প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং য়ু.কে.গী প্রধান মন্ত্রী দি রাইৎ ওনরেবল বোরিস জোনসনগী মরক্তা তেলিফোন্দা ৱারী শাবা
प्रविष्टि तिथि:
05 JAN 2021 8:05PM by PIB Imphal
প্রধান মন্ত্রী শ্রী নরেন্দ্র মোদীনা য়ু.কে.গী প্রধান মন্ত্রী দি রাইৎ ওনরেবল বোরিস জোনসনগা তেলিফোন্দা ৱারী শাখ্রে।
প্রধান মন্ত্রী জোনসন্না মহাকপু লাকদৌরিবা রিপাব্লিক দেগী থৌরমদা অথোইবা মীথুংলেন ওইনবা ভারতনা বর্তন তৌরকপদা মহাক্না থাগৎপা ফোঙদোকখি অদুবু মহাক্না য়ু.কে.দা ওইরিবা কোবিদ-১৯গী হোংলক্লিবা ফীভম অসি য়েংলগা য়াওবা ঙমলোইদবা অসিদা নুংঙাইতবা ফোঙদোকখি। মহাক্না মতুং তারকপদা ভারতনা লাকনিংবগী অপাম্বা ফোঙদোকখি।
প্রধান মন্ত্রীনা য়ু.কে.দা ওইরিবা ফীভম অসি মহাক্না খংঙি হায়না ফোঙদোকখি, অমসুং শন্দোরক্লিবা লাইচৎ অসি অথুবদা লাকশিন্নবা য়াইফ পাউজেল পীখি। ফীভম অসি লাকশিল্লবা মতুংদা প্রধান মন্ত্রী জোনসন্না ভারত্তা অথুবদা লাক্তুনা মহাক্না তরাম্না ওকপা ফংনবগী খুদোংচাবা অদু খোঙরাংনা ঙাইরি হায়খি।
লুচিংবশিং অসিনা মালেমগীদক্তা কোবিদ-১৯ বেক্সিন পুথোকপগী লম য়াওনা হৌজিক লৈবাক অনিগী মরক্তা চুংশিন্নরিবা অসি য়েংশিনখি। মখোয়না পোস্ত-ব্রেসিৎ, পোস্ত-কোবিদকী হিরমদা ভারত-য়ু.কে.গী পার্তনরশিপকী তৌবা ঙম্বদা পুন্না থাজবা থম্লিবা অদু নৌহৌনা ফোঙদোকখি অমদি তৌবা ঙম্বা অসি মঙফাওনবা পুম্নমক য়াওরবা রোদমেপ অমদা পুন্না থবক তৌমিন্ননবা য়ানখি।
*****
(रिलीज़ आईडी: 1686425)
आगंतुक पटल : 321
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam