রেলৱে মন্ত্রালয়

শ্রী সুনিত শর্মা রেলৱেজ বোর্দকী অনৌবা চিয়রমেন অমসুং সি.ই.ওগী ফম পায়রে

Posted On: 01 JAN 2021 10:53AM by PIB Imphal

শ্রী সুনিত শর্মানা রেলৱেজ বোর্দকী(রেলৱেজ মিনিস্ত্রি) অনৌবা চিয়রমেন অমসুং সি.ই.ও অমসুং ভারত সরকারগী এক্স-ওফিসিও প্রিন্সিপাল সেক্রেতরিগী ফম পায়রে। শ্রী সুনিত শর্মানা রেলৱেজ বোর্দকী অনৌবা চিয়রমেন অমসুং সি.ই.ও ওইনা হাপ্পদা মন্ত্রীমন্দলগী এপোইন্তমেন্ত কমিতিনা অয়াবা পীরে। মসিগী মমাঙদা, শ্রী সুনিত শর্মা ইস্তর্ন রেলৱেজগী জেনেরেল মেনেজর ওইনা থবক তৌরমখি।

http://static.pib.gov.in/WriteReadData/userfiles/image/image001CTZA.jpg

মহাক্না আই.আই.তি কানপুরদা ইলেকত্রিকেল ইঞ্জিনিয়ারিং তম্লিঙৈদা স্পিসিএল ক্লাস এপ্রেন্তিস অমা ওইনা ১৯৭৯দা শ্রী সুনিত শর্মনা ভারত রেলৱেজদা চঙখি। মেকানিকেল অমসুং ইলেকত্রিকেল ইঞ্জিনিয়ারিংগী গ্রেজুয়েদ অমা ওইনা ভারত রেলৱেজদা চহি ৪০ হেন্না থবক তৌরক্লে। মহাক্না ওপেরেসনেল ৱার্কিং, সেদশিং, দিপোতশিং অমসুং ৱার্কসোপশিং য়েংশিনবগী থবকশিং পাংথোকখ্রে। মহাক্না মুম্বাইদা লৈবা পারেল ৱার্কসোপতা চীফ ৱার্কসোপ মেনেজর ওইরিঙৈদা চীঙগী রেলৱেজশিংগী নরো গেজ লোকোমোতিপশিং শানবা থবক পাংথোকখি।

মুম্বাই ময়াদা লৈবা অরিবা মতমগী মাথেরান লাইনগী অরিবা স্তিম নরো গেজ লোকোমোতিপশিং মহাক্না নৌনা শেমজিনখি। ২০০৬গী মুম্বাই সবঅর্বান ত্রেনশিংদা বোম্ব পোকখাইবা মতমদা থৌদোক থোকখ্রবা পুং খরগী মতুংদা সবঅর্বান নেতৱার্ককী ত্রেক শেমজিনবা কাংবুদা মহাক শরুক য়াখি। মুম্বাই সি.এস.তিগী এ.দি.আর.এম ওইনা, মহাক্না মুম্বাইগী থৱায়নি হায়না লৌনরিবা সবঅর্বান নেতৱার্কতা ত্রেন চেনবা মশিং হেনগৎহনখি। ২০০৮তা মুম্বাইদা তেরোরিস্তশিংনা লান্দারকখিবা থৌদোক মনুংদা, মুম্বাই সি.এস.তি, সেন্ত্রেল রেলৱেজদা অমাং-অতা থোকহনখ্রবা মতুংদা শেমজিন-শাজিনবা চৎথখিবা কাংবুদা মহাক শরুক য়াখি। দি.আর.এম,পুনে ওইনা মহাক্না অহেনবা মচাক-মথুমশিং হাপচিন্দুনা থবক ফজনা পাংথোকহনখি। দিজল লোকোমোতিপ ৱার্কস বারানসীগী চীফ মেকানিকেল ইঞ্জিনিয়ার ওইনা মহাক্না ইলেকত্রিক লোকোমোতিপ পুথোকপা হৌখি। মহাক্কী লুচিং মখাদা অপীবা মতমগী মনুংদা অমসুং মালেমদা অহানবা ওইনা দিজল লোকোমোতিপশিং ইলেকত্রিক লোকোমোতিপশিং ওন্থোকখি।

মোদর্ন কোচ ফেক্তরি, রাইবারেলিগী জেনেরেল মেনেজর ওইনা, মহাক্না চহি অমগী মনুংদা দরকার ওইবা মোদর্ন পেসেঞ্জর কোর্চশিং পুথোকপা শরুক অনিদা হেনগৎহনখি। ইস্তর্ন রেলৱেজগী জেনেরেল মেনেজর ওইনা, মহাক্না পোৎ-চৈ পুবা ত্রেনশিংগী য়াংবা হেনগৎহনখি অমসুং অনৌবা লাইনশিং অমসুং ইলেকত্রিক ফংহনবগী ইনফ্রাস্ত্রকচর প্রোজেক কয়া লোইশিনখি। থবক পাংথোকপা লাইনবা অহোঙবা কয়া পুরকখিবা অমসুং লৈঙাক্কী অহোঙবা কয়া পুরকপগীদমক মহাক মমিং চৎলি।

মহাক মনা কয়া ফংখ্রে। জেনেরেল মেনেজর(মোদর্ন কোচ ফেক্তরি রাইবারেলি) অমসুং চীফ মেকানিকেল ইঞ্জিনিয়ার(বানারাস লোকোমোতিপ ৱার্কস) ওইনা ফেক্তরিশিং অসি খ্বাইদগী ফবা প্রদক্সন য়ুনিতশিংগী মনা ফংখ্রে।

সুনিতি শর্মনা জর্মনি অমসুং ফ্রান্সতা শীনফম অসিগী মতাংদা ত্রেনিং কয়া শরুক য়াখ্রে অমসুং য়ু.এস.এগী কর্নেজি মেল্লোন য়ুনিভর্সিতিদা লুচিংবা অমসুং অশীন-অরাংগী মতাংদা অৱাংবা থাক্কী কোর্স শরুক য়াখ্রে। লোকোমোতিপশিং শানবা কন্সলতেন্ত ওইনা মহাক ইরানদা চৎলুরে।

মহাক থৱায় য়াওবা শান্নরোয় অমনি অমসুং বিল্লিয়ার্দস অমসুং ইসনুকর চাংদম্নবা ওইনা শানখ্রে। মহাক গোল্ফ, বেতমিন্তন অমসুং ইসক্বাস শান্নরোয় অমসুনি।

*****

 



(Release ID: 1685408) Visitor Counter : 24