কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুস গোয়লনা ঙসি এফ.আই.সি.সি.আই.গী চহীগী কনভেন্সন অমসুং ৯৩শুবা চহীগী জেনেরেল মীফমদা ৱা ঙাঙখ্রে‍। শ্রী গোয়লনা মহাক্কী ৱারোলদা পোৎ পুথোকপগী চাংগা মতিং লৈবা অমদি পোত্থোক হেন্না পুথোকপগা পুল্লবা মতমদা ভারতপু মপুং ফানা হিদান্নবা ঙমহনগনি অমদি অনৌবা ভারত শেমগৎনবা মচাক ওইগদৌরিবা আত্মনিরভর ভারতকী মায়কৈদা চঙশিনবদা মতেং ওইগনি‍। আত্মনিরভর ভারত হায়বসি ভারতকী পোত্থোক পুথোকপগী মতিং অমসুং চাং হেনগৎহনববুনি হায়না মহাক্না হায়খি‍।

শ্রী গোয়লনা হায়খিবদা ঐখোয়না হিদান্নবদা খুদোংচাগদবা, ঐখোয়না মালেমগী প্লেয়র ওইবা ঙমগদবা হীরমশিং খঙদোক্তুনা মালেমগী লল্লোন ইতিক্তা হেন্না চাউনা থৌদাং য়ানবা হোৎনগনি‍। “লাক্কদৌরিবা চহীশিংদা তাইয়র অমসুং রব্বর ইন্দস্ত্রী ইকোসিস্তেমনা অচৌবা লল্লোন ইতিক্কী লুচিংবা ওইরকপা ঙমগনি‍। ললাই শেল থাদদুনা রব্বর থাবদা ঐখোয়না পুক্নিং থৌগৎকনি অমদি লৈঙাক্না তাইয়র ইন্দস্ত্রীবু চাউথোকহন্নবা অমদি মপুং মরৈ ফাগৎহন্নবা মতিক চাবা চৈঙাক পীগনি‍। লাক্কদৌরিবা চহী ১০সিদা ভারত্তা লুপা করোর লাখ ২০০রোমগী পোত্থোক পুথোকপগী মঙম হাপচিন্নবা পায়খৎপা য়াবা থৌরাংশিং লৌখৎনবগীদমক পুন্না হোৎনমিন্নরিবা ইন্দস্ত্রী লুচিংবশিংনা থবক পায়খৎলিবা অতোপ্পা সেক্তর ২৪ শক খঙদোক্লে‍। মসিনা থবক লাখ কয়া পীগনি অমদি তোঙান তোঙানবা সেক্তরশিং চাউথোকহনবা অমদি মতিং হেনগৎহনবা ঙমগনি,” হায়না মহাক্না হায়খি‍।

স্তার্তঅপশিংবু অনৌবা ভারতকী য়াংলেন শরুনি হায়না তাক্লদুনা শ্রী গোয়লনা হায়খিবদা স্তার্তঅপশিং অমদি স্তার্তঅপশিংগী ইকোসিস্তেমশিং অসিনা ইনোভেসনশিং পুক্নিং থৌগৎলি অমদি অনৌবা অমদি নহা ওইরিবা ওন্ত্রপ্রিন্যুরশিং য়োকখৎলি অমদি মপাঙ্গল কনহল্লি‍। ভারতকী ইন্দস্ত্রীশিংবু মখোয়গী হৌরকপগী মতমদা ভেলুএসন য়ামদনা মপান কম্পেনীশিংদা লৈরিবা মখোয়গী স্তেকশিং মাঙহন্দনা শেলগী চৈঙাক পীদুনা, মখুৎ শম্বিদুনা, খুদোংচাবা পীদুনা অমদি চাউখৎনবা তাকপি তম্বিদুনা স্তার্তঅপশিংদা ঙাক্লৌ পীননবা মহাক্না হায়খি‍।

কম্প্লাইএন্সকী পোৎলুম হন্থহনবগী মতাঙদা ঙাঙলদুনা কম্প্লাইএন্স, অয়াবা পীবগী থৌওং লায়থোকহনবগী লমদা অহানবা তশেং তশেংবা সিঙ্গল ৱিন্দো সিস্তেম অমা শেমগৎনবা ঐখোয়না কন্না হোৎনরি হায়না শ্রী গোয়লনা হায়খি‍।“ঐখোয়না কম্প্লাইএন্সকী ফীভম ফংননবা য়াম্না লায়বা থৌওং অমা পুথোক্নবা অমদি মন্ত্রালয় কয়াদা চপ মান্নবা মতমদা থবক পায়খৎমিন্নদুনা কম্প্লাইএন্সকী পোৎলুম হন্থহন্নবা থৌওং অমা পুথোকপা পাম্মি,” হায়না মহাক্না মখা তাখি‍।

ব্রান্দ ইন্দিয়া থৌরাংগী মতাঙদা ঙাঙলদুনা, মন্ত্রীনা হায়খিবদা মসি লৈঙাম অমসুং ইন্দস্ত্রীনা খোঙবু ওইদুনা মেক ইন ইন্দিয়া অমসুং অপুনবা ব্রান্দ ইন্দিয়াগী মায়কৈ অনিমক্তা চাওখৎপা পুরক্নবা ৱাখল্লোন্নি‍। মহাক্না হায়খি “ঐখোয়না ভারতপু ব্রান্দ তৌনবা হোৎনরি‍। মালেমসিদা ভারতকী মাঙজিল থাবা ফীভম অমদি ক্বালিতিগী খোঙফমবু উত্থোকপা মতম হৌজিক ওইরে‍। পোৎলম অমবু ভারতকী ব্রান্দ অমা ওইনা মশক তাক্লবা মতুংদা মদু হেন্না ফবা পোৎলম্নি হায়না মালেমসিদা উৎকদবনি‍। ব্রান্দ ইন্দিয়া থৌরাংগী মখাদা ঐখোয়না ভারত অমসুং মালেমগী কঞ্জুমরশিংবু ভারত্তা শাবা পোৎলমশিংগী মরমদা তাক্কনি‍। ঐখোয়না ইন্দস্ত্রী খুদিংমকপু ভারত্তা শাবা পোত্থোকশিং সর্তিফাই তৌনবা ৱাফম থম্লি‍।” মহাক্না ব্রান্দ ইন্দিয়া শেমগৎনবা থৌরাংদা শৌগৎপগীদমক্তা এফ.আই.সি.সি.আই.বু থাগৎখি‍।

শ্রী গোয়লনা হায়খিবদা প্রধান মন্ত্রী শ্রী নরেন্দ্র মোদীনা চোকথবা নাইদনা হোৎনদুনা লৈবাক অসিবু মহাক্কী মীৎয়েঙ, ইচম চমবা মতৌ অমদি থৌনাগা লোয়ননা পনখৈগী ৱাংমদা ৱাখল খন্নবা অমদি অহোংবা লৌশিনবা পাম্বগী ৱাখল্লোন লৈনবা পুক্নিং থৌগৎলি‍।লৈবাক অসি নুংঙাই য়াইফহনগদবনি, খুন্নাইগী কান্ননবগীদমক্তা অমসুং চাওখৎপা অমদি শেন্মিৎলোন ফগৎপগী কান্নবশিং পিরামিদকী মখাদা লৈরিবা লৈরিবা মীওইশিংদা য়ৌহন্নবা আইন শেমগদবনি হায়না পি.এম.না চেৎনা থাজরি হায়না মহাক্না হায়খি‍।

কেন্দ্র লৈঙাক অসি লৌমীশিংগী য়াইফনবগীদমক লেপ্লি হায়রদুনা শ্রী পিয়ুস গোয়লনা এফ.আই.সি.সি.আই.গা মরী লৈনবা বিজিনেস লুচিংবশিং অমদি ইন্তলেকচুএলশিং লৈবাক শিনবা থুংনা লৈরিবা লৌমীশিংগী কান্ননবা লৈরিবা ফার্ম লোশিং অসিগী কান্নগদবা ৱাফমশিংগী মরমদা ঙাঙনবা ৱাফম থমখি‍। মমাঙগী সিস্তেমশিং হোংদোক্তনা হায়রিবা আইনশিং অসিনা লৌমীশিংগীদমক লল্লোন ইতিক তৌনবা খুদোংচাবা কয়া পুরক্কনি‍। মসিনা ভারতকী খুঙ্গঙশিংদা অহেনবা ইনভেস্তমেন্ত পুরক্কনি অমদি লৌমীশিংগী শেন্থোক হেনগৎহনগনি হায়না মহাক্না ফোঙদোকখি‍।

*******