উপ-রাস্ত্রপতিগী লোইশঙ
২০০১দা সংসদতা লান্দারকপদা লৈখিদ্রবা অথৌবশিংদা উপ-রাস্ত্রপতিনা ইকায়খুম্নবা উৎখ্রে
দিশেম্বর ১৩ অসি সভ্যতাদা কিহল্লকপগী অকি-তুজুংবা নিংশিংবা অমনি হায়না ফোঙদোকখি
তেরর লুপশিংগী অমতা ঙাইরবা পান্দমদি মালেমগী গনতন্ত্র অমসুং শেন-থুমগী ফিবমদা অকায়বা পীবনি: উপ-রাস্ত্রপতি
তেরোরিজম শৌগৎপা স্তেৎ অমসুং নন-স্তেৎ এক্তরশিং তোখাইনা থম্নবা মালেমগী মীয়ামদা তকশিনখি
Posted On:
13 DEC 2020 3:28PM by PIB Imphal
ঙসি উপ-রাস্ত্রপতি শ্রী এম.ভেনকিয়া নাইদুনা হায়খি মদুদি তেরোরিজম অসি হৌজিক মতমগী সভ্যতাগী মরুওইবা গুনশিং ওইরিবা গনতন্ত্র, লনাইগী নিংতম্বা অমসুং মালেমগী শেন-থুম চাউখৎপদা অচৌবা শিংনবা অমনি।
২০০১দা সংসদতা তেরোরিস্তশিংনা লান্দারকখিবা থৌদোক্কী কুমওন থৌরমদা ফেসবুক পোস্ত অমদা উপ-রাস্ত্রপতিনা হায়খি দিশেম্বর ১৩ অসি তেরোরিজমগী চৈথেংগী তমথিরবা নিংশিংবা অমনি অমসুং গনতন্ত্রগী গুনশিং অমসুং শেন-থুমগী অফবা থবকশিংদা থাজবশিংদা তেরোরিজম্না য়েংলিবা তমথিবা মিৎয়েং অদু উৎথোক্লে।
পর্লিয়ামেন্ত হাওস ঙাক্নবা হোৎনবদা মখোয়গী থৱায় কৎখ্রবা সেকুরিতিগী মীওইশিংদা ইকায়খুম্নবা উৎলদুনা শ্রী নাইদুনা হায়খি মখোয়গী কৎথোকপগী থবকশিং অদু ঐখোয়গী লৈবাক্কী মীয়ামগী ৱাখলদা মতম চুপ্পগী ওইনা নিংশিংদুনা লৈহৌরগনি। মসিগী মমাঙদা উপ-রাস্ত্রপতিনা প্রধান মন্ত্রী, লোক সভাগী স্পিকর অমসুং অতোপ্পা সেনিয়র মিনিস্তরশিংগা লোয়ন্না থৌদোক অদুদা লৈখিদ্রবশিংগী মফমদা লৈ কৎতুনা ইকায়খুম্নবা উৎখি।
পর্লিয়ামেন্ত হাওস কমপ্লেক্সতা অহানবা ওইনা তেরোরিস্তশিং উখিবা অমসুং খোঙ্গুল লিখিবা অমসুং মখোয়গী চৎথোক-চৎশিনগী মতাংদা পাউ পীরকখিবা থৌনা ফরবা সি.আর.পি.এফ কন্সতেবল কামলেস কুমারি থাগৎলদুনা উপ-রাস্ত্রপতিনা হায়খি মহাক্কী থৌনা ফবা অদু অথুবদা থবক ওইনা পাংথোক্তুনা তেরোরিস্তশিংগী থৌরাং অদু মাইথিবা পীখি। উপ-রাস্ত্রপতিনা থম্মোয় শেংনা নুপী কন্সতেবল অদুদা ইকায়খুম্নবা উৎলদুনা হায়খি মঙোন্দা কাপশিল্লকপা নোংমৈ মরুশিং অদুনা মহাক তুখি অমসুং থৱায় কৎখি লোয়ন্না লৈবাক্কীদমক থেংন্নবা ইথিল অমা পীরমখি।
উপ-রাস্ত্রপতিনা হায়খি য়ুম্লোন্নবা অমনা ত্রেনিং পীবা অমসুং শৌগৎপা তেরোরিস্ত কাংবু অমনা ভারতকী গনতন্ত্রগী লাইশঙদা লান্দারকপদা মালেম শীনবা থুংনা অকিবা ফাওখি অমসুং পর্লিয়ামেন্ত হাওস ঙাক্লিবা থৌনা ফরবা অমসুং মীৎশিং-নাশিংবা সেকুরিতিগী মীওইশিংনা তমথিরবা থৌদোক অমা থোকহনখিদে।
চহি অদুদা থোকখিবা ৱার্ল্দ ত্রেদ সেন্তরগী থৌদোক নিংশিংলদুনা, উপ-রাস্ত্রপতিনা হায়খি চহিচা অসিগী অহানবা চহিদা মালেমদা খ্বাইদগী চাউবা গনতন্ত্র চৎপা লৈবাকশিং ওইরিবা ভারত অমসুং য়ু.এস.এ অৱাবা মায়োক্নখি। হৌখিবা চহি ২০ অসিদা মীওইবা খুন্নাইনা তোঙান-তোঙানবা চাংদা অসিগুম্বা অকি-অখঙগী থৌদোক কয়া মায়োক্নখি। তেরর লুপশিংগী অমতা ঙাইরবা পান্দমদি মালেমগী গনতন্ত্র অমসুং শেন-থুমগী ফিবমদা অকায়বা পীবা অমসুং মীওইবা খুন্নাই নমদুনা অচুম্বা মতম অমদা লৈহনবনি।
মালেমগী অপুনবা থবকশিংগী খুৎথাংদা অসিগুম্বা ফত্তবা থবকশিং লোইশিন্নবা তকশিল্লদুনা শ্রী নাইদুনা হায়খি মখোয়গী খুদোংচাবা ফংনবা তেরোরিজম অসি লৈবাক্কী থৌশিলগী খুৎলায় অমা ওইনা শীজিন্নরিবা স্তেৎ অমসুং নন-স্তেৎ এক্তরশিং মালেমগী লৈবাকশিংনা তোখাইনা থমগদবনি অমসুং ৱাখল তাহনগদবনি।
মহাক্না হায়খি তেরোরিজমগী অকিবশিং লাকশিন্দুনা মসি থেংন্নবা অকনবা থবক পায়খৎনবা ২০০১গী পাউজেল অসিনা মীওই খুদিংমক অমসুং লৈবাক খুদিংমক মীকপ থোকহনগদবনি।
তেরোরিজমগী মায়োক্তা য়ু.এনগী কনভেসন অমা চৎন্নবা ভারতনা পুখৎলিবা ৱাফম পল্লদুনা উপ-রাস্ত্রপতিনা মহাক্কী ফেসবুক পোস্ততা ইখি, মালেমগী তোঙান-তোঙানবা লৈবাকশিংনা হিরম অসিগী মতাংদা ভারতকী খোল্লাউ শৌগৎলি। অপীকপা রাজনিতি অমসুং শেন-থুমগী কান্নবশিং য়েংলগা তেরোরিজমগী অচৌবা শিংনবশিং থওইদবা লৈবাক খর লৈরি অমসুং অপুনবা থবক অমগী মখাদা তেররগী অকিবা অসি লোইশিন্দ্রবদি অরোইবদা লৈবাক খুদিংমক মাইথিবা ফংগনি হায়বসি মখোয়না খঙগদবনি।
*****
(Release ID: 1680470)
Visitor Counter : 124