আয়ুশ মিনিস্ত্রী অমসুং য়ুথ এফিয়র্স অমসুং স্পোর্তস মিনিস্ত্রীনা ঙসি নই দিল্লীদা আয়ুশকী য়ুনিয়ন মিনিস্তর ওফ স্তেত (আই.সি.) শ্রী শ্রীপাদ নাইক অমসুং য়ুথ এফিয়র্স অমসুং স্পোর্তস য়ুনিয়ন মিনিস্তর ওফ স্তেত (আই.সি.) শ্রী কিরেন রিজিজুগা পাংথোকখিবা পুন্না চৎথবা প্রেস কনফরেন্স অমমদা য়োগাসানা অসি অহেনবা তান্নবা মশান্না ওইনা শকখঙনবা লাউথোকখ্রে।

মহাক্না ৱা ঙাংবদা, শ্রী নাইক্না ইন্দিয়ন য়োগাগী চৎনবি অসিদা য়োগাসানা অসিগী অহেনবা তান্নবগী হৌরকফম অসি পুথোকখি, হায়রিবা অসিদা অসিগুম্বা অহেনবা তান্নবা অসি চহি চা কয়াদগী তৌরক্লি। মহাক্না হায়খি মদুদি মখোয়না ঙসিশু মখল কয়াগী থাক্তা চৎথরি অদুবু য়াম্না চেৎপা অমসুং লেঙদবা অমা লৈবাক অসিদা অসি পুথোক্কদৌরি। মহাক্না মখা তানা হায়খি মদুদি সরকারনা লৌরিবা ফিরেপ হায়বদি য়োগাসানা অসি অহেনবা তান্নবা মশান্না অমা ওইনা শকখংনবা হোৎনবদা য়োগা সেক্তরগী থৌবুশিং অসিগী চহি ৩-৪ য়াম্না কন্না খন্নখি। মিনিস্তরনা মসি অমসু হায়খি মদুদি য়োগাসানা অসি চংদ্রবা য়াদবা অমসুং য়াম্না মরু ওইবা য়োগাগী মচাক অমনি, হায়রিবা অসিনা মহৌশাগী ওইনা সাইকো-ফিজিকেল ওই অমসুং মালেমগী ওইনা মশা মউ ফবা অমসুং য়াইফবগীদমক মমিং চৎলিবনি।    

মহাক্না মখা তানা হায় মদুদি “য়োগাসানা অসিনা শান্ন-খোৎনবা অমা ওইরকপা অসিনা অনৌবা তেক্নোলোজি অমসুং অনৌবা লাল্লোং কয়া অমা লমচৎ-শাজৎতা, ঐখোয়গী শান্নরোইশিং অমসুং ওফিসিএলশিংদা কান্নবা পীদুনা লম অসিদা মহৈ য়ানবা অমসুং শিনফম অমা ফংলগনি। 

থৌরম অসিদা, পাউমীশিংদা ৱা ঙাংলদুনা শ্রী কিরেন রিজিজুনা হায় মদুদি, অহেনবা তান্নদুনা য়োগাসানা অসিনা মশান্না অমা ওইদুনা শকখঙলকপা অসিনা মালেম অসিদা লৈরিবা মীওইশিং অসিনা য়োগা অসিদা থৱায় য়াওবা হেনগৎলগনি।  মহাক্না অমুকশু হায় মদুদি মিনিস্ত্রী অনিমক্না য়াম্না নকশিন্ননা থবক তৌমিন্নদুনা য়োগাসানা অসিবু অহেনবা তান্নবা মশান্না অমা ওইনা লিংখৎনবা হোৎনরি। মহাক্না মখা তানা হায় মদুদি ঐখোয়না য়োগাসানা অসিবু মশান্না অমা ওইনা খেলো ইন্দিয়া অমসুং য়ুনিভর্সিতিগী গেমস্তা য়াওহন্নবা থৌরাং তৌরি অমসুং নেস্নেল গেমসতা য়াওহন্নবা হোৎনরি অদুবু মসি শাংলবা খোঙচৎ অমগী অহৌবনি। শ্রী রিজিজুনা অমুকশু হায় মদুদি য়োগাসানা অসি য়াম্না ফজবা, পুক্নিং চিংশিন্নিঙাই ওইবা অমসুং মমিং লৈবা মশান্না অমা ওইগনি। 

আয়ুশকী সেক্ত্রেতরিনা প্রজেন্তেসন অমসুং শন্দোক্না তাকখি মদুদি য়োগাসানা মশান্না অসিগী মওং অসি ইভেন্ত ৪ অমসুং কেতগরী ৭তা মেদল ৫১ লৈবা য়াই। মসিদা হায়রিবা থৌরম অসিদা নুপা অমসুং নুপীগী চৎনবিগী ওইবা য়োগাসানা য়াওরি মখোয় অদুদি আর্তিস্তিক য়োগাসানা (অমতং ওইবা), আর্তিস্তিক য়োগাসানা (জুরা), রিথিমিক য়োগাসানা (জুরা), ফ্রী ফ্লো/গ্রুপ য়োগাসানা, ইন্দিবিজুএল রাউন্দ পুম্বা – চেম্পিওনশিপ অমসুং তিমগী চেম্পিওনশিপ। 

সেক্ত্রেতরীনা মখাগী খোংথাংশিং নত্ত্রগা থৌওংশিং অসিশু খংহল্লি হায়রিবা অসিনা রোদমেপ অসিগী শরুক অমা ওইগনি অমসুং য়োগাসানা মশান্না অসিগী তুংগী ওইবা চাওখৎপা :

১.   চাংয়েং ওইবা য়োগাসানা অহেনবা তান্নবা মমিং ওইনা “নেস্নেল ইন্দিবিজুএল য়োগাসানা স্পোর্তস চেম্পিওনশিপ (ভর্চুএল মোদ) ২০২১গী অঙনবদা পাংথোক্কদবা।

২.    য়োগাসানা স্পোর্তসকী ওইবা অহেনবা তান্নবা, ইভেন্তস অমসুং থৌরমগী চহিগী কেলেন্দর হৌদোকপা।

৩.   য়োগাসানা চেম্পিওনশিপকী মথন্তা স্কোর তৌজবা সিস্তেম শেমগৎপা

৪.   অহেনবা তান্নবা অসিগী কোসেসশিং, রেফ্রী, জদজশিং অমসুং দাইরেক্তরশিংগী কোর্স শান্নরোইশিংগী কোসচিং কেম্প

৫.   য়োগাসানা অসিগী লিগ অমা শেম্বা হায়রিবা অসিনা শিনফম অমা শেম্বা অমসুং পাংথোক্লিবশিংগী সমাজগী ওইবা ফম অমা কনবা, য়োগাসানা শান্নরোইশিংগী মরক্তগী স্পোর্তস স্তার পুথোকপা।

৬.   য়োগাসানা অসিবু মশান্না অমা ওইনা নেস্নেল গেমস, খেলো ইন্দিয়া অমসুং ইন্তরনেস্নল স্পোর্তসকী থৌরমশিংদা হৌদোকপা।

৭.     য়োগাসানাগী শান্নরোইশিংগীদমক থবক ফংনবগী খুদোংচাবা ফংনবা খোঙথাং লৌখৎপা।

চানবিদুনা মফম অসিদা প্রজেন্তেসন য়েংননবা নম্বিয়ু

***