নেস্নেল কেদেত কোর্প্স (এন.সি.সি.) গী দাইরেক্তর জেনরেল (দি.জি.) লেফ্তনেন্ত জেনেরেল তরুন কুমার আইচনা ঙসি দিল্লী কেন্ততা রিপব্লিক দে কেম্প (আর.দি.সি.) - ২০২১ হৌদোকখ্রে । ইনোগরেশনগী থৌরম অসিবু ‘সর্ৱ ধর্ম পুজা”গা লোইননা হৌদোকখি। 

লৈবাক অসিগী রাজ্যশিং অমসুং য়ুনিয়ন তেরিতোরী পুম্নমকপু কোল্লিবা রাজ্য ১৭কী দাইরেক্তোরেতশিংদগী নুপীমচাগী কেদেত ৩৮০ অমসুং সপোর্ত স্তাফ ৫০০ য়াওনা চাউরাক্না কেদেত ১০০০ রোম্না কেমপ অসিদা শরুক য়াগনি, মসি ২০২১গী জনুৱারী ২৮দা প্রধান মন্ত্রীগী রেলী অমগা লোইননা লোইশিনগনি।

থৌরম অসিদ ৱা ঙাংবদা নেস্নেল কেদেত কোর্প্স (এন.সি.সি.) গী দাইরেক্তর জেনেরেল (দি.জি.), লেফ্তনেন্ত জেনরেল তরুন কুমার আইচনা হায়খি মদুদি কেদেতশিংনা কেম্পতা লৈবা মতম অসিদা মফম, লোন, জাতি অমসুং মশা-মশাগী থাজবা অদুগী  খেৎনবা পুম্বা কাওথোক্তুনা নুংশিনবগী ৱাখল উত্তুনা অফবা চৎনরোল অমসুং ইশাগী ওইজবা থাদোক্তুনা মীয়ামগী সেবা তৌদুনা অৱাংবা থাক্কী চৎন-পথাপ উৎনবা হায়খ্রে। মহাক্না হায়খি কেম্প অসিগী পান্দমদি কেদেতশিংদা মশানা-মশাবু থাজবা হেনগৎহন্নবা, পুন্সি হিংবগী মমল হেনগৎহন্নবা অমসুং লৈবাক অসিগী চাউখৎলবা চৎনবীশিংবু মখোয়দা খংহনবনি।

লেফ্তনেন্ত জেনরেল আইচনা থা অমা শাংবা কেমপ অসিদা কোবিদ-১৯গী নিয়মশিংবু ঙাক্তুনা কেদেতশিংদা থৱাই হকচাং য়াওনা শরুক য়ানবা অমসুং মসিদগী য়ারিমখৈ কান্নবা ফংনবা হোৎনহৌগদবনি হায়খি।

*****