ফোরেন করেস্পোন্দেন্ত'স ক্লব ওব সাউথ এসিয়াগী ইন্তর্নেস্নেল মীদিয়াগী মীহুৎশিংগা ৱারী শানরদুনা কেন্দ্রগী লৌউশিংউ মন্ত্রী শ্রী নরেন্দ্র সিংহ তোমারনা হায়খি মদুদি লৌউ শিংউগী সেক্তর অসি ভারতকী শেন্মিৎলোনগী য়াংলেন শরুনি অমসুং প্রধান মন্ত্রী মোদীগী লুচিং মখাদা থমগদবা পান্দম অসি ২০২২ ফাওবদা লৌমীশিংগী চাগা শরুক অনি হেনগৎহনবনা ওইগনি। মহাক্না শন্দোক্না তাক্লদুনা হায়খি মদুদি ফার্মর্স প্রদ্যুস ত্রেদ অমসুং কম্মর্স (প্রমোসন অমসুং ফেসিলিতেসন) এক্ত ২০২০ অমসুং ফার্মর্স (এম্পাৱর্মেন্ত অমসুং প্রোতেক্সন) এগ্রীমেন্ত ওন প্রাইস এজুরেন্স এন্দ ফার্ম সর্ভিস এক্ত ২০২০ অমসুং ইসেন্সিএল কম্মোদিতিস এমেন্দমেন্ত এক্ত ২০২০ অসি লৈবাক অসিদা লৈখিবা লৌউশিংউগী রিফোর্মশিংগী মরক্তা খ্বাইদগী চাউবা রিফোর্মশিংনি। রিফোর্মশিং অসিনা লৌমীশিংগী কৈথেলদা নীং তম্বা পীগনি, ওন্ত্রপ্রিনর্শিপ পুক্নিং থৌগৎকনি, তেক্নোলোজী ফংহনগনি অমসুং মখোয়না লৌউশিংউদা অহোংবা পুরক্কনি। মহাক্না মসিমসু হায়খি মদুদি ভারত অসি "সবকা সাথ সবকা বিকাস, সবকা বিশ্বাস' হায়বা ৱাখল্লোন অসিদা মথৌ তৌবা অচৌবা গনতন্ত্র চৎপা লৈবাক অমনি।

ৱারী ৱাতাই তৌখিবা অদুদা লৌউ শিংউ মন্ত্রীনা ফার্ম এক্তশিং অসিগী মখাদা লৈরিবা প্রোবিজনশিং শুগাইনা শন্দোক্না তাকখি অমসুং মখোয়না মতৌ করম্না লৌমীশিংদা কান্নবা পীগনি অমসুং অনৌবা অকোইবগী ফিবম অসিদা ভারতকী লৌউশিংউদা ফগৎহনবা ঙমগনি হায়বগী মতাংদা ঙাংখি। মন্ত্রীনা হায়খি মদুদি রিফোর্ম লোশিং অসিবু চৎনহন্নবা হোৎনখিবা হায়বসি অহিং অমখক্তংদা লৌখিবা ৱারেপ নত্তে, অদুবু মসি চহী ২০ হেন্না খন্নরক্লবা অখঙ অহৈ কয়া অমসুং তোঙান-তোঙানবা তোঙানবা কম্মিতী/কাংলুপশিংনা রিকমেন্দেসন তৌরকপা ৱাফম অমনি। এম.এস.পি.গী মতাংদা পল্লদুনা মন্ত্রীনা হায়খি মদুদি এম.এস.পি. অসি এদমিনিস্ত্রেতিব দিসিজন অমনি অমসুং মসি মখা তানা চত্থখিগনি। মোদী সরকারনা এম.এস.পি.গী মতাংদা মখোয়গী ওইবা মশক ময়েক শেংনা মমল হেনগত্তুনা অমসুং ২০২০-২১গী খরিফ কুমগী মনুংদা লৈশিনবগী চাং হেনগত্তুনা উৎখ্রে। মোদী সরকারনা এম.এস.পি. মমল হেনগৎপগী লাউথোকখিবসি পুথোক্লিবা পোৎ অদুগী মমলগী শরুক ১.৫ শোইদনা লৌমীশিংদা ফংহন্নবা ফোর্মুলাদা য়ুম্ফম ওইখি। হায়রিবা অসিমক ঙাকখ্রবা ৱাশক অমনি।

লৌউশিংউগী মন্ত্রীনা লৌউশিংউ অমসুং লৌমীশিংগী য়াইফ থৌরাং মন্ত্রালয়না হৌখিবা চহী তরুক্লোমসিদা লৌখৎখিবা খোংথাং অমসুং রিফোর্মশিং পনখি। মহাক্না হায়খি মদুদি ভারতকী লৌউশিংউ অসি চীঞ্জাক ৱাৎনা লৈরম্বদগী হৌজিক্তি চীঞ্জাক লেম পানা কোন্নবগী মাইকৈদা লাকখ্রে। মসিনা মরম ওইদুনা সরকার অসিনা শেন্মিৎলোনগী য়াংলেন শরূ ওইরিবা সেক্তর অসিবু মপাঙ্গল হেনগৎনবগীদমক প্রো ফার্মর রিফোর্মশিংগী তঙাইফদবা লাকখি। সেক্তর অসিনা তপ্না তপ্না চাউখৎপা পুরক্নবগীদমক লৌমীশিংগা মরুপ ওইগদবা পোলিসীশিংগী ইকো সিস্তেম অমা শেমগৎনবা হোৎনবা য়াবা হোৎনরি। প্রধান মন্ত্রী কিসান সম্মান নিধী (পি.এম. – কিশান) হায়বসিসু ফেব্রুৱারী ২০১৯দা কেন্দ্র সরকারনা হৌদোক্তুনা লৌমী বেনিফিসরীশিংগী একাউন্ততা চহী অমদা লুপা ৬,০০০ তাংকক অহুম থোক্না হাপখ্রে। স্কিম অসিনা হেক হৌদোক্লকপদগী অপুনবা ওইনা হৌজিকফাওবদা লৌমী ইমুং করোর ১০.৫৯দা লুপা করোর ৯৫৯৭৯ কাইথদুনা কান্নবা ফংহনখ্রে। অখন্নবা দ্রাইব অমসু লৌখত্তুনা পি.এম. – কিশানগী কান্নবা ফংগদবশিংদা কিশান ক্রেদিৎ কার্দকী থোংদা অহেনবা শেনফমসু হাপখি। মহাক্না হায়খি মদুদি নীম তৈরবা য়ুরিয়াসু ২০১৫-১৬দগী হৌদুনা কেমিকেল শীজিন্নবা হন্থনবা, লৈহাউ হেনগৎনবা, অপুনবা মহৈ লোকপগী চাং হেনগৎনবা অমসুং লৌউশিংউ নত্তবা মফমদা য়ুরিয়া শীজিন্নবা হন্থনবা হোৎনখ্রে।

এগ্রিকলচর ইনফ্রাস্ত্রকচর ফন্দ (এ.আই.এফ.) হায়বসি ওগস্ত ৯, ২০২০দা হৌদোকখ্রে। ফন্দ অসিগী পান্দমদি লৌরোক মতুংদা শীজিন্নবা য়াবা প্রোজেক্তশিংগী ময়াই ওইবা মতমদগী অশাংবা মতম ফাওবগী ওইনা পীনবগীদমকনি। শ্রী তোমারনা ফার্মর প্রদ্যুসর ওর্গনাইজেসন (এফ.পি.ও.)শিংগী মতাংদা ঙাংখি। এফ.পি.ও. ১০,০০০ শেম্নবা অমসুং মথৌ হেনগৎনবগী স্কিমগীদমক লুপা করোর ৬৮৬৫কী শেনফম অমসু বজেত্তা হাপতুনা ২৯.০২.২০২০দা হৌদোকখ্রে। স্কিম অসিগী মখাদা, চহী মঙাগী মনুংদা লৈবাক অসিদা এফ.পি.ও. ১০,০০০ লিংখৎনবা পান্দম থম্লি।

মন্ত্রীনা ফোংদোকখিবদা, রিফোর্মশিং অসি লৌমীশিংগী অপাম্বা য়েংদুনা শেমখিবনি অমসুং মসিনা ভারতকী লৌউশিংউদা অনৌবা পনখৈ অমা শেম্লগনি। সরকার অসিনা লৌমীগী য়ুনিয়নশিংগা তাংকক কয়া থোক্না ৱারী শানখ্রে অমসুং পুক্নিং মকা লাম্না মরী লৈনবা থবকশিংগী মতাংদা ক্লোজ নাইনা ৱারী শানবা মখা চত্থখিগনি।

*****