নীতি আয়োগ

আই.এস.আর.ও.না লৈবাক শিনবা থুংনা অতল তিনকরিং লেব ১০০ এস.তি.ই.এম. অমসুং স্পেস এজুকেসনবু লমজিংবা অমসুং পুক্নিং থৌগৎনবা লৌখৎখ্রে

Posted On: 11 JAN 2021 3:58PM by PIB Imphal

ঙসি য়াম্না নুঙাইরবা ওনলাইন থৌরম অমদা, অতল ইন্নোভেসন মিসন, এন.আই.তি.আই. আয়োগ অমসুং ইন্দিয়ন স্পেস রিসর্স ওর্গানাইজেসন (আই.এস.আর.ও.)না লাওথোকখ্রে মদুদি আই.এস.আর.ও.না লৈবাক শিনবা থুংনা অতল তিনকরিং লেব ১০০ স্কুলগী ছাত্রশিংগা মরী লৈনবা এস.তি.ই.এম., স্পেস এজুকেসনবু  অমসুং স্পেস তেক্নোলোজিগী লমদা পুক্নিং থৌগৎনবা লৌখৎলগনি।

য়াম্না অখন্নবা পাউজেল অমগী খুত্থাংদা ভর্চুএল ওইবা থৌরম অমদা ৱা ঙাংলদুনা, এন.আই.তি.আই. আয়োগগী ভাইস চেয়রমেন দাঃ রাজিব কুমারনা হায় মদুদি, “ঐহাক্না ভারত সরকারগী লৈরিবা মখল কয়াগী দিপার্তমেন্ত অমসুং মিনিস্ত্রীশিংনা ‘আত্মানির্ভর ভারত’ পুথোক্নবা কন্না হোৎনরিবা অসিদা অদুক্কী মতিক হরাওবা ফাওই। এন.আই.তি.আই. আয়োগ অমসুং ইন্দিয়ন স্পেস রিসর্স ওর্গানাইজেসন অনিনা খুৎশম্নদুনা হোৎনরিবা অসি ময়াম অসিগী অহানবা খুদম অমনি।  

মসি ঐখোয়গী লৈবাক্কী নৌনা মচিন তুমখৎলক্লিবা নহা ওইরিবা স্পেস রিসর্সরশিং অমসুং এস্ত্রোনোৎশিংগীদমক খুদোংচাবা অমনি, অমসুং হায়রিবা অসিনা মখোয়গী স্কুল, ইমুং অমসুং কৈরোই লৈকাইদা ইনোৎ পীবা অমা ওইরগনি”।  

থৌরম অসিবু ইকাই খুম্নবা উৎতুনা, আই.এস.আর.ও.গী  চেয়রমেন দাঃ কে. সিবন্না আসা অমা ফোংদোকখি মদুদি খোঙথাং অসিনা স্কুলগী অঙাংশিংদা অনৌবা পুথোকপা অমসুং চাংয়েং তৌদুনা লাইরিক তম্নিংবগী ইথিল অমা ফাওহন্দুনা চুম্নগী মহৌশাগী লাইরিক তম্বগী মওংদগী খেন্নবা অমা পুরক্লগনি। ঙসি লৌখৎলিবা এ.তি.এল. শিং ১০০ অসিনা লৈবাক অসিদা লৈরিবা আই.এস.আর.ও.গী পরিং য়েংলগা য়েন্থোক্কনি, ওর্গানাইজেসন অসিনা ছাত্রশিং অসিগা অপিকপা খোঙথাং লৌখৎতুনা ‘আত্মানির্ভর ভারত’কী শরুক অমা ওইনা মখোয়গী স্পেসকী মংলান অসিগী মাইকৈরোমদা ফংনবা হোৎনগনি। আই.এস.আর.ও.গী সেন্তরগী সাইন্তিস্ত অমসুং ইঞ্জিনিয়রশিংনা কেপাসিতি বিল্দিং প্রোগ্রাম ওফিস আই.এস.আর.ও.গী হেদক্বাতরদগী অঙাংশিং অসি ওজাশিংগা উন্নহন্দুনা লমজিংগনি। দাঃ সিবন্না ছাত্রশিংদা অতল তিনকরিং লেব অসি শ্রীহারিকোতাদা হৌদোক্কদবা অসিগা মরী লৈন্ননা বার্তোন তৌরি।    

অতল তিনকরিং লেব অসি মফম অমা পীদুনা নহা ওইরিবশিং অসিনা মখোয়গী ৱাখল্লোল অসি মশা মথন্তদা শেমজনবগী মওং য়াওবা; অমসুং অনৌবা পোৎ পুথোকপগী হৈ-শিংবা তম্নবগী মফম য়াওরি। ইন্ত্রেপ্রেন্যুরশিপ অমসুং ইন্নোভেসন অসি পুক্নিং থৌগৎনবা, অতল ইন্নোভেসন মিসন, এন.আই.তি.আই. আয়োগনা লৈবাক অসিদা এ.তি.এল.শিং ৭০০ লিংখৎলি মসিদা মিল্লিয়ন ৩ হেনবা গ্রেদ ৬ অমসুং গ্রেদ ১২গী ছাত্রশিংনা পাউখুম কয়া অমা থীরি। মসিগী খুৎশম্নবা অসিদা আই.এস.আর.ও. কোচিং অমসুং ছাত্রশিংবু লমজিংদুনা ২১শুবা সেনচুরী অসিগী ওইবা খুমাং চাওশিল্লবা স্পেসকা মরী লৈনবা তেক্নোলোজিশিংগী খুদোংচাবশিং অসি পীগনি। ছাত্রশিংনা থীওরি খক্তা নত্তনা এস.তি.ই.এম. অমসুং স্পেস এজুকেসন মরী লৈনবা হায়বদি ইলেক্ত্রোনিক্স, ফীজিক্স, ওপ্তিক্স, স্পেস তেক্নোলোজি, মেতরিএল সাইন্স অমসুং অতৈ কয়া অমশু ফংবা ঙমগনি।

“ঐহাক্না মসি হায়বদা য়াম্না চাওথোকচৈ মদুদি এন.আই.তি.আই. আয়োগ অসিনা আই.এস.আর.ও.গা খুৎশম্নদুনা স্পেস তেক্নোলোজি অসিবু খুমাং চাওশিন্নবা হোৎনবা লোয়ননা অতল ইন্নোভেসন মিসন অমসুং মসিগী খোঙথাং, হায়বদি এ.আর.আই.এস.ই., অতল ইনক্যুবেসন সেন্তর, অতল কম্ম্যুনিতি সেন্তর অমসুং অতল তিনকরিং লেব অসিনি।

ঐহাক্না হরাওবা ফাওই মদুদি ঐখোয়দী তুংগী সাইন্তিস্ত শেমগৎপা, আই.এস.আর.ও.না ঐখোয়গী রিসর্স সেন্তরগা খুৎশম্নদুনা অতল তিনকরিং লেব ১০০ লৌখৎপা, মখোয়না নহা ওইরিবা ইন্নোভেতরশিংবু লমজিংবা” এন.আই.তি.আই. আয়োগকী সি.ই.ও. শ্রী আমিতাভ কান্তনা মখা তানা হায়খি।

“ঐখোয়না হৌজিক স্পেস তেক্নোলোজিদা অদুক্কী মতিক নুঙাইবা মতম অদু ওইরে। আই.এস.আর.ও. অসি মালেমগী ওইবা লমজিংবা অমা ওইনা অমসুং অনৌবা পুথোকপদা ইন্দিয়াদা মফম চাওনা কন্দুনা লৈরি। আই.এস.আর.ও. অমসুং মসিগী খুৎশম্নবা অসিনা নহা ওইরিবা ছাত্রশিংদা স্পেস তেক্নোলোজি অমসুং অনৌবা কয়া অমা পুথোক্নবগী মফম ওইরগনি” মিস্তর রামানথন রামানন, মিসন দাইরেক্তর, অতল ইন্নোভেসন মিসননা হায়খি, মখা তানা “খ্বায়দগী অনৌবা তেক্নোলোজি অমা পীবা অসিনা, মসিনা এন.ই.পি. ২০২০গী মিয়েং থম্বতা নত্তনা আত্মানির্ভর ভারত লোমদা চংশিল্লি”।

******



(Release ID: 1687769) Visitor Counter : 113