা সহর ২৭তা কিলোমিতর ১০০০গী অনৌবা লাইনশিংগী থবক পাইখৎলি। মহাক্না মমাংঙৈদা ইন্তিগ্রেতেদ মোদর্ন থিঙ্কিং ৱাৎখিবদা পেন্দবা ফোঙদোকখ্রে। মেত্রোগীদমক্তা নেস্নেল পোলিসী লৈরমখিদে। মরম অসিনা তোঙান তোঙানবা সহরশিংদা মেত্রোগী তেক্নিক অমসুং সিস্তেমশিং মান্নরমদে। অনিশুবা অৱাৎপা অসি সহরগী লেমহৌরিবা ত্রান্সপোর্ত সিস্তেমগা লিঙ্কেজকী অৱাৎপা লৈবা অসিনি। ঙসি সহরশিং অসিদা ত্রান্সপোর্তেসন অসি ইন্তিগ্রেতেদ সিস্তেম অমা ওইনা শেমগৎলি, মসিদা মেত্রোনা তোখায়বা অমা ওইনা নাইতোম তাদনা অপুনবা সিস্তেম অমা ওইনা থবক তৌরগনি। মসিগী পুনশিনবা অসি হন্দক্তা হৌদোকখিবা নেস্নেল কম্মন মোবিলিতী কার্দ অদুনা মতেং পাংলগনি হায়না প্রধান মন্ত্রীনা ফোঙদোকখ্রে।
![](http://static.pib.gov.in/WriteReadData/userfiles/image/2210R.jpg)
সুরৎ অমসুং গান্ধীনগরবু খুদম ওইনা পীদুনা প্রধান মন্ত্রীনা সরকার অসিনা অর্বানাইজেসনবু রিএক্তিবকী মহুৎ প্রোএক্তিব ওইনা লৌবগী ৱাখল্লোন অমসুং তুংলমচৎতা মথৌ তারক্কদবশিং অদু ৱাখলদা লৈহনবা অসিগী মতাংদা ৱা ঙাংখ্রে। দিকেদ অনিগী মমাংদা সুরৎ অসি চাউখৎ-থৌরাংগী মহুৎ প্লেগ লাইচৎকী মরমদা ওইনা শোন্নরম্মি। সরকারনা ওন্তপ্রিনোরিএল ইনক্লুজনগী ৱাখল্লোন থৌগৎখি অমদি ঙসি সুরৎ অসি মীশিংদা য়েংবদা লৈবাক অসিগী ৮শুবা খ্বাইদগী চাউবা সহর ওইবা খক্তা নত্তনা খ্বাইদগী খোঙজেল য়াংনা চাউখৎলিবা মালেমগী সহরশিংগী ৪শুবা ওইবা ঙম্লে। দাইমন্দ ১০ খুদিংদা ৯দি সুরৎতা কক্লি অমসুং পোলিশ তৌরি। মসিগা চপ মান্না লৈবাক অসিগী মেন-মেদ ফেব্রিককী চাদা ৪০দি সুরৎতা শারি মরমদা চাউরাক্না মেন-মেদ ফেব্রিক্কী চাদা ৩০ মফম অসিদা পুথোক্লি। সুরৎ অসি ঙসিদি লৈবাক অসিগী খ্বাইদগী নানবা অনিশুবা সহর ওইরে। প্রধান মন্ত্রীনা লাইরবশিংগী য়ুম শাবা, ত্রাফিক মেনেজমেন্ত, লম্বী অমসুং থোং, সিৱেজ ত্রীৎমেন্ধ অমসুং হোস্পিতালশিংনা সহর অসিদা হিংবদা নুংঙাইবা হেনগৎনবা হোৎনখিবশিং অদুসু ফোঙদোকখ্রে। মসি নীংথিজনা থৌরাং তৌবা অমসুং অপুনবগী য়াইফনবা খনবা অসিনা ওইথোকপা ঙমহনখি অমদি সুরৎ অসি লৈবাক্কী শরুক পুম্নমক্তগী লাকপা ওন্তপ্রিনোরশিং অমসুং শিন্মীশিংগী লমথুংফম ওইবনা ‘এক ভারত, শ্রেশথ ভারত’কী অথোইবা খুদম অমা ওইখ্রে, হায়না প্রধান মন্ত্রীনা ফোঙদোকখ্রে।
মসিগা চপ মান্না প্রধান মন্ত্রীনা সরকারগী কর্মচরীশিং অমসুং থবক্তগী পোত্থরবশিংগী সহর অমা ওইরম্বদগী নহারোল কয়াগী সহরদা ওনখ্রেবা গান্ধীনগরগী চাউখৎপগী খোঙচৎকী মতাংদা পাউদমখ্রে। ঙসি গান্ধীনগর অসি মমিং লৈরবা আই.আই.তি., নেস্নেল লো য়ুনিভর্সিতী, এন.আই.এফ.তি., নেস্নেল ফোরেন্সিক সাইন্স য়ুনিভর্সিতী, পন্দিৎ দীনদয়ল পেত্রোলিয়ম য়ুনিভর্সিতী, ইন্দিয়ন ইন্সতিত্যুত ওফ তীচর এজুকেসন, ধিরুভাই এম্বানি ই্সিতিত্যুত ওফ ইনফোর্মেসন এন্দ কম্ম্যুনিকেসন তেক্নোলোজী, নেস্নল ইন্সতিত্যুত ওফ দিজাইন (এন.আই.দি.), রক্ষা শক্তি য়ুনিভর্সিতী অসিগুম্বা ইন্সতিত্যুত কয়ানা মশক তাক্লি। ইন্সতিত্যুতশিং অসিনা সহর অসিগী এজুকেসনগী লেন্দস্কেপতা অওনবা পুরকপা কক্তা নত্তনা কেম্পসশিংদা কম্পনীশিং পুরক্তুনা সহর অসিদা থবক্কী খুদোংচাবশিং হেনগৎহল্লি। শ্রী মোদীনা কনফরেন্স-তুরিজমদা ইনোৎ পীখিবা মহাত্মা মন্দিরগী মতাংদসু পনখি। মোদর্ন রেলৱে স্তেসনগুম্বা প্রোজেক্তশিং, গিফ সিতী, সবর্মতি রিবর ফ্রন্ত, কনকারিয়া লেক ফ্রন্ত, ৱাতর এরোদ্রোম, বস রেপিদ ত্রাঞ্জিৎ সিস্তেম, মোতেরাদা মালেমগী খ্বাইদগী অচৌবা স্তেদিয়ম, লেন তরুক্কী গান্ধীনগর হাইৱে অসিনা অহমদাবাদকী মশক তাক্লি। সহর অসিনা মাগী অরিবা মশক কাইহনদনা মতমগা চুনবা মওংদা শেমদোক্লি হায়না প্রধান মন্ত্রীনা ফোঙদোকখ্রে।
![](http://static.pib.gov.in/WriteReadData/userfiles/image/DSC_92988YBK.JPG)
শ্রী মোদীনা হায় অহমদাবাদ অসি ‘ৱর্ল্দ হেরিতেজ সিতী’ ওইনা লাউথোকখ্রে অমসুং ধোলেরাদা অনৌবা এয়রপোর্ত অমা শারগনি। এয়রপোর্ত অসি অহমদাবাদকা হান্নদগী অয়াবা পীরবা মোনো-রেলগী খুত্থাংদা ফাওনগনি। লৈবাক অসিগী ফাইনান্সিএল কেপিতেল –মুম্বাইগা অহমদাবাদ অমসুং সুরৎকা ফাওননবা বুলেৎ ত্রেনগী থবক পাইখৎলি।
প্রধান মন্ত্রীনা খুঙ্গংগী চাউখৎ থৌরাংগী পাইখৎখিবা খোঙথাংশিংগী মতাংদা ফোঙদোকখ্রে। মহাক্না হৌখিবা দিকেৎ অনি অসিগী মনুংদা গুজরাতকী লম্বী, মৈ-ঈশিংদা ফগৎলখিবা অসিবু গুজরাতকী চাউখৎ-থৌরাংগী খ্বাইদগী মরু ওইবা পন্দুপ অমনি হায়খ্রে। ঙসি গুজরাতকী খুঙ্গং খুদিংমক নোংজু-নুংশা খাইদনা চৎপা য়ারবা লম্বী লৈহনখ্রে। ত্রাইবেলগী খুঙ্গংশিংদসু অফবা লম্বীশিং লৈহনখ্রে। ঙসি গুজরাতকী য়ুমথোং চাদা ৮০তা তোতি ঈশিং ফংহনখ্রে। রাজ্য অসিদা জল জীবন মিসনগী মখাদা তোতি লাখ ১০গী কন্নেক্সন ফংহনখ্রে। অথুবদা য়ুমথোং খুদিংদা তোতি ঈশিং ফংহল্লগনি।
মসিগা চপ মান্ননা, সর্দার সরোবর সৌনি য়োজনা অমসুং ৱাতর গ্রিদ নেৎৱার্ক্না ঈশিং তাংবা মফমশিংদা ঈথৈ-লৌখোংগী ঈশিং য়ৌহনদুনা ঈথৈ-লৌখোং অনৌবা মায়োকদা পুরকখ্রে। নর্মদাগী ঈশিং কচ্ছ য়ৌহনখ্রে। মাইক্রো-ইরিগেসনদা থবক পাইখৎখ্রে। ইলেক্ত্রিসিতী অসি অতোপ্পা মাই পাকপগী ৱারী অমনি অমসুং গুজরাতনা সোলর পাৱরদা মাংজিল থাবা রাজ্য ওইরি। হন্দক্তা মালেমগী খ্বাইদগী চাউবা সোলর প্লান্ত ওইগদবা কচ্ছতা থবক পাইখৎপা হৌখ্রে। সর্ভোদয় য়োজনগী মখাদা ঈথৈ-লৌখোংগী ওইনা তোখায়বা ইলেক্ত্রিসিতী পীবা লৈবাক অসিগী অহানবা রাজ্য ওইরি।
প্রধান মন্ত্রীনা রাজ্য অসিদা মীওই লাখ ২১দা কান্নবা পীখ্রবা আয়ুশমান ভারত স্কীমগুম্বা হেল্থ সেক্তরদা পাইখৎপা খোঙথাংশিং পাউদমখ্রে। জন ঔশাধ কেন্দ্র ৫০০ হেনবনা লমদম অসিগী অনাবা মীওই করোর ১০০দা শেল তুংশিনহনখ্রে। পি.এ, অৱাস-গ্রামিনগী মখাদা য়ুম লাখ ২.৫ শাখ্রে। স্বচ্ছ ভারত মিসনগী মখাদা রাজ্য অসিদা অমাংশঙ লাখ ৩৫ হেন্না শাখ্রে।
প্রধান মন্ত্রীনা ভারত অচৌবা ৱারেপশিং লৌদুনা মখোয়বু খোঙজেল য়াংনা ইমপ্লিমেন্ত তৌরি হায়না ফোঙদোকখরে। ভারতনা অচৌবা থবক তৌবা খক্তা নত্তনা অফবা থবকসু তৌরি হায়না প্রধান মন্ত্রীনা ফোঙদোকখ্রে। মহাক্না মালেমগী খ্বাইদগী অচৌবা মীতম, মালেমগী খ্বাইদগী অহোংবা হাউসিং প্রোগ্রাম, হেল্থকিয়র এসুরেন্স প্রোগ্রাম, খুঙ্গং লাখ ৬দা ইন্তর্নেৎ কন্নেক্তিবিতী ফংহনবা অমসুং হন্দক্তা হৌদোকখিবা মালেমগী খ্বাইদগী চাউবা তিকা থাবগী কেম্পেন অসি ৱাখল্লোন অসিগী খুদমশিংনি হায়খ্রে।
মহাক্না হজিরা অমসুং ঘোঘাগী মরক্তা রো-পেক্স ফেরী সর্ভিসশিং লৈহনখিবা অমসুং গির্নার রোপ-ৱে অসি লাইনা ইমপ্লিমেন্ত তৌবগী খুত্থাংদা মফম অদুগী মীয়ামগী পুন্সিদা অহোংবা পুরকখিবগী খুদম অনি ওইনা পীখ্রে। স্কীমশিং অসিগী খুত্থাংদা ফেরীদা চৎপদা ঘোঘাদগী হজিরা ফাওবগী মরক্তা কি.মি. ৩৭৫ ওইরম্বদগী কি.মি. ৯০দা হন্থহনদুনা থাও অমসুং মতম মাংহনদবা ঙমখ্রে। সর্ভিস অসি থা অনিদা মীওই লিশিং ৫০ন শীজিন্নখ্রে অমসুং গারী লিশিং ১৪না সর্ভিস অসি শীজিন্নখ্রে। মসিনা লমদম অসিগী লৌমীশিং অমসুং শা য়োক্লিবশিংদা মতেং পাংখ্রে। মসিগা চপ মান্না গির্নার রোপ-ৱে অসি থা অনিগা মখায়দা মীওই লাখ ২ হেনবনা শীজিন্নখ্রে।
ন্যু ইন্দিয়াগী পান্দম অসি মীয়ামগী তঙাই ফদবা অমসুং অনীংবশিং অসি খঙবগা লোইননা খোঙজেল য়াংনা থবক তৌরবা খক্তদা ফংবা ঙমগনি হায়না প্রধান মন্ত্রীনা ফোঙদোকখ্রে। শ্রী মোদীনা মহাক্কী প্রগতি সিস্তসম অসি মাইকৈ অসিদা চংশিন্নবা খোঙথাং অমা ওই হায়খ্রে। প্রগতিনা লৈবাক অসিগী ইমপ্লিমেন্তেসনগী চৎনবী অসি অনৌবা মায়োলদা পুরি মরমদি অসি প্রধান মন্ত্রী মশামক্না চিয়র তৌখিবনি। সমস্যা কোকহন্নবা স্তেকহোল্দরশিংগা লোইননা হকথেংননা ৱারী শাদুনা ৱারোইশিন পুরক্নবা হোৎনরি। হৌখিবা চহি ৫ অসিদা ঐখোয়না লুপা করোর লাখ ১৩গী প্রোজেক্তশিং রিভ্যু তৌখ্রে হায়না প্রধান মন্ত্রীনা ফোঙদোকখ্রে।
মতম কুইনা পন্দুনা লৈরক্লবা স্কিমশিংগী সোলুসন পুরকপনা সুরতকুম্বা শহরশিং অনৌবা ইনর্জী ফংলে হায়না প্রধান মন্ত্রীনা ফোঙদোকখি। ঐখোয়গী ইন্দস্ত্রী, মরুওইনা স্মোল স্কেল ইন্দস্ত্রী, এম.এস.এম.ই.না মখোয়না মালেমগী থাক্তা অথোই অহেন তানরকপদা অফবা ইনফ্রাস্ত্রকচর মতেংনা অএনবা থৌনা ফংলি। আত্মানির্ভর ভারত কেম্পেনগী মখাদা অরুবা ফীভমশিংদা মতেং ওইনবা লুপা করোর কয়াগী শেনফম ওইবা অরাইবা শেন্থংশিং পীদুনা মসিগী অপীকপা ইন্দস্ত্রিশিং অসি মতেং পাংনবা খোঙথাং কয়ামরুম লৌখৎখ্রে। মখোয়দা ত্রেদরশিংনা করিগুম্বা দিফাইন লিমিৎতগী হেন্না চাওথোক্লবদি মখোয়গী কান্নবশিং মাংবা য়াবা চাওথোকপগী অকিবা পোহল্লিবা অসিদগী মতেং ওইনবা এম.এস.এম.ই.গী রিদিফিনিসনগুম্বা খোঙথাংশিংগী মতেংনা অচৌবা খুদোংচাবশিং পীরি। সরকারনা মসিগী অথিংবশিং অসি লৌথোকখ্রে অদুগা মখোয়গীদমক অনৌবা এভেন্যুশিং হাংদোকখ্রে। মসিগা মান্ননা মসিগী রিদিফিনিসন অসিনা মেন্যুফেকচরিং অমসুং সর্ভিস এন্তপ্রাইসকী মরক্তা লৈরম্বা খেৎনবা অদু লৌথোক্তুনা সর্ভিস সেক্তরগী অনৌবা খুদোংচাবশিং পীখ্রে। মখোয়দা সরকারনা লৈশিনবদা খুদোংচাবসু পীরি। সরকারনা অপীকপা ইন্দস্ত্রীশিং চাওখৎনবা অমসুং মসিগী য়ুনিৎ অসিদা থবক শুরিবা শিন্মীশিং খুদোংচাবশিং অমসুং অফবা পুন্সি মহিং অমা পীনবা খুদোংচাবশিং পীনবা হোৎনরি হায়রদুনা প্রধান মন্ত্রীনা মহাক্কী ৱারোল অদু লোইশিনখি।
*****
(Release ID: 1689684)
Visitor Counter : 142
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada