লাদাখগী মীহুৎ মেম্বর ১০গা য়ুনিয়ন হোম মিনিস্তর শ্রী অমিত শাহগা ঙসি উন্নখ্রে। জিওগ্রাফিকেল ওইবা ফিবম অমসুং লাদাখক্কী শেমগৎকদবা লৈরিবা মরুওইবা অসি য়েংলগা মীহুৎ পুম্বনা মখোয়গী হৌজিক ওইরিবা লোল, চৎনবি অমসুং লাদাখকী লমশিং, লাদাখকী চাওখৎ থৌরাংংদা শরুক য়ারিবশিংবু ঙাক-শেন্নবা ফোংদোকখ্রে। এল.এ.ঐচ.দি.সি. মিখলগী মমাংদা হিরম অসিগী মতাংদা য়ানিংদবা অমশু ফোংদোকখ্রে।

য়ুনিয়ন হোম মিনিস্তর শ্রী অমিত শাহনা প্রধান মন্ত্রী শ্রী নরেন্দ্র মোদী জিগী লুচিং মখাদা য়ুনিয়ন সরকার অসিনা লদাখকী চাওখৎ থৌরাং অমসুং লদাক্কী লম অমসুং চৎনবি ঙাক-শেন্নবা ফিরেপ লৌরি হায়না খংহনখ্রে। লাদাখকী হৌজিক ওইরিবা য়ুনিয়ন তেরিতোরিগী ফিবম অসিদা খন্নরদুনা মোদী সরকারনা লাদাখকী মীয়াম্না মতম কয়াগী মমাংদগী ঙাইদুনা লাক্লিবা অপাম্বা অসি ফংহন্নবা ফিরেপ লৌবা অসি উৎখি।

য়ুনিয়ন হোম মিনিস্তর শ্রী অমিত শাহগী চেয়র মখাদা মিতিং অমা ঙসি পাংথোকখ্রে, হায়রিবা অসিদা হৌজিক ওইরিবা লোল, চৎনবি অমসুং লাদাখকী লমশিং চপ চাবা অমা পাম্বৈ অমা লৈনবা ফিরেপ লৌরে, শ্রী জি. কিশান রেদী, এম.ও.এস. (হোম)গী লুতচিং মখাদা কম্মিতি অমা শেমখ্রে। কম্মিতি অসি ইকাই খুম্নরবা হোম মিনিস্তরগা ঙসি উন্নখিবা মেম্বর মীহুৎ য়াওনা, এল.এ.ঐচ.দি.সি. কাউন্সিলগী মেম্বরশিং অমসুং ভারত সরকারদা মীহুৎ ওইবা মেম্বর এক্স-ওফিসিও অমসুং লাদাখকী এদমিনিস্ত্রেসন য়াওরি।

কম্মিতি অসিগী মেম্বরশিংনা মীহুৎ মেম্বরনা ফোংদোরকপা অহানবা ওইনা অয়াবা লৌগনি অমসুং অরোইবা ফিরেপ লৌদ্রিঙৈদা ময়ামগী অয়াবা লৌগনি।

*****