ഇന്ത്യയിലെ കാർഷികോത്പന്നങ്ങളുടെയും, സംസ്കരിച്ച ഭക്ഷ്യ ഉത്പന്നങ്ങളുടെയും കയറ്റുമതി സാധ്യത വർദ്ധിപ്പിക്കുന്നതിനായി, ഭൂട്ടാനിലെ ഇന്ത്യൻ എംബസിയും, എ.പി.ഇ.ഡി.എ. യും ചേർന്ന് (APEDA), 2021 ജനുവരി 07 ന് ഒരു വെർച്വൽ ബയർ സെല്ലർ മീറ്റ് (ബി‌.എസ്‌.എം.) സംഘടിപ്പിച്ചു. കാർഷിക - ഭക്ഷ്യ മേഖലയിൽ ഇന്ത്യയും ഭൂട്ടാനും തമ്മിലുള്ള തന്ത്രപരമായ സഹകരണം മെച്ചപ്പെടുത്തുക ലക്ഷ്യമിട്ട് വ്യാപാര മേഖലയിലെ പ്രധാന പങ്കാളികളെയും ഇരു സർക്കാരുകളെയും ഒരു പൊതുവേദിയിൽ കൊണ്ടുവരാൻ യോഗത്തിനായി.

ഭൂട്ടാനുമായി സംഘടിപ്പിച്ച ഈ വെർച്വൽ ബയർ സെല്ലർ മീറ്റ് വിവിധ രാജ്യങ്ങളുമായി എ.പി.ഇ.ഡി.എ. സംഘടിപ്പിച്ച ഇത്തരം പരിപാടികളുടെ പരമ്പരയിലെ പതിനഞ്ചാമത്തേതാണ്.

വെർച്വൽ ബയർ സെല്ലർ മീറ്റിൽ, വിവിധ വ്യാവസായിക-കാർഷിക സ്ഥാപനങ്ങളും, സർക്കാർ വകുപ്പുകളും വിഷയാവതരണം നടത്തി.

കോവിഡ്-19 മഹാമാരി കാരണം, കയറ്റുമതി പ്രോത്സാഹന കര്‍മ്മപരിപാടി സംഘടിപ്പിക്കാൻ സാധിച്ചില്ല. ഈ സാഹചര്യത്തിലാണ് ഇന്ത്യയിലെയും ഭൂട്ടാനിലെയും കയറ്റുമതി-ഇറക്കുമതി മേഖലയിൽ പ്രവർത്തിക്കുന്നവർക്ക് ഒരു വേദി ഒരുക്കുന്നതിനായി വെർച്വൽ-ബി.എസ്.എം.സംഘടിപ്പിക്കാൻ എ.പി.ഇ.ഡി.എ. നേതൃത്വം നൽകിയത്.

***