পঞ্চায়তী রাজ মন্ত্রালয়না ইং ২০২০দা পাংথোকখিবা মরু ওইবা থৌওংশিং মখাদা পীরিঃ

১) এস.ভি.এ.এম.আই.তি.ভি.এ. (সর্ভে ওফ ভিলেজস অমসুং মেপ্পিং ৱিথ ইম্প্রোভাইজ তেক্নোলোজী ইন ভিলেজ এরিয়াস)

খুঙ্গংগী মীওইশিংগী সোসিও-ইকোনোমিক্কী ফিভম্বু খুমাং চাউশিলহনবগী পান্দম অমসুং মখোয়বু মরোমদোম লেপচবা ঙমহন্নবা হোৎনবগা লোয়ননা ‘সর্ভে ওফ ভিলেজস অমসুং মেপ্পিং ৱিথ ইম্প্রোভাইজ তেক্নোলোজী ইন ভিলেজ এরিয়াস’ কৌবা সেন্ত্রেল সেক্তর স্কিম অমা প্রধান মন্ত্রীনা এপ্রিল ২৪, ২০২০দা হৌদোকখি। মসিগী স্কিম অসিনা খুঙ্গংগী মী তাবা লমশিংদা য়ুম লৈবা মীওইশিংগী ‘রেকোর্দ ওফ রাইৎস’ ফংহনবগা লোয়ননা লম মপুশিং অসিদা লন-থুমগী কার্দ পীবগী পান্দম থম্মি।

• স্কিম অসিগী পাইলোৎ ফেজ অসি শেনবা চহি ২০২০-২১গী মনুংদা মহারাস্ত্রা, করনাতকা, হরিয়ানা, উত্তর প্রদেশ, উত্তরাখন্দ অমসুং মধ্য প্রদেশকী রাজ্যশিংদা অমসুং পঞ্জাব অমসুং রাজস্থানগী ঙমখৈদা লৈবা খুঙ্গং খরা অমসুং রাজ্য অনিসিগী কন্তিন্যুৱস ওপরেতিং সীস্তেম (সি.ও.আর.এস.) ১০১দা পায়খৎখিবনি। মসিগী পাইলোৎ ফেজ অসিদা, প্রোপর্তী কার্দ/তাইতল দীদ য়েন্থোকপগী থৌওংশিং অসি খনগৎলবা রাজ্য ৬তা হৌখ্রে। সিম অসিনা ইং ২০২৩-২৪ ফাওবগী মনুংদা লেমহৌরিবা রাজ্য/য়ু.তি.শিংসু কোনগনি।

• নবেম্বর ২০২০ ফাওবগী মনুংদা, খুঙ্গং ৮৮৩৭তা দ্রোন পাইবগী থবকশিং লোইশিনখ্রে; মসিগী থৌওংশিং অসিদগী খুঙ্গং ৬৪৩৮গী সর্ভে দেতা শিন্দোকপগী থবকশিং অমসুং খুঙ্গং ৫৩৪২গী ফীচর এক্সত্রেক্সনগী থবকশিংসু লোইখ্রে। প্রোপর্তী কার্দশিং অসি পাইলোৎ রাজ্য ৬কী খুঙ্গং ৭৬৩গী লমগী মপু চাউরাকপা লাখ অমদা য়েন্থোকখ্রে অমসুং মসিগী অকুপ্পা মরোলশিং মখাদা পীরিঃ

২) ই.-গ্রাম স্বরাজ ই.-ফাইনেন্সিএল মেনেজমেন্ত সীস্তেম

পঞ্চায়তী রাজ ইন্সতিত্যুসনশিং (পি.আর.আই.)গী ই.-গভর্নেন্স অসিগী মপাঙ্গল লৈহন্নবগীদমক্তা, লাইহল্লবা থবক তৌবগী থৌওংদা য়ুম্ফম ওইবা পঞ্চায়তী রাজকী একাউন্তিং এপ্লিকেসন, ই.-গ্রাম স্বরাজ অসি নেস্নেল পঞ্চায়তী রাজ নুমিৎ, এপ্রিল ২৪, ২০২০দা লোঞ্চ তৌখি। অসিগী এপ্লিকেসন অসি ই.-পঞ্চায়ৎ মিসন মোদ প্রোজেক্ত (এম.এম.পি.)গী মখাদা লৈবা এপ্লিকেসন খুদিংগী থবকশিংবু পুনশিন্দুনা পুথোকপনি।

• ই.-গ্রাম স্বরাজনা পি.আর.আই.দা ফন্দ পীবগী থৌওং হেনগৎপগী খুত্থাংদা পঞ্চায়ৎকী থাজবা অসিবু হেনগৎহনবদা তেংবাংই। মসিনা দিসেন্ত্রেলাইজ প্লান্নিং, প্রোগ্রেস রিপোর্তিং অমসুং থবক য়ুম্ফম ওইবা একাউন্তিংগী খুত্থাংদা মনুং-মপান হেন্না উবা ফংহল্লি। মখা তাবা ওইনা, এপ্লিকেসন অসিনা অৱাংবা থাক্কী ওথোরিতীশিংনা নীংথিনা য়েংশিনবা য়াবগী প্লেৎফোর্ম অমা পী।
• মসিগী থৌওং অসিদা পঞ্চায়তী রাজ মন্ত্রালয়না লোকেল গভর্নমেন্ত দাইরেক্তরী (এল.জি.দি.)গা লোয়ননা পঞ্চায়ৎ প্লান্নিং, ফিজিকেল প্রোগ্রেস, ফাইনেন্সিএল প্রোগ্রেস অমসুং এসেৎ শেন্নবগী থৌওংশিং য়াওবা ই.-ফাইনেন্সিএল মেনেজমেন্ত সীস্তেম (ই.-এফ.এম.এস.) অমা লৈহন্দুনা পব্লিক ফাইনেন্সিএল মেনেজমেন্ত সীস্তেম (পি.এফ.এম.এস.), স্পিসিএল প্লান্নিং উমসুং জিও-তেগিংগী থৌওংগা লোয়ননা অসিগুম্বা অচৌবা পথাপ অসিগী য়ুম্ফম অমা শেম্মি।

ই.-গ্রাম স্বরাজ – পি.এফ.এম.এস. ইন্তর্ফেস য়াওবা ই.-গ্রাম স্বরাজ শিজিন্নবগী হৌজিক ওইরিবা ফিভমগী অকুপ্পা মরোলগীদমক্তা ক্লিক তৌবীয়ু

৩) ত্রেনিং অমসুং কেপাসিতী বিলদিং তৌবা

• পঞ্চায়তী রাজ মন্ত্রালয় (এম.ও.পি.আর.) অসিনা কন্সতিত্যুসনগী ৭৩শুবা শেমদোকপদা য়াওরিবা থবকশিংগী ই-পাউ শন্দোকপা, য়েংশিনবা অমসুং থবক ওইনা পাংথোকপগী থৌদাং লৌই। এম.ও.পি.আর.না রাজ্য সরকারশিংনা রাস্ত্রিয় গ্রাম স্বরাজ অভিয়ান (আর.জি.এস.এ.)গী সেন্ত্রেল্লী স্পোন্সর্দ স্কিমগী খুত্থাংদা পঞ্চায়তী রাজ ইন্সতিত্যুসন (পি.আর.আই.)শিংগী ত্রেনিং অমসুং কেপাসিতী বিলদিং তৌবগী থবকশিংবু শৌগৎলি। মন্ত্রালয় অসিনা রাজ্য/য়ু.তি. ৩৪গী এন্নুএল এক্সন প্লান (এ.এ.পি.)গী অয়াবা পীদুনা ৮/১২/২০২০ ফাওবগী মনুংদা রাজ্য/য়ু.তি. ১৭ অমসুং থবক পাংথোকপা এজেন্সীশিংদা লুপা করোর ৩২৪.৪২গী শেনফমসু থাদোকখ্রে।

ইং ২০২০-২১গী মনুংদা রাজ্য/য়ু.তি.শিংদা অয়াবা পীখ্রবা মরু ওইবা খোঙথাং খরগী অকুপ্পা ৱারোলশিংগীদমক্তা ক্লিক তৌবীয়ু

৪) পীপল্স প্লান কেম্পেন (পি.আর.সি.) – সবকী য়োজনা সবকা বিকাস

• ইং ২০১৮-১৯ অমসুং ২০১৯-২০গী মনুংদা পি.পি.সি.দা য়াওবা গ্রাম পঞ্চায়ৎ, গ্রাম সভা অমসুং অতোপ্পা স্তেকহোলদরশিংনা নীংথিনা অমসুং মশক থোক্না উবা ফংবা মওংদা থবক পাংথোকপশিংনা ইথিল পীবা অমসুং গ্রাম পঞ্চায়ৎ দিভেলপমেন্ত প্লান (জি.পি.দি.পি.) শেম্বগী থৌওং অসিবু তুং কোইনা চৎপা মীয়াম্না শরুক য়াবা অমসুং মনুং-মপান ফাওনা উবা থৌওং অমা ওইহন্নবগীদমক্তা শেনবা চহি ২০২১-২২গী জি.পি.দি.পি. শেম্বগী থবকশিং অসি ওক্তোবর ২, ২০২০দগী পি.পি.সি.-২০২০-২১ ওইনা কেম্পেন মোদতা থবক পাংথোকপা হৌখ্রে। দিসেম্বর ৮, ২০২০গী ফাওবগী মনুংদা পি.পি.সি.গী ওইরিবা ফিভমশিং অসি মখাদা পীরিঃ

ক) গ্রাম সভা ১৬২১৫৫রক (৫৯.৭%) পাংথোকখ্রে

খ) গ্রাম সভা ১৯৫১৬৮ (৭৮%) পাংথোক্নবা মতম লেপখ্রে

গ) ফেসিলিতেতর ৫৩৯০১ (১৯.৯%)গী ফীদবেক ফংখি

ঘ) ফেসিলিতেতরগী ফীদবেক্কী মতুং ইন্না জি.পি.দি.পি. ৪৯১১৪ (১৮.১%)গী অয়াবা পীখ্রে

ঙ) ই.গ্রামস্বরাজ পোর্তেলদা জি.পি.দি.পি. ৩৯ অপলোদ তৌখ্রে

চ) জি.পি.দি.পি. ৯৮ পাংথোক্কদবগী ঙাইদুনা লৈরি

৫) ওদিৎওনলাইনঃ পঞ্চায়ৎ একাউন্তশিং ওনলাইন্দা ওদিৎ তৌবা

• ইন্সতিত্যুসনগী ওইবা মরু ওইবা শেমদোকপা অমা ওইনা, মন্ত্রালয়না পঞ্চায়ৎকী একাউন্তশিংবু ওনলাইন্দা ওদিৎ তৌনবা হায়দুনা এপ্রিল ১৫, ২০২০দা ‘ওদিৎওনলাইন’ এপ্লিকেসন লোঞ্চ তৌখি। মসিনা একাউন্তশিংবু ওদিৎ তৌবদা তেংবাংবতা নত্তনা ওদিৎ তৌবগী রেকোর্দশিংবু শেন্নবগী খুদোংচাবসু ফংহল্লি। মসিগী এপ্লিকেসন অসিনা ওদিৎ ইঙ্ক্বারী, লোকেলগী ওদিৎ রীপোর্ত শেম্বা, ওদিৎ পেরা শেম্বনচিংবগী থবকশিংবু মওং মরিলসু তাহল্লি। ওদিৎওনলাইনগী তোপ-তোপ্পা মওং অমদি এপ্লিকেসন অসিবু অপাম্বগী মতুং ইন্না শেমদোকপা য়াবা অসিনি, হায়বদি এপ্লিকেসন অসি রাজ্যগী ওদিৎ প্রোসেস ফ্লোগী মতুং ইন্না শেমদোক্তুনা এপ্লিকেসন অসিবু শিজিন্নরিবা রাজ্যগী ওদিৎ তৌবা মীওইশিংনা ওদিৎ তৌবগী থৌওংশিং অসি পাংথোকপা য়াহল্লি।

• হৌদোকপা ওইনা; ইং ২০১৯-২০গী ১৪শুবা ফাইনান্স কম্মিসনগী (এক্স.আই.ভি. এফ.সি.) পঞ্চায়ৎকী একাউন্তশিং ওদিৎ তৌবা হায়না ৱারেপ অমা লৌখি। মসিগী মতুং ইন্না, রাজ্যশিংদা য়ামদ্রবদা জি.পি. ২০%গী ওদিৎ তৌদবা য়াদে হায়বা ৱাফম খঙহনখি। পঞ্চায়ৎশিংগী একাউন্তশিং অসি ই.-পঞ্চায়ৎ মিসন মোদ প্রোজেক্তকী মখাদা শাবা থবক্তা য়ুম্ফম ওইবা একাউন্তিং সোফৱেয়র, ই.-গ্রামস্বরাজতা (হান্ননা পি.আর.আই.এ. সোফ – একাউন্তিং এম.আই.এস. ওইরম্বা) শেম-শাদুনা লৈবনি। রাজ্য অয়াম্বনা ই.-গ্রামস্বরাজ শিজিন্নদুনা এক্স.আই.ভি. এফ.সি.গী মখাদা লৈখিবা চাদিংশিংগী একাউন্তিং তৌদুনা লাক্লিবনি। রাজ্য পুম্নমক্না জি.পি. ২০%গী ওদিৎ তৌননবা ওদিৎওনলাইনদা য়াওনরে। রাজ্য খরা অমদি জি.পি. ২০%দগী হেন্না ওদিৎ তৌনবা ৱারেপ লৌনখিবসু লৈখিঃ তেলঙ্গানা (৪০%) অমসুং য়ু.পি. (১০০%)। রাজ্য খুদিংমক্না ওদিৎ তৌবগী থবকশিং অসি দিসেম্বর ৩১, ২০২০ ফাওবগী মনুংদা লোইশিনগদবনি। অদুবু, মথং চহিদগী হৌনা, হায়বদি ইং ২০২১-২২, এপ্লিকেসন অসিগী খুত্থাংদা জি.পি.গী ১০০%গী ওদিৎ তৌগদবনি।

• ওদিৎওনলাইনগী মতাংদা মরী-লৈনবা মীওইশিংবু খঙহন্নবা হায়দুনা রাজ্যশিংদা তোঙান-তোঙানবা ওনলাইনগী ত্রেনিং সেসন কয়াসু পীখি। ভিদিও ত্যুতোরিএল (ইংলিশ অমসুং হিন্দি অনিমক্তা) কয়াসু শেম-শাদুনা রাজ্যশিংদা পীখি।

ওদিৎওনলাইনগী হৌজিক ওইরিবা ফিভম খঙনবগীদমক্তা ক্লিক তৌবীয়ু (৭/১২/২০২০ ফাওবগী)

৬) এসেৎশিং জিও-তেগিং তৌবা

• নীংথিনা য়েংশিনবা ঙম্নবা হোৎনবগী শরুক অমা ওইনা, থবকশিং অসিগী লৈমাইগী থাক্তা লৈবা চাউখৎপশিং য়েংশিনবা অসি তঙাই ফদবা অমনি। মসিদা নত্তনা, পথাপ অসিবু মপাঙ্গল হেন্না লৈহন্নবগীদমক্তা এসেৎশিংবু জিও-তেগিং তৌবা হায়বসি খ্বাইদগী মরু ওইনা ওইরক্লি। মন্ত্রালয় অসিনা এম.এক্সন সোফ কৌবা মোবাইলদা য়ুম্ফম ওইবা এসেৎশিংবু আউৎপুৎ ওইনা পুথোক্লিবা থবকশিংবু জিও তেগ (হায়বদি, জি.পি.এস. কো-ওর্দিনেৎ ওইনা) তৌবা ফোতো নম্বগী ৱারোইশিনগী পথাপ অমা পুথোকখি। এসেৎশিংবু জিও-তেগিং তৌবগী থবকশিং অসি য়ামদ্রবদা থাক অহুমদা পাংথোকখিঃ (১) থবক হৌদ্রিঙৈদা, (২) থবক তৌরিঙৈগী মনুংদা অমসুং (৩) থবক লোইরবা তুংদা। মসিনা থবক পাংথোকখিবা খুদিং অমসুং নেচরেল রিসোর্স মেনেজমেন্ত, ঈশিং য়োকশিনবা, ইকং থোক্তনবা শিনবা, সেনিতেসন, লৌউ-শিংউ, চেক-দাম অমসুং ইরিগেসন চেনেলনচিংবগা মরী লৈনবা এসেৎশিংগী ই-পাউ কয়াগী তুংশিনফম অমা ওইনসু কান্নবা পীগনি। নবেম্বর ২০২০ ফাওবগী মনুংদা, এসেৎশিংগী ফোতো অপুনবা ১৩,৪৯,৩৯৬ অসি ১৪শুবা ফাইনান্স কম্মিসন গ্রান্তকী খুত্থাংদা খোমজিনখ্রে। রাজ্যশিংনসু ১৫শুবা ফাইনান্স কম্মিসনগী জিও-তেগিংগী থবক হৌনখ্রে। হৌজিক্কী চহি অসিদা রাজ্য ১২দগী অপুনবা ফোতো ১৩,৬২৪ অপলোদ তৌরকখ্রে।

৭) গ্রাম পঞ্চায়ৎকী খোঙথাং- স্পেতিএল দিভেলপমেন্ত প্লান্নিং

• পঞ্চায়তী রাজ মন্ত্রালয়না গ্রাম পঞ্চায়ৎ- স্পেতিএল দিভেলপমেন্ত প্লান্নিং অসি পাইলোৎ বেসিস্তা আন্ধ্র প্রদেশ, অসম, ছতিসগর, গুজরাৎ, হরিয়ানা, ঝারখন্দ, করনাতকা, মধ্য প্রদেশ, মহারাস্ত্রা, ওরিশা, তমিল নাদু, উত্তর প্রদেশ, উত্তরাখন্দ অমসুং নোংচুপ বেঙ্গোলগী রাজ্যশিংগী গ্রাম পঞ্চায়ৎ অনি/অনিদা রাজ্য ১৪দা চাইথোক্তুনা লৈবা আর্কিতেকচর অমসুং আই.আই.তি. অমসুং এন.আই.তি. য়াওবা লৈবাক্কী থাক্তা লৈবা ইঞ্জিন্যারিং ইন্সতিত্যুৎ ১৭কা খুৎশম্নদুনা পায়খৎখ্রে। মসিগী খোঙথাং অসি জুলাই ১, ২০২০দা পঞ্চায়তী রাজকী সেক্রেতরীনা লুচিংদুনা হায়রিবা ইন্সতিত্যুৎশিং অমসুং রাজ্য সরকারশিংনা ভিদিও কনফরেন্সিংগী খুত্থাংদা শরুক য়াবা মীফম অমদা হৌদোকখিবনি।

• মসিগী পাইলোৎকী ওইনা নৈনবা অসিগীদমক্তা গ্রাম পঞ্চায়ৎ ৩৪বু মরী লৈনবা ইন্সতিত্যুৎশিং অমসুং রাজ্য সরকারগী পঞ্চায়তী রাজ বিভাগকা খন্নরবা মতুংদা খনগৎখি। নেস্নেল ইনফোর্মেতিক্স সেন্তর (এন.আই.সি.) অমসুং নেস্নেল রীমোৎ সেন্সিং সেন্তর (এন.আর.এস.সি.)না খোঙথাং অসিদা মন্ত্রালয়গী তেক্নোলোজীগী খোঙলোই ওইরিবনি।

৮) কোবিদ-১৯ লাইচৎ থেংনবদা পঞ্চায়ৎকী থৌদাং

• পঞ্চায়তী রাজ মন্ত্রালয়না থৱাই য়াওনা তেংবাংবগা লোয়ননা, লৈবাক অসিগী পঞ্চায়ৎশিংনা কোবিদ-১৯ লাইচৎ অসিবু লান্থেংনবা ওইনা চেকশিন তৌরাং কয়া অমা পায়খৎখি। লৈবাক অসিদা লাইচৎ অসি শন্দোরকপগী অঙনবা মতমদগী হৌনা, পঞ্চায়ৎশিংনা তোঙান-তোঙানবা চেকশিন-থৌরাং পায়খৎপগী থৌওংশিংদা মাং থাদুনা লাকখি। মসিগী থৌওংশিং অসি প্রধান মন্ত্রী, শ্রী নরেন্দ্র মোদীনা লৈবাক্কী পঞ্চায়তী রাজ নুমিৎ, এপ্রিল ২৪, ২০২০দা খনগৎলবা গ্রাম পঞ্চায়ৎশিংগী সর্পঞ্চশিংগা উন্নবগী থৌরমদা উৎখি।

• পঞ্চায়ৎশিংনা খুঙ্গংগী মফমশিংদা আইসোলেসন সেন্তরশিং শেমগৎখিবগী তোঙান-তোঙানবা খোঙথাংশিংগী মনুংদা মরী লৈনবা ই-পাউ পীনবা, সেনিতাইজেসন/মহিক-হাৎনবা থৌওংশিং মনুং হুৎনা পাংথোক্নবা, কোবিদ-১৯ শেন্ননবগীদমক্তা খুঙ্গংগী ভলন্তিয়রশিং থাদোকপা, সোসিএল দিস্তেন্সিং চৎনহনবা, মেদিকেল কেম্প শিন-লাংবা, খুঙ্গংদা লাকপা অনৌবা মীওইশিং মশক খংদোকপা অমসুং থীদোকপা, য়ুম্থোং খুদিংদা চত্তুনা ই-পাউ পীবা, এস.ঐচ.জি.শিং য়াওদুনা মাস্ক য়াম্না পুথোকপা, মইয়ুমদা হল্লকপা মাইগ্রেন্ত শিন্মীশিংবু ফাইনান্স কম্মিসন, এম.জি.এয়ার.ই.জি.এস.কী থবকশিংগী খুত্থাংদা থবক পীবনচিংবা থৌওং কয়া য়াওখি।

• পঞ্চায়তী রাজকী ইন্সতিত্যুসনশিং অসিনা মফমগী মীয়ামশিংগা হেন্না নক্নবা হেনবা অমসুং লোকেলগী মফমশিংগী মরমদা হেন্না খঙবা হেনবনা, পঞ্চায়তী রাজ মন্ত্রালয়না লৈবাক শিনবা থুংনা লৈবা পি.আর.আই.গী নেৎৱর্কশিংগা খুৎশম্নদুনা মখোয়গা লোয়ননা লোকেলগী মীওইশিংদা হকশেলগী ওথোরিতীশিংনা পীরিবা কাঙলোনশিং ইন্নবা অমসুং ফ্রন্তলাইন হেল্থ ৱর্কর/কোরোনাগী লান্মীশিংদা তেংবাংনবা হায়হনখি।

৯) অতোপ্পা মন্ত্রালয়শিং/বিভাগশিংগী মরু ওইবা ই-পাউশিংবু অরাপ্পা মফমগী গ্রাম পঞ্চায়ৎশিংদা য়ৌহনবা অমসুং পঞ্চায়তী রাজ মন্ত্রালয়গী থৌদাংশিং

• পঞ্চায়তী রাজ মন্ত্রালয়না পঞ্চায়তী রাজ ইন্সতিত্যুসনশিংগী, মরু ওইনা গ্রাম পঞ্চায়ৎশিংগী, ই-পাউ খঙবগী তঙাই ফদবশিংবু খঙহন্দুনা লৈবাক্কীদমক্তা মরু ওইবা হীরমশিংদা অচৌবা থৌদাং য়াদুনা লাক্লি। মশিং য়াম্লবা গ্রাম পঞ্চায়ৎশিংবু দিজিতেল অম্ব্রেল্লা অমগী মখাদা লৈহন্দুনা অমসুং দিজিতেল ইনফ্রাস্ত্রকচরগা লোয়ননা চাউরবা অমসুং থাক ৱাংবা আই.তি. অমসুং ই.-গভর্নেন্সকী ইনফ্রাস্ত্রকচর কয়া গ্রাম পঞ্চায়ৎশিংদা ফংহন্দুনা অরাপ-অরাপ্পা মফমশিংদা ই-পাউ য়ৌহনবা ঙমখি অমসুং মসিগী থৌওংশিং অসিনসু ই-পাউ য়ৌহনবদা য়াম্না কান্নবা তেংবাং অমসু পীখি।

১০) খুঙ্গংগী লোকেল বোদীশিংদা ফাইনান্স কম্মিসনগী গ্রান্তশিং পীবা

• ১৫শুবা ফাইনান্স কম্মিসন্না (এক্স.ভি. এফ.সি.) মখোয়গী এফ.ৱাই. ২০২০-২১গী ইন্তেরিম রীপোর্ত্তা খুঙ্গংগী লোকেল বোদীশিংগী ওইনা লুপা করোর ৬০,৭৫০ কায়থবা হায়না পনখি। মসিগী শেনফম অসিনা হৌজিক ফাওবদা লোকেল বোদীশিংদা পীথবা খ্বাইদগী য়াম্বা শেনফম ওইরি। মমাংগী ১৪শুবা ফাইনান্স কম্মিসন্না (এক্স.আই.ভি. এফ.সি.)না কন্সতিত্যুসনগী পার্ত ৯গী মখাদা শেমখিবা রাজ্য ২৬কী গ্রাম পঞ্চায়ৎশিংদা ইং ২০১৫-২০গী শেল পীবগী মতমগী ওইনা লুপা করোর ২,০০,২৯২.২০ কায়থখি। পঞ্চায়ৎ লৈতবা নন-পার্ত ৯গী মফমশিংদদি গ্রান্ত অসিগী শেল কায়থখিদে। হৌজিক্তি, এক্স.ভি. এফ.সি.গী গ্রান্ত-ইন-এদ অসিনা নন-পার্ত ৯গী রাজ্যশিং য়াওনা অমসিং ৫শুবা অমসুং ৬শুবা সেদ্যুলগী মফমশিং য়াওনা রাজ্য ২৮গী পঞ্চায়ৎকী থাক খুদিংদা কোল্লগনি।

• গ্রান্তশিং অসি থাক অনি থোক্না পীগনি, মিং ওইনা পল্লবদা, (১) বেসিক (অন্তাইদ) গ্রান্ত (৫০%) অমসুং (২) তাইদ গ্রান্ত (৫০%)। বেসিক গ্রান্তশিং অসিনা অন্তাইদ ওই অমসুং আর.এল.বি.শিংনা তোলোব অমসুং অতোপ্পা ইস্তাব্লিশ চাদিং নত্তনা লমদমশিংগী তঙাই ফদবশিংদা শিজিন্নবা য়াগনি। তাইদ গ্রান্তশিং অসিনা থক্নবা ঈশিং পীবা অমসুং সেনিতেসনগুম্বা লৈবাক্কী তৌদবা য়াদবা হীরমশিংদা শিজিন্নবা থম্বনি। এম.ও.পি.আর.না হায়রকপগী মতুং ইন্না আর.এল.বি.শিংগী বেসিক (অন্তাইদ) অমসুং তাইদ গ্রান্তকী অহানবা ইন্সতোলমেন্তকী শেনফম লুপা করোর ৩০৩৭৫ অসি অমমমগী ওইনা রাজ্যশিংদা পীথখ্রে। মসিগী শেন্থং অসিনা তঙাই ফদবা সর্ভিসশিংগী ইনফ্রাস্ত্রকচর শেম্বদা অমসুং খুঙ্গংগী মীওইশিংদা সেবাশিং অসি ফগৎহনবদা তেংবাংখি।

১১) গরীব কল্যান রোজগার অভিয়ান (জি.কে.আর.এ.)

• ভারত সরকারনা বিহার, ঝারখন্দ, মধ্য প্রদেশ, ওরিশা, রাজস্থান অমসুং উত্তর প্রদেশতা কোবিদ-১৯গী লাইচৎ থোক্লকপদগী ময়ুমদা হল্লক্লবা মাইগ্রেন্ত শিন্মীশিংদা কান্নবা থবক পীনবগীদমক্তা জি.কে.আর.এ. অসি লোঞ্চ তৌখি। অভিয়ান অসিগী শরুক অমা ওইনা, পঞ্চায়তী রাজ মন্ত্রালয়না মখাদা পীরিবা কান্নবা পীবগী খোঙথাং অনি অসি পায়খৎখিঃ (১) ‘গ্রাম পঞ্চায়ৎ ভৱন শাবা’, (২) ‘সেন্ত্রেল ফাইনান্স কম্মিসন গ্রান্তকী মখাদা থবক পীবা’।

• জি.কে.আর.এ. জিলা ১১৬কী পঞ্চায়ৎশিংদা লুপা করোর ৯৫৫৪.৯৭গী (এক্স.আই.ভি. এফ.সি. গ্রান্ত অমসুং এক্স.ভি. এফ.সি.গী অন্তাইদ অমসুং তাইদ গ্রান্তকী শিজিন্নহৌদ্রবা শেনফম) শেনফম অসি খুঙ্গংগী মফমশিংদা ‘সেন্ত্রেল ফাইনান্স কম্মিসন গ্রান্তকী মখাদা থবক পীবা’গী মখাদা থবক পায়খৎনবা কায়থখি। মসিগী মনুংদগী লুপা করোর ৫৮১০.৯৫ (৬০.৮২%) অসিদি ২২/১০/২০২০দা লোইখিবা অভিয়ানগী মতম অসিদা চাদিং তৌখি অমসুং মীওই ২,৮২,৪৫,৬৬০গী নোঙমগী থবক লৈহনখি। 

• অভিয়ান অসিগী মনুংদা জি.কে.আর.এ. রাজ্য ৬তা অনৌবা গ্রাম পঞ্চায়ৎ (জি.পি.) ভৱন ১,৩৪৭ শাবা লোইশিনখি। জি.পি. ভৱন ১২,৮৫৪দি শাবগী তোঙান-তোঙানবা থাক্তা লৈখি অমসুং মীওই ৩৫,৫৬,৮০৯গী নোঙমগী থবক লৈহনখি। জি.কে.আর.এ.গী মখাদা জি.পি. ভৱন শাবগী মথক্তা, ইং ২০২০-২১গী মনুংদা আর.জি.এস.এ.গী স্কিমগী মখাদা জি.পি. ভৱন ৯ শাবা অমসুং ৪৪৮০ শেমজিনবগী অয়াবসু পীখি।

১২) নেস্নেল পঞ্চায়ৎ এৱার্দ ২০২০

• খুদোংচাদবা অমসুং অকক্নবা কয়া অমা লৈখ্রবসু, লৈবাক শিনবা থুংবগী পঞ্চায়ৎশিংগী মনুংদগী মশক থোকপা থবক পাংথোকপা পঞ্চায়ৎ কয়া অমসু থোক্লকখি। পঞ্চায়তী রাজ মন্ত্রালয়না ইং ২০১১দগী হৌনা মখোয়গী সেবা নীংথিবগী থবকশিংবু মশক খঙবা ওইনা পঞ্চায়ৎকী স্কিমশিংবু ইন্সেন্তিব পীবগী থবক্কী মখাদা মনা অমসুং ইন্সেন্তিব পীদুনা খ্বাইদগী নীংথিজনা থবক তৌবা পঞ্চায়ত/রাজ্য/য়ু.তি.শিংবু মশক খঙদুনা লাক্লি। মনাশিং অসি চহি খুদিংগী এপ্রিল ২৪দা পাংথোকপা লৈবাক্কী পঞ্চায়তী রাজ নুমিত্তা পীবনি।
• মসিগী মনা অসি তোঙান-তোঙানবা থাক্তা পীবনি, মিং ওইনা পল্লবদা, দীন দয়াল উপাধ্যায় পঞ্চায়ৎ সশক্তিকরন পুরস্কার (রাজ্য/য়ু.তি. ২৮গী পঞ্চায়ৎ ২১৩দা), নানাজী দেশমুখ রাস্ত্রিয় গৌরব গ্রাম সভা পুরস্কার (রাজ্য/য়ু.তি. ২৭কী গ্রাম পঞ্চায়ৎ ২৭তা), গ্রাম পঞ্চায়ৎ দিভেলপমেন্ত প্লান এৱার্দ (রাজ্য/য়ু.তি. ২৮গী গ্রাম পঞ্চায়ৎ ২৮দা), চাইল্দ ফ্রেনলী গ্রাম পঞ্চায়ৎ এৱার্দ (রাজ্য/য়ু.তি. ৩০গী গ্রাম পঞ্চায়ৎ ৩০দা) অমসুং ই.-পঞ্চায়ৎ পুরস্কার (রাজ্য ৮দা)।
• নেস্নেল পঞ্চায়ৎ এৱার্দ ২০২১গী ওইনা (খন্নগদবা চহি- ২০১৯-২০), পঞ্চায়তী রাজ ইন্সতিত্যুসনগী তাইয়র ৩মক্কী ওইনা রাজ্য সরকার/য়ু.তি.শিংগী লৈঙাক্লোইশিংদগী এৱার্দ কাঙলুপ ৪গীদমক্তা, মিং ওইনা পল্লবদা দীন দয়াল উপাধ্যায় পঞ্চায়ৎ সশক্তিকরন পুরস্কার, নানাজী দেশমুখ রাস্ত্রিয় গৌরব গ্রাম সভা পুরস্কার, গ্রাম পঞ্চায়ৎ দিভেলপমেন্ত প্লান এৱার্দ অমসুং চাইল্দ ফ্রেনলী গ্রাম পঞ্চায়ৎ এৱার্দ, ওনলাইন্দা নোমিনেসন কৌরি।

****