জনুৱারী ১২, ২০২১ ফাওবদা এভিয়ন ইনফ্লুএঞ্জা (ঐচ.৫.এন.৮)কী অহেনবা কেসশিং রাজস্থানগী ঝুনঝুনু দিস্ত্রিক্তা লৈবা ঐচ.সি.এল.-ক্ষেত্রি নগরদা অশিবা ক্বাক খরদা থেংনরে‍। মখা তানা এভিয়ন ইনফ্লুএঞ্জা (ঐচ.৫এন.১) কেস উত্তর প্রদেশকী কানপুরদা লৈবা জুলোজিকেল পার্কতা ক্বাক অমসুং পেলিকান অশিবশিংদা অমদি হিমাচল প্রদেশকী কংগ্রা দিস্ত্রিক্তকী জগনোলি অমসুং ফতেহপুর খুঙ্গঙদা ক্বাক অশিবশিংদা থেংনরে‍। মধ্য প্রদেশকী ঝাবুৱা দিস্ত্রিক্তদগী পোল্ত্রী সেম্পলদা এভিয়ন ইনফ্লুএঞ্জা (ঐচ.৫এন.১) য়াওরম্বা এন.আই.ঐচ.এস.এ.দি. (নেসনেল ইন্সতিত্যুৎ ওফ হায় সিক্যুরিতী এনিমেল দিজীজ-ভোপাল)দা থেংনরে‍।

দিপার্তমেন্ত ওফ এনিমেল হজবেন্দ্রী অমসুং দেরিইংনা স্তেতশিংদা স্তেতকী থাক্তা চানবা বাইও সিক্যুর ফেসিলিতীশিং থমদুনা স্ক্রীনিংগী থবক পায়খৎনবা পুক্নিং থৌগৎলুনা তেস্তিং প্রোতোকোলগী পাউতাক পীখ্রে‍। উচেক অশিবশিংগী সেম্পলদগী মহারাস্ত্রদা এভিয়ন ইনফ্লুএঞ্জা শন্দোরকপা থেংনরবা মতুংদা কেন্দ্রগী কাঙবু অমা মহারাস্ত্র অমসুং গুজরাত্তা এ.আই. শন্দোরকফমদা য়েংশিন্ননবা থাখ্রে‍।

এভিয়ন ইনফ্লুএঞ্জাগী মতাঙদা মীয়ামদা পাক শন্না খঙহন্নবা অমদি কমদৌনা ফীভম অদু থেংনগদগে হায়বসিগী মতাঙদা মীয়ামদা ত্বীতরগুম্বা সোসিএল মিদিয়া য়াওনা তোঙান তোঙানবা মিদিয়া ফম্পাকশিংগী খুত্থাঙদা খঙহনবগী থৌরাং লেপ্পা লৈতনা লৌখৎলি‍। স্তেতশিংবু পি.পি.ই. কিত অমসুং উচেক হাৎপদা মথৌ তাগদবা মচাকশিং মরাং কায়না থম্নবা স্তেতশিংদা পাউতাক পীখ্রে‍।

***