পেত্রোলিয়ম অমসুং নেচরেল গ্যাস মন্ত্রালয়

শ্রী ধর্মেন্দ্র প্রধান্না ৮শুবা ভারৎকী বেসিন- বেঙ্গাল বেসিন লৈবাক মীয়ামদা কত্থোকখ্রে

Posted On: 20 DEC 2020 2:21PM by PIB Imphal

আত্মনির্ভর ভারতকী মরুওইনা তঙাইফদবা ইনর্জী ফংহন্নবগী মপাঙ্গল হেনগৎনবগীদমক শ্রী ধর্মেন্দ্র প্রধান, পেত্রোলিয়ম অমসুং নেচরেল গ্যাস অমসুং স্তীল মন্ত্রীনা ঙসি লৈবাক মীয়ামদা ৮শুবা ভারৎকী বেসিন- বেঙ্গাল বেসিন কত্থোকখ্রে।

শ্রী ধর্মেন্দ্র প্রধান্না অসোকেনাগর ফংখিববু লৈবাক মীয়ামদা খুৎশিন্নরদুনা হায়খি মদুদি, পুথোক্লিবা অসিনা ভারতকী তুং কোইবা ইনর্জী লেপহন্দনবা হোৎনবদা অচৌবা থৌদাং লৌগনি। মহাক্না হায়খি মদুদি, ফংলিবা অসিনা ঐখোয়গী ইকাই খুম্নজরিবা প্রধান মন্ত্রী নরেন্দ্র মোদীগী মংলান ওইরিবা মপান লৈবাক্তগী থাউ পুশিল্লকপা হন্থনবা হোৎনবদা চাউনা মতেং ওইহল্লগনি। শ্রী প্রধান্না ও.এন.জি.সি.বু থাগৎপা ফোংদোকখি অমসুং হায়খি মদুদি ভারৎকী সাইন্তিস্ত অমসুং ইঞ্জিনিয়রশিংনা চহী তরেৎলোম চুপ্না হোৎনজরকপগী মহৈ পুথোক্লিবা অসিগা লোইননা মহৈ য়াল্লে, মসিনা নোংচুপ বেঙ্গালদা চাউখৎলোনগী অচৌবা মংলান অমা শাগৎহল্লে। বেঙ্গাল বেসিন অসি হৌজিক্তি মালেমগী থাউ অমসুং গ্যাসকী লমাইদা অনৌবা মফম অমা কন্নবা মীৎয়েং থম্লি হায়না মহাক্না মখা তাখি।

মন্ত্রীনা হায়খি মদুদি ভারত সর্কার অসিনা ও.এন.জি.সি.বু মপুং ফানা শৌগত্তুনা মসিবু নোংচুপ বেঙ্গালগী লৈমাইদগী অহেনবা থাউ অমসুং গ্যাস পুথোক্নবা অমসুং রাজ্য অসিগী অমসুং লমদম অসিগী মীয়ামদা থবক পীদুনা চাউখৎপগী অনৌবা তাংকক অমা পুরক্নবা হোৎনরগনি। মহাক্না মখা তারদুনা হায়খি মদুদি লৈবাক মীয়ামদা হৌনবী মতুং ইন্না ঙসি কত্থোকপা অসিনা মীকুপ অসিবু লৈবাক অসিগী চাউথোকচনিংঙাই ওইবা অমসুং ভারত্তা নোংচুপ বেঙ্গালগী লৈহাউদগী খুদোল অমা তম্লে।

ও.এন.জি.সি.না ২৪ পরাগনা জিল্লাগী বেঙ্গাল বেসিনগী অসোক্নাগর-১গী খোংদগী থাউ পুথোক্নবা মরুওইবা খোঙথাং লৌখৎখি। অসোক্নাগর-১ হায়বা খোং অসি ভারৎ সরকারনা পীখিবা অঙনবা মোনিতাইজেসন প্লানগী মখাদা থাউ পুথোক্লিবা অমনি। মসিনা ওন.এন.জি.সি.না ভারতকী লৈরিবা থাউ পুথোকপা বেসিনশিংনা থাউ অমসুং গ্যাস পুথোকপগী চাদা ৮৩ কন্দুনা নিপান লৈবগী মনুংদা তরেৎ মথৌ তৌরে। ও.এন.জি.সি. অসি ভারতকী হাইদ্রোকার্বোন পুথোকপগী চাদা ৭২ কল্লিবা খ্বাইদগী চাউবা থাউ অমসুং গ্যাস পুথোক্লি।

অসোক্নাগর-১ হায়বা খোং অসিনা ও.এন.জি.সি.না ২০২০গী নবেম্বর থাগী অঙনবা ৫ মঙাদা আই.ও.সি.এল.গী হলদিয়া ওইল রিফাইনরীদা খোং চাংয়েং তৌখিবগী মনুংদা অহানবা হাইদ্রোকার্বোন পুথোক্নবা থাখিবা মরুওইবা খোংথাং অদুগী মহৈ ফংলে।

শ্রী প্রধানগা লোইননা শ্রী জ্যোতির্মে সিংহ মহাতো, পার্লিয়ামেন্তকী মেম্বর, লোক সভা, শ্রী সশি শঙ্কর, সি.এম.দি., ও.এন.জি.সি. অমসুং ও.এন.জি.সি.গী দিরেক্তরসু কোলকতা কোনুংদগী কিলোমিতর ৫০ রোমদা লৈবা অসোক্নাগরগী পুথোকফমদা পাঙথোকখিবা থৌরমদা শরুক য়াখি। শ্রী প্রধান্না হৌনবী মতুং ইন্না পুথোকপদু সক্কর রোদ পম্প (এস.আর.পি.)গী স্বিৎচ ওন তৌদুনা মকোক থোংবা ওফিসিএলশিংগী মাঙদা কোবিদ প্রোতোকোলশিং ঙাকপগা লোইননা হৌদোকখি। মহাক্না জিওফিজিকেল পার্তী কেম্পতা চত্তুনা উনখি অমসুং অসোক্নাগর ব্লোককী থৌরম পাঙথোক্নবগীদমক সিস্মিক দেতা খোমজিল্লবদুবুসু হকথেংননা য়েংখি। 

*****



(Release ID: 1682571) Visitor Counter : 156