য়ুনাইতেদ নেসন্স (য়ু.এন.সি.তি.এ.দি.)না ইনভেস্ত ইন্দিয়া-নেস্নেল ইনভেস্তমেন্ত প্রোমোসন এজেন্সী ওফ ইন্দিয়াবু- য়ুনাইতেদ নেসন্স ইনভেস্তমেন্ত প্রোমোসন এৱার্দ ২০২০গী ৱিনর লাউথোকখ্রে। এৱার্দ সেরেমোনী অসি  ২০২০গী দিসেম্বর ৭তা জেনেভাদা য়ু.এন.সি.তি.এ.দি.গী হেদক্বার্তরদা পাংথোকখিবনি।

এৱার্দ অসিনা মালেম পুম্বদা ইনভেস্তমেন্ত প্রোমোসন এজেন্সী (আই.পি.এ.)শিংনা পাংথোকপা হেন্দোক থোইদোকপা থবকশিং অদুবু মশক খঙবী অমসুং মদুগীদমক্তা নুঙাইবা ফোংদোকই। মসিগীদমক খনগৎপা অসি ইনভেস্তমেন্ত প্রোমোসন এজেন্সী ১৮০না পাংথোক্লিবা থবকশিং অদুগী  য়ু.এন.সি.তি.এ.দি.গী এসেসমেন্ততা য়ুম্ফম ওই।

কোবিদ-১৯ লাইচৎ অসিনা ইনভেস্তমেন্ত প্রোমোসন এজেন্সীশিংগী অনৌবা শিংনবা কয়া পোরক্লি, মসিনা মখোয়বু রুতিন ইনভেস্তমেন্ত প্রোমোসন অমসুং ফ়েসিলিতেশনদগী থবক্তগী ওনথোক্লগা ক্রাইসিস মেনেজমেন্ত, গোভর্নমেন্ত ইমের্জেন্সীগী নোতিফিকেশন তৌবা অমসুং একোনোমিক রিলীফকী ওইবা পাম্বৈশিং, ক্রাইসিস সপোর্ত সার্বিসশিংগী খুদোংচাবা পীবা, অমসুং লৈবাক অসিগী কোবিদ-১৯ বিজনেস রেসপোন্স এফর্তশিংদা শরুক য়াবদা মীৎয়েং চংবা। মসি পুম্নমক অসি এজেন্সীশিংনা মখোয়গী ওফিস থোং থিংলবা, থবক পুম্নমক ওনলাইনদা পাংথোকপা অমসুং স্তাফ পুম্নমক্না য়ুমদগী থবক শুনবা হায়রগা পাংথোকখিবনি। মার্চ ২০২০দা, য়ু.এন.সি.তি.এ.দি.না লাইচৎ অসিদা আই.পি.এ.শিংগী রেসপোন্স অদু য়েংশিন্নবা তীম অমা শেমখি। য়ু.এন.সি.তি.এ.দি.না আই.পি.এ. ওবসর্ভরগী এপ্রিল অমসুং জুলাই ২০২০গী চেফোংদা ইনভেস্তমেন্ত প্রোমোসন এজেন্সীশিংগী হেন্দোক থোইদোকপা থবক অদু উৎখি।  লাইচৎ অসিগা মরী লৈননা  আই.পি.এ.না পাংথোক্লিবা থবকশিংনা য়ুনাইতেদ নেসন্স ইনভেস্তমেন্ত প্রোমোসন এৱার্দ ২০২০ খনগৎপগী য়ুম্ফম ওইখি।

য়ু.এন.সি.তি.এ.দি.না মখোয়গী চেফোংদা ইনভেস্তন্ত ইন্দিয়াগী হেন্দোক থোইদোকপা নিয়মশিং, লাইচৎ অসিগীদমক্তা খুদম ওইনা বিজনেস ইম্যুনিতী প্লেতফোর্ম, এক্সক্লুসিব ইনভেস্তমেন্ত ফোরম ৱেবিনার সিরিজ, সোসিয়েল মীদিয়াদা পাউ খঙহনবা অমসুং কোবিদ রেসপোন্স তীমশিং (খুদম ওইনা বিজনেস অমুক হন্না হৌগৎপা, স্তেকহোল্দর আউতরিচ অমসুং সপ্লায়র  আউতরিচ)শিংগী মরমদসু খংহনখি। ইনভেস্ত ইন্দিয়ানা য়ু.এন.সি.তি.এ.দি.গী অৱাংবা থাক্কী মীফমশিংদা ইনভেস্তমেন্ত প্রোমোশন, ফেসিলিতেশন অমসুং রিতেন্সনগীদমক্তা শিজিন্নবা তুং কোইনগী ওইবা স্ত্রেতেজীশিং অমসুং প্রক্তিসশিং অদুগী মতাংদসু ময়ামদা খঙহনখি।

য়ুনাইতেদ নেসন্স ইনভেস্তমেন্ত প্রোমোসন এৱার্দ অসি ইনভেস্তমেন্ত প্রোমোসন এজেন্সীীশিংগী খ্বাইদগী য়াম্না পাম্নবা এৱার্দনি। য়ু.এন.সি.তি.এ.দি. অসি সেন্ত্রেল এজেন্সী অমনি, অসিনা আই.পি.এ.গী থবকশিং অমসুং মালেমগী ওইনা খ্বাইদগী ফবা  প্রক্তিসশিং অদুবু য়েংশিল্লি। জর্মনি, সাউথ কোরিয়া অমসুং শিঙ্গাপুরনা অসিগী অৱার্দ অসিগী হান্নগী ৱিন্নরশিংনি।

ইনভেন্ত ইন্দিয়াগী এম.দি. অমসুং সি.ই.ও. শ্রী দিপক বাগ্লানা হায়খি, “এৱার্দ অসি ইকাইখুম্নজরিবা প্রধান মন্ত্রীগী ইন্দিয়াবু ময়ামগী ইনভেস্তমেন্ত তৌবগী খ্বাইদগী হেন্না পাম্নবা মফম অমা ওইহন্নবগী পান্দম অদুগী খুদম অমনি। অসি  লাইনা হিংবা, লাইনা বিজনেস তৌবা অমসুং আত্মানির্ভর ভারতকী অমা শেম্নবগী মতাংদা থম্লিবা মহাক্কী মীৎয়েং অদুগী খুদম-চাংদম্নি।”

*****