২০২০দা লৈবাক অসিনা মেদিকেল সপ্লাইশিংগী সেক্তরদা য়াম্না চাউনা মাইপাকপা উবা ফংখি। লাইচৎ অসিগী হৌরকপদা, ভারতনা মপান লমদগী পুশিল্লকপা ভেন্তিলেতরশিং, পি.পি.ই. কিৎশিং অমসুং এন.-৯৫ মাস্কশিংদা নম্না মখা পোনখি। তশেংনা হায়রবদি, লাইচৎ অসিগী মায়োক্তা লান্থংনবদা তঙাইফদনা চংবা মসিগী পোৎলমশিং অসিগী স্তেন্দার্দ স্পেসিফিকেশন অমত্তা লৈখিদে। কেন্দ্র সরকারনা লাইচৎ অসিনা থোকহল্লক্কদবা শিংনবশিং অদু হেক হৌরকপগী তাঙ্কক্তা খঙবা ঙমখি অমসুং মাইপাক্না লৈবাক শিনবা থুংনা তঙাইফদনা চংবা মেদিকেলগী পোৎলমশিং অসিবু মতিক চানা ফংহনবা অমসুং সপ্লাই শোইদনবা তৌহনখি।

২০২০গী ফেব্রৱারী –মার্চতা ভারত্তা ভেন্তিলেতরশিংগী মমল অসি চাংচত্তা চাউরাক্না লুপা লাখ ১৫ ওইখি অমসুং অনম্বনা মপান লমদগী পুশিল্লকখি। ভারতকী ইন্দস্ত্রীনা ভেন্তিলেতরশিং পুথোরকপনা মরম ওইরগা মসিগী মমল অসি হৌজিক চাংচত্তা লুপা লাখ ২দগী লুপা লাখ ১০ ফাওবগী মরক্তা লৈ। হৌখিবা থা মাপলদা, মন্ত্রালয় অসিনা রাজ্যশিং/য়ু.তি.শিংদা সরকারগী হোসপিতালশিংদা ভেন্তিলেতর ৩৬,৪৩৩ দেলিভর তৌহনখি। মসি য়াম্না মরু ওই মরমদি লৈবাক অসিনা নিং-খা তম্লবা মতুংদগীনা কোবিদ মমাংগী মতম ফাওবদা, লৈবাক অসিগী পব্লিক হেল্থ ফেসিলিতীশিংনা চাউরাক্না শুপ্নতগী ভেন্তিলেতর ১৬,০০০ লৈখি অদুবু থা ১২ ফাদনা ‘মেক ইন ইন্দিয়া’ ভেন্তিলেতর ৩৬,৪৩৩ অসি পব্লিক হেল্থ ফেসিলিতীশিংদা সপ্লাই তৌখি। ভেন্তিলেতরশিংগী এক্সপোর্ত থমখিবা অথিংবা পুম্নমক হৌজিক্তি লৌথোকখ্রে অমসুং “মেক ইন ইন্দিয়া” ভেন্তিলেতরশিং অসি এক্সপোর্ত তৌখ্রে।

পি.পি.ই. কিৎশিংগী মতাংদদি, মার্চ লমদম অসিগী য়াম্না পিকপা প্রোদক্সন কেপাসিতী লৈরম্বদগী, ভারতনা হৌজিক্তি নোংমদা পি.পি.ই. কোভরওল লাখ ১০গী মথক্কী প্রোদক্সন কেপাসিতী লৈবগা লোইননা মালেম অসিগী অনীশুবা খ্বাইদগী য়াম্না পুথোকপা ঙম্বা ওইরে, হায়রিবশিং অসি লৈবাক কয়া অমদসু এক্সপোর্ত তৌরি। হান্নদগী গোবর্নমেন্ত ই-মার্কেতপ্লেস (জি.ই.এম.) পোর্তলদা রেজিস্তর তৌরবা লমদম অসিগী ওইবা মেন্যুফেকচরর অমসুং সপ্লায়র ১,৭০০ ময়া নক্না লৈরে, মসিদা কয়া আমদি বি.আই.এস.না হান্নদগী সর্তিফাই তৌখ্রে। পি.পি.ই. কিৎ লাখ ১৭০ ময়া নক্না রাজ্যশিং, য়ুনিয়ন তেরিতোরীশিং অমসুং সেন্ত্রেল ইন্সতিত্যুশনশিংদা লেম্না য়েন্থোকখ্রে। কেন্দ্র অমসুং রাজ্য সরকারদা লৈরিবা পি.পি.ই. কিৎশিংগী অহেনবা স্তোক অদু মার্চতা লাখ ২ ওইরম্বদগী হোজিক্তি লাখ ৮৯দা হেনগৎলকখ্রে। চাংচত্তা মমলশিং অদু থা ৯গী মনুংদা কিৎ অমদা চাউরাক্না লুপা ৬০০ ওইরম্বদগী লুপা ২০০ য়াম্না হন্থরকখ্রে। 

অসিগা চপ মান্ননা, ২০২০গী মার্চ ফাওবদা নোংমদা মাস্ক লাখ ১ য়ৌদনা পুথোকপগী কেপাসিতী লৈবগা লোইননা এন.-৯৫ মাস্কশিংগী সপ্লায়র ৩ খক্তমক লৈরম্মি। হৌজিক্তি, বি.আই.এস. সর্তিফাই তৌবা ১৫০৯ য়াওনা এন.-৯৫ মাস্ককী মেন্যুফেকচরর অমসুং সপ্লায়র ৩০০০গী মথক্তা জি.ই.এম. পোর্তলদা রেজিস্তর তৌখ্রে অমসুং লমদম অসিগী প্রোদক্সন কেপাসিতী অসি নোমদা এন.-৯৫  মাস্ক লাখ ৮গী মথক্তা ওইখ্রে। হায়রিবশিং অসিসু ভারত্তগী য়াম্লবা মক্বান্তিতীদা এক্সপোর্ত তৌরি। েন.-৯৫কী মাস্ক করোর ৪গী মথক্তা রাজ্যশিং, য়ু.তি.শিং অমসুং সেন্ত্রেল ইন্সতিত্যুশনশিংদা লেম্না য়েন্থোকখ্রে। কেন্দ্র অমসুং রাজ্য সরকারশিংদা লৈরিবা এন.-৯৫ মাস্কশিংগী অহেনবা স্তোক অদু মার্চতা লাখ ৯ ওইরম্বদগী হৌজিক্তি চাউরাক্না লাখ ১৪৬তা য়াম্না য়াংনা ৱাংখৎলকখ্রে অমসুং চাংচত্তা মমলশিং অদু চপ মান্নবা মতম অসিগী মনুংদা মাস্ক অমদা লুপা ৪০দগী লুপা ১২দা হন্থরকখ্রে।

সরকার অসিনা সীসিঞ্জ করোর ৮৩ ময়া নক্না লৌবগী ওর্দরশিং পীখ্রে। মসিগী মথক্তা সীরিঞ্জ করোর ৩৫ ময়া নক্না লৌবগী বিদশিংসু কৌখ্রে। হায়রিবশিং অসি কোবিদ ভেক্সিনেশনগীদমক্তা অমসুং য়ুনিভর্সেল ইম্যুনাইজেশন প্রোগ্রামগীদমক্তসু শিজিন্নগনি।

*****