য়ুমলৈ-কৈরৈ মন্ত্রালয়

হোম এফিয়র্স মন্ত্রালয়গী ২০২০ চহী লোইশিল্লকপগী রিভিয়ু

এম.ঐচ.এ.গী মরু ওইবা ৱারেপশিং/ইনিসিয়েতিবশিং পুথোকখ্রে

(কোবিদ-১৯গা মরী লৈননা এম.ঐচ.এ. এক্তিবিতীশিং অসিগী মতাংদা থোকখিবা প্রেজ রিলিজকী লিঙ্কশিং এনেক্সর Iদা পীরি)

Posted On: 07 JAN 2021 8:03PM by PIB Imphal

কোবিদ-১৯ লাইনা-লাইচৎ শন্দোরকপা অমসুং ভারত লৈবাক অসিদা য়াম্না থুনা পাক্তক্ননা শন্দোরকপা অসিদা চহী অসি হৌরকপা মতমদগী হোম এফিয়র্স্কী কেন্দ্রগী মন্ত্রালয়(এম.ঐচ.এ.)গী থবক থৌরমশিং পাংথোকপা হৌখ্রে৷ কোবিদ-১৯গী মতাংদা এম.ঐচ.এ.না লৌখৎখিবা থবক থৌরমশিং অদুগী অকুপ্পা মরোলশিং এনেক্সর Iদা উবা ফংলগনি৷

২০২০গী মতমদা এম.ঐচ.এ.গী মরু ওইবা থবক থৌরমশিং চহী অসিদা য়াম্না মরু ওইবা পাইখৎলিবা থবকশিং অদুগী তেন্তক্না পীরি:

জম্মু অমসুং কাশ্মীর অমসুং লদাখঅনৌবা য়ু.তি.শিং অসিগা কেন্দ্র অসিগা চৎমিন্ননবা মখাতাবা খোঙথাংশিং

  • জম্মু অমসুং কাশ্মীরগী য়ুনিয়ন তেরিতোরী অমসুং লদাখকী য়ুনিয়ন তেরিতোরীদা রাজ্যগী চৎনা পথাপশিং অমসুং কেন্দ্রগী চৎনা পথাপশিং চৎনহনবা
  • জে অমসুং কেদা কেন্দ্রগী চৎনা পথাফ ৪৮ অমসুং রাজ্যগী চৎনা পথাফ ১৬৭ চৎনহন্নবা ওর্দরশিং থোকখ্রে
  • লদাখগী য়ু.তি.দা কেন্দ্রগী চৎনা পথাফ ৪৪ অমসুং রাজ্যগী চৎনা পথাফ ১৪৮ চৎনহনবদা চংবা মরী লৈনবা ওর্দরশিং থোকখ্রে৷
  • ২০২০গী জম্মু অমসুং কাশ্মীর রিওর্গনাইজেসন ওর্দর ৩১.০৩.২০২০দা থোকখ্রে৷ মসিগী ওর্দর অসিনা জম্মু অমসুং কাশ্মীরগী কম্মন হাই কোর্তকী নৌনা খল্লবা জর্জশিং অদুনা ৱাশক লৌবা য়াননবগীদমক ২০১৯গী জম্মু অমসুং কাশ্মীর রিওর্গনাইজেসন এক্সকী সেক্সন ৭৫গা মরী লৈননা লৈরিবা খুদোংচাদবশিং অদু লৌথোকই৷
  • ০৮.০৬.২০২০দা জম্মুদা সেন্ত্রেল এদমিনিস্ত্রেতিব ত্রিবুনেলগী বেঞ্চ অমা শেমখ্রে৷
  • ২০২০গী জম্মু অমসুং কাশ্মীর ওফিসিয়েল লেঙ্গুয়েজ এক্স ২৭.০৯.২০২০দা থোকখ্রে৷ এক্স অদু ২৯.০৯.২০২০দগী চৎনবা হৌখ্রে৷ কাশ্মীর, দোগ্রি, ঊর্দু, হিন্দি অমসুং ইংলিস অসি হৌজিক্তি য়ু.তি. অমসুং জে. অমসুং কে.গী ওফিসিয়েল লেঙ্গুয়েজ ওইখ্রে৷
  • ২০১৯গী মতমদা থোকখিবা তেরোরিস্তকী থৌদোকশিং অসিগা ২০২০গী মতমদা থোক্লিবা (নবেম্বর ১৫ ফাওবা) অসিগা চাংদম্নদুনা য়েংবদা চাদা ৬৩.৯৩ হন্থরে৷ ২০১৯গী মতমদা থোকখিবা অসিদা য়েংনবদা ২০২০গী মতমদা(নবেম্বর ১৫ ফাওবদা) স্পিসিয়েল ফোর্সেস পর্সোনেল শিবগী মশিং অসি চাদা ২৯.১১ হন্থরে অমসুং প্রজা মীয়ামশিং অশোক অপন য়াওবগী চাং অদুসু চাদা ১৪.২৮ হন্থরে৷
  • প্রধান মন্ত্রী দিভেলপমেন্ত পেকেজকী মখাদা পি.ও.জে.কে. অমসুং চাম্বদগী হোংদোকখিবা ইমুং ৩৬,৩৮৪দা ইমুং অমমমদা অমুক্তংদা পীবা ফাইনান্সিয়েল মতেং ওইনা লুপা লাখ ৫.৫ পীখ্রে৷ পি.ও.জে.কে. অমসুং চাম্বদগী হোংদোকখিবা ইমুংশিংদা পীখিবা মতেং অদুগুম্না জম্মু অমসুং কাশ্মীর রাজ্যদা লৈরিবা ৱেস্ত্রন পাজিস্তান রেফ্যুজীশিং অসিগী ইমুং ৫,৭৬৪দা ইমুং অমমমদা লুপা লাখ ৫.৫গী শেনফম অমু্ক্তংদা পীদুনা মতেং পাংখ্রে৷
  • এপ্রীল ৪: জে অমসুং কে য়ু.তি. অসিদা সরকারগী পোস্ত পুম্নমক থাদা য়ারিবা মীওইশিং অসিগী দোমিসাইলশিং শেংনবা এম.ঐচ.এ.না ওর্দর থোকখ্রে৷
  • ওক্তোবর ১৪: এফ.ৱাই. ২০২৩-২৪ ফাওবগী মনুংদা চহী মহাগী ওইনা জে.অমসুং কে. অমসুং লদাখকী য়ু.তি.শিং লুপা কোতি ৫২০গী শেনফম ওইবা অখন্নবা পেকেজ অমা থাদনবা কেন্দ্রগী কেবিনেৎনা অয়াবা পীখ্রে অমসুং হায়রিবা শাংদোক্লিবা মতম অসিদা পোভর্তী রেসিওগা মরী অমতা লৈনদনা দিমান্দ দ্রিভন বেবিস ওইবা মওং অমদা জে অমসুং কে অমসুং লদাখগী য়ু.তি.শিং অসিদা নেস্নেল রুরেল লিবলিহুদ মিসন(দি.এ.ৱাই.-এন.আর.এল.এম.)-দীনদায়াল অন্ত্যোদয়া য়োজনাগী ফন্দ থাদরগনি৷
  • ওক্তোবর ২১: ২০১৯-২০দা লৈখিবা তর্মশিং অমসুং কন্দিসনশিং অদুগুম্না ২০২০-২১ চহী অসিদসু জে অমসুং কে.দা  শেমশিং লৌশিন্ননবগীদমক মার্কেৎ ইন্তরবেন্সন স্কিম মখাতানা শাংদোক্নবা কেবিনেৎনা অয়াবা পীখ্রে৷
  • সেপ্তেম্বর ২৬: লদাখকী ভেতরান লিদরশিং কেন্দ্রগী গৃহ মন্ত্রী শ্রী অমিত শাহগা দিল্লীদা উন্নখ্রে
  • লেহ অমসুং লদাখকী এল.এ.ঐচ.দি.সি. হেন্না শক্তি লৈননবা ভারত সরকার অসিনা হোৎনখ্রে অমসুং লদাখ য়ু.তি. অসিগী মীওইশিংগী ঙাক শেন্দুনা থমগনি হায়না উন্নবগী থৌরম অদুদা কেন্দ্রগী গৃহ মন্ত্রীনা থাজবা পীরকখ্রে৷
  • জম্মু অমসুং কাশ্মীরগী য়ু.তি.দা দিস্ত্রিক দিভেলপমেন্ত কাউন্সিল(দি.দি.সি.) ইলেক্সনশিং
  • জম্মু অমসুং কাশ্মীরগী জিলা খুদিংমক্তা দিস্ত্রিক দিভেলপমেন্ত কাউন্সিলশিং(দি.দি.সি.শিং) শেমগৎননবগীদমক ১৯৮৯গী জম্মু অমসুং কাশ্মীর পঞ্চায়তি রাজ এক্ত অদু ভারত সরকার অসিনা ১৬.১০.২০২০দা শেমদোকখ্রে৷ ১৯৯২গী ৭৩শুবা কন্সতিত্যুস্নেল এমেন্দমেন্তগী মখাদা জম্মু অমসুং কাশ্মীরগী য়ুনিয়ন তেরিতোরীদা নিংথীনা মথৌ তৌবা পঞ্চায়তি রাজ সিস্তেম অমা শেমগৎপদা দি.দি.সি.শিং শেম্বা অসিনা খ্বাইদগী অরোইবা অমসুং ফাইনেল ওইবা খোঙথাংনি৷
  • জম্মু অমসুং কাশ্মীরদা গ্রাসরুত দেমোক্রেসী চৎননবা প্রধান মন্ত্রী শ্রী নরেন্দ্র মোদীনা হোৎনরিবশিং অদু পল্লদুনা ইতিহাস অসিদা ইহান হানবা ওইনা জে অমসুং কেগী য়ু.তি.দা দি.দি.সি. ইলেক্সনশিং পাংথোকখ্রে৷ ইলেক্সনশিং অদু নবেম্বর গী অরোইবা চয়োলদগী হৌদুনা দিসেম্বরগী অহুমশুবা চয়োল ফাওবা ফেস নিপান থোক্না পাংথোকখ্রে৷ কন্সতিত্যুয়েন্সী ২৮০গীদমক কেন্দিদেৎ ২,১৭৮না লম্বা তৌনখি৷ ইলিজিবল ইলেক্তর পুন্না ৫৮,৩৪,৪৫৮ অসিগী মনুংদা মীওইনা ৩০,০০,১৮৫না মশা মশাগী ভোত থাদনখ্রে অমসুং ভোৎ থাদবগী চাং অদু চাদা ৫১.৪২ ওইখি৷
  • মার্চ ৬:  অমসুং কাশ্মীর এয়রপোর্তকী সেক্যুরিতী সি.আই.এস.এফ.না পাইখ্রে৷ ফেব্রুৱারী ২৬তা শ্রীনগর এয়রপোর্তকী সেক্যুরিতী সি.আই.এস.এফ.তা খুৎশিন্নখ্রে৷

অৱাং-নোংপোক: পীছ দিবিদেন্দশিং পুনশিনবা

  • ২০১৪দগী হৌদুনা অৱাংনোংপোক থংবা রাজ্যশিংদা লৈরিবা সেক্যুরিতীগী ফিভম অশুক্কী মতিক ফগৎলে৷ হৌখিবা চহী তরুক অসিদা ইন্সর্জেন্সীগী থৌদোকশিং অশুক্কী মতিক তাথরে৷ হন্দক্কী চহী ২০২০ অসিদসু ইন্সর্জেন্সীগী থৌদোকশিং মমাংগী মতৌগুম্না লেপ্পা লৈতনা তাথরে৷
  • হৌখিবা চহী তরুক অসিদা সেক্যুরিতীগী ফিভম অসি ফগৎলকপদগী মেঘলয় অমসুং ত্রিপুরা রাজ্যদা আর্ম ফের্সেস স্পিসিয়েল পৱার্স এক্ত মপুং ফানা লৌথোকখ্রে অমসুং অরুনাচল প্রদেশতসু এক্ত অসিগী এপ্লিকেসন হন্থখ্রে৷

 

  • জানুৱারী ১৬: ব্রু-রিয়াঙ্গ রিফ্যুজী ক্রিসিস অসি লোইশিন্নবা ইতিহাসিক ওইরবা এগ্রীমেন্ত শহি পীনবা
  • চহী ২৩ চংনা চত্থরক্লিবা ব্রু-রিয়াঙ্গ মাইগ্রেন্ত ক্রাইসিস অসি লোইশিন্নবা জানুৱারী ১৬তা ন্যু দিল্লীদা ভারত সরকার, ত্রিপুরা অমসুং মিজোরাম সরকার অমসুং ব্রু-রিয়াঙ্গ রিপ্রজেন্তেতিবশিং অসিগী মরক্তা ফংখিবা এগ্রীমেন্তগী শহি পীনবগী থৌরম অদু হোম এফিয়র্স্কী কেন্দ্রগী মন্ত্রী শ্রী অমিত শাহনা থৌরম মপু ওইখি৷ ব্রু মাইগ্রেন্ত চাওরাক্না ৩৭,০০০রোমগী চাং ত্রিপুরাদা লৈরগনি অমসুং মখোয়গী য়াইফ থৌরাং অমসুং চাওখৎনবদা শিজিন্ননবা লুপা কোতি ৬০০রোমগী শেনফম কেন্দ্রনা মতেং ওইনা পীখ্রে৷
  • জানুৱারী ২৭: বোদো এগ্রীমেন্ত৷
  • চহী ৫০ শুরক্লবা বোদো ক্রাইসিস অসি লোইশিন্নবা ন্যু দিল্লীদা জানুৱারী ২৭তা ভারত সরকার, অসাম সরকার অমসুং বোদো রিপ্রজেন্তেতিবশিং য়াওদুনা ফমখিবা ইতিহাসিক ওইরবা এগ্রীমেন্ত শহি পীনবগী থৌরম অসিদা হোম এফিয়র্স্কী কেন্দ্রগী মন্ত্র্রী শ্রী অমিত শাহনা থৌরম মপু ওইখি৷
  • মসিনা মরম ওইদুনা এন.দি.এফ.বি. কাংলুপকী কেদর ১,৬১৫ মখোয় মখোয়গী খুৎলাইগা লোইননা সরেন্দর তৌরকখ্রে অমসুং ২০২০গী মার্চ ৯-১০দা এন.দি.এফ.বি. অসি মখোয় মশানা থিংজিনখ্রে৷
  • বোদোগী মফমশিং অসিদা চাওখৎ থৌরাং কয়াগীদমক অখন্নবা প্রোজেক্তশিং পাংথোক্নবা কেন্দ্র সরকার অসিনা চহী অহুমগী ওইনা লুপা কোতি ১,৫০০গী শেনফম অখন্নবা দিভেলপমেন্ত পেকেজ ওইনা থাদরগনি৷
  • অৱাংনোংপোক লমদমদা শান্তি পুরক্নবা হোৎনরিবা অসিগী মখা চত্থরকপা ওইনা তোঙান তোঙানবা আউতফিৎশিং আল্ফা/আই, এন.দি.এফ.বি. , কে.এল.ও.গী কেদর ৬৪৪না মখোয় মখোয়গী খুৎলাই থাদোক্লে হায়না অসামদা ২৩.০১.২০২০দা সরেন্দর তৌরকখ্রে৷

মরু ওইবা চৎনা পথাপশিং শেমদোকপা

  • ২০১০গী ফোরেন্দ কন্ত্রিব্যুসন (রুগুলেসন)এক্ত শেমদোকপা
  • ২০২০গী সেপ্তেন্বর থাদা ২০২০গী ফোরেন্দ কন্ত্রিব্যুসন(রিগুলেসন) এমেন্দমেন্ত এক্ত পার্লিয়ামেন্তনা পাস তৌখ্রে অমসুং ২০২০গী সেপ্তেম্বর ২৮দা ময়ামদা খঙহনখ্রে৷ এক্ত অসিদা শেম্লিবা এমেন্দমেন্তশিং অসিনা তোঙান তোঙানবা ওর্গনাইজেসননা ফংখিবা ফেরেন্দ কন্ত্রিব্যুসন রিসিপ্ত অমসুং শিজিন্নখিবা অদু মাই পাক্না য়েংশিনবদা মতেং পাংলগনি৷ সরকার অসিনসু ২০২০গী নবেম্বর ১০দা ২০১১গী ফোরেন্দ কন্ত্রিব্যুসন রিগুলেসন রুলশিংগী এমেন্দমেন্তশিং অদু লাওথোকখ্রে৷
  • এক্ত অসিনা নেস্নেল ইন্তরেস্ত শোকপা য়াবা থবক অমা হেক্তগী ওইবা ফোরেন্দ কন্ত্রিব্যুসন্দা অথিংবা থম্মী৷
  • মী অমগী আইদেন্তিতী খঙদোক্নবা ইন্দিয়ন সিতিজনগী ওইনা আধান শেম্মী অমসুং ফোরেন্নরশিংগীদমক ওইনা শুংশোই শোইদনা ও.সি.আই. নত্রগা পাসপোর্ত শেম্মী৷
  • ফেব্রুৱারী ২৪: ১৯৫৯গী আর্মস এক্ত অমসুং ২০১৬গী আর্মস রুলশিংগী এমেমেন্তশিং লাওথোকখ্রে; শুত্তরশিংগীদমক ফাইয়রআর্মশিং অমসুং এম্মুনিসন মশিং হেনগৎপা য়াখ্রে৷
  • জানুৱারী ৮: ক্রিমিনেল মেতরশিংদা লৈরিবা মুচুয়েল লিগেল এসিস্তেন্স অসিগীদমক শেমদোক্লবা গাইদলাইনশিং
  • ক্রাইমদা জেরো তোলেরেন্স লৈহন্নবা ভারত সরকার অসিগী পোলিসী অসিগী মখা চৎথরকপা অমসুং ৱায়েল বিচার অসি থিন্থবা তৌদনা ফংহন্নবা পোলিসীগী মখা চৎথরকপা ওইনা ২০১৯গী দিসেম্বর থাদা ক্রিমিনেল মেত্তরশিংদা মুচুয়েল লিগেল এসিস্তেন্স পীননবগীদমক শেমদোক্লবা গাইদলাইনশিং এম.ঐচ.এ.না পুথোকখ্রে৷
  • শোমদোক্লবা গাইদলাইনশিং অসিনা ভারত য়াওনা মালেমগী তোঙান তোঙানবা লৈবাকশিং অসিদা লৈরিবা প্রোসিদুয়েল লোশিং অসিগী এমেন্দমেন্ত, অনৌবা লেজিস্লেসনশিং, রিগুলেসনশিং অমসুং কনবেন্সনশিং অসিগী মখা পোন্না ইন্তরনেস্নেল কোওপরেসনদা অহোংবা পুরক্লগনি৷ 
  • মার্চ ১৯: এন.সি.সি. সর্তিফিকেৎ হোল্দরশিংনা পেরামিলিতরী ফোর্সশিংদা য়াওশিনবদা হেন্না পুক্নিং থৌগৎনবা মোদী সরকার অসিনা য়াম্না মরু ওইবা খোঙথাংশিং লৌখৎখ্রে৷
  • নেস্নেল কেদেৎ কোর্পস(এন.সি.সি.) অসিদা ভারতকী নহাশিংনা হেন্না শরুক য়াবা হেনগৎহনবা হায়বা প্রধান মন্ত্রী শ্রী নরেন্দ্র মোদীগী মংলান অসি মংফাওননবগীদমক আর্ম ফোর্সেস পরিক্ষশিং অসিদা তৌবা অদুগুম্না সেন্ত্রেল আর্ম পুলিস ফোর্সেস(সি.এ.পি.এফ.শিং) অসিদা দাইরেক্ত এন্ত্রী এগজামিনসেনশিং পাংথোকপদা এন.সি.সি. সর্তিফিকেৎ পাইবা কেন্দিদেৎশিং অসিদা অহেনবা বোনস মার্ক পীনবা হোম এফিয়র্স্কী কেন্দ্রগী মন্ত্রী শ্রী অমিত শাহনা ৱারেপ লৌখ্রে৷

 

য়ু.এ.পি.এ. এক্তকী মখাদা মীওই অমমমগী মমিং

  • জুলাই ১: য়ু.এ.পি.এ.গী মখাদা লানহৌবনি হায়না লাওথোকখ্রবা সিখ তেরেরিস্ত কাংলুপশিং অসিগা মরী লৈনা হায়না মীওই মপন এম.ঐচ.এ.না লাওথোকখ্রে৷
  • ওক্তোবর ২৭: অনলোফুল এক্তিবিতীস(প্রিবেন্সন)এক্ত,১৯৬৭কী মখাদা পাকিস্তানদা বেস তৌবা মীওই  তরানিপান লানহৌবনি হায়না লাওথোকখ্রে৷

 

এম.ঐচ.এ.গী অনৌবা ইনিসিয়েতিবশিংহেন্না ফবা অমসুং তংদু লৈতাবা ভারত ওইহনগদৌরিবা

  • জানুৱারী ১০: গৃহ মন্ত্রী শ্রী অমিত শাহনা দিল্লীদা ইন্দিয়ন সাইবর কোওর্দিনেসন সেন্তর(সি.১৪) শঙ্গাখ্রে৷
  • সাইবরক্রাইমগী মখল পুম্নমক য়াম্না মপুং ফাবা অমসুং মওং মরিল নাইবা মওং অমদা থেংননবা লুপা কোতি ৪১৫.৮৬ থাদদুনা সি ১৪ শানবা স্কিম অসি ২০১৮গী ওক্তোবর থাদা এপ্রুব তৌখিবনি৷
  • এম.ঐচ.এ.গী ইনিসিয়েতিবতা রাজ্য ১৫ অমসুং য়ু.তি.শিং অসিনা মথোয় মখোয়গী রাজ্যশিং/য়ু.তি.শিং অসিদা রিজনেল সাইবর ক্রাইম কোওর্দিনেসন সেন্তরশিং শেমগৎনবগী অয়াবা পীরকখ্রে৷
  • জানুৱারী ২৯: মাংখিবা মী থিবা অমসুং গারিশিংগী এন.ও.সি. পীথোক্নবা এন.সি.আর.বি.না ওনলাইন নেস্নেল লেভেল সর্ভিস অনি হৌদোকখ্রে৷
  • মার্চ ১: কেন্দ্রগী গৃহ মন্ত্রী শ্রী অমিত শাহনা কোলকতাদা এন.এস.জি. রিজনেল হবকী কেম্পস শঙ্গাখ্রে৷
  • কোলকতাদা লৈরিবা লুপা কোতি ১৬২ হেন্না চংদুনা শাখিবা স্তেত-ওফ-দি-আর্ত রিজনেল হব কমপ্লেক্স অসিনা এন.এস.জি.গী মোদেল রিজনেল হব অমা ওইখ্রে৷ হব অসিগী মনুং চল্লিবা মফমশিং অদুদি ৱেস্ত বেঙ্গল, বিহার, ঝার্খন্দ অমসুং অৱাং নোংপোক রাজ্য পুম্নমক্নি৷
  • দিসেম্বর ২: ৫৫শুবা চহীগী ওইনা পাংথোকপা দি.জি.এস.পি./আই.জি.এস.পি. কনফরেন্স হৌদোকপগী থৌরমদা কেন্দ্রগী গৃহ মন্ত্রী শ্রী অমিত শাহনা ৱা ঙাংখ্রে; অসিগুম্বা কনফরেন্সকী ইহান হান্না পাংথোকখিবা অদু ভর্চুয়েল মোদতনি
  • হৌদোকপগী থৌরমদা লৈবাক অসিদা তেরোরিজম অসিদা জিরোদা থমগদবনি হায়না গৃহ মন্ত্রী অসিনা ফোংদোকখ্রে৷ লৈবাক মীয়াম অসিগী ইকাই খুম্নবা অমসুং চেকশিন্না ঙাক শেনবগী তঙাই ফদবা অদু পল্লদুনা ইমর্জেন্সীগী ওইবা ফিভমশিং অমসুং দিজাস্তরশিং অসি থেংননবা পুলিস্কী মপাঙ্গল হেন্না কনখৎহনবা য়াম্না মরু ওই হায়না মহাক্না ফোংদোকখ্রে৷
  • মতুং তারকপদা প্রধান মন্ত্রী শ্রী নরেন্দ্র মোদীনা কনফরেন্স অদু ভর্চুয়েল ওইবা মোদতা শরুক য়ারকখি অমসুং মমাংগী কনফরেন্সকী এক্সন পোইন্তশিং অদু য়েংশিনখ্রে৷
  • মার্চ ১২: এন.সি.আর.বি.না ক্রাইম মল্তি এজেন্সী সেন্তর(ক্রি-মেক) অমসুং নেস্নেল সাইবরক্রাইম ত্রেনিং সেন্তর(এন.সি.তি.সি.) লোঞ্চ তৌখ্রে৷
  • য়াম্না শাথিবা মওং অমদা চৎথবা ক্রাইম অমসুং ইন্তর স্তেত কোওর্দিনেসনগা মরী লৈনবা অতোপ্পা ইসুশিং অসিগী মতাংদা ই-পাউশিং পীরক্নবা ক্রি-মেক পুথোকখ্রে; য়াম্না পাক চাওবা মওং অমদা সাইবর ক্রাইম ইনবেস্তিগেসন তৌবদা পুলিস ওফিসরশিং, জজশিং, প্রোসিক্যুতরশিং অমসুং অতোপ্পা স্তেকহোল্দরশিং অসিদা প্রোফেস্নেল ক্বালিতী ইলর্নিং সর্ভিস ফংহন্নবা এন.সি.তি.সি. পুথোকখ্রে৷
  • ওক্তোবর ১৩: এন.সি.আর.বি.গী ইসাইবর লেব শঙ্গাবা
  • স্তেত-ওফ-দি-আর্ত সাইবর ফোরেন্সিক তুলশিংগা লোইননা এন.সি.আর.বি.না শেমগৎলিবা ইসাইবর লেব অসিনা সাইবর ক্রাইমশিং থিজিনবদা ভর্চুয়েল এক্সপরিয়েন্স পীরগনি৷
  • প্রধান মন্ত্রী শ্রী নরেন্দ্র মোদীগী সরকার অসিনা ত্রাইম অমসুং তেরর শুংলৈ লৈতবা লৈবাক অমা ওইহনবা ঙমগনি হায়না থাজৈ৷ কেন্দ্রগী গৃহ মন্ত্রী শ্রী অমিত শাহগী লুচিং মখাদা ক্রাইম ফ্রী ওইবা ভারত অমা শেম্ননবা সরকার অসিনা পান্দম থম্লি৷
  • কেন্দ্রগী গৃহ মন্ত্রী শ্রী অমিত শাহনা পুলিস ফের্সেস মোদর্নাইজ (এম.পি.এফ.)তৌবগী তঙাই ফদবা অদুগী মতাংদা ফোংদোকখ্রে৷ ২০১৯-২০ ফাইনান্সিয়েল চহী অসিগী মতমদা ভারত সরকার অসিনা লৈবাক অসিদা লৈরিবা এম.পি.এফ.তা লুপা কোতি ৭৮৯গী শেনফম থাদখ্রে৷
  • দিসেম্বর ১৫: ‘সি.সি.তি.এন.এস. অমসুং আই.সি.জে.এস.তা অফবা থবক থৌরমশিং’ হায়বা অসিগী মতাংদা ২শুবা কনফরেন্স
  • এম.ঐচ.এ.গী য়াম্না মরু ওইবা মোদর্নাইজিং প্রোগ্রামশিং ওইরিবা ক্রিমিনেল ত্রেক্কিং নেতৱার্ক অমসুং সিস্তেমশিং(সি.সি.তি.এন.এস.)/ইন্তরওপরেবল ক্রিমিনেল জস্তিস সিস্তেম(আই.সি.জে.এস.) অসিনা চৎনরিবা লোশিং অসি হেন্না ইফেক্তিব ওইহনখ্রে৷
  • লুপা কোতি ২০০০রোমগী বদজেৎ থাদদুনা মিসন মোদ প্রোজেক্ত অমা ওইনা লৈরিবা সি.সি.তি.এন.এস. অসিনা মহাক্কী কা হেন্না য়ৌবা ঙম্বা অমসুং শমজিন্নহনবা ঙম্বা অসিনা পুলিস অমসুং ইনবেস্তিগেসন্দা অওনবা পুরকখ্রে৷ মসিনা পুলিস স্তেসনশিং অমসুং অতোপ্পা ওফিসশিং য়াম্না অথাপ্পা মফমশিংদা লৈবা তারবসু শমজিন্নহন্নবা হোৎনখ্রে৷
  • লৈবাক অসিদা লৈরিবা অপুনবা পুলিস স্তেসন ১৬,০৯৮ অসিগী মনুংদা সি.সি.তি.এন.এস. সোফতৱেয়র অসি পুলিস স্তেসন চাদা ৯৫হেন্না শিজিন্নরি; পুলিস স্তেসন ৯৭% কন্নেক্তিবিতী ফংহল্লি অমসুং পুলিস স্তেসন ৯৩%দি হৌজিক সি.সি.তি.এন.এস.কী খুৎথাংদা এফ.আই.আর.শিং চাদা ১০০ শিজিন্নরি৷
  • সি.সি.তি.এন.এস. দাতা অসি রাজ্য ২৮/য়ু.তি.শিং অসিদা লৈরিবা কোর্তশিং অমসুং রাজ্য ৩২/য়ু.তি.শিং অসিদা লৈরিবা জেলশিং অসিদা ইলেক্ত্রোনিকেল্লী ওইনা শিজিন্নরি৷
  • প্রধান মন্ত্রীগী মংলান স্মার্ত পোলিসিং অসিগী মখাদা একাউন্তেবিলিতী, ত্রান্সপরেন্সী, কম্ম্যুনিতী-বেস স্ত্রাতিজীশিং অমসুং ইফিসিয়েন্সী অসিদা মীৎয়েং থমদুনা লো অমসুং ওর্দর অসি কাইহন্দনা ঙাক্তুনা থম্নবা অনৌবা ভিজন অমা থোক্লকখ্রে৷

 

সেফ সিতী প্রোজেক্তলৈবাক মীয়াম মরু ওইনা নুপীশিং অসিগীদমক অফবা ইকোসিস্তেম শেমগৎনবা হোৎনবা

  • শহর ৮দা (অহমেদবাদ, বেঙ্গলুরু, চেন্নাই, দিল্লী, হায়দ্রবাদ, কোলকতা, লখনৌ অমসুং মু্ম্বাই) সেফ সিতী প্রোজেক্তশিং ফেস Iদা শেঙ্কসন তৌখ্রে৷
  • হায়রিবা শহরশিং অসিদা নুপীশিংগী অফবা ইকোসিস্তেম শেম্ননবা লৈবাক মীয়ামগী অপাম্বা অসি ফংহনবদা অমসুং হৌজিক লৈরিবা এসেতশিং অসি সেফ সিতী প্রোজেক্তশিং অসিনা মতেং পাংগদৌরি৷
  • তেক্নোলোজী শিজিন্নদুনা স্মার্ত পোলিসিং অমসুং সেফতী মেনেজমেন্ত অসিদা মতেং পাংনবা লৈরিবা সেফ সিতী প্রোজেক্তশিং অসি হৌজিক লৈরিবা ইনফ্রাস্ত্রকচর অসিদা লৈরিবা গেপ অমা হেক্তা মেনশিন্নবা অমসুং নুপীশিংগী অপাম্বশিং অসিগী মতুং ইন্না শহর অসিগী পুলিস অমসুং মুনিসিপাল কোওপরেসন্সনা শেমগৎখিবা অফবা অমসুং ইন্তিগ্রেতেদ প্রোজেক্তশিংনি৷
  • লুপা কোতি ১,২২০গী অপুনবা শেনফম রাজ্যশিং/য়ু.তি.শিং অসিদা কাইথখ্রে৷

দিল্লী রাইওৎগৃহ মন্ত্রীনা য়েংশিনখ্রে

  • ফেব্রুৱারী ২৫: দিল্লীদা থোক্লিবা হিংশাগী ইসুশিং অসিগী মতাংদা কেন্দ্রগী গৃহ মন্ত্রী শ্রী অমিত শাহনা সেনিয়র ওফিসিয়েলশিং অমসুং পোলিতিকেল পার্তীশিং অসিগা মীফম পাংথোকখ্রে৷
  • লৈবাক মীয়াম অসিগী মাইয়োক্তা কম্মুনেল ওইবা হিংশা থোক্কদবা ৱারোল অমতা ফোংদোক্তনবা শ্রী অমিত শাহনা পোলিতিকেল পার্তীশিং অসিদা হায়খ্রে৷ কেন্দ্রগী গৃহ মন্ত্রী অসিনা শোকহল্লিবা মফমশিং অসিদা অহেনবা ফোর্সশিং থাদোক্নবা খঙহনখ্রে৷
  • মার্চ ১২: হৌখিবা মতম খরা অসিদা দিল্লীগী মফম খরদা লৈরম্বা লো অমসুং ওর্দরগী ফিভম অদুগী মতাংদা খন্না নৈনখিবা শ্রী শাহনা রাজ্য সবাদা মহাক্কী ওইবা মত ফোংদোরকখ্রে৷
  • দিল্লীদা থোকখিবা হিংশাগী থবকশিং অসিদা থৱাই মাংখিবা অমসুং লন-থুম কয়া মাংখিবা অসিদা নুংঙাইতবা ফোংদোক্তুনা মখোয় মখোয়গী লাইনিং লাইশোন, দর্ম, চৎনবি অমতা খাইদনা ৱায়েল মতিক চানা ফংহন্নবা মোদী সরকার অসিনা হোৎনরি হায়না লৈবাক অসিদা কেন্দ্রগী গৃহ মন্ত্রীনা রাজ্য সভাদা অমু্ক হন্না থাজবা পীখ্রে৷
  • মরাল লৈবা মীওই অমতা লেম্না থারোই অমসুং মতুং তারকপদা অমুক হন্না থোক্তনবা মরাল লৈবা মীওইশিং অদু দন্দি পীগনি হায়না শ্রী অমিত শাহনা ফোংদোকখ্রে৷
  • এন.পি.আর. এক্সর্সাইজকী মতমদা দোকুমেন্ত অমদা পীরকউ হায়ররোই অমসুং এন.পি.আর. অসিগী মতুং ইন্না সিতিজনশিপ গ্রাউন্দা য়েংলগা মীওই অমতা চমম্নবা মওং অমদা খায়দোক্লরোই হায়না গৃহ মন্ত্রী অসিনা মীয়াম অসিদা অমুক হন্না থাজবা পীরকখ্রে৷
  • হায়রিবা হিরম অসিদা পোলিতিকেল পার্তী পুম্নমক্না পোলিতিক্স শিজিন্নদনবা অমসুং লৈবাক মীয়ামশিং অসিগী ৱাখলদা লৈরিবা অকিবা অসি লৌথোক্নবা গৃ মন্ত্রী অসিনা হায়জখ্রে৷

 

বোর্দর এরিয়া দিভেলপমেন্তসীমন্ত ভাকাসউতসব: ঙমখৈগী মফমশিং অসি চাওখৎনবা অমসুং মফম অদুদা লৈরিবা মীওইশিং  অসিনা নেস্নেল সেক্যুরিতীদা লৈরিবা মখোয়গী থৌদাংশিং অদু খঙহন্নবা অখন্নবা প্লেকফোর্ম অমনি

  • ঙমখৈদা লৈরিবা মীওইশিং অসিনা লৈবাক অসিগী ঙমখৈগী মফমশিং অসিদা সেক্যরিতী লৈহন্নবদা য়াম্না মরু ওইবা থৌদাং লৌরি৷ ঙমখৈগী মফমশিং অসিদা লৈরিবা মীয়ামশিং অসি সেক্যুরিতী ফোর্সশিং অসিগী ওইনদি তশেংনা ফোর্স মল্তিপ্লাইয়র অমনি৷ বোর্দর কম্ম্যুনিতী অমসুং মখোয়গী রিপ্রজেন্তেতিবশিং অসিনা ঙমখৈগী মফমশিং অসিদা চিংনবা মীওইশিং চৎপা অমসুং পোৎ পুথোক পুশিন তৌবা অসি মশক খঙবা অমসুং রিপোর্ত পীরকপা অসিনা মরম ওইদুনা ঙমখৈগী মফমশিং অসিদা সর্ভিলেন্স চৎথবদা মখোয়শিং অসি য়াম্না মরু ওইবা খুৎলাইশিং ওইরি৷
  • প্রধান মন্ত্রী শ্রী নরেন্দ্র মোদীগী ইনিসিয়েতিব ওইনা “সিমন্তক্ষেত্র ভিকাসউতসব-২০২০” ২০২০গী নবেম্বর ১২দা কতচ(গুজারাত)কী ধোর্দো খুঙ্গংদা পাংথোকখ্রে৷ ঙমখৈগী মফমশিং অসিদা লৈরিবা মীওইশিং অসিনা নেস্নেল সেক্যুরিতীদা মখোয়গী থৌদাংশিং খঙহন্নবা অমসুং অফবা ইনফ্রাস্ত্রকচর শেমগৎনবা অমসুং মখোয়গী পুন্সি অদু ফহন্নবা ভারত সরকার অসিনা পাইখৎলিবা চাওখৎ থৌরাংগী থবকশিংগী অখন্নবা প্লেতফোর্ম অমনি৷
  • প্রোগ্রাম অদু কেন্দ্রগী গৃহ মন্ত্রী শ্রী অমিত শাহনা হৌদোকখ্রে৷ পাকিস্তানগা ঙমখৈ তাইনরিবা গুজরাতকী ঙমখৈদা লৈরিবা জিলা অহুম মমিং ওইনা হায়রবদা কতচ, বনাস্কান্থা অমসুং পতন জিলাশিং অসিদা লৈরিবা ঙমখৈগী খুঙ্গং ১৫৮গী তলুক পঞ্চায়তশিং, জিলাগী মেম্বরশিং অমসুং খুঙ্গংগী হেদশিংনা প্রোগ্রাম অদুদা শরুক য়াখি৷
  • ঙমখৈগী মফমশিং অসি চাওখৎহন্নবা অমসুং অফবা লৈঙাক লৈহনবা অসি সীমন্ত ভিকাস উতসব-২০২০ অসিগী পান্দমনি হায়না কেন্দ্রগী গৃহ মন্ত্রী অসিনা ফোংদোকখ্রে৷
  • ঙমখৈগী মফমশিং অসিদা লৈরিবা মীওইশিং অসি শহরগী মফমশিং অসিদা লৈরিবা মীওইশিং অসিনা ফংলিবা খুদোংচাবা অদুগা চপ মান্ননা ফংহনগদবনি হায়না মহাক্না ফোংদোকখ্রে৷ মসিগীসু মথক্তা হায়রিবা মফমশিং অসিদা লৈরিবা মীওইশিং অসিদা নেস্নেল সেক্যুরিতীগী তঙাই ফদবশিং অদু খঙহনবা অমসুং ঙমখৈদা লৈরিবা মফমশিং অসিগী সেক্যুরিতী এস্পেক্তশিং অমসুং স্ত্রাতিজিক্কি তঙাই ফদবশিং অদু সেয়র তৌবা অসিনা সীমন্ত ভিকাস উতসব অসিগী পান্দম ওইরি৷

 

ভারতনা অত্মনির্ভর ফংনবা হোৎনবদা সি.এ.পি.এফ.কী পান্দম-স্বাদেশি য়োকখৎপা:

  • ভারত লৈবার অসি অত্মনির্ভির ওইহন্নবা, মরোমদোম লেপচবা ঙম্নবা অমসুং ভারততা শাজবা পোত্থোকশিং শিজিন্ননবা মে ১২দা প্রধান মন্ত্রী শ্রী নরেন্দ্র মোদীনা হায়জখ্রে৷
  • হায়রিবা অপীল অসি মতুং তারকপা তুংগী পুন্সিদা ভারত অসি মালেম অসিগী লিদর অমা ওইনবা হোৎনবদা লমজিংনবা মঙাল অমা ওইরগনি হায়না কেন্দ্রগী গৃহ মন্ত্রী শ্রী অমিত শাহনা ফোংদোকখ্রে৷
  • হায়রিবা হিরম অসিদা লৈবাক অসিদা লৈরিবা সেন্ত্রেল আর্ম পুলিস ফোর্সেস্কী কেন্তিনশিং অমসুং স্তোরশিং অসিদা ২০২০গী জুন ১দগী হৌদুনা লৈবাক অসিদা শাজবা পোত্থোক খক্তমক য়োল্লগনি হায়না এম.ঐচ.এ.না ৱারেপখ্রে৷
  • কেন্দ্রিয়া পুলিস কল্য়ন ভন্দর-কে.পি.কে.বি.(মমাংদা সেন্ত্রেল পুলিস কেন্তিন হায়না খঙনৈ) অসিনা ০১.০৬.২০২০দগী হৌদুনা স্বাদেশি পোৎ-চৈ খক্তমক য়োল্লগনি৷ কে.পি.কে.বি.সু খাদি অমসুং ভিলেজ ইন্দস্ত্রীস কম্মিসন(কে.ভি.আই.সি.)গা লোইননা মখোয়গী প্রদক্তশিং অসি ভন্দরগী খুৎথাংদা য়োন্নবা য়ানখ্রে৷
  • সি.এ.পি.এফ.সু মখোয়গী ফিরোল অমসুং চানবা পোৎলমশিংগী অৱাৎপশিং অসি মেনশিন্নবা কে.ভি.আই.সি.গী প্রদক্তশিং শিজিন্ননবা হোৎনরি৷ মসিনা খাদি অমসুং ভিলেজ ইন্দস্ত্রী য়োকখৎতুনা মী কয়া অমা অচৌবা স্কেলদা থবক ফংহল্লগনি৷
  • অপুনবা পোৎ-চৈ লৈবগী মমল অসি চাওরাক্না লুপা কোতি ২,৮০০নি৷
  • মসিগী ৱারেপ অসিগা লোইননা সি.এ.পি.এফ. পর্সোনেল লাখ ১০মুক্কী ইমুংগী মীওই লাখ ৫০ অসিনা লৈবাক অসিদা শাজবা পোৎলমশিং শিজিন্নরগনি৷

 

সি.এ.পি.এফ.শিংনা উ থাখিবা (সেন্ত্রেল আর্ম পুলিস ফোর্সেস)

  • ২০২০গী জনুৱারী ২৫: নোংজু থাগী মতমদা সেন্ত্রেল আর্ম পুলিস ফোর্সেস(সি.এ.পি.এফ.শিং) হায়বদি বোর্দর সেক্যুরিতী ফোর্স(বি.এস.এফ.), সেন্ত্রেল রিজর্ব পুলিস ফোর্স(সি.আর.পি.এফ.), সেন্ত্রেল ইন্দস্ত্রীয়েল সেক্যুরিতী ফোর্স(সি.আই.এস.এফ.), ইন্দো-তিবেতান বোর্দর পুলিস ফোর্স(আই.তি.বি.তি.),সশাস্ত্র সীমা বাল(এস.এস.বি.), নেস্নেল সেক্যুরিতী গার্দ(এন.এস.জি.) অমসুং অসাম রাইফল্স(এ.আর.শিং)না “প্লান্তেসন দ্রাইব-২০২০” পাংথোকপা অমসুং য়ামদ্রবদা পাম্বী মচা কোতি অমা থাবগী প্লান তৌবা কেন্দ্রগী গৃহ মন্ত্রী শ্রী অমিত শাহনা পাম্মী৷ থাগদৌরিবা উ পাম্বীশিং অদু লমদম অসিদা ফংবা হকচাংদা য়াম্না কান্নবা পীবা, মতম কুইনা হিংবা ঙম্বা পাম্বী মখলশিং ওইগদবনি৷ হায়রিবা উশিং অসিগী পুন্সি অসি চহী ১০-১০০ ফাওবা ওইগদবনি৷ মসিগী মতুং ইন্না নোংজু থাগী মতম অসিদা সি.এ.পি.এফ.শিংনা অচৌবা প্লান্তেসন দ্রাইব-২০২০ পাংথোক্কনি হায়না ৱাশকখ্রে৷
  • লৈবাক অসিনা কোবিদ-১৯ থেংনবদা সি.এ.পি.এফ.শিংনা অচৌবা থৌদাং কয়া লৌরিবা অসিদগী হেন্দোক্তুনা লৈবাক অসি শিনবা থুংনা মতম কুইনা হিংবা ঙম্বা উ পাম্বী মচা কোতি ১.৩৭ হেন্না থাদুনা ফেব্রুৱারী থাদগী অসিগুম্বা অচৌবা কেম্পেন্দ অসি চৎথরকপা অসিগীদমক সি.এ.পি.এফ. জৱানশিং অসিবু শ্রী অমিত শাহনা থাগৎখ্রে৷
  • অরিবা মতমগী হিন্দু লাইরিক অসিদগী লৌথোক্তুনা শ্রী অমিত শাহনা উ পাম্বী অমনা মচানুপা ১০দগী হেন্না মমল লৈ হায়না ফোংদোকখ্রে:

[পুখ্রি অমা অসি গুহা ১০গা মান্নৈ, পাৎ অমা অসিনা পুখ্রি ১০গা মান্নৈ;

মচানুপা অমনা পাৎ ১০গা মগুন মান্নৈ অমসুং উ পাম্বী অমগা মচা নুপা তরাগা মগুল মান্নৈ]

  • উ পাম্বীশিং অসিনা ওক্সিজেন পীবগী কেপাবিলীতী অমসুং তোঙান তোঙানবা কুমশিংদা হিংবা ঙম্বগী ফিভম অসিগী মতুং ইন্না প্লান্তেসন দ্রাইব অসিদা থারিবা উ পাম্বী মখলশিং অদুদি খোঙনাং, জামুন, নীম, বতাবরিক্স অসিনি; হেক য়ারিবমখৈ মফম অসিদা হৌজবা পাম্বী মখলশিং খক্তমক থাই অমসুং থারিবা উশিং অসিগী য়ামদ্রবদা তংখায়দি চহী ১০০ অমসুং মসিদগী হেন্না কুইনা হিংবা ঙম্বা উ পাম্বীশিং ওই; হিদাক লাংথক অমসুং অকোইবগী ফিভম ফহনবা পাম্বীশিংনা হেন্না পাম্না থারি৷
  • ২০২০গী নবেম্বর ৩০ ফাওবগী মনুংদা রাজ্য ২৭ অমসুং য়ুনিয়ন তেরিতোরী ৭তা লৈরিবা হায়রিবা ফোর্সেস অসিগী মফম ১,২১৬তা উ পাম্বী মচা কোতি ১.৪৭ থাখ্রে৷ হায়রিবা ফোর্সশিং অসিনা তারিবা উ পাম্বীশিং অসিগী অকুপ্পা মরোলশিং মখাদা পীরি:-

সি.এ.পি.এফ.

উ থাবগী তার্গেৎ

৩০.১১.২০২০ ফাওবগী মনুংদা পুন্না থাখিবা উ পাম্বী মশিং

অসাম রাইফল্স

৭৫,৯৫,৩৫০

৭৬,৪২,৪৮৪

সি.আর.পি.এফ.

২২,৯২,৪০৮

২৭,৮৬,৮০০

এস.এস.বি.

১২,৩১,৮৩৭

১৪,২১,২৮৫

বি.এস.এফ.

১১,৫২,০১৩

১১,৮৩৭৯

সি.আই.এস.এফ.

৭,৪৯,৮৪৮

৮,৯৬৫৬

আই.তি.বি.পি.

৫,০০,০০০

৫,৪৫,৬৫২

এন.এস.জি.

২,৫০,০০০

২,৫০,০২৯

অপুনবা

১,৩৭,৭১,৪৫৬

১,৪৭,২৭,২৮৫

 

  • জুলাই ২৩: কোইলা মন্ত্রালয়গী উ থাবগী কেম্পেন্দ-২০২০ কেন্দ্রগী গৃহ মন্ত্রীনা হৌদোকখ্রে
  • কোইল, মাইন্স অমসুং পার্লিয়ামেন্তরী এফিয়র্স্কী কেন্দ্রগী মন্ত্রী শ্রী প্রলহাদ জোশি য়াওদুনা কোইল মন্ত্রালয়গী উ থাবগী কেম্পেন্দ “ব্রিক্সারোপন অভিয়ন” দিল্লীদা শ্রী অমিত শাহনা হৌদোকখ্রে৷
  • ইকোপার্ক ৬/তুরিজমগী মফমশিং কেন্দ্রগী গৃহ মন্ত্রীনা শঙ্গাখ্রে অমসুং উরেপ-উয়ুং তমখ্রে৷
  • উ থাবগী কেম্পেন্দ অদু কোইলা/লিগলাইত লৈরিবা রাজ্য ১০গী জিলা ৩৮দা লৈরিবা তোঙান তোঙানবা মফম ১৩০ হেনবদা পাংথোকখ্রে৷

 

দিজাস্তর মেনেজমেন্তপ্রোপর মেনেজমেন্ত অমসুং স্বিফত এইদ

 

সাইক্লোন অমফান:

 

  • মে ১৮: চেকশিন থৌরাংশিং প্রধান মন্ত্রী শ্রী নরেন্দ্র মোদীনা য়েশিনখ্রে৷ ভারত সরকারগী সেনিয়র ওফিসিয়েলশিং অমসুং আই.এম.দি., এন.দি.এম.এ. অমসুং এন.দি.আর.এফ.কী ওফিসরশিংগা লোইননা কেন্দ্রগী হোম এফিয়র্স্কী মন্ত্রী শ্রী অমিত শাহসু শরুক য়াখি৷
  • সাইক্লোন অসিনা লাক্কদবা লম্বী অসিদা লৈরিবা মীওইশিং মপুং ফানা লৌথোক্নবা অমসুং তঙাই ফদনা মরু ওইবা পোৎলমশিং ফংহনবদা তঙাই ফদবা খোঙথাংশিং লৌখৎনবা প্রধান মন্ত্রীনা ফোংদোকখ্রে৷
  • মপাঙ্গল য়াম্না লৈরিবা নোংলৈ-নুংশিৎ অসিনা ২০২০গী মে ২০দা ভারতকী সমুদ্র মপানশিংদা লৈরিবা ৱেস্ত বেঙ্গল অমসুং ওরিশা রাজযগী মফমশিং অসিদা শোকহনখ্রে৷ মসিনা পুংদা কি.মি. ১৫৫-১৬৫দগী কি.মি. ১৮৫ ফাওবা য়াংনা শিৎতুনা ৱেস্ত বেঙ্গল অমসুং বঙ্গলাদেশ ফাওরগা সুন্দরবন্স ফাওদুনা শিৎখ্রে৷ এম.ঐচ.এ.না এন.দি.আর.এফ. অমসুং দিফেন্স ফোর্সশিং থাদোক্তুনা লোজিস্তিক সপোর্ত অমসুং তঙাই ফদবা ফাইনান্সিয়েল সপোর্ত পুম্নমক ফংহনখ্রে৷  রাজ্য সরকারশিং, দিফেন্স মন্ত্রালয়, এন.দি.আর.এফ. অমসুং অতোপ্পা সেন্ত্রেল মন্ত্রালয়শিং/দিপার্তমেন্তশিংগা পুন্না খুৎশম্নদুনা এম.ঐচ.এ.না কন্না হোৎনবা অসিনা নুংশিৎ অসিনা পুন্সি মাংহনগদবগী চাং অদু অশুক্কী মতিক তাহল্লে৷
  • প্রধান মন্ত্রী শ্রী নরেন্দ্র মোদীনা নুংশিৎ অসিনা শোকহল্লিবা ৱেস্ত বেঙ্গল অমসুং ওরিশাগী জিলাশিং অসিগীদমক এরিয়েল সর্ভে অমা পাংথোকখ্রে অমসুং খুদক্কী ওইবা রিলিফ এক্তিবিতীশিং অসিগীদমক ৱেস্ত বেঙ্গলগীনা লুপা কোতি ১,০০০ অমসুং ওরিশাগী ওইনা লুপা কোতি ৫০০গী শেল-থুমগী ওইবা মতেং লাওথোকখ্রে৷ রাজ্যশিং অসিদা অকনবা নোংলৈ-নুংশিৎ অসিনা মরম ওইদুনা শিখিবা মীশিংদা মী অমদা লুপা লাখ ১গী শেনফম পীরগনি অমসুং কা হেন্না শাথীনা শোকহল্লবা মীওইশিং অসিদনা মীওই অমদা লুপা ৫০,০০০ পীরগনি হায়না লাওথোকখ্রে৷
  • নোংলৈ-নুংশিৎ অসিনা মাংহন তাকহনবগী এসেস্মেন্ত রিপোর্ত অসিগী মতুং ইন্না রিলিফ ওপরেসনশিং পাংথোকপদা তৌখিবা চাদিংশিং অদু মেনশিন্ননবগীদমক নেস্নেল দিজাস্তর রিলিফ ফন্দদগী (এন.দি.আর.এফ.) মাংজৌননা ৱেস্ত বেঙ্গল রাজ্যদা লুপা কোতি ১০০০ থাদখিবা অসিগী মথক্তা অহেনবা মতেং ওইনা লুপা কোতি ১,২৫০.২৮ থাদোকখ্রে৷

 

সাইক্লোন নিসার্গ অমসুং সাইক্লোন নিভার

  • ০৩.০৬.২০২০দা য়াম্না মপাঙ্গল লৈরবা নোংলৈ-নুংশিৎ “নিসার্গা”না পুংদা কি.মি. ১০০-১১০গী চাংদা য়াংনা শিৎপা হৌদুনা পুংদা কি.মি.১২০ ফাওবা য়াংনা শিৎখিবা নোংলৈ-নুংশিৎ অসিনা অলিবাঘকী খা থংবা শরুক্কা নক্ননা লৈরিবা মহারাস্ত্রগী সমুদ্র মপান ফাওদুনা শিৎখ্রে৷
  • সাইক্লোন নিভারনা ২০২০গী নবেম্বর ২৫ অমসুং ২৬কী লোন্নবা অহিংদা পুংদা কি.মি. ১২০-১৩০দগী শিৎপা হৌদুনা পুংদা কি.মি. ১৪৫ ফাওবা শিৎতুনা করাইকল অমসুং মমল্লাপুরমগী মরক্তা লৈরিবা তামিল নাদু অমসুং পুদুচেরীগী সমুদ্র মপানশিং ফাওদুনা শিৎখ্রে৷
  • নোংলৈ-নুংশিৎ অসিনা মাংহন তাকহল্লিবা এসেস্মেন্ত রিপোর্ত অসিগী মতুং ইন্না সাইক্লোন নিসার্গ অসিগীদমক এন.দি.আর.এফ.তগী মহারাস্ত্র রাজ্য অসিদা লুপা কোতি ২৬৮.৫৯গী শেনফম থাদখ্রে৷
  • তামিল নাদু,আন্দ্র প্রদেশকী রাদ্য সরকার অমসুং পুদুচেরীগী য়ু.তি. অসিদা নোংলৈ-নুংশিৎ অসিনা কয়াম য়াম্না মাংহন তাকহনবগে হায়বা অদু খঙদোক্নবা কেন্দ্র সরকারনা ইন্তর মিনিস্ত্রিয়েল সেন্ত্রেল তীমশিং(আই.এম.সি.তি.) শেমখ্রে৷
  • স্তেত দিজাস্তর রিক্স মেনেজমেন্ত ফন্দ(এস.দি.আর.এম.এফ.)/স্তেত দিজাস্তর রিলিফ ফন্দ(এস.দি.আর.এফ.) অমসুং নেস্নেল দিজাস্তর রিলিফ ফন্দ(এন.দি.আর.এফ) অসিদগী থাদোরকখিবা ফন্দশিং
  • ২০২০-২১ চহী অসিগী ওইনা এস.দি.আর.এম.এফ./এস.দি.আর.এফ.কী এলোকেসন অসি লুপা কোতি ২৮,৯৮৩.০০নি, মসিগী মনুংদা লুপা কোতি ২২,১৮৪.০০দি কেন্দ্রগী সেয়রনি অমসুং লুপা কোতি ৬,৭৯৯.০০দি রাজ্য সরকারশিং অসিগী সেয়রনি৷ ২০২০-২১ চহী অসিগী মতম অসিদা(৩০/১১/২০২০) রাজ্য ২৮দা এস.দি.আর.এম.এফ.কী সেন্ত্রেল সেয়র ওইনা লুপা কোতি ১১,১৭০.৪২৫কী অহানবা ইন্সতোল্মেন্ত থাদোরকখ্রে৷ অসিগীদসু মথক্তা ২০২০-২১ চহী অসিগী ওইনা রাজ্য ১০দা লুপা কোতি ৫,৪২৩.৫০গী শেনফম এস.দি.আর.এম.এফ.কী সেন্ত্রেল সেয়রগী অনিশুবা ইন্সতোল্মেন্ত ওইনা থাদোরকখ্রে৷ মসিগীসু মথক্তা এন.দি.আর.এফ.তগী রাজ্য ১০দা লুপা কোতি ৪,৪০৬.৮১গী শেল-থুমগী মতেং কাইথখ্রে৷

জোনাল কাউন্সিলশিং অমসুং আইলেন্দ দিভেলপমেন্ত এজেন্সী(আই.দি.এ.) –অফবা ফেদেরেল স্ত্রকচর য়োকখৎপা

  • জানুৱারী ২৮: ছত্তিশগরগী নয়া রাইপুরদা পাংথোকখিবা সেন্ত্রেল জোনাল কাউন্সিলগী ২২শুবা মীফমদা কেন্দ্রগী গৃহ মন্ত্রীনা থৌরম মপু য়াখ্রে৷
  • মীফম অসিদা জোনাল কাউন্সিলশিং অসিগী মীফমশিং চাং নাইনা পাংথোকপগী তঙাই ফদবা লৈ হায়না গৃহ মন্ত্রী অসিনা ফোংদোকখ্রে৷
  • পি.ও.সি.এস.ও. এক্তকী মখাদা ওফেন্সশিংগী ইনবেস্তিগেসন অদু থা অনিগী মনুংদা লোইশিন্ননবা রাজ্যশিং অসিদা মহাক্না হায়খ্রে৷
  • ফেব্রুৱারী ২৮: ভুবনেস্বরদা পাংথোকখিবা ইস্ত্রন জোনাল কাউন্সিলগী ২৪শুবা মীফমদা শ্রী অমিত শাহনা থৌরম মপু ওইখ্রে য়াখ্রে৷
  • জোনাল কাউন্সিল মেকানিজমগী কান্নবশিং অসিদা গৃহ মন্ত্রী অসিনা অপেনবা ফোংদোকখ্রে অমসুং মমাংগী জোনাল কাউন্সিলগী পাংথোকখিবা মীফমশিং অসিগী মতুং ইন্না লৈরম্বা ইসু চাদা ৭০ হেন্না মাই পাক্না লোইশিনখ্রে অমসুং লেমহৌরিবা ইসুশিং অসিসু লোইশিন্নবা কন্না হোৎনরি হায়না ফোংদোকখ্রে৷
  • জানুৱারী ১৩: ইথৎশিংদা গ্রীন দিভেলপমেন্ত পুরক্তুনা অৱাংবা থাক অমদা পুখৎপা হায়বা অসিদা মীৎয়েং থমদুনা পাংথোকখিবা আইলেন্দ দিভেলপমেন্ত এজেন্সীগী মীফমদা শ্রী অমিত শাহনা থৌরম মপু ওইখ্রে৷
  • লৈবাক অসিদা ইহান হানবা ওইনা আই.দি.এ.গী লুচিং মখাদা সাইন্তিফিকেল্লী-এসেস কেরিয়িং কেপাসিতীগী মখাদা লৈবা খন্দোক্লবা ইথৎশিং অসিদা অফবা চাওখৎপা পুরক্নবা ইনিসিয়েতিব অমা লৌখৎখ্রে৷

 

য়ুনিয়ন তেরিতোরীশিং

 

  • য়ুনিয়ন তেরিতোরীশিং(য়ু.তি.শিং) অসিদা শুংশোই শোইদনা সিতিজন সর্ভিসশিং, ইনফ্রাস্ত্রকচর অমসুং মীশিংগী পুন্সি থাক য়াম্না ৱাংনা হিংগদবনি অমসুং লৈবাক অসিগী অতোপ্পা রাজ্যশিংনা অসিগুম্বা অফবা লৈঙাক শাশন অমসুং চাওখৎপা অসি মতুং ইন্নবা মখোয়শিং অসিনা মোদেলশিং ওইগদবনি হায়না সরকার অসিনা ফোংদোকখ্রে৷অত্মনির্ভর ভারত অভিয়ন অসি মতুং ইন্দুনা ভারত সরকার অসিনা পাইখৎলিবা চাওখৎ থৌরাংগী প্রোগ্রামশিং অদু ইফেক্তিব ওইনা নিংথীজনা চৎনহন্নবা তৌবা য়াবা থবক পুম্নমক তৌরি৷
  • মহৌশাগী ওইবা ফিভম অসি য়োকখৎতুনা অমসুং ইথৎশিং অসিগী সেক্যুরিতীগী ফিভমশিং অসি থেংন্দুনা মেরিতাইম ইকোনোমী অমা শেমগৎনবা মরু ওইবা ইনফ্রাস্ত্রকচর তুরিজম প্রোজেক্তশিং প্লান তৌখ্রে অমসুং প্রাইভেৎ সেক্তরশিং শরুক য়াদুনা অমসুং অন্দামন অমসুং নিকোবর ইথৎশিং অমসুং লক্সদ্বীপ ইথৎশিং অসিদা লৈরিবা মীওইশিং অসিদগী মতেং ফংদুনা প্রোজেক্তশিং অসি পাংথোক্লি৷
  • লৈবাক অসিগী মরু ওইবা মফম মেনলেন্দ অসি পোর্ত ব্লেয়র ফাওবা শমজিন্নহল্লিবা অমসুং মখাতানা স্বারাদ্বীপ, লিত্তল অন্দামন, কার নিকোবর, কমোর্তা, গ্রেত নিকোবর, লোঙ্গ আইলেন্দ অমসুং রঙ্গৎ শমজিন্নহল্লিবা সি.এ.এন.আই.(চেন্নাই অমসুং অন্দামন অমসুং নিকোবর ইথৎশিং) সবমেরিন ওপ্তিকেলকেবল প্রোজেক্তকী সেগমেন্ত পুম্নমক শিজিন্নবা হৌখ্রে৷ মসিগী হাই স্পীদ ব্রোদবেন্দ কন্নেক্তিব প্রোজেক্ত অসিনা লৈবাক অসিগী মরু ওইবা মফমশিং অসিগা হেন্না থুনা পোৎ থাদোক থাজিন তৌবা অমসুং মেনলেন্দগী শরুক অসিগা লেন্দ তেলিকোম সর্ভিস লৈহল্লগনি৷ কানি প্রোজেক্ত অসি ইথৎশিং অসিদা লৈরিবা মীওইশিংগী ওইনদি অচৌবা অহোংবা অমা ওইরগনি অমসুং মসিনা শেল-থুমগী ফিভম ফগৎহনবা অমসুং ইথৎ অসিদা লৈরিবা মীওইশিং অসিগী পুন্সি মরেল অসি হেন্না ফহনবা অসি খক্তা নত্তনা ইথৎ অসিদা য়াম্না লাইনা হিংবা য়াহন্দুনা অমসুং ই-গভর্নেন্সকী খুদোংচাবা লৈহল্লগনি৷

                                                                                        ****



(Release ID: 1687256) Visitor Counter : 6