রক্ষা মন্ত্রী শ্রী রাজনাথ সিংহনা ঙসি ওনলাইন পোর্তেল https://afd.csdindia.gov.in/ হৌদোক্তুনা অগেন্স ফার্ম দিমান্দদা (এ.এফ.দি.) সি.এস.দি. কান্তিনদগী পোৎলম লৈবা ফংহন্নবা হৌদোকখ্রে। ওনলাইন পোর্তেল অসি হৌদোকখিবগী পান্দমদি চাওরাক্না সি.এস.দি.গী কান্নবা ফংলিবা লাখ ৪৫ হায়বদি থবক তৌরিবা অমসুং থবক্তগী পোত্থাখ্রবা আর্ম ফোর্সেসশিং অমসুং সর্বিং সিবিলিয়ন দিফেন্স এম্প্লোয়িশিংনা এ.এফ.দি.-১গী পোৎলম (হায়বদি কারশিং, মোতোর সাইকলশিং, ৱাশিং মেচিনশিং, তি.ভি.শিং, ফ্রীদজনচিংবা) অসি ময়ুমদগী ৱাদনা লৈবা ঙম্নবনি।

পোর্তেল অসি হৌদোকখিবা অসিদা থাগৎপা ফোংদোক্লদুনা, রক্ষা মন্ত্রীনা সরকারনা লৌখৎলিবা জাৱানশিং অমসুং ওফিসরশিং অমসুং  ভেতরানশিং অসিগীদমক য়াইফনবগীদমক হোৎনদুনা লাক্লি হায়বা অসি উৎখি। মহাক্না হিরম অসিবু মপুং ফানা হোৎনরীবা তীম অসিবু থাগৎপা ফোংদোকখি। শ্রী রাজনাথ সিংহনা হায় মদুদি প্রোজেক্ত অসি প্রধান মন্ত্রী শ্রী নরেন্দ্র মোদীনা থাংগৎখিবা ভিজন ওফ দিজিতেল ইন্দিয়াগী শরুক অমনি।  

থৌরম অসি নই দিল্লীদা পাংথোকখি। হৌনবী মতুং ইন্না হৌদোকখ্রবা পোর্তেল afd.csdindia.gov.in,অসিগী ত্রাইএল ওইনা চৎথরিবা অসিদা বুক তৌখ্রবশিং অসিগী লাইব ওইনা উৎতুনা বেনিফিসরিশিংদা য়াম্না থুনা অমসুং অয়েৎপা য়াওদনা কারশিং/মোতোরসাইকলশিং অসি পীখি।

দিফেন্স স্তাফকী চীফ বিপিন রাৱাত, নেভেল স্তাফকী চীফ এদমিরেল করম্বির সিংহ, এয়র স্তাফকী চীফ এয়র চীফ মার্সাল আর.কে.এস. ভাদৌরিয়া অমসুং দিফেন্স সেক্ত্রেতরী দাঃ অজয় কুমারগা অতৈ দিগ্নতরিশিংনা মীফম অসিদা য়াওখি।

*****