য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রী শ্রী অমিৎ শাহনা কর্নাতকাগী বাগলকোৎ জিলাদা মখল কয়াগী প্রোজেক্তশিং হৌদোকখ্রে


মোদী জীনা প্রধান মন্ত্রী ওইবনা মহাক্না মরোমদোম লেপচবা ভারত অমা ওইহন্নবা অচৌবা খোঙথাং পাইখৎখ্রে
মোদী সরকারনা কর্নাতকাগী চাউখৎ-থৌরাংগীদমক্তা থবক পাইখৎখ্রে অমসুং নিরানী গ্রুপ ওফ ইন্সতিত্যুতকী থৌরাং অসিগা লোইননা লৌমীশিংগী পুন্সি মহিং ঙসিদি ফগৎহল্লগনি অমসুং মখোয়গী ইনকমশিং হেনগৎহল্লগনি
নরেন্দ্রী মোদীগী সরকারনা ইথানোল শীজিন্নবা থৌগৎনবা খোঙথাংশিং লৌখৎখ্রে অমসুং ইং কুমজা ২০১৫দা ইথানোলদগী সেন্ত্রেল এক্সাইস দ্যুতী লৌথোকখ্রে
মোদী সরকারনা থবক পাইবা মতমদা ইথানোল ব্লেন্দিং চাদা ১.৫৮ ওইরমখি মসি মোদী সরকারনা ২০২২ ফাওবদা চাদা ১০ অমসি ২০২৫ ফাওবদা চাদা ২০ ওইহন্নবা পান্দম থমখ্রে
প্রধান মন্ত্রী শ্রী নরেন্দ্র মোদীনা লৌমীশিংগী ইনকম শরুক অনি হেনগৎহনবদা অহানবা মীৎয়েং থমখি অমসুং মোদী সরকারনা লৌউ-শিংউগী বজেৎ অসি ২০১৩-১৪দা লুপা করোর ২১,৯৩১ ওইরম্বদগী লুপা করোর ১,৩৪,৩৯৯দা হেনগৎহনখ্রে
পি.এম. কিসান সম্মান নিধি স্কীমগী মখাদা দিসেম্বর ২৫দা লৌমী করোর ৯রোমদা দলালি অমত্তা য়াওদনা মখোয়গী বেঙ্ক একাউন্তশিংদা হকথেংননা লুপা করোর ১,১৩,৬১৯গী শেনফম ত্রান্সফর তৌখ্রে
মোদী জীগী লুংচিং মখাদা সরকারনা থৌনা ফনা কাশ্মিরদগী আর্তিকল

Posted On: 17 JAN 2021 5:41PM by PIB Imphal

কেন্দ্রগী গৃহ মন্ত্রী শ্রী অমিৎ শাহনা কর্নাতকাগী বাগলকোৎ জিলাদা মখল কয়াগী প্রোজেক্তশিং হৌদোকখ্রে। নুমিৎ নিনিগী খোঙচৎতা কর্নাতকাদা লাকখিবা অসিদা কেন্দ্রগী গৃহ মন্ত্রীনা ঙসি সুগর মিল অমা চাওথোকপগী প্রোজেক্ত অমসুং বিজেয়া বেঙ্ককী ৭৪শুবা ব্রাঞ্চ শঙ্গাখ্রে। মহাক্না আয়ুর্বেদিক মেদিকেল কোলেজ অমসুং মখল কয়াগী ফার্মিং প্রোজেক্তশিংগী উরেপ উয়ুংসু তমখ্রে। থৌরম অসিদা শ্রী অমিৎ শাহনা হায় ২০১৪ অমসুং ২০১৯দা কর্নাতকা মীয়াম্না মোদী জীগীদমক্তা মীখলদা চাউনা শৌগৎখি অমসুং মোদী জিনা প্রধান মন্ত্রী ওইবনা মহাক্না মরোমদোম লেপচবা ভারত, - আত্মানির্ভর ভারত অমা ওইহন্নবা অচৌবা খোঙথাং পাইখৎখ্রে। থৌরম অসিদা  কোইল এন্দ মাইন্স অমসুং পার্লিয়ামেন্তরী এফিয়র্সকী কেন্দ্রগী মন্ত্রী শ্রী প্রলহাদ জোশি, কর্নাতকাগী মুখ্য মন্ত্রী বি.এস. য়েদিয়ুরপ্পা, উপ মুখ্য মন্ত্রী গোবিন্দ করাজোল, গৃহ মন্ত্রী শ্রী বস্বারাজ বোম্মৈ অমসুং অতোপ্পা রাজ্যগী মন্ত্রীশিং অমদি লুচিংবশিংনা শরুক য়াখ্রে।

http://static.pib.gov.in/WriteReadData/userfiles/image/image0016SIS.jpg

গৃহ মন্ত্রীনা হায় নরেন্দ্রী মোদীগী সরকারনা ইথানোল শীজিন্নবা থৌগৎনবা খোঙথাংশিং লৌখৎখ্রে অমসুং ইং কুমজা ২০১৫দা ইথানোলদগী সেন্ত্রেল এক্সাইস দ্যুতী লৌথোকখ্রে, অমরোমদা লৌমীশিংনা পেত্রোলগী ইথানোল ব্লেন্দিং তৌবদগী কান্ননবা ইং কুমজা ২০১৮দা জি.এস.তি. দ্যুতী অসি চাদা ১৮দগী চাদা ৫দা হন্থহনখ্রে। শ্রী শাহনা হায় ঙসি নোংমদা ইথানোল কিলোলিতর ২,৬০০ পুথোকপগী থবক-থৌওং অসি নিরানী গ্রুপনা তৌরি, মসি শীংথানিংঙাই ওই। অনৌবা ফ্যুল পোলিসীগী মখাদা চুহি, চু, মোলাসশিং অমসুং অপৎপা চেং-হৱাইশিং অসি ইথানোল শুবদা শীজিন্নবা অয়াবসু পীখ্রে।

http://static.pib.gov.in/WriteReadData/userfiles/image/image002WWE6.jpg

শ্রী অমিৎ শাহনা হায় মোদী সরকারনা থবক পাইবা মতমদা ইথানোল ব্লেন্দিং চাদা ১.৫৮ ওইরমখি মসি মোদী সরকারনা ২০২২ ফাওবদা চাদা ১০ অমসি ২০২৫ ফাওবদা চাদা ২০ ওইহন্নবা পান্দম থমখ্রে। প্রধান মন্ত্রী শ্রী নরেন্দ্র মোদীনা লৌমীশিংগী ইনকম শরুক অনি হেনগৎহনবদা অহানবা মীৎয়েং থমখি অমসুং মোদী সরকারনা লৌউ-শিংউগী বজেৎ অসি ২০১৩-১৪দা লুপা করোর ২১,৯৩১ ওইরম্বদগী লুপা করোর ১,৩৪,৩৯৯দা হেনগৎহনখ্রে। লৌমীশিংগী ইনকম অসি মখোয়না চাদিং তৌরিবা অদুগী চাদা ৫০দগী হেনগৎহন্নবা এম.এস.পি. হেনগৎহনখ্রে। পি.এম. কিসান সম্মান নিধি স্কীমগী মখাদা দিসেম্বর ২৫দা লৌমী করোর ৯রোমদা দলালি অমত্তা য়াওদনা মখোয়গী বেঙ্ক একাউন্তশিংদা হকথেংননা লুপা করোর ১,১৩,৬১৯গী শেনফম  ত্রান্সফর তৌখ্রে। মন্দি ১,০০০ হেন্না ওনলাইন ওইহনখ্রে অমসুং এফ.পি.ও. ১০,০০০ লিংখৎহনখ্রে।

http://static.pib.gov.in/WriteReadData/userfiles/image/image0039BC1.jpg

কেন্দ্রগী গৃহ মন্ত্রী শ্রী অমিৎ শাহনা মোদী জীগী লুংচিং মখাদা সরকারনা থৌনা ফনা কাশ্মিরদগী আর্তিকল ৩৭০ লৌথোক্তুনা মতম শাংনা লৈরক্লবা সমস্যা কোকহনখি হায়নসু ফোঙদোকখ্রে।

http://static.pib.gov.in/WriteReadData/userfiles/image/image004VR1Q.jpg

শ্রী শাহনা মোদী সরকারনা কর্নাতকাগী চাউখৎ-থৌরাংগীদমক্তা থবক পাইখৎখ্রে অমসুং নিরানী গ্রুপ ওফ ইন্সতিত্যুতকী থৌরাং অসিগা লোইননা লৌমীশিংগী পুন্সি মহিং ঙসিদি ফগৎহল্লগনি অমসুং মখোয়গী ইনকমশিং হেনগৎহল্লগনি হায়না ফোঙদোকখ্রে।

*****

 



(Release ID: 1689527) Visitor Counter : 95