ঙাকশেল মন্ত্রালয়
ইন্দিয়ন আর্মদ ফোর্সেসনা জানুৱারী ১৪, ২০২১দা মঙাশুবা ভেতরেন্স দে পাংথোকখ্রে
Posted On:
14 JAN 2021 3:49PM by PIB Imphal
জানুৱারী ১৪, ১৯৫৩দা থবক্তগী পোত্থাখিবা ইন্দিয়ন আর্মদ ফোর্সেসকী অহানবা কম্মান্দর ইন চীফ, ফিল্দ মার্শেল কে.এম. চরিয়াপ্পা, ও.বি.ই.না পাংথোক্লম্বা মথৌবু শক খংবা ওইনা ঙসি মঙাশুবা ইন্দিয়ন আর্মদ ফোর্সেস ভেতরেন্স দে পাংথোকখ্রে। ভাইস এদমিরেল আর হরি কুমার, সি.আই.এস.সি.,গা লোইননা হেদক্বাতর ইন্তিগ্রেতেদ দিফেন্স স্তাফনা ভেতরেনশিংগী মমাংদা লৈবাক্কী থৱাই কৎখিবশিং অসিদা ইকাই খুম্নবা উত্তুনা ন্যু দিল্লীদা লৈবা নেস্নেল ৱার মেমোরিএলদা হৈকৎ লৈকৎ তম্বগী থৌরম অমা শিনখি।
চীফ ওফ দি নেভেল স্তাফ, এদমিরেল করম্বির সিংহনা থৌরমগী চীফ গেস্ত ওইদুনা এ.পি.এস. দাউলাকোনগী রাইনা ওদিতোরিয়মদা ভেতরেন্স মীত অমসু শিনখি। জেন. এম.এম. নরাভানে, সি.ও.এ.এস. অমসুং এয়র মারশেল আর.কে. ভাদৌরিয়া, সি.এ.এস.সু থৌরম অদুদা শরুক য়াখি। থৌরম অদু কোবিদ প্রোতোকোলশিং ঙাক্না পাংথোকখি।
![http://static.pib.gov.in/WriteReadData/userfiles/image/597Q6731TW8P.JPG](http://static.pib.gov.in/WriteReadData/userfiles/image/597Q6731TW8P.JPG)
থৌরম অসিদা ৱা ঙাংলদুনা আর্মী চীফনা চহি অসিগী কোবিদ লাইচৎ মনুংদা তোঙান তোঙানবা য়াইফ থৌরাংগী বিভাগশিংনা লৌখৎখিবা মরু ওইবা য়াইদ-থৌরাংগী খোঙথাং খরা থমখ্রে। মহাক্না ভেতরেনশিংদা ১৯৭১গী লান মাই পাকহনখিবা ঐখোয়গী ভেতরেনশিংবু ইকাই খুম্নবা উৎপা ওইনা চহি চুপ্পা স্বর্নিম বিজে ভর্শ পাল্লন তৌবগী মতাংদা খঙহনখ্রে। এদমিরেল করমবিরনা ভেতরেনশিংগী য়াইফনবা লৌখৎখিবং সর্ভিসশিংগী মতাংদা নৌহৌননা ফোঙদোকখি অমসুং মখোয়দা মখোয়না পীরকপা সজেসনশিং তরাম্না ওক্কনি হায়না থাজবা পীখ্রে।
এদমিরেল করমবিরনা ১৯৭১গী লানদা ঐখোয়গী থৌনা ফরবা লান্মীশিংগী ইচং-থৌবা অমদি থৌনা লিংজেলদা ইকাই খুম্নবা উৎপা ওইনা ‘স্বর্নিম বিজে ভর্শ’কী ঈশৈ ফোঙখ্রে। ঈশৈ অসি মিস্তর কুমার ভিশ্বাসনা শৈরেংবনি অমদি মিস্তর ক্রিস পোৱেলনা শৈথাখিবনি। ঈশৈ অসি মিস্তর রোমীনা শকখি। থৌরম অসিদা আর্মীনা মীয়াম্না পাম্নবা ‘সমান’ মেগজিন অমদি এয়র ফোর্সনা ‘ৱায়ু সমবেদনা’ মেগজিন ফোঙখ্রে। মেগজিনশিং অসি ভেতরেন অমসুং মখোয়গী মরী-মতাশিংগীদমক্তা অখন্ননা ফোঙবনি।
![http://static.pib.gov.in/WriteReadData/userfiles/image/597Q6800P2A1.JPG](http://static.pib.gov.in/WriteReadData/userfiles/image/597Q6800P2A1.JPG)
***
(Release ID: 1688586)
Visitor Counter : 189