মালেমগী ওইনা ক্লিন স্পোর্তসকী ফিবম অমা শেমগৎনবা মখা তাবা খোঙথাং অমা থাংদুনা, মালেমগী এজেন্সি অসিগী সাইন্তিফিক রিছর্সকীদমক ৱার্ল্দ এন্তি-দোপিং এজেন্সি(ৱাদা)দা ভারতনা য়ু.এস দোল্লর মিল্লিয়ন ১গী শেনফম মতেং পাংলে। মসিনা ৱাদানা অনৌবা এন্তি-দোপিং তেস্তিং অমসুং থিজিনবগী থবকশিং পায়খৎপা ঙম্লগনি। শেনফম অসি মখা তানা ৱাদানা মনিং তম্না থিজিনবা অমসুং ইন্তিলিজেন্স দিপার্তমেন্তগী থবকশিংদা শীজিন্নগনি।

ভারতনা য়ু.এস দোল্লর মিল্লিয়ন ১ মতেং পাংলিবা অসি চাইনা, সাউদি অরাবিয়া অমসুং ইজিপ য়াওনা অতোপ্পা মালেমগী সরকারশিংনা মতেং পাংবগী মনুংদা খ্বাইদগী য়াম্বা শেনফম্নি। মেম্বর লৈবাকশিংনা মতেং পাংলকপা অপুনবা শেনফম অদুগা মান্নবা শেনফম অমা ইন্তরনেসনেল ওলেম্পিক কমিতি(আই ও সি)না পুথোক্তুনা য়ু.এস দোল্লর মিল্লিয়ন ১০গী কোর্পস অমা শেমগনি। ২০১৯দা পোলেন্দগী কাতোৱিন্সতা শান্নবদা দোপিংগী মতাংদা পাংথোকখিবা ৱাদাগী ৫সুবা মালেমগী মীফমদা কোর্পস অসি শেম্নবা ৱারেপ লৌখিবনি। হন্দক  মতেং পাংলিবা শেনফম অসি চহিগী ওইনা ৱাদাগী বজেত্তা ভারতনা পীরিবা শেনফম অদুগী মথক্তনি।

শেনগী মতেং অসিগী মতাংদা ৱাদাগী প্রসিদেন্ত ৱিতোল্দ বঙ্কাদা পীখিবা অইবা চেরোল অমদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী কিরেন রিজিজুনা হায়খি ভারতকী মতেং অসিনা ৱাদাগী য়ু.এস দোল্লর মিল্লিয়ন ১০গী ফন্দগী পান্দম ফংনবা অমসুং ৱাদাগী সাইন্তিফিক ওইনা থিজিনবগী থবকশিংদা মতেং পাংনবা ভারতনা য়ু.এস দোল্লর মিল্লিয়ন ১গী মতেং পাংবা অসিদা ঐ হরাওই। সেপ্তেম্বর ৮, ২০২০দা ৱাদাগী প্রসিদেন্তগা ভিদিও কনফরেন্সকী খুৎথাংদা পাংথোকখিবা মীফম অমদা, শ্রী রিজিজুনা ক্লিন স্পোর্তসকী মরুওইবা অমসুং মালেমগী ওইনা এন্তি-দোপিংগী থবকশিং কনখৎহন্নবা ভারত সরকারনা পীরিবা থাজবশিং থমখি। সাইন্তিফিক ওইবা থবকশিং অমসুং শেন-থুম ওইনা ভারতনা ৱাদাদা মতেং পাংগনি হায়না মহাক্না থাজবা পীখি।

মেম্বর লৈবাকশিংনা মতেং পাংলকপদা থাগৎলদুনা, প্রেসতা থাদোরকপা চেরোল অমদা ৱাদাগী প্রসিদেন্তনা হায়খি মসি ৱাদা অমসুং ক্লিন স্পোর্তসকী অচৌবা খুদোংচাবা অমনি। মওং অসিদা শান্ন-খোৎনবা ঙাক-শেন্নবা চাইনা, ইজিপ, ইন্দিয়া অমসুং সাউদি অরাবিয়া সরকারনা মতেং পাংবগীদমক এজেন্সি অসিনা থাগৎখি। পুকচেল চাউনা মতেং পাংলকপা অসিনা হায়রিবা লৈবাকশিং অসিগী অচেৎপা থাজবা অদু উরে অমসুং মসিনা ৱাদাগী ইন্দিপেন্দেন্ত দিপার্তমেন্তগী থবকশিং অমসুং সাইন্তিফিক রিছর্সকী থবকশিংদা শীজিন্নগনি। চহি খর অসিদা হিরম অনিমক অসিদা মাইপাকপা ঙম্লে অমসুং হায়রিবা অহেনবা শেনফমশিং অসিনা দোপিং য়াওদবা শান্ন-খোৎনবা পাংথোক্নবা ৱাদাগী মিসনদা চাউনা মতেং পাংলগনি।

*****