কেন্দ্রগী হকশেল অমসুং য়াইফ য়ুম্বালগী মন্ত্রী, দা. হর্শ ৱর্ধন্না ঙসি মফম অসিদা ভীদিও কনফরেন্স অমগী খুত্থাংদা অফবা, রেপ্লিকেবল প্রক্তিসশিংগী মতাংদা ৭শুবা এন.ঐচ.এম. নেস্নেল সম্মিত দিজিতেল ওইনা শঙ্গাখ্রে। দা. ৱর্ধন্না এ.বি. ঐচ.দবল্যু.সি.শিংদা তি.বি. সার্বিসশিংগীদমক্তা ওপরেশনেল গাইদলাইনশিং অমসুং লেপ্রোসীগীদমক্তা এক্তিব কেস দিতেক্সন অমসুং রেগুলর সর্ভিলেন্সকী মতাংদা ওপরেশনেল গাইদলাইনস ২০২০গা লোইন-লোইননা অনৌবা হেল্থ মেনেজমেন্ত ইনফোর্মেশন সীস্তেম (ঐচ.এম.আই.এস.)সু হৌদোকখ্রে।

হকশেল অমসুং য়াইফ য়ুম্বালগী মন্ত্রালয়গী মন্ত্রীনা ভারত্তা পব্লিক হেল্থকেয়র সীস্তেমশিংদা অফবা, রেপ্লিকেবল  প্রক্তিসশিং অমসুং ইন্নোভেশনশিংগী মতাংদা নেস্নেল সম্মিত অমা পাংথোকখ্রে। অদুগা খ্বাইদগী অহানবা অদুনা স্রিনাগরদা ২০১৩দা পব্লিক হেল্থকেয়র সীস্তেমদা খ্বাইদগী অথোইবা প্রক্তিসশিং অমসুং ইন্নোভেশনশিং অদু মশক খঙবীবা ওইনা, উৎত্থোক্নবা অমসুং দোক্যুমেন্ত তৌনবা পাংথোকখিবনি, খ্বাইদগী অকোনবনা গুজরাতকী গান্ধিনাগরদা পাংথোকখি।

দা. হর্শ ৱর্ধন্না থৌরম অদুগী মতাংদা মহাক্না হরাওবা ফোংদোকখি অঞসুং লাইচৎকী লৈরিবা ফিভম অসিগী মরক অসিদা অসিগুম্বা থৌরম অসি শিনবগীদমক্তা মীয়ামদা নুংঙাইবা ফোংদোকখি। মহাক্না হায়খি, “ভারতকী হেল্থকেয়র সীস্তেম অসিবু অনৌবা অৱাংবা থাক্তা পুখৎকদবা ইন্নোভেতিব কনভর্জেন্স স্ত্রেতেজীশিংদা মীৎয়েং থম্বা হায়বসি য়াম্না মরু ওই। ২০২০গী চহিদা, নেস্নেল হেল্থকেয়র ইন্নভেশন পোর্তলদা রাজ্যশিং অমসুং য়ু.তি.শিংনা অনৌবা ইনিসিয়েতিব ২১০ থাগৎলকখি। মসিগী ইন্নোভেশনশিং অসিগী খ্বাদগী মরু ওইবা পান্দমদি নাকল অমদনা মীশিংগী হকশেলগী ফিভম ফগৎহনবা অমসুং অতোপ্পা অমদনা তুং কোইনা চৎকদবা মওংদা পব্লিক হেল্থ সীস্তেমশিংগী মপাঙ্গল কনখৎহনবনি।” মহাক্না হেল্থকেয়র ইকোসীস্তেমদা ইন্নভেশনশিং পুরক্নবগীদমক্তা গ্রাসরুতশিংদা লৈবা হেল্থকেয়র ৱার্করবু শরুক য়াহনবা অমসুং য়াওহনবগী মতাংদসু য়াম্না মরু ওইনা পনখি, অমসুং মীয়ামগী হেল্থ দিলিভরী সীস্তেমশিংগা লোইননা থবক তৌরকপগী চহি কয়াদগী ফংলকপা এক্সপরিয়েন্স অমসুং হৈ-শিংবদগী ফংলকপা অপুনবগী ওইবা লৌশিংদগী কান্নগনি হায়খি। দা. হর্শ ৱর্ধন্না, মহাক্না দিল্লীগী হকশেল মন্ত্রী ওইরিঙৈ মতমদা পোলিয়ো মউথৎনবগী দ্রাইবতা লুচিংলিঙৈ মতমদা থেংনখিবা মহাক্কী এক্সপরিয়েন্সশিং অদুগী মতাংদসু ময়ামদা খঙহনখি অমসুং হেল্থকেয়র প্রোগ্রামশিংদা মীয়াম্না শরুক য়াবা অমসুং কম্যুনিতীবুসু শরুক য়াহনবগী পাঙ্গল অদুবুসু নিংশিংখি।

ঐখোয়গী হেল্থকেয়র সীস্তেমদা আইদিয়াশিং অমসুং ইন্নোভেশনগী থৌদাং অদুবু মরু ওইনা পল্লদুনা, দা. ৱর্ধন্না খঙহনখি, “হেল্থকেয়র সার্বিসশিং ফংহনবদা ইন্নোভেশন হায়বশিং য়াম্না মরু ওইবা কোইফিসিয়েন্তনি। কোবিদ-১৯ মতাংদা তৌখিবা থবকশিং অদুনা থৌরম কয়া অমা পাংথোকপদা অমসুং ইন্নোভেশনশিং পুথোকপদা অনৌবা লম্বি কয়া অমা হৌদোক্নবা ঐখোয়বু পুক্নিং থৌগৎলি। লাইচৎ অসিনা ঐখোয়বু পি.পি.ই. কিত, ভেন্তিলেতর, মাস্ক, ভেক্সিননচিংবা পুথোকপগী লমদা মীপাল তাংদবা ঙমহল্লে। হকশেল মন্ত্রালয়গি ইসঞ্জীৱনি দিজিতেল প্লেতফোর্মদা তেলি-কন্সল্তেশন মিলিয়ন ১গী মথক্তা পাংথোকখ্রে। হায়রিবা অসি ময়াম পুন্না হোৎনমীন্নবদুদগী মরম ওইরগা ওইরকখিবা ইন্নোভেতিব এপ্রোচ অদুগী ফলনি।”

হেল্থকেয়র সার্বিসশিং ফংহনবদা দিজিতেল অমসুং ইনফোর্মেশন তেক্নোলোজীগী মরু ওইববু হন্না-হন্না পল্লদুনা, দা. হর্শ ৱর্ধন্না হায়খি, “দিজিতেল ত্রান্সফোর্মেশন অসিনা অফবা, লাইনা ফংবা, ইনক্লুসিব ওইবা, হোংনা, মতম চানা অমসুং অসোই-অঙাম য়াওদবা মওংদা য়ুনিভর্সেল হেল্থ কোভরেজ সপোর্ত তৌবা নেস্নেল দিজিতেল হেল্থ ইকোসীস্তেম পুথোকপা ঙমহল্লে। অনৌবা হেল্থ মেনেজমেন্ত ইনফোর্মেশন সীস্তেম (ঐচ.এম.আই.এস.) অসিনা ওপন, ইন্তরওপরেবল, স্তেন্দার্দস-বেজদ দিজিতেল সীস্তেমশিং শিজিন্নদুনা দেতা, ইনফোর্মেশন, অমসুং ইনফ্রাস্ত্রকচর সার্বিসশিংগি পাক-চাউরবা রেঞ্জকী খুদোংচাবা ফংহন্দুনা অথিংবা-অপনবা লৈত্রবা ওনলাইন প্লেতফোর্ম অমা পীরি। ও্পতিমল ওইবা ইনফোর্মেশনগী এক্সচেঞ্জ তৌনবনা হেন্না ফবা হেল্থ আউতকম, হেন্না ফবা দিসিজন সপোর্ত সীস্তেম ফংবদা, অমসুং রাজ্য অমসুং লৈবাক অসিগী থাক্তা পব্লিক হেল্থ কেয়রগী রিফোর্মশিংদা ফগৎহনবদা মতেং পাংখি। হকশেল অমসুং য়াইফ য়ুম্বালগী দিপার্তমেন্তনা হন্দক্তা ইসঞ্জীৱনি প্লেতফোর্মগীদমক্তা ওপন দেতা চেম্পিয়নগী কেতেগোরীদা য়াম্না ফিদম্নিংঙাই ওইরবা দিজেতেল ইন্দিয়া এৱার্দ ২০২০ ফংখি।”

তি.বি. সার্বিসশিংগীদমক্তা ওইবা ওপরেশনেল গাইদলাইনশিং অদু থাদোক্লদুনা, কেন্দ্রগী মন্ত্রীনা খঙহনখি, “তি.বি. লাকশিন্নবগী মাইকৈদা ভারত সরকারগী লেপ্পা লৈতনা হোৎনখিবসিং অদুনা তি.বি. নোতিফিকেশনশিংদা অমসুং দাইগ্নোস্তিক্স, এধেরেন্স অমসুং ত্রীতমেন্ত আউতকমশিংদা ফগৎলকপশিং অদু থাজরুদবা মওংদা হেনগৎলকপা লৈহনখি। মিসিং কেসশিংগী মসিং অদু ২০১৭দা লৈখিবা লাখ ১০গী মথক্তা লৈখিবা কেসশিং অদুগী মায়োক্তা ২০১৯দা কেস লাখ ২.৯দা হন্থরকখি। ইকাইখুম্নরবা প্রধান মন্ত্রী, শ্রী নরেন্দ্র মোদী জীনা ২০২৫ ফাওবদা তি.বি. লৈতবা ভারত অমা ওইহন্নবগী থৌনা ফরবা পান্দম অমা থম্লি, হায়রিবা অসি ২০৩০গী এস.দি.জি.গী তার্গেতশিং অদুগী চহি মঙা মাংজৌনননি। মসিগী পান্দম অসি ফংনবা, ঐখোয়না তি.বি.গী ঙন্না দাইগ্নোসিস তৌনবগীদমক্তা পুন্না থবক তৌমিন্নবা মথৌ তাই, মতিক চাবা পেসেন্ত সপোর্ত সীস্তেমশিং ফংহন্নবগা লোইননা অহানবা ইন্তর্ফেসতা তি.বি. পেসেন্ত পুম্নমকপু লাইয়েংবা, অমসুং কম্যুনিতী অসিদা তি.বি. ত্রান্সমিশন তৌবগী চেন অসিবু থদৎকদবনি।”

অরোইবদা, “হকশেল অমসুং য়াইফ য়ুম্বালগী মন্ত্রালয়না নেস্নেল কন্সল্তেশনশিং পাংথোকপগী অফবা চৎনবী অসি মখাতানা চৎথখিগনি অমসুং লৈবাক অসিগী তোঙান-তোঙানবা মফমশিংদা হেল্থ প্রোগ্রামশিং ফগৎহন্নবা অনৌবা ইন্নভেতিব এপ্রোচ কয়া অমা শিজিন্নবগী কলচর প্রোমোত তৌগনি অমসুং মসিগী মতাংদা ওইবা খঙখিবা থেংনখিবশিং অদু শেয়র তৌগনি অমসুং অমনা অমগী এক্সপরিয়েন্সশিং অদু দগৎহনগনি হায়না আশা তৌরি।” হায়রদুনা দা. ৱর্ধন্না ৱারোইশিন তাখি।

শ্রী রাজেশ ভুশন, হেল্থ সেক্রেতরী, সুকুমারি ৱন্দনা গুর্নানি, এ.এস. অমসুং এম.দি. (এন.ঐচ.এম.), সুকুমারি রত্না অঞ্জন জেনা, দি.জি. (স্তেতস), স্রী ৱিকাস শীল, এ.এস. (পোলিসী), এম.ও.ঐচ.এফ.দবল্যু. অমসুং রাজ্যশিং/য়ু.তি.শিংদগী  অতোপ্পা হেল্থ ওফিসিয়েলশিং থৌরম অদুদা শরুক য়াখি। দবল্যু.ঐচ.ও.গী দবল্যু.আর., দা. রোদ্রিকো ওফ্রিনসু থৌরম অদুদা শরুক য়াখি।

****