ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ২০২১দা ইস্তোনিয়া, পেরাগুৱে অমসুং দোমিনিকান রিপব্লিক্তা ভারতকী মিসন অহুম হাংদোকপগী অয়াবা পীরে।

থবক ওইনা পাংথোক্নবা লাল্লোং:

হায়রিবা লৈবাকশিং অসিদা ভারতকী মিসনশিং হাংদোকপা অসিনা ভারতকী দিপ্লোমেতকী খোঙদাফম পাকথোক-চাউথোকপদা মতেং পাংগনি, রাজনিতিগী মরীশিং চেৎশীনহনগনি, নাকল অনিগী ললোন-ইতিক্কী থবক চাউখৎহনবা ঙমগনি, শেন থাদবা অমসুং শেন-থুমগী থবকশিং পাংথোক্কনি, মীগা-মীগা উনবা হেনগৎহন্নবা খুদোংচাবশিং পীগনি, মালেমগী লুপশিংদা রাজনিতিগী মতেং পাংনবা হেনগৎহনগনি অমসুং ভারতকী মপান লৈবাকশিংগী থৌশিলশিংগী পান্দমশিং ফংনবা হোৎনবদা মতেং ফংগনি।

হায়রিবা লৈবাকশিং অসিদা লৈরিবা ভারতকী মিসনশিংনা ভারতমচাশিং মতেং পাংগনি অমসুং মখোয়গী য়াইফনবা থবকশিং পাংথোক্কনি।

পান্দমশিং:

ঐখোয়গী মপান লৈবাক্কী থৌশিলগী পান্দমদি মরুপ-মপাং ওইবা লৈবাকশিংগী খুৎথাংদা ভারত চাউখৎনবা অফবা ফিবম অমা শেমগৎপনি। মরুপ ওইরিবা লৈবাকশিংগা অফবা মরী থম্নদুনা হৌজিক মালেম শীনবা থুংনা মিসনশিং অমসুং পোস্তশিং লৈরি।

চাউখৎপা নৎত্রগা ‘সবকা সাথ সবকা বিকাস’ হায়রিবা ঐখোয়গী লৈবাক্কী মরুওইবা অসিদা মিৎয়েং থমদুনা হায়রিবা ভারতকী অনৌবা মিসন অহুম হাংদোক্নবা ৱারেপ লৌখিবনি। ভারতকী মিসন মশিং হেনগৎহনবা অসিনা ভারতকী কম্পেনিশিংগী কৈথেল ফংহনগনি অমসুং ভারতনা মপান্দা পোৎ-চৈশিং অমসুং অতৈ থবক থৌরমশিং থাদোকপা হেনগৎহনগনি। মসিনা ঐখোয়গী ‘অত্মানির্ভর ভারত’ নৎত্রগা মশাগী ওক্নবা পুথোকচবা ভারত অমগী পান্দমগা লোয়ন্না লৈবাক মনুংদা পোৎ-চৈ পুথোকপা অমসুং থবক ফংবা হকথেংন্না হেনগৎহনবা ঙমগনি।

*****