হকশেল অমসুং য়াইফ-য়ুম্বাল মন্ত্রালয়

হেলথ মিনিস্ত্রীদা য়ুনিভর্সেল হেলথকেয়র কোবরেজগী নুমিৎ পাংথোকখ্রে


প্রাইমারি হেলথকেয়রগী থবক শুবা ১১৫৩ হেন্না ফবা থবক্কীদমক থাগৎপা ফোংদোকখ্রে

দাঃ হার্শ বর্ধন্না স্তেতশিং ১৭ অমসুং য়ু.তি.শিং ৫গী ৫শুবা নেস্নেল ফেমিলি হেলথ সর্ভে (এন.এফ.ঐচ.এস.) ফোংখ্রে

এস.দি.জি. দাশবোর্দ অমসুং এন.সি.দি. মেদিকেল ওফিসর এপশু ফোংখ্রে

“আয়ুশমান ভারত্না হেলথকেয়র দেলিবরি মোদেল অসি মপুং ফানা অওনবা পুরকখ্রে”

থবক চৎথরিবা এ.বি.-ঐচ.দবল্যু, সেন্তর ৫১,৫০০দা হৌজিফাওবদা চাওরাক্না মীওই করোর ৩০গী রেকোর্দ লৈরে: দাঃ হার্শ বর্ধন্না

Posted On: 12 DEC 2020 4:34PM by PIB Imphal

হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙসি য়ুনিভর্সেল হেলথকেয়র কোবরেজগী নুমিৎ অসি নিংশিংনবা থৌরম অসিদা চেয়র লৌখি। হেলথ অমসুং ফেমিলি ৱেলফিয়রগী য়ুনিয়ন মিনিস্তর ওফ স্তেত শ্রী আশ্বিনি চৌবেনা পত্নাদগী থৌরম অসি ভর্চুএলি ওইনা শরুক য়াখি।  

দাঃ হার্শ বর্ধন্না ভাবোকশিংবু নিংশিংবা পীদুনা কোবিদ-১৯ অসি য়াম্না মরুওইনা লৌদুনা হকশেলগী সিস্তমদা য়াম্না চেকশিনবা অমা মথৌ তারে হানা হায়খি।  মহাক্না মখা তানা হায়খি মদুদি, “ঐখোয়না মসিবু হান্ননা লৈরম্বা অদুম্না খনবা মতৌ তাই, মীপুম খুদিংবু মশা মউ ফনা থম্বা অসিনা খ্বাইদগী মরু ওইবা অমা ওইরি – হৌজিক্কী ওইনা অমসুং মতুংদশু। মসি ঐহাক্না মতম চুপ্পদা থাজবা অমনি মদুদি ইন্দিয়ানা মালেম অসিদা ফিবম চেৎনা লৈবা য়ুনিভর্সেল হেলথকেয়র কোবরেজ অমা পীগনি।

প্রধান মন্ত্রী শ্রী নরেন্দ্র মোদীগী লুচিং মখাদা মহাক্কী মিয়েং মহাক্কী ৱাখল্লোল আয়ুশমান ভারত অসিদা থাগৎপা ফোংদোক্লদুনা দাঃ হার্শ বর্ধন্না হায়খি মদুদি, “২০১৮দা হৌদোকখিবা “আয়ুশমান ভারত”কী থৌরম অসিনা মপুং ফানা প্রাইমারি, সেকেন্দরী অমসুং তরতিএরি ওইবা লৈবাক অসিগী হকশেলগী চেকশিন থৌরাং অসিদা  য়াম্না চাওনা অওনবা অমা পুরক্লি”।

মিনিস্তরনা খংহল্লি মদুদি আয়ুশমান ভারতকী মশা অনিনা হায়বদি হেলথ অমসুং ৱেলনেস সেন্তরস (ঐচ.দবল্যু.সি.এস.) অমসুং প্রধান মন্ত্রী জন আরোগ্যা য়োজনা (পি.ওম.জে.এ.ৱাই.), অসিদা সরকার অসিনা হেলথকেয়রগীদমক লৈবাক অসিদা লৈরিবা মীওই করোর কয়ানা ঙমজনবা শেম্লি। মহাক্না হায়খি মদুদি, “ঐখোয়না আয়ুশমান ভারত অসি চৎন্নবা য়াম্না ময়েক শেংনা চাওখৎপা পুরক্লি - হেলথ অমসুং ৱেলনেস সেন্তরসশিং অসিনা ঐখোয়গী খোঙচৎ অসিদা মশক থোকপা অমা পুরক্লি। সেন্তর ৫১,৫০০ থবক হৌরদুনা পান্দম অসিগী ১/৩ অমদি ফংবা ঙম্লে। হায়রিবা অসিনা মীওই করোর ২৫ রোম কান্নবা ফংহল্লে। ২০২০দী দিসেম্বরদা সেন্তর লাখ ১.৫ লিংখৎপা অসি ঐখোয়গী পান্দম্নি। হায়রিবা অসিদা আয়ুশ মিনিস্ত্রনা লিংখৎপা আয়ুশকী - হেলথ অমসুং ৱেলনেস সেন্তরসশিং ১২,৫০০ য়াওরি। 

দাঃ হার্শ বর্ধন্না স্তেতশিং অমসুং য়ুনিয়ন তেরিতোরিশিংবু মখোয়না হেলথ অমসুং ৱেলনেস সেন্তরসশিংগী থবকশিং অসি কোবিদ-১৯গী লায়চৎ অসিবু মায়োক্নদুনা তৌবগীদমক থাগৎপা ফোংদোকপগী তাঞ্জা অমা লৌখি – হৌজিক ফাওবদা য়াম্লবা মীয়াম করোর ৩০ রোম মথৌ তৌরিবা সেন্তর ৫১,৫০০দা রেকোর্দ লৈরি। মীওই করোর ৬.৮৯ হেনবা অমনা হাইপরতেন্সন্দা উৎলি অমসুং মীওই করোর ৫.৬২ অমনা দাইবেতিস অনাবা উরি। ঐচ.দবল্যু.সি.না হকচাং য়াইফনবগী সেসন অসুদা লাখ ৩৫ থৌওংশিং হায়বদি য়োগা, ঝুন্বা, শিরোধারা, মেদিতেসন অসিনচিংবা। মহাক্না মখা তানা ফোংদোকখি মদুদি মিনিস্ত্রী অসিনা স্তেত অমসুং য়ু.তি.শিংগা লোয়ননা ঐচ.দবল্যু.সি.না থবকশিং অসি খংহল্লি।

য়ুনিয়ন হেলথ মিনিস্তরনা থাগৎপা ফোংদোকখি মদুদি এ.বি.-পি.এম.জে.এ.ৱাই.গী মখাদা পৈশা তিংদনা লায়রবা নাগরিক করোর ১.৪৫ অমা লায়েংখি অমসুং থৌরম অসিবু য়াম্না চাওবা ইমুং মিল্লিয়ন কয়াদা মতেং পীবা অমনি হায়না শকখংখি।

দাঃ হার্শ বর্ধন্না য়াম্না কান্নবা এপ অমসুং চৎন পথাপশিং হকশেলগী থৌরম কয়া অমা য়েংশিন্নবা থৌরম অসিদা হৌদোকখি:

 

  • এস.দি.জি.-৩ হেলথ দাসবোর্দ অসিনা পোলিসি শেম্বা অমসুং থৌরম শিল্লিবশিংবু মরুওইবা হান্ননা তৌগদবা থবকশিং অমসুং তুংগী ওইবা ২০৩০ ফাওবগী থৌরাংশিং ফংননবা শেম্লি।
  • হেলথ অমসুং ৱেলনেস সেন্তরগী অপুনবা থবক তৌরিবশিংনা চাওরাক্না অমসুং চাওখৎপা য়েংদুনা চহি অনি অসিদা লৈবাক অসিদা আয়ুশমান ভারত থৌরমগী মখাদাহেলথ অমসুং ৱেলনেস সেন্তরশিংগী থবক তৌরি।
  • মরীক চুম্বা চৎন পথাপ অমা প্রাইমারি হেলথ কেয়র সর্বিসশিং হায়বদি ইয়ার-নোজ-থ্রোত (ই.এন.তি.), মিৎ, মেন্তেল ন্যুরোলোজিকেল সবস্তেন্স-য়ুজ (এম.এন.এস.) দা হেন্না খুমাং চাওশিন্নবা লোয়ন-লোয়ননা জন আরোগ্যা সামিতি (জে.এ.এস.) চৎন পথাপশিং শেম্লি। মসিনা স্তেতশিং অমসুং য়ু.তি.শিং অসিবু মতেং পীনবা শেম শারি।
  • আই.সি.তি.গী মরুওইবা পাউ য়াওবা ই-বুক্লেৎ অমা নেস্নেল হেলথ মিসনগী মখাদা নেস্নেল হেলথ মিসনগী আই.তি.গী মরীক চুম্বা য়াওবা খোঙথাং কয়া লৌখৎলি। হায়রিবা অসিনা থৌবুশিংবু লায়না থবক তৌবা ঙমগনি।
  • এন.সি.দি. মেদিকেল ওফিসর এপ অসিনা মাংখ্রবা লান্নদবা লায়না নাবা মীওইশিংবু মফম চানা শাগৎপা ঙমগনি।

দাঃ হার্শ বর্ধন্না কোবিদ-১৯বু লান্থেংনবদা মমাং থংলিবা প্রাইমারি হেলথ চেকশিন থৌরাংদা অমুক্তা তৌখিদ্রিবা মওংদা মায়োক্নরিবশিংদা ইকাই খুম্নবা উৎলি । মহাক্না প্রাইমারি হেলথ থবক তৌরিবা ১১৫৩বু মখোয়গী থবকশিংদা ভর্চুএল ওইনা থাগৎপা ফোংদোরক্লি।

দাঃ হার্শ বর্ধন্না ৫শুবা নেস্নেল ফেমিলি হেলথ সর্ভে (এন.এফ.ঐচ.এস.) হায়রিবা অসিদা ইন্দিয়া অমসুং মসিগী স্তেত অমসুং য়ু.তি.শিংগী মীশিং, হকশেল অমসুং ন্যুত্রিসনগী মরীক চুম্বা য়াওবা ফোংখি। হায়রিবা অসি মালেমগী ওইনা য়াম্না মরু ওইবা দেতা অমা ওইনা অতৈ লৈবাক ৯০গী দেমোগ্রাফিক হেলথ সর্ভে (দি.ঐচ.এস.)গা মান্নবা অমা ওইরি।

হৌজিক ওইরিবা এন.এফ.ঐচ.এস. অসি য়ুম্থোং সেম্পল লাখ ৬.১দা চৎথখ্রে, য়ুমথোং খুদিংগী ওইবা থাক্তা ইন্তর্ভিয়ু লৌদুনা মীশিং, হকশেল, ফেমিলি প্লান্নিং অমসুং ন্যুত্রিসন মরী লৈনবদা চৎথবনি।স্তেত ১৭ অমসুং য়ু.তিয় ৬গী (আসাম, বিহার,মনিপুর, মেঘালায়া, সিক্কিম, ত্রিপুরা, অন্ধ্র প্রদেশ, অন্দমান অমসুং নিকোবর ইথৎ, গুজরাত, হিমাচল প্রদেশ, জম্মু অমসুং কাশ্মির, লদাখ, কর্নাতকা, গৌৱা, মহারাস্ত্রা, ৱেস্ত বেঙ্গাল, মিজোরাম, কেরলা, লক্ষদ্বীপ, দদ্রা নগর হাবেলি অমসুং দমন অমসুং দিয়ু) অসিগী ফল ফেজ-১ ওইনা হৌজিক ফোংলে। ফেজ-২ অসি হৌজিক লেমহৌরিবা স্তেত ১২ অমসুং য়ু.তি.২ অসিগী থবকশিং অসি কোবিদ ১৯না মরম ওইদুনা পন্দুনা লৈরি হায়রিবা অসি নবেম্বরদগী হৌরগা ২০২১গী মেদা লোইশিল্লবা য়ানা লৈরি।

হৌজিক চৎথরিবা সর্ভে অসিদা মমা ওইবগী অমসুং অঙাংগী ওইবা হেলথ অসি এন.এফ.ঐচ.এস.-৪ (২০১৫-১৬) ফগৎলকপগী রেকোর্দ লৈরি। ফর্তলিতিগী চাং অসি মখা তানা হন্থরক্লি, কন্ত্রাসেপতিব শিজিন্নবা অসিশু হেনগৎলক্লি।  সর্ভে অসিদা থা ১২দগীনা ২৩ ফাওবদা লৈরিবা অঙাংশিংদা তেকা থাবগী চাং অসিশু স্তেতশিং অমসুং য়ু.তি.শিং অসিদা ফগৎলক্লি।

য়ুনিভর্সেল হেলথকেয়র কোবরেজ অসিদা কন্না হোৎনরিবা অসিদা শরুক য়ারিবশিং অসিবু থাগৎপা ফোংদোক্লদুনা, শ্রী চৌবেনা হায় মদুদি “কোবিদ-১৯গী লায়চৎ অসিনা মীপুম খুদিংমক্কী হকশেলগী চেকশিন থৌরাংদা মিয়ং অমসুং লমচৎ-শাজৎ হোংলে। প্রধান মন্ত্রী নরেন্দ্র মোদীনা য়েংলিবা মিয়েং হায়বদি ইন্দিয়া অসি হকশেলগী চেকশিন থৌরাংদা মাংজিল থানা চৎপা অসি ওইহনবা অসিনি”।

দবল্য.ঐচ.ও.গী মীহুৎ দাঃ রোদেরিকোশু দবল্য.ঐচ.ও.গী মকোক থোংবা ওফিসেলশিংগা লোয়ননা থৌরম অসিদা শরুক য়াখি। অতোপ্পা খোঙবু হায়বদি য়ু.এস.এ.আই.দি. মখোয়না আয়ুশমান ভারত অমসুং ৱেলনেস সেন্তরদা শরুক য়ারিবশিং অসিসু শরুক য়াখি।

য়ুনিয়ন হেলথ সেক্রেতরী শ্রী রাজেশ ভুশন্না হায় মদুদি লৈবাক অসিদা এ.বি.-ঐচ.দবল্যু.সি. লিংখৎপগা লোইননা প্রাইমারি হেলথকেয়রদা অওনবা অমা লাক্লি।

এন.ঐচ.এম.গী এদিস্নেল সেক্ত্রেতরী অমসুং মিসন দাইরেক্তর, মিস বন্দানা গুর্নানি, এদিস্নেল সেক্ত্রেতরী শ্রী মনোহর অঙানি, জোইন্ত সেক্ত্রেতরী শ্রী বিসাল চৌহান, দি.জি. স্তেতিস্তিক্স শ্রীমতি রত্না অঞ্জন জেনা অমসুং অতোপ্পা মিনিস্ত্রী অসিগী মকোক থোংবা ওফিসরশিংশু শরুক য়াখি। স্তেতশিং অমসুং য়ু.তি.শিংগী মখল কয়াগী মকোক থোংবা সরকারগী ওফিসিএলনা দিজিতেল ওইনা শরুক য়াখি।  

*****



(Release ID: 1680365) Visitor Counter : 159