রেলৱে মন্ত্রালয়
ইন্দিয়ন রেলৱেজনা হোস্পিতাল মেনেজমেন্ত ইনফোর্মেসন সিস্তেমগী ত্রাইয়েল প্রোজেক্ত হৌদোকখ্রে
ত্রাইয়েল প্রোজেক্ত হৌদোকখিবা অসি খা ময়াই রেলৱেদনি
Posted On:
11 DEC 2020 2:54PM by PIB Imphal
ইন্দিয়ন রেলৱেজনা অতোপ্পা মরুওইবা আই.তি. খোঙথাং অমা মখোয়গা থবক্তা ফগৎনবা হায়দুনা হৌদোকখ্রে। হোস্পিতাল মেনেজমেন্ত ইনফোর্মেসন সিস্তেম (ঐচ.এম.আই.এস.) অসি ঙসি হায়বদি ২০২০গী দিসেম্বরগী ১১দা রেলৱে বোর্দকী, রেলৱে হেলথ সর্বিসেসকী, দাইরেক্তর জেনেরেল, দাঃ বি.পি. নন্দানা খা ময়াই রেলৱেগী, জেনেরেল মেনেজর, শ্রী গজানান মাল্লায়া য়াওনা হৌদোকখিবনি। রেল তেল কোর্পোরেসন ওফ ইন্দিয়া, চেয়রমেন অমসুং মেনেজিং দাইরেক্তর শ্রী পুনীৎ চৌলা, এস.সি.আর, পি.সি.এম.দি., দাঃ প্রসান্না কুমারনা থৌরম অসিদা শরুক য়াখি।
থৌরম অদুদা ৱা ঙাংলদুনা দাঃ বি.পি. নন্দানা হায়খি মদুদি শীন্মিশিংদা ইনফোর্মেসন তেক্নোলোজিগী মতেং লৌদুনা খ্বাইদগী ফবা হকশেলগী খুদোংচাবা পীবা অসি মংফাওনরে। ঐচ.এম.আই.এস. অসিনা ইন্দিয়ন রেলৱেনা পায়খৎলিবা হকশেলগী চেকশিমবগী মতৌ অসি ফিদমনিঙাই অমা ওইরগনি। অনৌবা সিস্তেম অসিনা হকশেলগী ফিবম অদুক্কা মতিক হেনগৎহল্লগনি। শ্রী নন্দানা খা সেন্ত্রেল রেলৱেবু মখোয়না ইন্দিয়ন রেলৱেগী মথক্তা য়ুনিক মেদিকেল আইদেন্তিফিকেসন (য়ু.এম.আই.দি.) অসি হৌদোকপদা অমসুং অনৌবা আই.তি. ঐচ.এম.আই.এস. হৌদেকপা অসিগীদমক থাগৎপা ফোংদোক্লি।
এস.সি.আর.গী জেনেরেল মেনেজর শ্রী গজানান মাল্লায়া হায় মদুদি. ঐচ.এম.আই.এস. শরুক অমা ওইবা হায়বা অসি এস.সি.আর.গী চাওথোকচনিংঙাই অমনি, হায়বদি ইন্দিয়ন রেলৱেদা আই.তি. এপ্লিকেসন অমগসু হৌদোক্তুনা মশিং য়াম্লবা শিন্মীশিং অমসুং অমসুং বেনেফিসরিশিংদা কান্নবা পীরি। এস.সি.আর. অসিনা আই.তি. মখল কয়া অমা হৌদোক্তুনা হায়বদি ই-ওফিস, ই-দ্রোৱেইং এপ্রোবেল সিস্তেম, য়ু.এম.আই.দি., অসিনচিংবা অসিনি হায়রিবা অসি রেলৱেশিংদা শিজিন্নবনি। মহাক্না মত পীরি মদুদি ঐচ.এম.আই.এস. শিজিন্নবা অসিনা দেতা (ইলেক্ত্রোনিক মেদিকেল রেকোর্দগুম্বা) অসি চাওখৎলক্কনি।
রোলতেল কোরপোরেসনগী চেয়রমেন অমসুং মেনেজিং দাইরেক্তর শ্রী পুনীৎ চৌলানা হায়খি মদুদি ঐচ.এম.আই.এস. শিজিন্নবা অসিনা থৌবু অসিদা কান্নবা পীগনি লোয়ননা হোস্পিতালগী হেদ ক্বাতর অমসুং এন্সিল্লারি সেন্তরশিং অসিনি। প্রোজেক্ত অসি মোদ্যুল ২০ হেন্না লৈবা য়াই অমসুং মসিনা য়াম্না হেন্না কান্নগনি।
রেলৱেজদা ঐচ.এম.আই.এস.গী মরমদা:
রেলৱেজদা ঐচ.এম.আই.এস. অসি ইন্দিয়ন রেলৱেজনা রেলতেল কোরপোরেসন লিমিতেৎগা খুৎশম্নদুনা চাওখৎলক্লি। ঐচ.এম.আই.এস.গী পান্দম অসি হোস্পিতাল এদমিনিস্ত্রেসন থৌওং হায়বদি ক্লিনিকেল, দাইগ্নোস্তিক, ফার্মাসি, একজামিনেসন, ইন্দস্ত্রীএলগী ওইবা হকশেল অসিনচিংবা। তুংগী ওইবা মরুওইবা পান্দম অদুদি:
- হকশেলগী ওইবা খুদোংচাবা অমসুং মসিগী রিসোর্স অসি মফম চানা শিনবা
- হোস্পিতালগী মফমশিংদা এদমিনিস্ত্রেসন চেনেলশিং য়েংশিনবা
- মসিগী বেনেফিসরিশিংদা মগুন লৈবা হকশেলগী চেকশিন থৌরাং পীবা
- অনাবাশিংগী হোংদোকপগী মতম ফগৎহনবা
- অনাবাশিং পুম্বগী ই.এম.আর. (ইলেক্ত্রোনিক মেদিকেল রেকোর্দ) চৎনহনবা অমসুং লৌশিন্দুনা থম্বা
হৌজিক্কী ওইনা ঐচ.এম.আই.এস.গী মোদ্যুল ৩ – রেজিস্ত্রেসন, ও.পি.দি. দোক্তর দেস্ক অমসুং ফার্মাসি – অসি লৌখৎক্লগনি। হায়রিবা মোদ্যুল ৩ লাল্লাগুদা সেন্ত্রেল হোস্পিতালদা ত্রাইয়েল ওইনা শিজিন্নরি।
*****
(Release ID: 1680060)
Visitor Counter : 222