কেন্দ্রগী হেল্থ সেক্রেতরী শ্রী রাজেশ ভুশন কেন্দ্রগী হেল্থ সেক্রেতরীনা য়ু.কে.দগী ভারত্তা হল্লকখিবা পেসেঞ্জরশিংগী ফীভম য়েংশিনখ্রে অমসুং মহারাস্ত্র, কর্নাতকা, তেলঙ্গনা, তামিল নাদু, ৱেস্ত বেঙ্গল, গোৱা, পঞ্জাব, গুজরাত অমসুং কেরেলা  রাজ্য/য়ু.তি.শিংদা পোজিতিব ওইবা থেংনখ্রে অমসুং মসিগী চেকশিন থৌরাং লৌখৎপা ওইনা দি.জি., আই.সি.এম.আর., রাজ্য/য়ু.তি. খুদিংমক্কী হেল্থ সেক্রেতরীশিং, এন.ঐচ.এম. এম.দি., কুমারী আর্তী অহুজা, এদিস্নেল সেক্রেতরী, হকশেল মন্ত্রালয়, দা. সুর্জীৎ সিংহ, দিরেক্তর, এন.সি.দি.সি., অমসুং অতোপ্পা মকোকথোংবা হেল্থ ওফিসিএলশিং য়াওনা ঙসি ভিদিও কন্ফরেন্সকী থোংদা মীফম অমা পাংথোকখ্রে।

য়ুনাইতেদ কিংদমদা ফংলিবা অনৌবা মখলগী সার্স-কোব-২গা মরী লৈননা ইপিদেমিওলোজিকেল সর্ভিলেন্স অমসুং রেস্পোন্সকী মন্ত্রালয় অসিনা ২২.১২.২০২০দা থোকখিবা স্তেন্দর্দ ওপরেতিং প্রোসিদ্যুরগী মতাংদা মীফম অদুদা কুপনা খন্নখি।

রাজ্য/য়ু.তি.শিংদা ওনলাইন পোর্তেল এয়র-সুবিধা অমসুং ব্যুরো ওফ ইম্মিগ্রেসন্দগী য়ু.কে.দগী ভারত্তা লাকপা পেসেঞ্জরশিংগী অকুপ্পা মরোল লৌনবা খংহনখ্রে। জেনোম সিক্বেন্সিংগী খনগৎলবা লেবোরেতরীশিংদা পোজিতিব ওইরবশিং অদুগী সেম্পলশিং থানবসু রাজ্য/য়ু.তি.শিংদা খংহনখ্রে।

নোদেল ওফিসরশিংগী পাউ ফাওননবা অকুপ্পা মরোলগা লোইননা খনগৎলবা লেবোরেতরী তরুক্কী লিস্ত রাজ্যশিংদা খঙহনখি। লেবোরেতরীশিং অদুদি: সি.এস.আই.আর.-ইন্সতিত্যুত ওফ জিনোমিক্স এন্দ ইন্তিগ্রেতিব বাইওলোজী, ন্যু দিল্লী; সি.এস.আই.আর.-সেন্তর ফোর সেলুলর এন্দ মোলিক্যুলর বাইওলোঈ, হাইদ্রবাদ; দি.বি.তি.—ন্সতিত্যুত ওফ লাইফ সাইন্সেস, ভুবনেস্বার; দি.বি.তি.-ইনস্তেম-এন.সি.বি.এস., বেঙ্গলোর; দি.বি.তি.-নেস্নেল ইন্সতিত্যুত ওফ বাইওমেদিকেল জিনোমিক্স (এন.আই.ই.এম.জি.), কল্যানি, ৱেস্ত বেঙ্গল; আই.সি.এম.আর.-নেস্নেল ইন্সতিত্যুত ওফ ভাইরোলোজী, পুনে হায়রিবশিং অসিনি। অসিগুম্বা দেজিক্নেতেদ লেবশিংগী মশিং অসি মতমগা ইরোইননা হেনগৎলক্কনি অমসুং মখোয়গী অকুপ্পা মরোলশিং রাজ্যশিং/য়ু.তি.শিংদা খঙহনগনি।

মীফম অসিদা রাজ্যশিংনা পুখৎলকপা লোজিস্তিক্স অসিনচিংবগা মরী লৈনবা সমস্যাশিংগী মতাংদা শেংদোকখি। রাজ্যশিংদা এস.ও.পি.শিং অসি ঙাক্না চৎনবা রাজ্যশিং অসিদা লৈরিবা মখোয়গী মরী লৈনবা এয়রপোর্ত হেল্থ ওফোসিএলশিং (এ.পি.ঐচ.ও.শিং) অমসুং সর্ভিলেন্স ওফোসিএলশিংগা পুন্না থবক তৌমিন্ননবা য়াথং পীখি।

****