26 ਦਸੰਬਰ 2020 ਨੂੰ ਆਯੋਜਿਤ ਕੀਤੀ ਗਈ ਸੈਰ-ਸਪਾਟਾ ਮੰਤਰਾਲੇ ਦੀ ਦੇਖੋ ਆਪਣਾ ਦੇਸ਼ ਵੈਬਿਨਾਰ ਲੜੀ ਦਾ ਸਿਰਲੇਖ “ਭਾਰਤੀ ਪਕਵਾਨਾਂ ਦੇ ਭੇਦ ਅਤੇ ਆਨੰਦ” ਸੀ, ਇਹ ਭਾਰਤੀ ਪਕਵਾਨਾਂ ਅਤੇ ਇਸਦੀ ਮਹੱਤਤਾ ਉੱਤੇ ਕੇਂਦ੍ਰਤ ਸੀ। ਭਾਰਤ ਵਿੱਚ ਭੋਜਨ ਅਣਗਿਣਤ ਪਕਵਾਨਾਂ, ਖਾਣਾ ਪਕਾਉਣ ਦੀਆਂ ਸ਼ੈਲੀਆਂ ਦਾ ਇੱਕ ਜੀਵੰਤ ਭੰਡਾਰ ਹੈ ਅਤੇ ਇਹ ਸਥਾਨਕ ਤੌਰ ’ਤੇ ਉਪਲਬਧ ਮਸਾਲੇ, ਅਨਾਜ, ਸਬਜ਼ੀਆਂ ਅਤੇ ਫ਼ਲਾਂ ਦੀ ਸੂਖਮ ਅਤੇ ਗੁੰਝਲਦਾਰ ਵਰਤੋਂ ਦੀ ਵਿਸ਼ੇਸ਼ਤਾ ਹੈ| ਭਾਰਤੀ ਭੋਜਨ ਇੱਕ ਸੰਤੁਲਿਤ ਭੋਜਨ ਹੁੰਦਾ ਹੈ ਕਿਉਂਕਿ ਇਸਦੇ ਸੁਆਦ ਵਿੱਚ ਹਰ ਕਿਸਮ ਦੇ ਮਿਸ਼ਰਣ ਪਾਏ ਜਾਂਦੇ ਹਨ ਜਿਵੇਂ ਕਿ ਇੱਥੇ ਇੱਕ ਜਾਂ ਵਧੇਰੇ ਅਨਾਜਾਂ, ਸਬਜ਼ੀਆਂ ਮਸਾਲਿਆਂ ਆਦਿ ਦੇ ਸੁਮੇਲ ਨਾਲ ਨਮਕੀਨ, ਮਿੱਠਾ, ਕੌੜਾ ਜਾਂ ਮਸਾਲੇ ਵਾਲਾ ਭੋਜਨ ਪਾਈ ਜਾਂਦਾ ਹੈ|

ਵੈਬਿਨਾਰ ਨੂੰ ਮੱਧ ਪ੍ਰਦੇਸ਼ ਕੈਡਰ ਬੈਚ 1982 ਦੀ ਸੇਵਾਮੁਕਤ ਆਈਏਐੱਸ ਅਧਿਕਾਰੀ ਡਾ. ਅਰੁਣਾ ਸ਼ਰਮਾ ਦੁਆਰਾ ਪੇਸ਼ ਕੀਤਾ ਗਿਆ। ਉਨ੍ਹਾਂ ਨੇ ਮੁੱਖ ਤੌਰ ’ਤੇ ਸਥਾਨਕ ਤੌਰ ’ਤੇ ਉਗਾਏ ਜਾਣ ਵਾਲੇ ਅਨਾਜ, ਸਬਜ਼ੀਆਂ ਆਦਿ ਦੀ ਮਹੱਤਤਾ ਅਤੇ ਮਸਾਲਿਆਂ ਦੀ ਮਹੱਤਤਾ ਅਤੇ ਇਮਿਊਨੀਟੀ ਵਧਾਉਣ ਵਿੱਚ ਇਸ ਦੀ ਭੂਮਿਕਾ ’ਤੇ ਜ਼ੋਰ ਦਿੱਤਾ।

ਭਾਰਤ ਵਿੱਚ ਲੈਂਡਸਕੇਪ, ਸੱਭਿਆਚਾਰ, ਭੋਜਨ ਹਰ ਕੁਝ ਸੌ ਕੁ ਕਿਲੋਮੀਟਰ ਵਿੱਚ ਬਦਲਦਾ ਹੈ ਅਤੇ ਇਹ ਕਿੰਨਾ ਸੱਚ ਹੈ! ਸਾਡੇ ਸ਼ਾਨਦਾਰ ਦੇਸ਼ ਵਿੱਚ ਉੱਤਰ ਤੋਂ ਦੱਖਣ ਅਤੇ ਪੂਰਬ ਤੋਂ ਪੱਛਮ ਤੱਕ ਬੇਅੰਤ ਕਿਸਮਾਂ ਦੇ ਖਾਣਾ ਪਕਾਉਣ ਦੀਆਂ ਸ਼ੈਲੀਆਂ ਅਤੇ ਪਕਵਾਨ ਹਨ| ਭਾਰਤੀ ਭੋਜਨ ਸਥਾਨਕ ਤੌਰ ’ਤੇ ਉਪਲਬਧ ਅਨਾਜ, ਸਬਜ਼ੀਆਂ, ਮਸਾਲੇ ਆਦਿ ਦੇ ਨਾਲ ਪੋਸ਼ਣ ਪ੍ਰਤੀ ਸੰਪੂਰਨ ਪਹੁੰਚ ’ਤੇ ਅਧਾਰਤ ਹੈ| ਭਾਰਤ ਵਿੱਚ ਭੋਜਨ ਸੱਭਿਆਚਾਰ ਬਹੁਤ ਹੀ ਜੀਵੰਤ ਹੈ ਅਤੇ ਘਰੇਲੂ ਪਕਾਏ ਗਏ ਖਾਣੇ, ਗਲੀ ਦੇ ਖਾਣੇ ਤੋਂ ਲੈ ਕੇ ਵਧੀਆ ਖਾਣੇ ਦੇ ਤਜਰਬੇ ਤੱਕ ਵੱਖੋ-ਵੱਖਰੇ ਰੂਪਾਂ ਅਤੇ ਸ਼ੈਲੀਆਂ ਵਿੱਚ ਉਪਲਬਧ ਹੈ|

ਦੇਖੋ ਆਪਣਾ ਦੇਸ਼ ਲੜੀ ਦੇਸ਼ ਦੇ ਖੂਬਸੂਰਤ ਵਿਭਿੰਨ ਸੱਭਿਆਚਾਰ ਨੂੰ ਉਜਾਗਰ ਕਰਦੀ ਹੈ ਅਤੇ ਏਕ ਭਾਰਤ ਸ਼੍ਰੇਸ਼ਠ ਭਾਰਤ ਦੀ ਭਾਵਨਾ ਦਾ ਸਮਰਥਨ ਕਰਦੀ ਹੈ।

ਵੈਬਿਨਾਰ ਦਾ ਸਮਾਪਤ ਕਰਦਿਆਂ ਵਧੀਕ ਡਾਇਰੈਕਟਰ ਜਨਰਲ ਰੁਪਿੰਦਰ ਬਰਾੜ ਨੇ ਦੇਸ਼ ਭਰ ਵਿੱਚ ਉਪਲਬਧ ਵੱਖ-ਵੱਖ ਕਿਸਮਾਂ ਦੇ ਪਕਵਾਨਾਂ, ਖਾਣ ਪੀਣ ਦੀਆਂ ਟ੍ਰੇਲਾਂ ਬਾਰੇ ਗੱਲ ਕੀਤੀ| ਉਨ੍ਹਾਂ ਨੇ ਇੰਕ੍ਰਿਡੀਬਲ ਇੰਡੀਆ ਟੂਰਿਸਟ ਫੈਸੀਲੀਟੇਟਰ (ਆਈਆਈਟੀਐੱਫ਼) ਸਰਟੀਫਿਕੇਸ਼ਨ ਬਾਰੇ ਵੀ ਦੱਸਿਆ ਜੋ ਕਿ ਸੈਰ ਸਪਾਟਾ ਮੰਤਰਾਲੇ ਦੁਆਰਾ ਭਾਰਤ ਦੇ ਨਾਗਰਿਕਾਂ ਲਈ ਸੈਰ ਸਪਾਟਾ ਉਦਯੋਗ ਦਾ ਹਿੱਸਾ ਬਣਨ ਲਈ ਇੱਕ ਡਿਜੀਟਲ ਪਹਿਲਕਦਮੀ ਹੈ|

ਦੇਖੋ ਆਪਣਾ ਦੇਸ਼ ਵੈਬਿਨਾਰ ਸੀਰੀਜ਼ ਨੈਸ਼ਨਲ ਈ ਗਵਰਨੈਂਸ ਵਿਭਾਗ, ਇਲੈਕਟ੍ਰਾਨਿਕਸ ਅਤੇ ਇਨਫਾਰਮੇਸ਼ਨ ਤਕਨਾਲੋਜੀ ਮੰਤਰਾਲੇ ਦੇ ਨਾਲ ਤਕਨੀਕੀ ਭਾਈਵਾਲੀ ਵਿੱਚ ਪੇਸ਼ ਕੀਤੀ ਗਈ ਹੈ| ਵੈਬਿਨਾਰ ਦੇ ਸੈਸ਼ਨ ਹੁਣ https://www.youtube.com/channel/UCbzIbBmMvtvH7d6Zo_ZEHDA/featured

’ਤੇ ਉਪਲਬਧ ਹਨ ਅਤੇ ਭਾਰਤ ਸਰਕਾਰ ਦੇ ਸੈਰ-ਸਪਾਟਾ ਮੰਤਰਾਲੇ ਦੇ ਸਾਰੇ ਸੋਸ਼ਲ ਮੀਡੀਆ ਹੈਂਡਲਜ਼ ’ਤੇ ਵੀ ਉਪਲਬਧ ਹਨ|

ਇਸ ਲੜੀ ਦਾ ਅਗਲਾ ਵੈਬਿਨਾਰ ‘ਵਿੰਟਰ ਇਨ ਕੋਲਕਾਤਾ – ਸੋਲ ਯਾਤਰੀਆਂ ਲਈ 10 ਲੁਕੀਆਂ ਥਾਵਾਂ’ ਵਿਸ਼ੇ ’ਤੇ ਹੋਵੇਗਾ ਅਤੇ ਇਹ 2 ਜਨਵਰੀ 2021 ਨੂੰ ਸਵੇਰੇ 11.00 ਵਜੇ ਤਹਿ ਕੀਤਾ ਗਿਆ ਹੈ|

****

ਐੱਨਬੀ/ ਕੇਪੀ/ ਓਏ