কেন্দ্রগী এজুকেশন মন্ত্রী, শ্রী রামেশ পোখ্রিয়াল ‘নিশাঙ্ক’না, ভর্চুৱল ওইনা ইকাইখুম্নরবা এজুকেশনগী রাজ্য মন্ত্রী, সঞ্জয় ধোত্রে, দা. বি. ভি. আর. মোহন রেদ্দী (চেয়র পার্সন, বোর্দ ওফ গোবর্নরস, আই.আই.তি হাইদ্রবাদ), প্রোফেসর. বি. এস. মুর্তী (দাইরেক্তর আই.আই.তি. হাইদ্রবাদ) অমসুং মন্ত্রালয়, দিপার্তমেন্ত ওফ সাইন্স অমসুং তেক্নোলোজী  (দি.এস.তি.), জি.ও.আই. অমসুং আই.আই.তি. হাইদ্রবাদকী সেনিয়র ওফিসিয়েলশিং য়াওদুনা ভারতকী অহানবা ওতোনোমস নেভিগেশন সীস্তেমস (তেরেস্ত্রিয়েল অমসুং এরিয়ল)গী  তেস্ত বেদ – ‘তিহান – আই.আই.তি. হাইদ্রবাদ’কী উরেপ উয়ুং তমখি।

ভারত সরকারগী দিপার্তমেন্ত ওফ সাইন্স অমসুং তেক্নোলোজী (দি.এস.তি.)না ওতোনোমস নেভিগেশন  অমসুং দেতা এক্বিজিশন সীস্তেমস (য়ু.এ.ভি.শিং, আর.ও.ভি.শিংনচিংবা)গী মতাংদা তেক্নোলোজী ইন্নোভেশন হব অমা লিংখৎনবা নেস্নেল মিশন ওন ইন্তরদিসিপ্লিনরী সাইবর-ফিজিকেল সীস্তেমস (এন.এম.-আই.সি.পি.এস.)কী মখাদা আই.আই.তি.হাইদ্রবাদতা লুপা করোর ১৩৫ থাধখি। আই.আই.তি. হাইদ্রবাদতা অনমেনদ এরিয়ল ভেহিকল অমসুং রিমোৎলী ওপরেতেদ ভেহিকলশিংগীদমক্তা ওইবা তেক্নোলোজী ইন্নোভেশন হব ওন ওতোনোমস নেভিগেশন সীস্তেমস, ‘তিহান ফাইন্দেশন’হায়নসু খঙনবা অসি ২০২০গী জুনদা ইন্সতিত্যুত অসিনা সেক্সন-৮ কমপনী অমা ওইনা পুনশিনখি।

মসিগী তেক্নোলোজী এদভান্সমেন্ত অসি উবদা নুংঙাইবা ফোংদোক্লদুনা, শ্রী পোখ্রিয়ালনা হায়খি “আই.আই.তি. হাইদ্রবাদতা লিংখৎখিবা তিহান ফাউন্দেশন অসি আই.আই.তি. হাইদ্রবাদতা লৈবা মিল্তি-দিপার্তমেন্তেল ওইবা অনৌবা খোংথাং অমনি, মসিদা মমীং লৈরবা ইন্সতিত্যুশনশিং অমসুং ইন্দস্ত্রীদগী খুৎসম্নদুনা থবক তৌবা অমসুং তেংবা পীরকপগা লোইননা ইলেক্ত্রিকেল, কমপ্যুতর সাইন্স, মেকানিকেল অমসুং এরোস্পেস, সিভিল, মেথমেতিক্স, অমসুং দিজাইনদগী   রিসর্চরশিং য়াওরি। মসি ‘আত্মানির্ভর ভারত’, ‘স্কিল ইন্দিয়া’ অমসুং ‘দিজিতেল ইন্দিয়া’গী মায়কৈ তম্না অবম্না চাউবা খোংথাং অমনি হায়না ঞআক্না হায়খি। “ওতোনোমস নেভিগেশন অমসুং দেতা এক্বিজিশন সীস্তেমস”কী অখন্নবা দোমেন এরিয়াদা ইন্তরদিসিপ্লিনরী তেক্নোলোজীশিংগী রিসর্চ অমসুং দিবেলপমেন্ততা মরু ওইবা মীৎয়েং থম্বগা লোইননা,” মসিগী হব অসিনা তেরেস্ত্রিয়েল অমসুং এরিয়ল এপ্লিকেশন অনিমক্কীদমক্তা অনমেন্দ ওতোনোমস ভেহিকলশিং অসিবু তশেংনা শিজিন্নবদা অপনবা পীরিবা শিংনবা কয়া অমবু য়েংশিনবগী মতাংদা মীৎয়েং থম্লি, হায়না মহাক্না মখা তারকখি।”

এজুকেশনগী রাজ্য মন্ত্রী, শ্রী সঞ্জয় ধোত্রেনা আই.আই.তি. হাইদ্রবাদকী তীমনা পাইখৎলকখিবা য়াম্না শিংথানিংঙাই ওইবা অনৌবা খোংথাং অসিগী মতাংদা মখোয়বু থাগৎখি। দা. বি.ভি.আর. রেদ্দী, চেয়রমেন বি.ও.জি., আই.আই.তি. হাইদ্রবাদনা মসিগী য়াম্না চাউরবা প্রোজেক্ত অসিগীদমক্তা আই.আই.তি. হাইদ্রবাদকী ফেকল্তীগী য়াম্না কন্না হোৎনখিবা থব অসিগীদমক্তা থাগৎলকখি।

তিহান তীমদা নুংঙাইবা ফোংদোক্লদুনা, আই.আই.তি. হাইদ্রবাদকী দাইরেক্তর, প্রোফেসর বি.এস. মুর্তীনা হায়খি, “কঞ্জুমর খুনাইদা অনমেন্দ অমসুং কনেক্তেদ ভেহিকলশিংবু হেন্না পাম্ননবগীদমক্তা মথৌ তাবা খ্বাইদগী মরু ওইবা অদুদি তশেংবা তাইবংগী ফিভমদা মসিগী পার্ফোর্মেন্স উৎপা অদুবুনি। তৌইগুম্বসুং, মসি খুদোংথিনিংঙাই ওইবা য়াই। মরু ওইনা অসোই-অঙাম য়াওদবগী মতাংদা, অনমেন্দ অমসুং কনেক্তেদ ভেহিলশিংগীদমক্তা এক্সপরিমেন্তেল তেস্ত ত্রেকশিং ওইনা মথৌ তৌরিবা রোদৱে ফেসিলিতীশিংদা হেক্তা শিজিন্নবা হায়বসি খুদোংথিনিংঙাইনি। অনম্বনা, বু.এ.ভি. অমসুং য়ু.জি.ভি. অনিমক্কী তেস্তিং তৌবদা ওবস্তেকলশিংদা শুগাইবা অমসুং থেংজিনবা য়াওবা য়াই, মসিনা তাংলবা সেন্সরশিং অমসুং অতোপ্পা কমপোনেন্তশিংদা অমাং-অতা থোকহনগনি। মরম অদুনা, নৌনা পুথোরকপা তেক্নোলোজীশিং অসি  থাদোক্ত্রিঙৈগী মমাংদা অসোই-অঙাম য়াওদবা, নীংথিনা শেন্নরবা এনভাইরনমেন্ততা তেস্ত তৌবা হায়বসি য়াম্না মরু ওই।”

ফেসিলিতী অসিগী মরু ওইবা অদু আইলাইত তৌরদুনা, প্রোজেক্ত দাইরেক্তর – তিহান অমসুং প্রোফেসর, দিপার্তমেন্ত ওফ ইলেক্তিকেল ইঞ্জিনীয়রিং, দা. পি. রাজালক্সমিনা হায়খি, “মালেম শিনবা থুংনা লৈরিবা ওর্গনাইজেশন কয়া অমনা তোঙান-তোঙনবা সিনারিয়োশিং অশেংবা তাইবংগী ত্রাফিক ওপরেশনশিংদা থোকপা য়াবা য়াম্না তোইনা থোকপদগীনা য়াম্না শাথিবা কেসশিংগী মতৌ তমদুনা নীংথিনা য়ংশিল্লবা এনভাইরনমেন্ততা অনমেন্দ অমসুং কনেক্তেদ ভেহিকলশিং অসিগী মথৌ করম্না তৌবগে হায়বগী মতাংদা য়েংশিন্নবা তেস্ত বেদশিং অমসুং প্রুভিং গ্রাউন্দশিং দিবেলপ তৌখ্রে।  হোজিকমক্কী ওইনদি, ভেহিকলশিং অসিগী ওতোনোমস নেভিগেশন ইভাল্যুৱেত তৌনবা ভারত্তা অসিগুম্বা তেস্ত বেদ ফেসিলিতী অসি লৈতে। মরম অদুনা ফজরবা আই.আই.তি হাইদ্রবাদকী কেমপসকী শরুক অমদা সি.এ.ভি.শিং – কনেক্তেদ ওতোনোমস ভেহিকলশিংগীদমক্তা ওইবা নীথিনা মথৌ তৌবা অমসুং  তমজনিংঙাই ওইবা তেস্ত বেদ ফেসিলিতী অমা দিবেলপ তৌদুনা মসিগী অহাংবা অসিবু কোহন্নবগীদমক্তা শেমখ্রিবনি। হব অসিগী মীৎয়েং থম্লিবা সেক্তরশিংদা ইন্তেলিজেন্ত, ওতোনোমস ত্রান্সপোর্তেশন অমসুং সীস্তেমশিং, এগ্রিকলচর, সর্ভিলেন্স, অমসুং এনভাইরনমেন্তেল অমসুং ইনফ্রাস্ত্রকচর মোনিতরিং য়াওরি।”

পুন্না লম একর ২ আই.আই.তি. হাইদ্রবাদকী কেমপসতা হান্নদগী খাইদোকখ্রে অমসুং ফেসিলিতীসিং অদু তাঙ্কক নাইনা শেম্নবা থৌরাং তৌরি। স্মার্ত পোল পুম্নমক কম্যুনিকেশন পীবা ঙম্বা তেক্নোলোজী য়াওহনখ্রে, মসিদা পোল খরদি নোং চুবগী সিনারিয়ো অদু শেম্নবা স্প্রিংক্লরশিং আপ্তুনা শেমখি। দিবেলপ তৌখ্রিবা তেস্ত বেদ অসি ইন্দস্ত্রীশিং, আর. আমসুং দি. লেবশিং, ওতোনোমস নেভিগেশনগী লমদা পাক সন্না রিসর্চ অমসুং দিবেলপমেন্ত তৌরিবা একাদেমিয়ানা শিজিন্নবগীদমক্তা খুদোংচাবা ফংহল্লগনি। 

*****