ভারতকী লৌউ-শিংউগী অমসুং প্রোসেস তৌরবা চীঞ্জাক্কী পোত্থোকশিং এক্সপোর্ত তৌবা হেনগৎনবা এ.পি.ই.দি.এ.না ভুতানগী ইন্দিয়ন এম্বেসীগা লোইননা চুংশিন্নদুনা জুনৱারী ০৭, ২০২১দা ভর্চ্যুএল বয়র সেলর মীৎ (বি.এস.এম) অমা পাঙথোকখ্রে। মীফম অসিনা এগ্রি ফুদ সেক্তরদা ভারত অমসুং ভুতানগী মরক্তা লৈরিবা স্ত্রেতেজিক কোওপরেসন মপাঙ্গল কনখৎহন্নবা মরী লৈনবা সরকারশিং অমসুং ত্রেদকী মরু ওইবা স্তেকহোল্দরশিং অমত্তা ওইবা প্লেৎফোর্ম অমদা পুরকখি।

ভুতানগা লোইননা পাঙথোকপা ভর্চ্যুএল–বি.এস.এম. অসি তোঙান তোঙানবা লৈবাকশিংগা লোইননা এ.পি.ই.দি.এ.না মথং-মথং পাঙথোকপা অসিগুম্বা ইভেন্তশিংগী ১৫শুবনি। মমাংদা অসিগুম্বা ভর্চ্যুএল–বি.এস.এম. অসি অহানবা ওইনা য়ুনাইতেদ অরাব ইমরেৎস (য়ু.এ.ই.)গা লোইননা পাঙথোকখি, মতুংদা কুৱেৎ, ইন্দোনেসিয়া, স্বিৎজরলেন্দ, বেলজিয়ন, ইরান, সাউথ অফ্রিকা, জর্মনী, য়ু.এস.এ., কেনেদা, ওস্ত্রেলিয়া, থাইলেন্দ অমসুং ওমানগা পাঙথোকখ্রে।

ভর্চ্যুএল–বি.এস.এম. অসিদা ফুদ কোর্পোরেসন ওফ ভুতান লিমিতেদ (এফ.সি.বি.এল.), এগ্রিকলচর এন্দ ফোরেস্ত মিনিস্ত্রী, ভুতান অমসুং ভারত্তগী ত্রেদ এসোসিএসনশিং (বেজিতেবল্স এন্দ ফ্রুৎস এক্সপোর্তরস এসোসিএসন (ভি.এএফ.এ.)), ওল ইন্দিয়া ফুদ প্রোসেসর্স এসোসিএসন (এ.আই.এফ.পি.এ.), ওল ইন্দিয়া মীৎ এন্দ লাইফস্তোক এক্সপোর্তরস এসোসিএসন (এ.আই.এম.এল.ই.এ.), দি রাইস এক্সপোর্তরস এসোসিএসন (তি.আর..ই.এ.)না ভুতানদা এগ্রি প্রদক্তশিং এক্সপোর্ত তৌবগী পোতেন্সিএলগী মতাংদা প্রজেন্তেসনশিং পীখি।

ভর্চ্যুএল বি.এস.এম. অসিদা এম্বেসেদর ওফ ইন্দিয়া তু ভতানগী মিস রুচিরা কম্বোজ, এ.পি.ই.দি.এ.গী চিয়রমেন দা. এম. অঙ্গামুথু, এগ্রিকলচর এন্দ ফোরেস্তস মিনিস্ত্রীগী দিপার্তমেন্ত ওফ এগ্রিকলচর এন্দ মার্কেতিং কোওপরেতিবসকী দিরেক্তর জেনরেল মিস্তর উগয়েন পেঞ্জোর, ই.ও.আই. থিম্পুগী ফার্স্ত সেক্রেতরী (পোল এন্দ কোম) মিস এন্না হাওকিপ, ভুতান এগ্রিকলচর এন্দ ফুদ রিগুলেতরী ওথোরিতী (বি.এ.এফ.আর.এ.) মিস্তর সোনম য়োন্তেন, এফ.সি.বি.এল.গী সি.ই.ও. মিস্তর নাইতেন ৱাংচুক অমসুং এ.পি.ই.দি.এ.  অমদি এম্বেসী ওফ ইন্দিয়া, ভুতানগী মকোক থোংবা ওফিসিএলশিং য়াওখি।

হৌজিক থোক্লিবা কোবিদ১৯ লাইচৎ অসিনা মরম ওইরগা এক্সপোর্ত প্রমোসন প্রোগ্রাম অসি ফিজিকেল ওইনা পাঙথোকপা ওইথোকখিদে। এ.পি.ই.দি.এ.না থৌদাং লৌদুনা ভারত অমদি ভুতানগী এক্সপোর্তরশিং অমদি ইম্পোর্তরশিংদা প্লেৎফোর্ম অমা পীনবা ভর্চ্যুএল বি.এস.এম. পাঙথোকখি।

কোবিদ লাইচৎ অসি লৈখিবদগী ভারতনা লৌউ-শিংউ অমসদি প্রোসেস ফুদ সেক্তরদা এলাইয়েন্সকী অনৌবা খুদোংচাবশিং লৈহন্নবা মিদল ইস্ত, সার্ক, সাউথ ইস্ত এসিয়া অমসুং ৱেস্তর্ন ত্রেদ পার্তনরশিংদা মীৎয়েং চংবা হেনগৎখি।

*****