ভারতকী মীয়ামগী হকশেলগী পুৱারিদা অচৌবা মাইপাকপা অমদা, হৌজিক ফাওবদা মালেমগী খ্বাইদগী চাউবা তিকা থাবগী খোঙজং ওইনা প্রধান মন্ত্রী শ্রী নরেন্দ্র মোদীনা লৈবাক অসিদা কোবিদ-১৯ তিকা থাবগী থবক হৌদোকখ্রে।

অহানবা নুমিৎকী লৈবাক শীনবা থুংনা কোবিদ-১৯ তিকা থাবগী খোঙজং মাইপাক্না পাংথোকখ্রে। অহানবা ফংবা পাউশিংগী মতুংইন্না অপুনবা সেসন ৩,৩৫২ পাংথোকখি অমসুং মীওই ১,৯১,১৮১ তিকা থাখি। দিফেন্স ইন্সতিতুৎশিংদা অহেনবা মীওই ৩,৪৩৯ তিকা থাখি। তিকা থাফমশিংদা মীওই ১৬,৭৫৫ শীজিন্নখি।

হৌজিক ফাওবদা তিকা থাখ্রবা মতুংদা হোস্পিতালদা পুখৎপগী কেস লৈতে। তিকা থাবগী খোঙজং অসিগীদমক মখল অনিগী কোবিদ-১৯গী তিকাশিং ফংহনখ্রে:

• • কোবিসিল্দ তিকা(সেরম ইন্সতিতুৎ ওফ ইন্দিয়া লিমিতেদনা পুথোকপা) রাজ্যশিং/য়ু.তিশিংদা ফংহনখ্রে
  • কোভেসিন তিকা(ভারত বাইওতেক ইন্তরনেসনেল লিমিতেদনা পুথোকপা) রাজ্য ১২দা ফংহনখ্রে।

লৈবাক শীনবা থুংনা হাংদোকখিবা কোবিদ-১৯ তিকা থাফমশিংদা তিকাশিং মরাংকাইনা ফংহনখ্রে। মফম খরদা তিকা থাগদবা মীওইশিংগী লিস্ত অপলোদ তৌবদা মতম থেংথবগী থৌদোক মচা খরা মাইপাক্না ৱারোইশিন পুরকখ্রে।