কোরোনাভাইরসনা মালেম অসিদা লৈরিবা খুন্নাইগী মরীশিং, শেন্মীৎলোনগী থবক-থৌরমশিং, হেল্থকিয়র, এজুকেসন অমসুং পুন্সিগী অতোপ্পা হিরম কয়াদা অহওংবা পুরকখি। অদুবু পুন্সি অসি লেপতুনদি লৈহনখিদে – পুম্নমক অসিগীদমক্তা ইনফোর্মেসন অমসুং কম্ম্যুনিকেসন তেক্নোলোজীবু য়াম্না থাগৎচরি। তেক্নোলোজীগী ওইবা চাউখৎপশিং অসিবু ‘অকাইবা থোকহনবশিং’ হায়না খঙনৈ, অদুবু চহি অসিদদি মখোয়না অচৌবা অকাইবা অসি চাউনা থোকহনবদগী ঙাকথোকপদা ঐখোয়বু মতেং পাংখি হায়না ভারতকী রাস্ত্রপতি শ্রী রাম নাথ কোবিন্দনা ফোঙদোকখি। মহাক্না ঙসি (দিসেম্বর ৩০, ২০২০) ভিদিও কনফরেন্সিংগী থোংদা দিজিতেল ইন্দিয়া এৱার্দ ২০২০ পীবগী থৌরমদা মহাক্না ৱা ঙাংখি।

রাস্ত্রপতিনা হায়খি ভারতনা চত্থোক-চৎশিন্দা থমখিবা অথিংবশিংগী অচৌবা চৈথেং অসি হন্থহন্নবা শেম শাখিদে অদুবু খুদোংথিবা অসি তোঙান তোঙানবা লমশিংদা মাংদা চংশিন্নবা খুদোংচাবা ওইনা শীজিন্নখি। মসি চহি খরা অসিদা দিজিতেল ইনফ্রাস্ত্রকচরগী মপাঙ্গল কনখৎখিবা অসিনা মরম ওইরগা ওইথোকখিবনি। মহাক্না হায়খি এজুকেসন অসি লেপ্পা লৈখিদে মরমদি অয়াম্বা ইন্সতিত্যুসনশিংনা পরা ওনলাইন্দা তাকপা হৌখি। জুদিসিএরীদগী তেলি-মেদিসিন ফাওবা সেক্তর পুম্নমক্তা ভর্চুএল মোদতা ওন্থখি। সরকারগী ওইনসু ইনফোর্মেসন তেক্নোলোজী অসি প্রজাশিংদা মখল কয়াগী সর্ভিসশিং ফংহন্নবা অমসুং শেন্মীৎলোন লেপহনদনবা মরু ওইবা খুৎলাই ওইখি।

রাস্ত্রপতিনা হায়ি প্রোএক্তিব ওইনা দিজিতেলগী খোঙথাংশিং লৌখৎপনা মরম ওইরগা ঐখোয়না লোকদাউন মনুং অমদি মতুংদা মরু ওইবা সরকারগী সর্ভিসশিং লেপ্তনা চত্থবা ঙমখিবনি। মহাক্না হায়খি লাইচৎ অসিনা পীরকখিবা শীংনবশিং মায়োক্নবদা ঐখোয়গী দিজিতেল ৱারিয়রশিংনা লৈবাক অসিগী মতেং পাংবদা লৌখিবা থৌদাং অসি শীংথানিংঙাই ওই। অচৌবা আই.সি.তি. ইনফ্রাস্ত্রকচরদা য়ুম্ফম ওইবা আরোগ্যা সেতু, ই-ওফিস অমসুং ভিদিও কনফরেন্সিংগী সর্ভিসশিং অসিগুম্বা প্লেৎফোর্মশিং অসি প্রোএক্তিব ওইনা ইমপ্লিমেন্ত তৌবনা লৈবাক অসিদা লাইচৎ অসিনা পীবা অৱাবা হন্থহনবদা মতেং পাংখি।

রাস্ত্রপতিনা প্রজা খুদিংমক্কী সেক্যুরিতী অমসুং কান্নবগীদক্তা সরকারগী ওফিসশিং পেপরলেস অমসুং কন্তেক্তলেস মোদতা মথৌ তৌহন্নবা ইন্নোবেতিব সোলুসনশিং পুথোকপা লেপ্তনবা ফোঙদোকখ্রে। মহাক্না হায়খি মসিনা এদমিনিস্ত্রেতিব প্রোসেসশিং হেন্না ইকো-ফ্রেন্দলী ওইহনবদা মতেংসু পাংলগনি। মহাক্না ঐখোয়না তেক্নোলোজী অমসুং আই.সি.তি.-দ্রিবন ইন্নোবেতিব সোলুসনশিং অসি চাউথোকহনদুনা ঐখোয়গী লৈবাক্কী খ্বাইদগী অরাপ্পা মফমশিংদসু ইকনোমিক ইনক্লুসিবনেস অমসুং খুন্নাইগী অওনবা পুরক্কদবনি হায়না ফোঙদোকখি।ঐখোয়গী মীশিংগী য়াম্লবা শরুক্না হৌজিক ফাওবা দিজিতেল দিবাইসশিং অমসুং সর্ভিসশিংগী কান্নবশিং ফংদ্রি। কান্নরবা ইন্নোবেসনশিংগী খুত্থাংদা মখোয়দা দিজিতেল একসেস ফংহনদুনা অসিগুম্বা মীওইশিংগী মশিং অসি হন্থহনবা তঙাই ফদে। মসিনা ঐখোয়গী দিজিতেল রিভোলুসন অসি হেন্না ইনক্লুসিব ওইবা ঙমহনগনি। অসুম্না সরকারকী দিজিতেল ইন্দিয়াগী থোরাং অসি মখা চত্থহনদুনা দিজিতেলগী অৱাৎপা লৈরিবা অসি হন্থহন্নবা হোৎনবা লেপ্পোইদবনি।

মীয়াম্না খঙনরবা পাউরৌ ‘ইনফোর্মেসন ইস পাৱর’ হায়বা অদু রাস্ত্রপিনা পল্লদুনা হায়খি ই-পাউশিং মীয়ামদা খঙহনবা অসিনা খুন্নাইদা ত্রান্সপরেন্সী পুরকপা ঙম্বা খক্তা নত্তনা প্রজাশিং অমসুং খুন্নাইবু চাউখৎহল্লি। মসিগী অফবা ৱাখল্লোন অসিগা লোইননা সরকারনা পব্লিক দোমেনদা তোঙান তোঙানবা মখলগী দেতা সেৎশিং অমসুং দেতা রিসোর্সশিং থম্বা হৌরকখি। মসি ইনফোর্ম সিতিজেনশিপ অমগীদমক্তা য়াম্না তঙাই ফদে হায়রিবা অসি দেমোক্রেসীগী মরু ওইবা পন্দুপনি। নেস্নেল দেতা সিয়রিং অমসুং একসেসিবিলিতী পোলিসী অসিনসু গভর্নান্সকী পার্তিসিপেতরী মোদেল অমা লৈহন্দুনা প্রজাশিংনা প্লিক ওথোরিতীশিংদগী নন-স্ত্রেতেজিক ইনফোর্মেসনশিং একসেস তৌবা য়াগনি অমসুং তোঙান তোঙানবা রিফোর্ম প্রোসেসশিংদা সরকারগী পার্তনরশিং ওইবা ঙমগনি।

দিজিতেল গভর্নান্ন্সকী থোইদোক হেন্দোকপা থৌরাংশিং/প্রেক্তিসশিং ইকাই খুম্নবা ওইনা দিজিতেল ইন্সিয়া এৱার্স অসি ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়গী থৌরাং অমনি। ৬শুবা দিজিতেল ইন্দিয়া এৱার্দস ২০২০ অসি কেতগোরী তরুক্তা পীখি- ইন্নোবেসন ইন পেন্দেমিক; এক্সিলেন্স ইন দিজিতেল গভর্নান্স; এক্সিলেন্স ইন দিজিতেল গভর্নান্স; এক্সিলেন্স ইন দিজিতেল গভর্নান্স; ওপন দেতা চেম্পিয়ন অমসুং একজেমপ্লেরী প্রদক্ত।

রাস্ত্রপতিগী ৱারোল য়েংনবা মসিদা নম্বীয়ু

***