সেন্তর ফোর সেলুলর এন্দ মোলিক্যুলর বাইওলোজী (সি.সি.এম.বি.)গী দিরেক্তর, দা. রাকেশ মিশ্রানা ঙসি হাইদ্রবাদতা ভারতকী উপ রাস্ত্রপতি শ্রী এম বেনকৈয়া নাইদুগা উন্নখ্রে অমসুং হন্দক্তা য়ুনাইতেদ কিংদম অমসুং খা অফ্রিকাদা থেংনখিবা অনৌবা সার্স-কোব-২গী স্ত্রেনশিং অসিগী মতাংদা মঙোন্দা পাউদমখি।

শ্রী মিশ্রানা উপ রাস্ত্রপতিদা অনৌবা স্ত্রেনদা ম্যুতেসনশিং তৌবা অসিনা বেক্সিনশিংনা মথৌ তৌবদা অহোংবা পুরকপা য়াবগী চাং হন্থৈ হায়না পাউদমখি। মসিগী মথক্তা স্ত্রেন অসি শন্দোকপগী চাং হেল্লবসু মসিনা পেসেন্তশিংদা ফীভম হেন্না শোকচিনবগী খুদম ফংদে। লাইনা অসিগী চপ মান্নবা লাকশিনবগী লালোংশিং অসি বেরাইন্তশিং অসিদসু লৌখৎপা য়াগনি হায়না পান্নরি।

উপ রাস্ত্রপতিনা ভারত্তা অনৌবা স্ত্রেনশিং অসিনা ওইহল্লকপা য়াবা খুদোংথিবগী মতাংদা অমসুং সি.সি.এম.বি.দা নোবেল কোরোনা ভাইরসকী তোঙান তোঙানবা হিরমশিংদা পাইখৎলিবা থবকশিংগী মতাংদা খঙনিংবগী অপাম্বা ফোঙদোকখি । সি.সি.এম.বি.দা মকোক থোংবা প্রিন্সিপল সাইন্তিস্ত দা. কে লক্ষ্মী রাওসু য়াওখি।ংবা প্রিন্সিপল সাইন্তিস্ত দা. কে লক্ষ্ম

দা. মিশ্রানা উপ রাস্ত্রপতিদা অনৌবা স্ত্রেনশিং অসি ভারত্তা লৈরবরা খঙদোক্নবা থিজিনবগী থবক পাইখৎলি হায়না খঙহনখি।

উপ রাস্ত্রপতিদা সি.সি.এম.বি.দা সর্স-কোব-২.দা পাঙথোক্লিবা থবক অসিগী প্রজেন্তেসন অমা উৎতুনা মহাক্না হায় অনৌবা স্ত্রেন অসি অতোপ্পা স্ত্রেনদগী ৭১% হেন্না শন্দোক্কলি। মসিগা মান্ননা খা অফ্রিকাদা থেংনখিবা স্ত্রেন অসিনা অঙাংশিংদনা হেন্না শোকহল্লবা য়াই, অদুবু হেন্না কুপথনা রিসর্চ তৌবদি মথৌ তারি, হায়না মহাক্না ফোঙদোকখি।

সি.সি.এম.বি.না অমসুং লৈবাক অসিগী অতোপ্পা রিসর্চরশিংনা জিনোমশিং সিক্বেন্স তৌবগী এনলাইসিস অসিনা ভারত্তা ভাইরস অসিগী অহানবা শন্দোকখিবা অসি মপুং ওইনা নোবেল ইন্দিয়া স্পেসিফিক ক্লেদ, মমিং আই/এ৩আই ক্লেদ কৌবা অসিনা মরম ওইখি। আই/এ৩আই ক্লেদ অসি অতোপ্পা খানোংপোক থংবা এসিয়াগী লৈবাকশিংদগী ভারত্তা চংলকখি। সি.সি.এম.বি.না এনলাইসিস তৌবা অসিনা মখা তানা মতমগা ইরোইননা অশোনবা এ৩আই ক্লেদ অসি এ২এ ক্লেদনা মহুৎ শিনখি, হায়রিবা অসি হৌজিক মালেমদা লৈরিবা স্ত্রেনসু ওইরি।

মহাক্না হায়খি সি.সি.এম.বি. অসি নোবেল কোরোনাভাইরস সার্স-কোব-২গী সেম্পলশিং তেস্ত তৌবা হৌখিবা অহানবা নন-আই.সি.এম.আর. লেব ওইখি। মসিনা অতোপ্পা রিসর্চ ইন্সতিত্যুতশিং অমসুং য়ুনিভর্সিতীশিংনা তেস্ত তৌবগী এস.ও.পি.শিং শেমখি। মসিনা তেস্ত তৌবগী প্রোতোকলগী মতাংদা মেদিকেল হোস্পিতালশিং অমসুং অতোপ্পা তেস্তিং সেন্তরশিংদগী পর্সনেল ২০০গী মথক্তা ত্রেন তৌখি। সি.সি.এম.বি.না হৌজিক ফাওবদা আর.তি.-পি.সি.আর. মেথদনা সেম্পল ৫০,০০০গী মথক্তা তেস্ত তৌখ্রে। পুন্না সি.এস.আই.আর. লেব পুম্নমক্তা হৌজিক ফাওবদা সেম্পল ৭,০০,০০০গী মথক্তা তেস্ত তৌখ্রে।

দা. মিশ্রানসু সি.সি.এম.বি.গী দ্রাই স্বাব আর.তি.-পি.সি.আর. মেথদ অসি আই.সি.এম.আর.না অয়াবা পীখ্রে। এপোলো হোস্পিতালশিংগুম্বা পার্তনরশিংগা লোইননা কিৎশিং অসু মশিং য়াম্না শাগনি অমসুং স্পাইস হেল্থকী মোবাইল তেস্তিং লেবশিংগী খুত্থাংদা প্রজাশিংদা য়ৌহনগনি।

*****