প্রধানমন্ত্রীগী লোইশঙ
পি.এম.না দিসেম্বর ২৫দা পি.এম.-কিসানগী মথংগী ইনস্তোলমেন্ত কাইথরগনি
प्रविष्टि तिथि:
23 DEC 2020 3:05PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা দিসেম্বর ২৫, ২০২০গী নুমিৎ য়ুংবা পুং ১২ তাবা মতমদা প্রধান মন্ত্রী কিসান সম্মান নিধি (পি.এম.-কিসান)গী মখাদা শেলগী কান্নবা ফংগদবা মথংগী ইনস্তোলমেন্ত কাইথরগনি। বেনিফিসরী ওইরিবা লৌমীগী ইমুং করোর ৯গী মথক্তা লুপা করোর ১৮,০০০ শেনফম অসি বত্তন অমদা নম্বগা লোইননা প্রধান মন্ত্রীনা ত্রান্সফর তৌবা য়াগনি।
প্রধান মন্ত্রীনা থৌরম অসিদা তোঙান তোঙানবা রাজ্য তরুক্তগী লৌমীশিংগা লোইননা ৱারীসু শান্নগনি। লৌমীশিংনা পি.এম-কিসানগা মরী লৈননা অমদি লৌমীশিংগী য়াইফনবা সরকারনা পাইখৎখিবা অতোপ্পা তোঙান তোঙানবা থৌরাংশিংগী মতাংদা মখোয়গী অৱা-নুংঙাইশিং পাউদমগনি। থৌরম অসিদা কেন্দ্রগী লৌউ-শিংউ মন্ত্রীসু শরুক য়াগনি।
পি.এম.-কিসানগী মতাংদা
পি.এম.-কিসানগী মখাদা ইলিজিবেল ওইবা লৌমী বেনিফিসরীশিংদা চহি অমদা লুপা ৬০০০/-কী শেলগী কান্নবা ফংহনখি, হায়রিবা অসি লুপা ২০০০/২০০০ ওইনা থা মরিগী ইনস্তোলমেন্তদা চপ মান্ননা অহুমরক থোক্না পীগনি। শেন্থং অসি বেনিফিসরীশিংগী বেঙ্ক একাউন্তশিংদা হকথেংননা ত্রান্সফর তৌখি।
******
(रिलीज़ आईडी: 1683103)
आगंतुक पटल : 241
इस विज्ञप्ति को इन भाषाओं में पढ़ें:
Assamese
,
Malayalam
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada