কেন্দ্রগী গৃহ মন্ত্রী শ্রী অমিৎ শাহনা খঞ্জবা মঙলানগী মতুং ইন্না পেরামিলিতরী ফোর্সশিংদা অচৌবা স্বদেশি দ্রাইব অমা পাংথোক্লিবা অসি ফোর্স অসিদা খাদি কত্তন দরিস পীনবা য়ানচে অমা লৈরকপা অসিদগী অনৌবা পুন্সি অমুক ফংখ্রে। অতোপ্পা অহানবা ওইবা থৌদোক অমদা, খাদি অমসুং ভিলেজ ইন্দস্ত্রীজ কম্মিসন (কে.ভি.আই.সি.)না আই.তি.বি.পি.গা লোয়ননা চহি খুদিংগী কত্তন দরি লাখ ৭.৭২ পীবগী এম.ও.য়ু.গী খুৎয়েক পীনখ্রে। য়ানচে অসি দেপ্যুতী সি.ই.ও., কে.ভি.আই.সি. অমসুং আই.তি.বি.পি.গী দি.আই.জি.গগী মরক্তা কে.ভি.আই.সি.গী চেয়রমেন, শ্রী বিনয় কুমার সক্সেনা অমসুং এদিস্নেল সেক্রেতরী (হোম), শ্রী ভিভেক ভারদ্বাজ অমসুং সি.এ.পি.এফ.কী অতোপ্পা ওফিসিএলশিংগী মমাংদা পীনখিবনি।

য়ানচে অসি চহি অমগী ওইনা খুৎয়েক পীনখিবনি অমসুং মতুংদা অমুক নৌনা ইনগদবনি। দরি লাখ ১.৭২গী অপুনবা শেনফম অসি লুপা করোর ৮.৭৪নি।

মসিগী থৌওং অসি কেন্দ্রগী গৃহ মন্ত্রীনা পেরামিলিতরী ফোর্সশিংদা প্রধান মন্ত্রী শ্রী নরেন্দ্র মোদীনা হৌদোকখিবা ‘আত্মানির্ভর ভারত অভিয়ান’বু শৌগৎপা ওইনা লোকেলগী পোত্থোকশিং শিজিন্ননবা পুক্নিং থৌগৎপা অসিগী মতুং ইন্না ওইথোক্লকপনি। এম.এস.এম.ই.গী কেন্দ্র মন্ত্রী, শ্রী নিতিন গদকরীনসু খোঙথাং অসিবু তরাম্না ওকখি।

হায়নখিবগী মতুং ইন্না, কে.ভি.আই.সি.না মীতর ১.৯৮ শাংবা অমসুং মীতর ১.০৭ পাকপা হিগোক মচুগী দরি পীগদবনি। কত্তনগী দরি অসি উত্তর প্রদেশ, হরিয়ানা অমসুং পঞ্জাবকী আর্তিসানশিংনা পুথোক্কনি। মথংদা পীনগদগী ঙাইদুনা লৈরিবা পোত্থোকশিংদি খাদিগী ব্লাঙ্কেৎ, মোম্পাক-ফিদক, মোনখুম, অচার, খোইহী, পাপর অমসুং কোস্মেতিক্সনচিংবনি।

কে.ভি.আই.সি.গী চেয়রমেন্না মসিগী থৌওং অসিবু পুৱারী ওইবনি হায়রদুনা মসিনা ঐখোয়গী ফোর্সতা লমদমসিগী ওইবা পোত্থোক শিজিন্ননবা পুক্নিং থৌগৎপতা নত্তনা ঐখোয়গী খাদি আর্তিসানশিংদসু থবক পীরগনি হায়খি। “ঐখোয়গী লান্মীশিংদা খ্বাইদগী ফবা মখল পীবা অমসুং পোত্থোকশিং অসিবু মতম চানা য়ৌহনবা হায়বা অসিনা ঐখোয়না খ্বাইদগী অহানবদা পাংথোক্কদবা থবক্নি। সি.এ.পি.এফ.তগী লৈবগী ওর্দর লাকপা অসি মখোয়গী ওইবা মওংদা লান্মীশিং অসিবু তেংবাংলিবা ঐখোয়গী খাদি আর্তিসানশিংগী চাউথোকচনিংঙাই ওইবা ৱাফম্নি”, হায়না সক্সেনানা হায়খি।

কে.ভি.আই.সি.না দরিশিং অসি আই.তি.বি.পি.না পীরকখিবা সেম্পলগী মতুং ইন্না শাবনি অমসুং মসিগী পোত্থোক অসিবু এজেন্সী অসিনসু অয়াবা পীরবনি। কে.ভি.আই.সি.না শারিবা কত্তনগী দরি অসি দিপার্তমেন্ত ওফ সাইন্তিফিক অমসুং ইন্দস্ত্রীএল রিসর্চনা শকখঙলবা তেক্সতাইল মন্ত্রালয়গী য়ুনিৎ, নোরথর্ন ইন্দিয়া তেক্সতাইল রিসর্চ এসোসিএসন (এন.আই.তি.আর.এ.)না সর্তিফাই তৌবনি।

মমাংদসু, মমাং চহিগী জুলাই ৩১দা, কে.ভি.আই.সি.না মাই পাক্না পীবা ঙমখিবা কাছি ঘানি মস্তার্দ ওইল পীবগী য়ানচে অমসু আই.তি.বি.পি.গা খুৎয়েক পীনখ্রবনি। আই.তি.বি.পি. অসি পেরামিলিতরী ফোর্স খুদিংমক্কী মহুৎ শিন্দুনা পোৎলম কয়া লৈনবগীদমক্তা এম.ঐচ.এ.না খনখিবা নোদেল এজেন্সী অমনি।

*****