نئی لّی ، 18 دسمبر/ شمال مشرقی خطے کی ترقی کے وزیر مملکت ( آزادانہ چارج ) ، وزیر اعظم کے دفتر  ، عملے  ،عوامی شکایات  ، پنشن ، ایٹمی توانائی اور خلاء کے وزیر مملکت ڈاکٹر جتیندرسنگھ نے کہا ہے کہ  ملک میں سول سروسیز  کے لئے مشن کرم یوگی اور  آرمبھ جیسے  نئے اقدامات  میں وزیر اعظم  کے اچھی حکمرانی  کے لئے ویژن کی عکاسی ہوتی ہے ۔ آج  لال بہادر شاستری اکیڈمی  آف ایڈمنسٹریشن کے 95 ویں فاؤنڈیشن کورس کی اختتامی تقریب سے خطاب کرتے ہوئے انہوں نے کہا کہ کورونا وباء  کے مشکل وقت  اور  منفی ماحول میں کام کرنے سے تربیت کا حقیقی  فائدہ ہوا ہے ۔

          اس بات پر اطمینان کا اظہار کرتے ہوئے کہ اس فاؤنڈیشن کورس میں  کل 428 زیر تربیت  افسران میں   136 خواتین   ہیں ، جو تقریباً 32 فی صد ہوتا ہے ۔ ڈاکٹر جتیندر سنگھ نے کہا کہ  وزیر اعظم  نریندر مودی   کے عہدہ سنبھالنے کے بعد پچھلے 6 – 7 برسوں میں خواتین  کو  تفویض اختیارات  کے رجحان  میں اضافہ ہوا  ہے ۔ انہوں نے اس بات  کو اجاگر کیا کہ بڑی تعداد میں افسران  کی موجودگی  ، جن میں 245 انجینئرنگ  کے بیگ گراؤنڈ کے ہیں ، حکومت میں اچھی  حکمرانی  میں بہت کامیاب ہوں گے  کیونکہ حکومت نے  مختلف اہم اسکیمیں شروع کی ہیں ، جیسے آیوشمان بھارت ،  سوائل ہیلتھ کارڈ اور اندرون ملک آبی  گزر گاہوں کی اسکیموں میں خصوصی مہارت کی ضرورت ہے ۔

          ڈاکٹر جتیندر سنگھ نے کہا کہ افسران کو نئے بھارت کا معمار بننے کا موقع حاصل ہے ، جس کی بنیاد وزیر اعظم نریندر مودی نے رکھی ہے ۔ انہوں نے کہا کہ پچھلے 5 – 6 برسوں میں بھارت  میں  بیورو کریسی  کو نئی معلومات اور ہدایت دینے کے لئے وزیر اعظم کے ذریعہ  کئی نئے اقدامات اور اختراعات کی گئی ہیں ۔

          ڈاکٹر جتیندر سنگھ نے اس بات کا حوالہ دیا کہ مشن کرم یوگی کے خطوط پر 95 ویں ایف سی کے ساتھ آن لائن پری فاؤنڈیشن کورس شروع کیا گیا تھا ۔ انہوں نے سماجی شمولیت  کے لئے فاؤنڈیشن کورس میں نئے   ماڈیول کی ستائش  کی ، جس میں صنف ، بچوں ، معذوری ، شہری افرادی قوت اور  تجرباتی سرگرمیوں کو شامل کیا گیا ہے ۔

          انہوں نے کہا کہ سول سرونٹس کو تمام محکموں اور شعبوں میں تبدیلی اور کام کی بلا رکاوٹ  قیادت  کرنے کے قابل بنانے کے مقصد سے کامن فاؤنڈیشن کورس  ( سی ایف سی ) آرمبھ کےنام سے شروع کیا گیا  تھا ، جو 2017 ء میں 94 ویں فاؤنڈیشن کورس کا حصہ تھا ۔

          2020 ء میں 95 ویں فاؤنڈیشن کورس میں مختلف  سروسیز کے 428 شرکاء نے 12 اکتوبر ، 2020 ء کو کورس کا آغاز کیا ۔ آرمبھ  کا انعقاد 14 اکتوبر سے 31 اکتوبر  ، 2020 ء میں کیا گیا ، جس میں عالمی ماہرین نے ‘‘ بھارت میں حکمرانی  @ 100 ’’ پر اپنے خیالات کا اظہار کیا ۔

          ایل بی ایس این اے اے  کے ڈائریکٹر ڈاکٹر سنجیو  چوپڑہ نے اپنے خطاب میں بتایا کہ آن لائن  سیشن کے لئے ایل بی ایس این اے اے میں  ٹریننگ مینجمنٹ  سسٹم ( ایل ایم ایس ) کا استعمال کیا جا رہا ہے ، جو ‘‘ گیان ’’  کے نام سے جانا جاتا ہے ۔

          ڈاکٹر جتیندر سنگھ نے بہترین زیر تربیت افسران کو صدرِ جمہوریہ کا گولڈ میڈل  بھی عطا کیا ۔ انہوں نے مسوری کے چاری ویلے میں  ایک سرکاری پرائمری اسکول کا سنگ بنیاد بھی رکھا ۔ اس موقع پر  افسران کی بنائی گئی ایک مختصر فلم کی نمائش بھی کی گئی ۔

۔۔۔۔۔۔۔۔۔۔۔

( م ن ۔ و ا ۔ ع ا ) ( 18-12-2020 )

U. No. 8214