প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কমিতী ওন ইকোনোমিক এফিয়র্সনা নোর্থ ইস্তর্ন রিজন পাৱর সিস্তেম ইমপ্রুবমেন্ত প্রোজেক্তকী (এন.ইআর.পি.এস.আই.পি.) রিভাইস কোস্ত এস্তিমেৎ (আর.সি.ই.) অসি ইস্তিমেতেদ কোস্ত লুপা করোর ৬,৭০০গী অয়াবা পীখ্রে।মসি ইন্ত্রা-স্তেৎ ত্রান্সমিসন অমসুং দিস্ত্রিব্যুসন সিস্তেমশিংগী মপাঙ্গল কনখৎহনদুনা অৱাং নোংপোক লমদমী শেন্মীৎলোন চাউখৎহন্নবা অচৌবা খোঙথাং অমা ওইরি।

স্কীম অসি অৱাং নোংপোক থংবা রাজ্যশিংগী বেনিফিসরী তরুক মদুদি অসাম, মনিপুর, মেঘালয়, মিজোরাম, নাগালেন্দ অমসুং ত্রিপুরাগা লোইননা পাৱর মন্ত্রালয়গী মখাদা লৈবা পব্লিক সেক্তর অন্দরতেকিং (পি.এস.য়ু.) অমা ওইরিবা পাৱরগ্রিদকী খুত্থাংদা ইমপ্লিমেন্ততৌরি অমসুং দিসেম্বর ২০২১ ফাওবদা কম্মিসন তৌনবা পান্দম থমখি। কম্মিসন তৌরবা মতুংদা প্রোজেক্ত অসি অৱাং নোংপোক রাজ্যগী য়ুইলিতীশিংগী ওইরগনি অমদি য়েংশিল্লগনি।

প্রোজেক্ত অসিগী মপুং ওইবা পান্দমদি সরকারনা অৱাং নোংপোক লমদমগী অপুনবা শেন্মীৎলোনগী চাউখৎ থৌরাং অমসুং অৱাং নোংপোক লমদমগী ইন্ত্রা-স্তেৎ ত্রান্সমিসন অমসুং দিস্ত্রিব্যুসন সিস্তেমশিংগী মপাঙ্গল কনখৎহন্নবা হোৎনবনি।

স্কীম অসি ইমপ্লিমেন্ত তৌবনা রিলাইয়েবল পাৱর গ্রিদ অমা লৈহল্লগনি অমসুং তুংগী লোদ সেন্তরশিংদা এন.ই.আর. স্তেৎশিংগী কন্নেক্তিবিতী ফগৎহল্লগনি, অসুম্না অৱাং নোংপোক লমদমগী বেনিফিসরীশিংগী কস্তমরগী কেতগোরী পুম্নমক্তা গ্রিদ কন্নেক্তেদ পাৱরগী কান্নবা ফংহল্লগনি।

স্কীম অসিনা রাজ্যশিং অসিগী পাৱর কঞ্জুম্পসনগী পর কেপিতাসু হেনগৎহল্লগনি অমসুং অৱাং নোংপোক লমদমগী অপুনবা শেন্মীৎলোনগী চাউখৎ থৌরাংদসু মতেং পাংলগনি।

মখোয়গী কনস্ত্রক্সনগী থবকশিংদা ইমপ্লিমেন্তিং এজেন্সীশিংনা লোকেল মেনপাৱত মশিং য়াম্না নেক্তুনা অৱাং নোংপোক লমদমগী স্কিল্দ অমদি অন-স্কিল্দ মেনপাৱরদা থবক কয়া ফংহল্লি।

মখা তানা লোইশিল্লবা মতুংদা স্তেন্দর্দ নোর্মশিংগী মতুং ইন্না নৌনা শাবা এসেৎশিং অসি চল্লাইনবা অমদি য়েংশিন্নবা অহেনবা মেনপাৱর মথৌ তারক্কনি, মসিনা অৱাং নোংপোক লমদমগী রাজ্যশিংদা অহেনবা থবক্কী খুদোংচাবশিং চাউনা ফংহল্লগনি।

বেকগ্রাউন্দ:

স্কীম অসি অহানবা ওইনা দিসেম্বর ২০১৪দা পাৱর মন্ত্রালয়গী সেন্ত্রেল সেক্তর প্লান স্কীম ওইনা অয়াবা পীখি অমসুং পাৱর মন্ত্রালয়গা ৫০:৫০ বেসিসকী (ৱর্ল্দ বেঙ্ক:জি.ও.আই.) খুত্থাংদা ৱর্ল্দ বেঙ্ক ফন্দ অমসুং ভারত সরকারগী মতেংগা লোইননা ফন্দ থাদখি, মসিদা লুপা করোর ৮৯গী কেপাসিতী বিল্দিং কম্পোনেন্ত খক য়াওদনা পুম্নমক ভারত সরকার (জি.ও.আই.)না পুন্না ফন্দ থাদগনি।

******