জল জীবন মিসনগী মখাদা য়ুমথোং (ঐচ.ঐচ.এস.)লাখ ২৭৮অমা ঈশিংগী তেপ কন্নেক্সন ফংহনখ্রে হায়রিবা অসি ২০১৯গী ওগস্তকী ১৫দা লাওথোকখিবনি। হৌজিক্কী ওইনা লৈবাক অসিদা থক্নবা ঈশিং মখোয়গী য়ুমথোং য়ৌনা তেপকী পাম্বৈনা খুঙ্গংগী য়ুমথোং করোর ৬.০১ ফংহনখ্রে। লৈবাক অসিগী দিস্ত্রীক্ত ১৮ অমদি য়ুমথোং খুদিংদা তেপ কন্নেক্সন অসি ফংহনখ্রে অমসুং স্ততশিং অসিনা মখোয় মখোয়গী স্তেতশিংদা ঈশিংগী তেপ অসি য়ুমথোং খুদিংদা ফংহন্নবা অমগা অমগা তান্নরি। মিনিস্ত্রী অসিগী দাসবোর্দ অমা মিসনশিং অসি য়েংননবা ফংহল্লি। মিসনশিং অসিগী চংশিল্লিবা ফিবম অসি য়েংনবা দাসবোর্দ অমা মিনিস্ত্রী অসিনা ৱেবসাইত অমা ফংহল্লি মদুদি : (https://ejalshakti.gov.in/jjmreport/JJMIndia.aspx)

জল শক্তি মিনিস্ত্রী অসিনা জল জীবন মিসন (জে.জে.এম.) অসি স্তেতশিংগা খুৎশম্নদুনা লৈবাক অসিগী খুঙ্গংগী য়ুমথোং খুদিংদা ২০২৪ ফাওবগী মনুংদা থক্নবা ঈশিং মরাং কাইনা অমসুং মতম কুইনা ফংহন্নবগী পান্দমদা হোৎনদুনা লাক্লি।  

মিসন অসি হৌরকপগা স্তেতশিংনা বেজলাইন দেতা অমা শেমদুনা লৈবাক অসিদা খুঙ্গংগী য়ুমথোং করোর ১৯.০৫ লৈবা অসিদা য়ুমথোং করোর ৩.২৩ অমদি হান্ননা তেপ কন্নেক্সন অসি লৈখ্রে হায়বা অসিদা থবক ওইনা তৌবিনবা হায়জখ্রে। লেমহৌরিবা করোর ১৫.৮১ অমদি তেপ কন্নেক্সন অসি পীগদৌরিবনি। মসিনা তাকপদি য়ুমথোং করোর ৩.২ অমা চহি খুদিংগী য়ৌশিনবা অমা মথৌ তারি হায়রিবা অসিনা তাকপদি নোংমদা তেপ কন্নেক্সন ৮৮,০০০ পীবা তারি। মসিগী পান্দম অসি থম্লগা স্তেত অমসুং য়ু.তি.শিংনা তেপ কন্নেক্সন অসি খুঙ্গংগী মফমশিংদা ফংহন্নবা অঙম্বা মখৈ হোৎনরি।

২০২০-২১দা জে.জে.এম. অসি ওইহনবা ঙম্নবা শেনফম ওইনা লুপা করোর ২৩,৫০০ অসি পীখি। মসিগী  মথক্তা ২০২০-২১দা, ১৫শুবা ফাইনান্স কম্মিসন্না ৫০% অমা খুঙ্গংগী লোকেল বোদীদা গ্রান্ত পীদুনা হায়বদি লুপা করোর ৩০,৩৭৫ কী গ্রান্ত অসি ঈশিং পীবা অমসুং সেনিতেসনগীদমক শিজিন্নবা পীখি।  হায়রিবা অসিনা হেন্না ফবা থৌরাং, শিজিন্নবা, শিল-লাংবা, থবক হৌবা অমসুং মসিবু শেন্নবা অসিদা মতেং ওইগনি মসিনা মীয়াম্না চাং নাইনা অমসুং মতম শাংনা থক্নবা ঈশিং ফংবা ঙম্লগনি।

মিসন অসি লৈবাক অসিগী অমসুং মালেমগী ওইবা শক্নাইরবা এজেন্সিশিং হায়বদি য়ু.এন. এজেন্সিশিং, এন.জি.ও.শিং/সি.বি.ও.শিং, সি.এস.আর. ওর্গানাইজেসনশিং, থ্রস্তশিং, ফাউন্দেসনশিং অসিনচিংবা অসিগা খুৎশম্নদুনা চৎলি। সরকার অসিনা আসা তৌরি মদুদি ঈশিং অসি মীয়ামগী ওইরকপা অমসুং মীপুম খুদিংগী ব্যুজিনেস ওইরকপা, মফমশিং অসি অওনবা অমা পুরকপা অসিনি।

স্ততশিং/য়ু.তি. কয়া অমনা মিসন অসিগী পন্থুং অসি ২০২৪গী মমাংদা পন্থুং য়ৌবা ঙম্নবা ৱা ঙাক্তুনা থম্লি। গৌৱানা হান্ননা য়ুমথোং খুদিংদা ঈশিংগী তেপ ফংহনখ্রে। ২০২১দা বিহার, পুদুচেরী অমসুং তেলঙ্গানাদা য়ুমথোং খুদিংদা ঈশিংগী তেপ ফংহন্নবা থৌরাং তৌখ্রে। মসিগা মান্ননা স্তেতশিং/য়ু.তি.শিং হায়বদি গুজরাত, হারিয়ানা, হিমাচল প্রদেশ, জম্মু অমসুং কাশ্মির, লদাখ, মেঘালায়া, পঞ্জাব, সিক্কিম অসিদনা ২০২২ ফাওবদা পান্দম থম্লি। অদুগা আরুনাচল প্রদেশ, কর্নাতকা, কেরলা, মধ্যা প্রদেশ, মনিপুর, মিজোরাম, নাগালেন্দ, ত্রিপুরা, ছত্তিসগর অসিদা ২০২৩দা ১০০% লোইশিন্নবা থৌরাং তৌরি। স্তেতশিং হায়বদি আসাম, অন্ধ্র প্রদেশ, ঝরখন্দ, মহারাস্ত্রা, ওরিশা, রাজাস্থান, তামিল নাদু, উত্তর প্রদেশ, উত্তরাখন্দ, ৱেস্ত বেঙ্গাল অসিদা ২০২৪ ফাওবদা লোইশিন্নবা থৌরাং তৌরি।

মিসন অসিগী পান্দম অসি মালেম পুম্বগী ওইনা কোল্লি অমসুং মরুওইবা পীরিবা অসি চৎনবা য়াবা ‘ইক্যুতি অমসুং ইনক্লুসিবনেস’ মদুদি খুঙ্গংগী ইমুং খুদিং মখোয়গী য়ুমথোং খুদিংদা ঈশিংগী তেপ শমহনবা অসিনি অমসুং ‘কনাগুম্বা অমত্তা খাক্লমদবা অসিনি’। লোয়ননা, স্তেতশিং অসিনা মরুওইনা অহানবা খুদোংচাবা অসি এস.সি./এস.তি.না মপুং ওইবা খুঙ্গংশিং, আসা লৈরিবা দিস্ত্রীক্তশিং, ইকং তোইনা থোকপা খুঙ্গংশিং অমসুং মরুভুমীগী ওইবা মফমশিং অসিদা পীরি।

থক্নবা ঈশিং অসি অফবা ঈশিং লৈতবা মফমদা পীবা জে.জে.এম.গী মকোক্তা লৈবা পায়খৎকদবা থবক্নি। স্তেতশিংনা ঈশিংগী পাইপ অসি আর্সেনিক অমসুং ফ্লোরাইদনা শোকহল্লবা মফমশিংদা ২০২০গী দিসেম্বরগী মমাংদা য়ুমথোং খুদিংদা য়ৌহনগদবনি।

জে.জে.এম.গী মখাদা মরুওইবা অসি খ্বাইদগী নেম্বা থাক্তা য়ৌনবা থৌরাং তৌরি মদুদি খুঙ্গং/গ্রাম পনচায়ৎ, ঈশিং য়োকপা, ঈশিং শেংদোকপা অমসুং গ্রে ৱাতর মেনেজমেন্ত অসিনচিংবা অসিনি হায়রিবা অসি এম.জি.এন.আর.ই.জি.এস.,১৫শুবা ফাইনান্স কম্মিসন গ্রান্ত ফোর পি.আর.আই., এস.বি.এম. (জি), দিস্ত্রীক্ত মিনরেল দিবলপমেন্ত ফন্দ, সি.এস.আর. ফন্দস, লোকেল এরিয়া দিবলপমেন্ত ফন্দ, অসিনচিংবা অসিগা পুন্না তৌমিন্নবনি।

খুঙ্গং অসিগী চেক শুবা, পাইপকী থবক শুবা, ইলেক্ত্রিকেলগী ওইবা, মোতোর-শেম্বা অসিনচিংবা অসিদা ‘হৈ-শিংলবশিং’ অসি মিসন অসিগী মকাদা থবক পীদুনা খুঙ্গংগী থাক্তা ত্রেন তৌরি।

ঈশিং সপ্লাই তৌরিবা অসি থক্ননবা ঈশিংগী লেবোরেতোরীদা তেস্ত তৌদুনা য়েংশিনবা অসি য়াম্না মরু ওইবা অমনি অমসুং অসিগুম্বা লেবশিং অসি হেন্না মপাঙ্গল পীদুনা মরুওইনা লৌরি অমসুং মসি এন.এ.বি.এল.না অয়াবা পীরি। স্তেতশিংনা ঈশিংগী তেস্ত তৌনবগী খুদোংচাবা অসি প্রজা মীয়ামগীদমক হাংদুনা থম্লি হায়রিবা অসিনা খুঙ্গংগী নুপীশিংনা লাক্তুনা মখোয়গী ইমুংগী থক্নবা ঈশিংগীদমক তেস্ত তৌনবগী খুদোংচাবা অসি পীরি।

লৈকাইগী মীওইশিংনা ঈশিংগী ফবগী চাং অসি য়েংশিনবা য়াই, হায়রিবা অসিদা খুঞ্জাশিং মঙাদা, অখন্ননা নুপীদা পীদুনা মখোয়না ঈশিং অসি তেস্ত তৌবা য়ানবা পুক্নিং থৌগৎলি। ৱাখল্লোল অসি থক্নবা ঈশিং অসি থাজবা য়াবা অমা ওইনবনি।

প্রধান মন্ত্রীগী কন্না হায়রিবা ৱাহৈ খর অসি ঙাক্নবা ‘ইজ ওফ লিবিং’ হায়বদি খুঙ্গংগী মফমশিংদা ফাইনান্সিএল ইনক্লুসন, য়ুম, লম্বী, অশেংবা ফ্যুএল, ইলেক্ত্রিসিতি, তোইলেৎ, জল জীবন মিসন্না য়ুমথোং খুদিংদা থক্ননবা ঈশিং ফংহনবা, হায়রিবা অসিনা খুঙ্গংদা লৈরিবা মীশিংগী পুন্সি মহিং য়াম্না শাংনা চাওখৎহনবা অসি ফহনবদা থাজবা পীবা অসিনি। মিসন অসিনা অমুকশু থবক অৱাবা শুরিবা মরুওইনা নুপী অমসুং নুপীমচাশিংবু ঈশিং শোকপগী থৌদাং অসিদগী হন্থহল্লগনি।

****