২০২০ চহী অসিদা কোবিদ-১৯ লাইনা-লাইচৎ অসিনা মালেম অসিদা হেল্থ ক্রাইসিস থোকহনখ্রে৷ ভারত খক্ত নত্তনা মসিগী শিবা য়াবা ভাইরস অসিনা মালেম অসিবু শাথিবা মওং অমদা শোকহল্লে৷ ভারতনসু কোরোনা ভাইরস লাইনা-লাইচৎ অসি থেংনরি অমসুং লৈবাক অসিদা লাইনা-লাইচৎ অসিদগী ফগৎননবগীদমক হৌজিক ফাওবদা অয়ুশ মন্ত্রালয় অসিনা কমদৌনা চেকশিন থৌরাংশিং লৌখৎখিবগে হায়বা অদু ঐখোয় লোইনা উরে৷ কোরোনা ভাইরস অসি থেংনবদা মন্ত্রালয় অসিগী থৌদাং অসি য়াম্না মরু ওইরে৷ অসিগীসু মথক্তা মন্ত্রালয় অসিনা মোদর্ন অমসুং ত্রেদিস্নেল সিস্তেম অনি অসিগী মরক্তা আর্থ লৈবা, ক্রোস লর্নিং অমসুং কোলাবোরেসন তৌদুনা পুনশিন্ননবা মসিগী তোঙান তোঙানবা ইনিসিয়েতিবশিং অসি লৌখৎখিবনি৷

কোবিদ-১৯গী মাইয়োক্তা অয়ুশ মন্ত্রালয়গী ইনিসিয়েতিবশিং: ইম্ম্যুনিতীগীদমক মশা-মশানা চেকশিন্না ইনগদবা গাইদলাইনশিং অমসুং প্রিবেন্তিব হেল্থ মিজরশিং অসিগী মতাংদা অয়ুশ মন্ত্রালয় অসিনা এদভাইজরী অমা ফোংখ্রে৷ মন্ত্রালয় অসিনা “ইম্ম্যুনিতীগীদমক অয়ুশ” হায়বা থা অহুমগী কেম্পেন্দ অদুবু থাগৎখ্রে৷ মন্ত্রালয় অসিনা অয়ুশকীদমক তেলিমেদিসিন প্রেক্তিস গাইদলাইন অদুসু শেমখ্রে৷

অয়ুশতা কোবিদ-১৯গী মতাংদা রিসর্চ স্তদী তৌবা: লৈবাক অসিগী সেন্তর ১৩৫দা প্রোফাইলেক্তিক, এদ-ওন অমসুং স্তেন্দ এলোন, ওবজর্বেসন অমসুং প্রি-ক্লিনিকেল/এক্সপিরিমেন্তেল স্তদীশিং য়াওনা অপুনবা স্তদী ১০৪ চৎথরি৷ মন্ত্রালয় অসিনা কোবিদ-১৯ অসি থেংনবদা মীওই কোতি ১.৪৭দা অয়ুশ সঞ্জিবানি মোবাইল এপ শিজিন্নহন্দুনা ইফেক্তিবলী, এসেপ্তেন্স অমসুং অয়ুশ এদভাইজরীশিং অমসুং চেকশিন থৌরাংশিং অসি শিজিন্ননবা এসেস্মেন্ত অমা পাংথোকখ্রে৷ রেস্পোন্দেন্তশিং অসিগী ৮৫.১% না অয়ুশ রেমিদী খরা কোবিদ-১৯গী প্রোফাইলেসিস/ত্রিতমেন্ত ওইনা শিজিন্নৈ হায়না মখোয়না রিপোর্ত তৌরকখ্রে৷

অনৌবা লেজিস্লেসনশিং চৎনখ্রে- নেস্নেল কম্মিসন ফোর ইন্দিয়ন সিস্তেম ওফ মেদিসিন(এন.সি.আই.এম.) এক্ত, ২০২০ অমসুং নেস্নেল কম্মিসন ফোর হোমিয়োপেথী(এন.সি.ঐচ.) এক্ত ২০২০: হৌজিক লৈরিবা ইন্দিয়ন মেদিসিন সেন্ত্রেল কাউন্সিল এক্ত,১৯৭০ অমসুং মসিগী মখাদা শেমখিবা সেন্ত্রেল কাউন্সিল ওফ ইন্দিয়ন মেদিসিন অমসুং হোমিয়োপেথী সেন্ত্রেল কাউন্সিল এক্ত,১৯৭৩ অমসুং মসিগী মখাদা শেমখিবা সেন্ত্রেল কাউন্সিল ওফ হোমিয়োপেথী অসি শিদোক্নবা এন.সি.আই.এম. এক্ত,২০২০ অমসুং এন.সি.ঐচ.এক্ত ২০২০ অসি ২০২০গী সেপ্তেম্বরগী তাং ২১দা চৎনখিবনি৷ অয়ুশ এদজুকেসন সেক্তরদা রিফোর্মশিং পুরকপা অসিনা হায়রিবা এক্তশিং অসিগী খ্বাইদগী মরু ওইবা পান্দমনি৷

ইন্সতিত্যুত ওফ নেস্নেল ইমপোর্তেন্স(আই.এন.আই.) শেমগৎপা:  ২০২০গী সেপ্তেম্বর তাং ২২দা চৎনখিবা ২০২০গী ইন্সতিত্যুত ওফ তিচিং অমসুং রিসর্চ ইন অয়ুর্বেদ এক্ত অসিনা জমনগর কেম্পস্তা লৈরিবা গুজরাত অয়ুর্বেদ য়ুনিভর্সিতী অসিদা ইন্সতিত্যুত মরি পুনশিন্দুনা আই.এন.আই.গী স্তেতস অসি জমনগরদা লৈরিবা ইন্সতিত্যুত ওফ তিচিং অমসুং রিসর্চ ইন অয়ুর্বেদ(আই.তি.আর.এ.) অসিদা তাকই৷

ভারততা ত্রেদিস্নেল মেদিসিনগীদমক দবল্যু.ঐচ.ও. গ্রোবেল সেন্তর শেমগৎপা: ২০২০গী নবেম্বর তাং ১৩দা ৫শুবা অয়ুর্বেদ নুমিৎকী পাংথোকপা থৌরম অসিদা ৱল্দ হেল্থ ওর্গনাইজেসনগী দাইরেক্তর জেনেরেল দা. তেদ্রোস অধানোম ঘিব্রেয়েসনা ভিদিও মেসেজ অমা পীখ্রে অমসুং অয়ুশমান ভারতকী মখাদা য়ুনিবর্সেল কোভরেজ তৌননবা প্রধান মন্ত্রীগী কম্মিতমেন্ত অদু থাগৎখ্রে৷ ভারততা গ্লোবেল সেন্তর ওফ ত্রেদিস্নেল মেদিসিন শেমগৎপগী মতাংদা মহাক্না লাওথোকখ্রে৷ ভারতপু গ্লোবেল সেন্তর ওফ ত্রেদিস্নেল মেদিসিনগীদমক খল্লকপা অসিগীদমক প্রধান মন্ত্রীনা দবল্যু.ঐচ.ও. অমসুং দি.জি. অসিবু থাগৎখ্রে৷

দবল্যু.ঐচ.ও. দোক্তরশিংগী পোপুলেসন রেসিয়োদা অয়ুশ প্রেক্তিস্নরশিং মনুং চলহনবা: অয়ুশনা মেদিকেল প্রেক্তিস্নরশিং রেজিস্তর মেদিকেল প্রেক্তিস্নরশিংগী দাতাদা মনুং চলহনখ্রে অমসুং মসিনা দবল্যু.ঐচ.ও. দোক্তরশিংগী পোপুলেসন রেসিয়ো অদু হেন্না ফগৎহল্লে৷

আই.সি.দি.(ইন্তরনেস্নেল ক্লাসিফিকেসন ওফ দিজিজেস)১১:  অয়ুর্বেদগী স্তেন্দর্দাইজ তর্মিনোলোজীস, মেদিসিনগী সিধা অমসুং উনানি সিস্তেমশিং শেমগৎননবগীদমক অয়ুশ মন্ত্রালয় অসিনা দবল্যু.ঐচ.ও.গা এক্তিবলী চৎমিন্নরী অমসুং নেস্নেল অয়ুশ মোর্বিলিতী অমসুং স্তেন্দর্দাইজ তর্মিনোলোজীস ইলেক্ত্রোনিক(এন.এ.এম.এ.এস.তি.ই.) পোর্তেল অসি মাই পাক্না লৈরি অমসুং পোর্তেল অসিগী মখাদা নেস্নেল অয়ুর্বেদ, সিধা অমসুং উনানি মোর্বিলিতী কোদশিং খুৎথাংদা মোর্বিদিতী স্তেতেতিক্স খোমজিনবা অদুসু মাই পাক্না চৎথরি৷ আই.সি.দি.-১১গী ত্রেদিস্নেল মেদিসিন চেপ্তরগী ২শুবা মোদ্যুল শেমগৎননবগীদমক স্তেক হোল্দর লৈবাকশিংগী মিনিস্তিরিয়েল লেভেল মীতিং অমা ন্যু দিল্লীদা ২০২০গী ফেব্রুৱারী ২৫-২৬তা অয়ুশ মন্ত্রালয় অমসুং দবল্যু.ঐচ.ও. অনিনা খুৎশম্নদুনা পাংথোকখ্রে৷ হায়রিবা হিরম অসিগা মরী লৈননা ২০২০গী ফেব্রুৱারী তাং ১১দা দবল্যু.ঐচ.ও.গা দোনর এগ্রীমেন্ত অমা শহি পীনখ্রে৷

অয়ুশ হেল্থ অমসুং ৱেল্নেস সেন্তরশিং(এ.ঐচ.দবল্যু.সি.শিং): হন্দক চহীগী এপ্রীলদগী হৌদুনা অয়ুশমান ভারত স্কিমগী মখাদা ২০২৪ ফাওবগী মনুংদা এ.ঐচ.দবল্যু.সি. ১২৫০০ চৎনহন্নবা রাজ্যশিং/য়ু.তি. সরকারশিং অসিগী মতেংদগী এ.ঐচ.দবল্যু.সি.শিং শেমগৎলি৷ হন্দক চহী অসিদা এ.ঐচ.দবল্যু.সি. ৪৪০০ চৎনহল্লগনি৷

চেম্পিয়ন সর্ভিস সেক্তর স্কিম: অয়ুশ মন্ত্রালয়না কম্মর্স মন্ত্রালয়গা খুৎশম্নদুনা চহী অহুমদা লুপা কোতি ৭৬৯ থাদদুনা অয়ুশ হেল্থ কেয়র স্পিসিয়েল্তী দে কেয়র/হোস্পিতাল শেমগৎননবগীদমক, অয়ুশ সেক্তরদা স্কিল দিভেলপমেন্ত লৈহন্ননবগীদমক অমসুং চেম্পিয়ন সর্ভিস সেক্তর স্কিমগী মখাদা অয়ুশ দ্রিদ শেমগৎননবগীদমক ইনিসিয়েতিবশিং লৌখৎখ্রে৷ 

পোশান অভিয়নগী শরুক অমা ওইনা মালন্যুত্রিসন কনত্রোল তৌননবগীদমক ২০২০গী সেপ্তেম্বর তাং ২০দা ন্যু দিল্লীদা অয়ুশ মন্ত্রালয় অমসুং ৱুমেন অমসুং চাইল্দ দিভেলপমেন্ত মন্ত্রালয় অনিগী মরক্তা য়ানা-ৱারোল শহি পীনখ্রে৷ য়ানা-ৱারোল অসিনা লৈবাক অসিদা মালন্যুত্রিসন কনত্রোল তৌননবগীদমক শিজিন্নরিবা তাইম-তেস্তেদ অমসুং সাইন্তিফিকেল্লী প্রুব তৌরবা অয়ুশ-বেস সোলুসন খরা য়েংশিল্লগনি৷

অয়ুর্বেদ, সিধা, উনানি অমসুং হোমিয়োপেথী দ্রগশিং ক্বালিতী কন্ত্রোল তৌদুনা হেন্না স্তেন্দর্দ ৱাংনা পুথোক্নবগীদমক হৌজিক লৈরিবা ওর্গনাইজেসন অহুম ফার্মকোপিয়া কম্মিসন ফোর ইন্দিয়ন মেদিসিন অমসুং হোমিয়োপেথী(পি.সি.আই.এম.অমসুং ঐচ.), হোমিয়োপেথী ফার্মকোপিয়া লেবোরেতরী(ঐচ.পি.এল.) অমসুং ফার্মকোপিয়েল লেবোরেতরী ফোর ইন্দিয়ন মেদিসিন(পি.এল.আই.এম.) অসি পুনশিন্দুনা সবওর্দিনেত ওফিস অমা ওইনা ফার্মকোপিয়া কম্মিসন ফোর ইন্দিয়ন মেদিসিন অমসুং হোমিয়োপেথী(পি.সি.আই.এম. অমসুং ঐচ.) শেমগৎপা৷

অয়ুশ সিস্তেমশিংদা সোৱা-রিগপা মনুং চলহনবা: সরকার অসিনা অয়ুশ মন্ত্রালয়গী মখাদা লৈরিবা সোৱা-রিগপা শন্দোকপগী অমসুং চাওখৎননবগীদমক লৈরিবা ব্যুজিনেস পোলিসী য়াওনা ব্যুজিনেস রুলশিংগী এলোকেসন অদু চান্ননা শেমদোকখ্রে৷

সোৱা-রিগপাগী নেস্নেল রিসর্চ ইন্সতিত্যুত শেমগৎপা: ২০১৯গী নবেম্বর তাং ২০দা কেবিনেতকী অয়াবা য়াওদুনা সোৱা-রিগপাগী নেস্নেল রিসর্চ ইন্সতিত্যুত অসি লেহ, লদাখকী য়ু.তি.দা “নেস্নেল ইন্সতিত্যুত ওফ সোৱা-রিগপা" শেমগৎখ্রে৷

সেন্ত্রেল অয়ুশ দ্রগস কন্ত্রোল ফ্রেমৱার্ক শেমগৎপা: অয়ুর্বেদ, সিধা, উনানি অমসুং হোমিয়োপেথী(এ.এস.য়ু. অমসুং ঐচ.) দ্রগশিংগী ক্বালিতী কন্ত্রোল তৌননবগীদমক রিগুলেতরী পোস্ত ৯ শেমগৎতুনা সেন্ত্রেল দ্রগস স্তেন্দর্দ কন্ত্রোল ওর্গনাইজেসনদা ইন্দিপেন্দেন্ত ভর্তিকেল স্ত্রকচর অমা শেমদুনা অনৌবা ইনিসিয়েতিব অমা লৌখৎখ্রে৷ মসিনা দ্রগস অমসুং কোস্মেতিক্স এক্ত ১৯৪০গী প্রোভিজনশিং অমসুং মসিগী মখাদা লৈরিবা রুলশিং অদুগী এনফোর্সমেন্ত মেকানিজম অদু হেন্না ফহল্লগনি অমসুং মসিনা মরম ওইদুনা লৈবাক মীয়ামদা ক্বালিতী লৈবা দ্রগশিং ফংহল্লগনি৷

য়োগসানাবু কম্পিতিতিব স্পোর্ত অমা ওইনা লৌবা- য়োগসানা অসি গ্লোবেল লেভেলদা স্পোর্ত অমা ওইনা মশক খঙহন্নবা অমসুং হেন্না প্রমোত তৌননবগীদমক অয়ুশ মন্ত্রালয়না খোঙথাং কয়ামরোম লৌখৎখ্রে৷ “য়োগসানাবু কম্পিতিতিব স্পোর্ত অমা ওইনা প্রমোত তৌবা” হায়বা হিরম অসিগী মতাংদা মহীয়ুরদা ১৬.১১.২০১৯দা ইন্তনেস্নেল সিম্পোজিয়ম অমা পাংথোকখ্রে৷

নেস্নেল ইন্সতিত্যুত অয়ুশকী সেতলাইত সেন্তর মরি শেমগৎপা

২০১৭কী নেস্নেল হেল্থ পোলিসী অসি য়েংলগা ভারততা অয়ুশ এদজুকেসন ফেসিলিতীশিং অসি চাওথোহন্নবা প্রোসেস অসি অয়ুশ মন্ত্রালয়না হৌদোকখিবনি৷ অয়ু্র্বেদ, হোমিয়োপেথী অমসুং উনানিগী ফিল্দদা হৌজিক লৈরিবা নেস্নেল ইন্সতিত্যুতশিং অসিগী সেতলাইত সেন্তরশিং শেমগৎনবগী প্রোসেস অসি ২০১৭দা হৌদোকখিবনি৷ মখাতনা শেল-থুম মন্ত্রালয়দগী ফংখিবা দিরেক্সন অদুগী মতুং ইনবা ওইনা ই.এফ.সি.গী অয়াবা য়াওরবা প্রপোজেল অমা কেবিনেতকী অয়াবা ঙাইদুনা লৈরি৷ সেলরী অমসুং গ্রান্তস-ইন-এইদ জেনেরেলগী চাদিং অদু য়াওনা সেতলাইত সেন্তর মরি অসিগী অপুনবা শেনফম অদু লুপা কোতি ১৭৮২.৪৫নি৷

প্রধান মন্ত্রী ব্রিক্সায়ুশ য়োজনা

লম হেক্তর লাখ ১০ শিংজিন্নদুনা লুপা কোতি ৪০০০ থাদদুনা মেদিসিনেল প্লান্তশিং কল্তিবেসন অমসুং পোস্ত হার্ভেস্ত মেনেজমেন্তগীদমক ২০২০গী মে তাং ১৫দা ইকাই খুম্নরবা শেল-থুম মন্ত্রীনা প্রধান মন্ত্রী ব্রিক্সায়ুশ য়োজনা লাউথোকখি৷ গঙ্গা তুরেল মপান্দা লম হেক্তর ৮০০রোমগী চাংদা থারিবা মেদিসিনেল পাম্বীশিং অদুসু মসিগী মনুংদা চল্লগনি৷ ই.এফ.সি. নোত অসি ২০২০গী জুলাই ২২দা পাংথোকখিবা মীফম মীফম অসিদা এক্সপেন্দিচর দিপার্তমেন্তনা অয়াবা পীখ্রে৷ দ্রাফত কেবিনেত নোত অদু কেবিনেতকী অয়াবা লৌননবগীদমক ২০২০গী ওগস্ত তাং ২৮দা পি.এম.ও. অমসুং কেবিনেত সেক্রেতরিয়েত্তা থাখ্রে৷

অয়ুশ গ্রিদ: ২০১৭গী নেস্নেল হেল্থ পোলিসী অমসুং ভারত সরকারগী ই-গভর্নেন্স ইনিসিয়েতিব য়েংলগা অয়ুশ সেক্তর পুম্নমক্কী ওইনা অয়ুশ গ্রিদকী মওংদা আই.তি. বেক্তবোন অমা শেম্ননবা অয়ুশ মন্ত্রালয় অসিনা হোৎনরি৷ অয়ুশ সেক্তর পুম্নমক দিজিতাইজেসন তৌবা অসিনা লেভেল পুম্নমক্তা লৈরিবা হেল্থ কেয়র দেলিভরী, রিসর্চ, এদজুকেসন, তোঙান তোঙানবা হেল্থ প্রোগ্রামশিং, দ্রগ রিগুলেসনশিংগী ফিল্দশিংদা অয়ুশ সেক্তর অসিদা অওনবা পুরক্লগনি৷ হৌজিক হৌজিক্কী ওইনা মন্ত্রালয় অসিনা পাইলোত আই.তি.ইনিসিয়েতিব ১৫রোম শেমখ্রে অমসুং অয়ুশ গ্রিদ প্রোজেক্কী দি.পি.আর. দ্রাফত তৌনবা তৌরি৷ চহী ২গী মনুংদা অয়ুশ সেক্তর পুম্নমক দিজিতেল ওইরগনি৷

অয়ুশ-হেল্থ মেনেজমেন্ত ইনফোর্মেসন সিস্তেম(এ-ঐচ.এম.আই.এস.): মসি ২০১৮গী নবেম্বর তাং ৫দা লোঞ্চ তৌখ্রে অমসুং হৌজিক হৌজিক্কী ওইনা মন্ত্রালয় অসিগী মখাদা ওতোনোমস বোদীশিংগী হেল্থ ফেসিলিতী ৯০রোম্না নুংতি নুমিৎ খুদিংগী ওইনা ও.পি.দি. মথৌ তৌবদা এ.ঐচ.এম.আই.এস. শিজিন্নরি৷

অয়ুশ মন্ত্রালয়না ব্যুরো ওফ ইন্দিয়ন স্তেন্দর্দস(বি.আই.এস.)কা খুৎশম্নদুনা ইন্দিয়ন স্তেন্দর্দস অমসুং ইন্তরনেস্নেল (আই.এস.ও.) স্তেন্দর্দস শেম্লি: অয়ুর্বেদগী ওইনা ইন্দিয়ন স্তেন্দর্দস(আই.এস.) মরি শাবা লোইখ্রে অমসুং  আই.এস.ও.গী প্রোগ্রাম ওফ ৱার্ক(পি.ও.দবল্যু.)তা স্তেন্দর্দস অনি অমনা লৌশিনখ্রে৷ অসিগুম্বা আই.এস./আই.এস.ও. স্তেন্দর্দশিং শেমগৎপা অসিনা অয়ুশ প্রদক্তশিং অমসুং সর্ভিসশিং অসি লৈবাক অসিগী মনুংদা অমসুং লৈবাক অসিগী মপান্দা ললোন-ইতিক তৌবদা হেন্না পাকথোক চাওথোকহনবদা মতেং পাংই৷

ইন্সুরেন্স কোভরেজ: অয়ুশ লাইয়েং অসি অয়ুশ মন্ত্রালয়না হোৎনবদগী মেদিকেল ইন্সুরেন্সকী মনুং চনখ্রে৷ হায়রিবা হিরম অসিগা মরী লৈননা ইন্সুরেন্স রিগুলেতরী অমসুং দিভেলপমেন্ত ওথোরিতী (আই.আর.দি.এ.) অসিনা তঙাই ফদবা নোতিফিকেসন ফোংখ্রে৷

এন.এ.বি.ঐচ. এক্রিদিতেসন: মন্ত্রালয় অসিনা নেস্নেল এক্রিদিতেসন বোর্দ ফোর হেস্পিতাল্স অমসুং হেল্থকেয়র প্রোভাইদর্স(এন.এ.বি.ঐচ.)কী মতুং ইন্না মহাক্কী লৈরিবা হোস্পিতাল পুম্নমক এক্রিদিতেদ তৌননবা খোঙথাং কয়ামরোম লৌখৎখ্রে৷ হৌজিক ফাওবদা ন্যু দিল্লীদা লৈরিবা ওল ইন্দিয়া ইন্সতিত্যুত ওফ অয়ু্র্বেদ; জাইপুরদা লৈরিবা নেস্নেল ইন্সতিত্যুত ওফ অয়ু্র্বেদ অমসুং জমনগরদা লৈরিবা আই.তি.আর.এ. অসি এক্রিদিতেদ তৌখ্রে৷

অয়ুর্বেদগী লৈরিবা মেজর ক্লাসিকেল কম্পেন্দিয়া পুম্নমক সিঙ্গল সোফতৱেয়র প্লেতফোর্ম অমা পুরক্নবা ৱেব পোর্তেল অমা ওইরিবা ĀYURVEDAGRANTHASAMUCCAYAḤ অসি শাবা লোইখ্রে৷

*****