শ্ৰী সুনীত শর্মাই ৰে'লৱে ব’ৰ্ড (ৰে'ল মন্ত্ৰালয়)ৰ নতুন অধ্যক্ষ আৰু মুখ্য কাৰ্যবাহী বিষয়া (চিইঅ’) আৰু ভাৰত চৰকাৰৰ পদেন মুখ্য সচিবৰ দায়িত্ব গ্ৰহণ কৰিছে। কেবিনেটৰ নিযুক্তি সমিতিয়ে শ্ৰী সুনীত শর্মাক ৰে'লৱে ব'ৰ্ডৰ অধ্যক্ষ আৰু চিইঅ’ হিচাপে নিযুক্তিৰ অনুমোদন জনাইছে। ইয়াৰ আগতে, শ্ৰী সুনীত শর্মাই ইষ্টাৰ্ণ ৰে'লৱেৰ মহা প্ৰৱন্ধক হিচাপে কাম কৰিছিল।

শ্ৰী সুনীত শর্মাই ১৯৭৯ চনত আই আই টি কানপুৰত ই‌ঞ্জিনীয়াৰিং পঢ়ি থকা সময়ত ভাৰতীয় ৰে'লৱেত বিশেষ শ্ৰেণীৰ এপ্ৰেণ্টিছ হিচাপে যোগদান কৰিছিল। মেকানিকেল আৰু ইলেক্ট্ৰিকেল ইঞ্জিনীয়াৰিঙৰ স্নাতক শৰ্মাৰ ভাৰতীয় ৰে'লৱেৰ বিভিন্ন ক্ষমতাত সেৱা কৰাৰ ৪০ বছৰৰ অধিক অভিজ্ঞতা আছে। তেওঁ মুম্বাইৰ পেৰেল ৱৰ্কশ্বপৰ মুখ্য ৱৰ্কশ্বপ মেনেজাৰ আছিল য'ত তেওঁ পাৰ্বত্য ৰে'লৱেৰ বাবে নেৰ’ গজ লক’মোটিভ নিৰ্মাণত ভূমিকা গ্ৰহণ ক‌ৰিছিল। তেওঁ মুম্বাইৰ ওচৰৰ ঐতিহাসিক মাথেৰান লাইনৰ বাবে পুৰণি নেৰ’ গজ ভাপ ইঞ্জিন পুনৰুদ্ধাৰ কৰিছিল। ২০০৬ চনৰ মুম্বাই উপ-নগৰীয় ৰেল বিস্ফোৰণৰ সময়ত তেওঁ সেই দলৰ অংশ আছিল যিয়ে সন্ত্ৰাসবাদী আক্ৰমণৰ কেইঘণ্টামানৰ ভিতৰত উপ-নগৰীয় নেটৱৰ্কটো ভাল কৰিছিল। মুম্বাই চিএছটিৰ এডিআৰএম হিচাপে তেওঁক উপ-নগৰীয় নেটৱৰ্কৰ সেৱা বৃদ্ধি কৰাৰ বাবে কৃতিত্ব প্ৰদান কৰা হয়, যাক মুম্বাইৰ জীৱন-ৰেখা বুলি গণ্য কৰা হয়। ২০০৮ চনৰ মুম্বাইৰ সন্ত্ৰাসবাদী আক্ৰমণৰ ঘটনাৰ সময়তো তেওঁ সেই দলৰ অংশ আছিল যি চেণ্ট্ৰেল ৰে'লৱেৰ মুম্বাই চিএছটিত হোৱা আক্ৰমণৰ পাছৰ পৰিস্থিতি নিয়ন্ত্ৰণ কৰিছিল। তেওঁৰ নেতৃত্বত অভিলেখ সময়ত আৰু বিশ্বৰ যিকোনো স্থানত প্ৰথমবাৰ ডিজেলক বৈদ্যুতিক লক’মোটিভলৈ ৰূপান্তৰ কৰা হৈছিল।

ৰায়বেৰেলীৰ মডাৰ্ণ কোচ ফেক্টৰীৰ মহা প্ৰৱন্ধক হিচাপে, তেওঁ এটা বছৰত বহু প্ৰয়োজনীয় আধুনিক যাত্ৰীবাহী ডবাৰ নিৰ্মাণ দুগুণ কৰি অভিলেখ ৰচিছিল।

ইষ্টাৰ্ণ ৰে'লৱেৰ মহা প্ৰৱন্ধক হিচাপে, তেওঁ সামগ্ৰী কঢি়ওৱা ট্ৰেইনৰ গতি অভিলেখ স্তৰলৈ বৃদ্ধি কৰা আৰু নতুন লাইন আৰু বৈদ্যুতিকৰণৰ ভালেসংখ্যক আন্তঃগাঁথনি প্ৰকল্প সম্পূৰ্ণ কৰাৰ বাবে উদ্যোগ লৈছিল যাৰ ফলত কেৱল কাৰ্যকৰী দক্ষতাই নহয়, স্থানীয় অঞ্চলবোৰ বিকশিত হৈছিল। কাম সহজতৰ কৰা আৰু প্ৰশাসনিক সংস্কাৰৰ বাবে প্ৰণালীগত পৰিৱৰ্তন অনাৰ ক্ষেত্ৰত তেওঁ জনাজাত।

কেৰিয়াৰৰ সময়ত তেওঁ বহুতো পেছাদাৰী বঁটা লাভ কৰিছে। মহা প্ৰৱন্ধক(আধুনিক প্ৰশিক্ষক কাৰখানা, ৰায়বেৰেলী) আৰু মুখ্য মেকানিকেল অভিযন্তা(বেনাৰছ ল’কোমটিভ ৱৰ্কছ)হিচাপে কাম কৰাৰ সময়ত কাৰখানাবোৰে শ্ৰেষ্ঠ উত্পাদন ইউনিটৰ বাবে এই বঁটা লাভ কৰিছিল।

সুনীত শর্মাই জাৰ্মানী আৰু ফ্ৰান্সত বৃত্তিগত প্ৰশিক্ষণত অংশগ্ৰহণ কৰিছে আৰু তেওঁ আমেৰিকাৰ কাৰ্নেগি মেলন বিশ্ববিদ্যালয়ত এক উন্নত নেতৃত্ব আৰু ব্যৱস্থাপনা পাঠ্যক্ৰম সম্পূৰ্ণ কৰিছে। তেওঁ ল’কোমটিভছ নিৰ্মাণৰ বাবে পৰামৰ্শদাতা হিচাপে ইৰান ভ্ৰমণ কৰিছিল।

তেওঁ এজন উত্সাহী খেলুৱৈ আৰু প্ৰতিযোগিতামূলক স্তৰত বিলিয়াৰ্ডছ আৰু স্নুকাৰ খেলিছে। তেওঁ গল্ফ আৰু বেডমিণ্টন আৰু স্কোৱাছ খেলুৱৈ হিচাপেও জনাজাত।

***********

DJN/MKV/KG