রাজস্থান্না দিপার্তমেন্ত ওফ এক্সপেন্দিচর, শেলথুম মন্ত্রালয়না শেমখিবা “ইজ ওফ দুইং বিজিনেস”কী অহোংবা মায় পাক্না পুরকখিবা লৈবাকসিগী ৬শুবা স্তেত ওইরে‍। অসুম্না স্তেত অসিনা ওপন মার্কেত বোরোৱিংদগী লুপা করোর ২,৭৩১গী অহেনবা শেলথুমগী মচাক লৌনবগী অয়াবা ফংখ্রে‍। মসিগী অয়াবা দিপার্তমেন্ত ওফ এক্সপেন্দিচরনা দিসেম্বর ২৪, ২০২০দা পীখ্রে‍। হায়রিবা ফীভম অসি ফংলবা স্তেত মঙা মমীং ওইনা পল্লবদা অন্ধ্র প্রদেশ, কর্নাতকা, মধ্য প্রদেশ, তামিল নাদু অমসুং তেলঙ্গনাগী মথক্তা রাজস্থানসু অমা ওইরে‍। লল্লোন ইতিক তৌবদা কোমহনবগী অহোংবা অসি মপুং ফানা পুরক্লবা মতুংদা হায়রিবা স্তেত তরুকসিদা অহেনবা শেন্ফম লুপা করোর ১৯,৪৫৯ পুবগী অয়াবা পীখ্রে‍।

লল্লোন ইতিক তৌবদা কোমহনবা হায়বসি লৈবাকসিদা লল্লোন ইতিক্কী লমদা শেল থাদবা নুংঙাইবা ফীভম পুরক্নবগী মরুওইবা ইন্দিকেতর অমনি‍। ইজ ওফ দুইং বিজিনেসকী ফীভম ফগৎহনবনা স্তেতশিংগী শেন্মিৎলোনগী ফীভম তুংদা থুনা ফগৎহনবা ঙমগনি‍। মরম অসিনা ভারত লৈঙাক্না মে ২০২০দা লল্লোন ইতিক তৌবদা কোমহন্নবা অহোংবা পুরকখিবা স্তেতশিংদা অহেনবা শেন্ফম পুবগী অয়াবা পীনবা ফিরেপ লৌখিবনি‍। হায়রিবা কাঙলুপসিদা পুরক্কদবা অহোংবশিংদি:

(১)     ‘দিস্ত্রিক্ত লেভেল বুজিনেস রিফোর্ম এক্সন প্লান’গী অহানবা এসেসমেন্ত লোইশিনবা

(২)     তোঙান তোঙানবা এক্তশিংগী মখাদা বিজিনেসশিংনা ফংখ্রবা রেজিস্ত্রেসন সর্তিফিকেত/এপ্রুভেল/লাইসেন্সশিং অমু্ক নৌনা তৌবগী মথৌ তাবা লৌথোকখিবা

(৩)     ইন্সপেক্তর এলোকেসন কেন্দ্রদগী তৌরকপা এক্তশিংগী মখাদা কম্প্যুতরাইজ সেন্ত্রেল রেন্দম ইন্সপেক্সন সিস্তেম চৎনহনবা, হায়রিবা ইন্সপেক্তর অদু চপ মান্নবা য়ুনিত্তা থংনবা চহীশিংদা হন্না এসাইন তৌদবা, বিজিনেস মপুশিংদা ইন্সপেক্সন নোতিস মাঙজৌননা পীবা, অমদি ইন্সপেক্সন রিপোর্ত ইন্সপেক্সন তৌখ্রবা মতুং পুং ৪৮গী মনুংদা থাগৎলকপা অসিনি‍।

কোবিদ-১৯ লাইচৎনা পীরিবা শিংনবশিং থেংনবা ঙম্নবগীদমক চঙগদবা মচাকশিংগী য়েংলগা ভারত লৈঙাক্না মে ১৭, ২০২০দা স্তেতশিংগী শেল পুবগী চাং মখোয়গী জি.এস.দি.পি.গী চাদা ২ হেনগৎহনখ্রে‍। হায়রিবা অসিগী তংখায় অমদি মীয়ামগীদমক কান্নগদবা অহোংবশিং স্তেতশিংনা পুরকপগা মরী লৈনহল্লি‍। মশ্ক খঙদোক্লবা অহোংবা পুরক্কদবা মীয়ামগী য়াইফনবা হীরমশিংদি (ক) ৱন নেসন ৱন রেসন কার্ত সিস্তেম, (খ) ইজ ওফ দুইং বিজিনেস রিফোর্ম, (গ) অর্বান লোকেল বোদী/য়ুতিলিতী রিফোর্ম অমসুং (ঘ) পৱার সেক্তর রিফোর্মনি‍।

হৌজিকফাওবদা স্তেত ১০না ৱন নেসন ৱন রেসন কার্দ সিস্তেম চৎনহনখ্রে, স্তেত ৬না ইজ ওফ দুইং বিজিনেস চৎনহনখ্রে অমদি স্তেত ২না লোকেল বোদী রিফোর্ম পুরকখ্রে‍। হায়রিবা অহোংবশিং অসি পুরকখিবা স্তেতশিংদা অহেনবা শেন্ফম পুবগী অয়াবা পীখিবা অপুনবা শেন্ফমদি লুপা করোর ৫০,২৫৩নি‍।

***