గోవాలో జరుగుతున్న 51వ భారత అంతర్జాతీయ చలన చిత్రోత్సవంలో, ప్రముఖ నటుడు, నిర్మాత, దర్శకుడు మరియు హిందీ, బెంగాలీ సినీ నేపధ్యగాయకుడు శ్రీ బిస్వజిత్ ఛటర్జీ ని "ఇండియన్ పర్సనాలిటీ ఆఫ్ ది ఇయర్" అవార్డుకు ఎంపిక చేశారు.  ఈ పండుగ ప్రారంభోత్సవ కార్యక్రమంలో, కేంద్ర సమాచార, ప్రసార శాఖ మంత్రి శ్రీ ప్రకాష్ జవదేకర్, ఈ అవార్డును ప్రకటించారు.

2021 మార్చి నెలలో జరిగే జాతీయ చలనచిత్ర పురస్కారాలను ప్రదానం చేసే సమయంలో, ఈ అవార్దును, అతనికి ప్రదానం చేస్తామని కేంద్ర మంత్రి ప్రకటించారు. 

బిస్వాజిత్ ఛటర్జీ, తాను నటించిన పాత్రల ద్వారా , ఉదాహరణకు: "బీస్-సాల్-బాద్" అనే చలన చిత్రంలో కుమార్ విజయ్ సింగ్;  "కోహ్రా" లో రాజా అమిత్ కుమార్ సింగ్; "ఏప్రిల్ ఫూల్"  చిత్రంలో అశోక్;  "మేరే సనమ్"  లో రమేష్ కుమార్; "నైట్ ఇన్ లండన్" అనే చిత్రంలో  జీవన్ ;  "దో కలియాన్‌" లో శేఖర్; "కిస్మత్‌" చిత్రంలో విక్కీ వంటి పాత్రల ద్వారా , మంచి పేరు తెచ్చుకున్నారు.  ఆయన ఎక్కువగా, ఆశా పరేఖ్, వహీదా రెహ్మాన్, ముంతాజ్, మాలా సిన్హా, రాజ్‌శ్రీ వంటి ప్రముఖ నటీమణులతో కలిసి నటించారు.  ఆయన నటించిన బెంగాలీ చిత్రాలలో -  ఉత్తమ్ కుమార్ మరియు కుహేలితో "చౌరింఘీ" (1968) మరియు "గర్ నాసింపూర్";  "శ్రీమాన్ ప్రిథ్వీరాజ్" (1973);  "జై బాబా తారక్ నాథ్" (1977); "అమర్ గీతి"  (1983) చిత్రాలను ప్రముఖంగా చెప్పుకోవచ్చు.  1975 సంవత్సరంలో, బిస్వజిత్,  తన సొంత చిత్రం "కహతే హై ముజ్ కో రాజా" ను నిర్మించి, దర్శకత్వం వహించారు.  నటన, దర్శకత్వంతో పాటు, ఆయన, గాయకుడు, నిర్మాతగా కూడా వ్యవహరించారు.

*****