ভারতকী নেভীগী জহাজ কিল্তন্না হৌজিক চত্থরিবা মিসন সাগর ৩গী শরুক অমা ওইনা দিসেম্বর ২৯, ২০২০দা কম্বোদিয়াগী সিহানৌকভিল্লেগী হিথাংফমদা থুংখ্রে। কম্বোদিয়াগী নেস্নেল দিজাজতর মেনেজমেন্ত কম্মিত্তী (এন.দি.এম.সি.)দা খুৎশিন্নগদবা হ্যুমেনতরিয়ান এসিস্তেন্স অমসুং দিজাজতর রিলীফ (ঐচ.এ.দি.আর.) স্তোরগী তোন ১৫গী পোৎলমশিং অসি জহাজ অসিনা পীরমগনি। মসিগী তেংবাংবগী থৌওং অসিনা ফজবা মরী লৈবা লৈবাক অনি অসিগী মীওই খুদিংগী মরক্তা অচেৎপা মরী লৈনরিবা অসিগী মমি তাহল্লি।

মিসন সাগর ৩ অসি হৌজিক চৎলিবা লাইচৎ অসিগী মনুংদা মরী নীংথিজনা লৈনবা অতোপ্পা লৈবাকশিংদা ভারতনা ঐচ.এ.দি.আর.গী তেংবাং পীবগী থৌওংগী শরুক অমনি। মসিগী মিসন অসি প্রধান মন্ত্রী শ্রী নরেন্দ্র মোদীগী সাগর (সেক্যুরিতী অমসুং গ্রোথ ফোর ওল ইন দি রিজন)গী মঙলান অসিগী মতুং ইন্না পাংথোকপনি অমসুং মসিনা ভারতপু থাজবা য়াবা খোঙলোয় অমা, ইন্দিয়ন নেভীবুনা প্রিফর্দ সেক্যুরিতী পার্ত্নর অমসুং ফর্স্ত রেস্পোন্দর ওইনা লৈরিবা থাক অসিবু হেন্না চেৎশিনহল্লি। মিসন অসিনা এ.এস.ই.এ.এন. লৈবাকশিং অমসুং মখোয়গা লৈনরিবা মরীদা পীরিবা মরু ওইবা মিৎয়েং অদুবু মীয়ামদা খঙহল্লি।

পুৱারীগী ওইনসু, ভারত অমসুং কম্বোদিয়াগী মরক্তা অচেৎপা নাৎকী মরী লৈনৈ। হায়রিবা মরী অসি হন্দক্কী চহি খরা অসিদা সেক্তর খুদিংদা থবক তৌমিন্নবগী থৌওংশিংনা মরম ওইদুনা হান্নদগী হেন্না চেৎশিনলে। হৌজিক্কী খোঙচৎ অসিনা লৈবাক অনি অসিগী মরক্তা লৈনরিবা মরীবু অমুক্কা হেন্না চেৎশিনহন্দুনা  লমদম অসিদা তংদু-লৈতাবা ফিভম অমা লৈহল্লগনি।

*****