মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
গারকরিনা কে.ভি.আই.সি.না পুথোকপা খাদি প্রাকৃতিক পেন্ত – ভারতকী অহানবা শন্থীগী পেন্ত - হৌদোকখ্রে
Posted On:
12 JAN 2021 4:44PM by PIB Imphal
রোদ ত্রান্সপোর্ত অমসুং হায়ৱেজ অমসুং এম.এস.এম.ই.গী কেন্দ্র মন্ত্রী শ্রী নিতিন গারকরিনা খাদি অমসুং ভিলেজ ইন্দস্ত্রিজ কম্মিসন্না পুথোকপা অনৌবা ইনোভেতিব পেন্ত – ভারতকী অহানবা শন্থীগী পেন্ত - ঙসি মহাক্কী ময়ুমদা হৌদোকখ্রে। “খাদি প্রাকৃতিক পেন্ত” হায়না কৌবা ইকো ফ্রেন্দলী ওইবা, হু চেন্দবা পেন্ত অদু অদুগুম্বা মখলগী অহানবা পোত্থোক ওইবগা লোয়ননা এন্তি-ফঞ্জেল, এন্তি-পেক্তিরিএল মচাকশিং য়াওই। শন্থীনা মাগী মরুওইবা মচাক ওইদুনা শেম্বা পেন্ত অদু মমল হোঙই অমদি মনম চেন্দে, অদুগা ব্যুরো ওফ ইন্দিয়ন স্তেন্দর্দনা সর্তিফাই তৌরে।
ফিসরিজ, এনিমেল হজবেন্দ্রী অমসুং দেরিইং মন্ত্রী শ্রী গিরিরাজ সিংহ, এম.এস.এম.ই.গী রাজ্য মন্ত্রী শ্রী প্রতাপ চন্দ্র সারঙ্গি অমসুং কে.ভি.আই.সি. চেয়রমেন শ্রী ভিনয় কুমার সক্সেনাসু থৌরমদুদা শরুক য়াখি।
থৌরমদুদা ৱা ঙাঙলদুনা মন্ত্রীনা খোঙথাঙ অদু লৌমীশিংগী শেন্থোক হেনগৎহন্নবা প্রধান মন্ত্রীগী মঙলান পরিংদা পায়খৎপনি হায়না ফোঙদোকখি। খোঙথাঙ অসি ময়োল্লমশিংদগী খুঙ্গংগী লমদমদা হন্না য়ুম হোংলক্নবা চাং য়ৌনা খুঙ্গঙগী শেন্মিৎলোন ফগৎহন্নবা থৌরাংগী শরুক অমনি হায়না মহাক্না হায়খি। পেন্ত অদু দিস্তেম্পরগী ওইনা লিতরদা লুপা ১২০ অদুগা ইমল্সনগী ওইনা লিতর অমদা লুপা ২২৫ পী হায়রদুনা মমল অসি অচৌবা কম্পেনীশিংনা লৌরিবা মমলগী তঙ্খায় হেন্না তাথরে হায়খি। লৈঙাক্কী থৌদাংদি শীন লাংবিবখক্তনি হায়রদুনা পেন্ত অসি প্রোফেসনেল ওইবা মওংদা য়োনগনি অমদি লৈবাক্কী কাচিন কোয়া য়ৌনা ফংহনগনি হায়না মহাক্না হায়খি।
খাদি প্রকৃতিক পেন্ত অসি মওং অনিদা – দিস্তেম্পর অমসুং প্লাস্তিক ইমল্সন পেন্ত ওইনা ফংই। প্রোজেক্ত অসি মার্চ ২০২০দা কে.ভি.আই.সি.গী চেয়রমেন্না ৱাখল পুথোক্তুনা তুংদা কুমারপ্পা নেসনেল হেন্দমেদ পেপর ইন্সতিত্যুৎ, জয়পুরনা (কে.ভি.আই.সি.গী য়ুনিত অমা) পুথোকপনি।
পেন্ত অসি মিসি, মর্কুরী, ক্রোমিয়ম, অর্সেনিক, কেদমিয়ম অমসুং অতৈ হেভী মেতেলশিং য়াওদে। মসিনা লোকেল মেনুফেকচরিংদা ইনোৎ হাপকনি অমদি তেক্নোলোজী ত্রান্সফরগী খুত্থাঙদা তুং কোইগদবা লোকেল এমপ্লোইমেন্ত শেমগৎকনি। তেক্নোলোজী অসিনা শন্থীবু ইকো-ফ্রেন্দলী ওইবা পোত্থোকশিং পুথোকপগী মচাক ওইনা শীজিন্নবা হেনগৎহল্লগনি অমদি লৌমীশিং অমসুং গাউসালাশিংগী অহেনবা শেন্থোক লৈহল্লগনি। শন্থী শীজিন্নখিবসিনা অকোয়বগী ফীভমসু লু নানহল্লগনি অমদি ইরম ফুঞ্জিনবা ফহল্লগনি।
খাদি প্রাকৃতিক দিস্তেম্পর অমসুং ইমল্সন পেন্ত মমীং লৈরবা নেসনেল লেবোরেতরী ৩দা চাংয়েং তৌখ্রে।
নেসনেল তেস্ত হাউস, মুম্বাই
শ্রী রাম ইন্সতিত্যুৎ ফোর ইন্দস্ত্রিএল রিছর্স, নই দিল্লী
নেসনেল তেস্ত হাউস, গাজিয়াবাদ
খাদি প্রাকৃতিক ইমল্সন পেন্ত অসি বি.আই.এস. ১৫৪৮৯:২০১৩ স্তেন্দর্দ য়ৌই; অদুগা খাদি প্রাকৃতিক দিস্তেম্পর পেন্ত অসিনা বি.আই.এস. ৪২৮:২০১৩ স্তেন্দর্দ য়ৌই। পেন্ত অসি রং থাবা, থিন্নিং প্রোপর্তী, কংবগী মতম অমদি ফিনিসনচিংবা তোঙান তোঙানবা তেস্ত পেরামিতরশিং মায় পাক্না পাস তৌরে। মসি পুং ৪ য়ৌদনা কংই অমদি শিৎ নানবা চাং মান্নবা ফিনিস পীরি। পেন্ত অসি মনুংগী অমদি মপানগী ফক্লাংদা শঙবা য়াই। দিস্তেম্পর অমসুং ইমল্সন অনিমক অঙৌবা বেজ মচুদা ফংই অমদি চানবা কলরেন্ত য়ানশিল্লগা মচু অমা হেক্তা শেমবা য়াই।
থৌরমদুগী লাইবস্ত্রীম লিঙ্ক অসিদা য়েংবা য়াগনি: https://youtu.be/4pAa0SqvTM0
>>>>>>>>>>>>>>>>>>>>>
(Release ID: 1687993)
Visitor Counter : 193