স্তার্তঅপ ইকোসিস্তেম হেন্না ফীভম ফগৎহন্নবগীমক লৈবাকশিংগী মরক্তা পুনশিন্নদুনা তেংবাংনবগী মরুওইবদা হন্না মীৎয়েঙ চঙনবগীদমক প্রারম্ভ: স্তার্তঅপ ইন্দিয়া ইন্তরনেসনেল সম্মিতকী ঙরাং অহানবা নুমিত্তা মালেমগী মফম কয়াদগী মাঙজিল থাবা মীওইশিং ফম্পাক অমত্তদা পুরকখ্রে‍। মখোয়না তেক্নোলোজী, ইনোভেসন, পাক চাউরবা পোলিসী অমসুং থৌরাংনচিংবশিংগী মরমদা হীরম কয়াদা খন্ন-নৈনখি‍। মসিনা লৈঙাক অমসুং মালেমগী লূপশিংবু নহা ওইরিবা ইনোভেতরশিং অমসুং ওন্ত্রপ্রিন্যুরশিংগী পুক্নিং ইথক হৌহন্নবগীদমক মখোয়গী ৱাখল্লোনশিং তাথোক তাশিন তৌবা ঙমহল্লি‍। নুমিৎ ২গী থৌরম অদু কম্মর্সস অমসুং ইন্দস্ত্রী মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী অমসুং ইন্তরনেল ত্রেদনা শীন্দুনা পাঙথোকপনি‍। প্রধান মন্ত্রী শ্রী নরেন্দ্র মোদীনা স্তার্তঅপশিংগা ৱারী ৱাতায় শানদুনা সম্মিত অসিদা ভিদিও কনফরেন্দিংগী খুত্থাঙদা নুমিদাংৱাইরম পুং ৫ তাবা মতমদা ৱা ঙাঙগনি‍।

নুমিৎ নিনি চত্থগদবা সম্মিত অদু ঙরাং কম্মর্স অমসুং ইন্দস্ত্রীগী মন্ত্রী শ্রী পিয়ুস গোয়লনা হৌদোক্লদুনা বিম্সতেক লৈবাকশিং য়াওনা ভারত অমসুং মালেমগী মফম কয়াদগী ইনোভেতর, ওন্ত্রপ্রিন্যুর, ইনভেস্তর, রিগুলেতর, ইন্দস্ত্রী লীদর অমসুং একাদমিক লুমিনরীশিংগী মফমদা ৱা ঙাঙখি অমদি ভর্চুএল স্তার্তঅপ সোকেজসু হৌদোকখি‍।

সম্মিত অদুগী অহানবা নুমিত্তা রেজিস্ত্রেসন ১,২০,০০০ হেন্না লাকখি অমদি বিম্সতেক মেম্বর লৈবাকশিংদগী য়াওরক্লিবা মীথুংশিং অমসুং স্তেকহোল্দরশিং ওকপদা অখন্ননা কত্থোকখি‍। সম্মিত অদুদা বিম্সতেক মেম্বর স্তেতশিংদগী মমীং লৈরবা স্তার্তঅপ কম্ম্যুনিতীগী স্তেকহোল্দরশিংনা শরুক য়াখি অমদি মায়কৈ কয়াগী ওইবা মওংদা খন্ন-নৈনদুনা মখোয়গী খ্বাইদগী ফবা ইনোভেসনশিং উত্থোক্নখি‍। নুমিৎ অসিদা মচিন তুমখৎলক্লিবা স্তার্তঅপ ৭৫না ইনভেস্তর ৭৫গী মফমদা লেপ্তনা পিতচিং তৌখি‍।

সেসন কয়ানা মালেমগী খ্বাইদগী ফবা থৌওংগী তোঙান তোঙানবা মশকশিং অমদি হেন্না মপাঙ্গল কনবা স্তার্তঅপ ইকোসিস্তেম য়োকখৎনবা ৱাফমদা মীৎয়েঙ থমদুনা বিম্সতেক মেম্বর লৈবাকশিংদগী এক্সপর্ত/স্তার্তঅপ ফাউন্দরশিং পুশিন্নদুনা মখোয়না থেংনরকপশিং পাউদমখি অমদি নহাশিংদা ৱাখল্লোন অমবু প্রুফ ওফ কন্সেপ্ত ওন্থোকপা, কৈথেল য়ৌনবগী পাক চাউরবা লাল্লোং অমসুং খুন্নাইগী ইনোভেসনগী কান্নবা লৌবগী মতাঙদা লমজিং পীখি‍। ইকোসিস্তেম অসিগী মরুওইবা স্তেকহোল্দরশিংনসু মায় পাকপা ইনকুবেসন প্রোগ্রামশিং শেমবগী লাল্লোং অমদি স্তার্তঅপশিংগী প্রোকরমেন্ত অমসুং মার্কেত এক্সেস ফংহন্নবগী অহেনবা মফমশিংগী মতাঙদা খন্নখি‍।

গ্লোবেল ভেঞ্চর ফন্দশিংগীদমক ইজ ওফ দুইং বিজিনেস য়োকখৎপগা লোয়ননা স্তার্তঅপশিং মালেমগী থাক্তা পুখৎপা অমদি ভারতকী স্তার্তঅপশিংগীদমক গ্লোবেল কেপিতেল মোবিলাইজ তৌবগী মতাঙদা ক্লোজ দোর রাউন্দতেবল অমসু পাঙথোকখি‍। রাউন্দতেবল অদুদা অচৌবা ভারতকী রিগুলেতরশিং, খুজিন থৌরাং য়াৎলিবশিং, মন্ত্রালয়শিং অমসুং মালেমগী ভি.সি. ফন্দশিংনা শরুক য়াখি‍।

অহানবা নুমিৎ অদুদা মিস্তর ক্রিস গোপালাকৃষ্ণন (চেয়রমেন অমসুং ফাউন্দর, এক্সলোর ভেঞ্চর্স), মিস সোভনা কামিনেনি (একজেগ্যুতিব ভাইস-চেয়রপর্সন, এপোলো হোস্পিতাল এন্তরপ্রাইজ), মিস্তর দীপ কলরা (ফাউন্দর অমসুং গ্রুপ সি.ই.ও., মেক মাই ত্রিপ), মিস্তর মনোজ কোহলি (কন্ত্রী হেদ – সোফ্তবেঙ্ক ইন্দিয়া), মিস্তর কুনাল বাহল (সি.ই.ও. অমসুং কো-ফাউন্দর, স্নেপদীল) য়াওনা মালেমগী মফম কয়াদগী হেন্না পাকথোক চাউথোক্লবা ইনোভেসন অমসুং ওন্ত্রপ্রিন্যুরসিপ ইকোসিস্তেমগী ইন্দস্ত্রী লীদরশিং অমদি অতৈ কয়ানা শরুক য়াখি‍।

“স্তার তোল্কস” কৌবা অখন্নবা সেসন অমদা সি.এন.বি.সি. তি.ভি.-১৮গী মেনেজিং ইদিতর মিস শীরেন ভাননা সিস্কোগী হান্নগী চেরমেন অমসুং সি.ই.ও. মিস্তর জোন চেম্বর্স অমসুং হিরো এন্তরপ্রাইজকী চেয়রমেন মিস্তর সিনুল কান্ত মুঞ্জলগা অখন্নবা ৱারী ৱাতায় শাবগী থৌরম অমা য়াওখি‍। সেসন অদুদা মাঙজিল থাবা এক্ত্রেস প্রিয়াঙ্কা চোপ্রা জোনাসকা অখন্নবা ৱারী ৱাতায় অমসু য়াওখি‍।

প্রারম্ভ: স্তার্তঅপ ইন্দিয়া ইন্তরনেসনেল সম্মিত অসিনা প্রধান মন্ত্রী শ্রী নরেন্দ্র মোদীনা জনুৱারী ১৬, ২০১৬দা হৌদোকখিবা স্তার্তঅপ ইন্দিয়া থৌরাংগী চহী মঙা মপুং ফারকপগী কুমওন থৌরম ওইরি‍। সম্মিত অসি ২০১৬দা স্তার্তঅপ ইন্দিয়া ইনিসিএতিবকী ১৯-পোইন্ত এক্সন প্লান্দা য়ুম্ফম ওইদুনা শেমগৎপনি‍।

থৌরম অদু ইনভেস্ত ইন্দিয়া, ইন্দিয়ন এঞ্জেল নেতৱর্ক, আই.ভি.সি.এ., তি.আই.ই দিল্লী এন.সি.আর., সি.আই.আই., এন.এ.এস.এস.সি.ও.এম., এস.আই.দি.বি.আই., তি.আই.ই. গ্লোবেলেন্দ ইন্তরনেসনেল ফাইনান্স কোর্পোরেসন হায়রিবা ইন্দস্ত্রী বোদীশিং অসিনা শৌগত্তুনা পাঙথোকপনি‍।

****