লো অমসুং জস্তিস মন্ত্রালয়

ই-কোর্তস প্রোজেক্কী মখাদা ২৯৯২ পান্দম থম্বগী মনুংদা লৈবাক অসিগী কোর্ত কমপ্লেক্স ২৯২৭ য়াম্না য়াংবা ৱাইদ এরিয়া নেতৱার্ক(ৱান)অমনা শম্নরে


অরাপ্পা মফমশিং(তি.এন.এফ-তেক্নিকেল্লি নোত ফিজিবল) আর.এফ, ভিসাত শীজিন্নদুনা শম্নরে

অন্দামান অমসুং নিকোবর ইথৎশিংগী তি.এন.এফ মফম ৫ নৌনা হাংদোকখিবা সমুদ্রা মনুংগী কেবলনা শম্নরগনি

Posted On: 11 DEC 2020 12:13PM by PIB Imphal

ই-কোর্তস প্রোজেক্কী মখাদা লৈবাক অসিগী কোর্ত ২৯২৭ য়াম্না য়াংবা ৱাইদ এরিয়া নেতৱার্ক(ৱান)অমনা শম্নরে। মসি য়াম্না য়াংবা ৱান প্রোজেক্কী মখাদা মফম ১৯৯২ শম্ননবা পান্দম থম্বদা চাদা ৯৭.৮৬ লোইশিল্লবনি। লেমহৌরিবা মফমশিং শম্ননবা জজতিস দিপার্তমেন্ত অমসুং বি.এস.এন.এলনা থবক পায়খৎলি। ই-কোর্তস প্রোজেক্কী মখাদা, ভারত শীনবা থুংনা লৈরিবা কোর্ত কমপ্লেক্স ২৯৯২ ৱানগী খুৎথাংদা শম্ননবা মালেমদা খ্বাইদগী চাউবা দিজিতেল নেতৱার্কশিংগী মনুংদা অমা ওইনা থবক অসি ভারতকী সুপ্রিম কোর্তকী ই-কমিতি অমসুং জজতিস দিপার্তমেন্তনা পায়খৎপনি। কোর্তশিং শম্নবগী থবক অসিদা ওপ্তিকেল ফাইবর কেবল(ও এফ সি), রেদিও ফ্রিক্বেন্সি(আর এফ), ভেরি স্মোল এপরচর তর্মিনেল (ভিসাত) শীজিন্নরি। হায়রিবা মফমশিং অসিদা এম.পি.এল.এস ভি.পি.এন সর্বিস ফংহন্নবা ২০১৮গী মে থাদা ভারত শীনবা থুংনা খ্বাইদগী নৌবা তেলিকোমগী তেক্নোলোজি অমসুং মচাক-মথুমশিং লৈরিবা বি.এস.এন.এলদা শীন্নখি। অৱাং-নোংপোক লমদম, জে অমসুং কে অমসুং এ অমসুং এন ইথৎশিং য়াওনা ভারতকী কাচিন-কোয়াশিংদা বি.এস.এন.এল লৈরি।

কংফালদা পুরিবা কেবল অসিনা য়ৌবা ঙম্লোইদবা অরাপ্পা মফম কয়াদা ই-কোর্তশিংগী মখাদা কোর্ত কয়া লৈরি। হায়রিবা মফমশিং অসি তেক্নিকেল্লি নোত ফিজিবল(তি এন এফ) হায়না খঙনৈ অমসুং আর.এফ অমসুং ভিসাত শীজিন্নদুনা হায়রিবা মফমশিং অসি শম্ননবা জজতিস দিপার্তমেন্তনা থবক পায়খৎলে। বি.এস.এন.এল অমসুং কোর্তশিং য়াওনা তোঙান-তোঙানবা মরী লৈনবশিংনা মীফম কয়া পাংথোক্লবা অমসুং পুন্না থবক তৌমিন্নরবা মতুংদা, ২০১৯দা তি.এন.এফ মফম ৫৮ লৈরম্বদগী ২০২০দা মফম ১৪দা হন্থরে অমসুং ভিসাতগুম্বা পাম্বৈশিং শীজিন্নবদা সরকারগী শেন য়াম্না চঙবদগী কনবা ঙম্লে। অন্দমান অমসুং নিকোবর ইথৎশিংদা তি.এন.এফ মফম ৫দা কন্নেক্সন পীনবা হন্দক নৌনা হাংদোকখিবা সমুদ্রা মনুংগী কেবল শীজিন্ননবা জজতিস দিপার্তমেন্তনা ৱারেপ লৌরে।

কোবিদ-১৯ লাইচৎ অসিনা মরম ওইদুনা কোর্তশিংদা খঙহৌদনা কেসশিং ওন-লাইন হিয়ারিং পাংথোক্নবা তকশিল্লকখি। হোঙলক্লিবা ফিবম অসিদা দরকার ওইবা বেন্দৱেদশিং হন্না য়েংশিন্নবা বি.এস.এন.এল, এন.আই.সি, ই-কমিতিগী মীহুৎশিংগা লোয়ন্না জজতিস দিপার্তমেন্তনা অৱাংবা থাক্কী কমিতি অমা শেমখি। জুদিসিয়ারিদা অহোঙবা পুরক্নবা অমসুং মীচম মীয়ামদা অচুম্বা ৱায়েন ফংহন্নবা মাইপাক্না দিজিতেল তেক্নোলোজিশিং শীজিন্ননবা অমসুং দিজিতেলগী অহোঙবা পুরক্নবা ভারতকী সুপ্রিম কোর্তকী ই-কমিতিগা লোয়ন্না জজতিস দিপার্তমেন্তনা অচৌবা খোঙথাং অমা থাংজিল্লকপনি।

ভারতকী জুদিসিয়ারিদা ইনফোর্মেসন অমসুং কম্মুনিকেসন তেক্নোলোজি শীজিন্ননবা নেসনেল পোলিসি অমসুং এক্সন প্লানদা য়ুম্ফম ওইদুনা ভারতকী জুদিসিয়ারগী আই.সি.তি চাউখৎনবা ২০০৭দগী পায়খৎলকপা মিসন মোদ প্রোজেক্কী শরুক অমা ওইনা নেসনেল ই-গভর্নান্স প্লান, ই-কোর্তস প্রোজেকশিং পায়খৎপনি।

ই-কোর্তস ফেজ-১ (২০০৭-২৯১৫)প্রোজেক্কী মখাদা দিস্ত্রিক অমসুং সবোর্দিনেত কোর্ত ১৪,২৪৯ কম্পুতরাইজেসন তৌবদা সরকারনা অয়াবা পীরে। ই-কোর্ত প্রোজেকশিংগী পান্দমদি, আই.সি.তি শীজিন্নদুনা অচুম্বা ৱায়েন ফংবা হেনগৎহন্নবা লৈবাক অসিগী দিস্ত্রিক অমসুং সবোর্দিনেত কোর্তশিং কম্পুতরাইজেসন তৌদুনা মদুগী কান্নবশিং আইনগী মতেং লৌবা লাকপা মীওইশিং, উকিলশিং অমসুং জুদিসিয়ারিদা ফংহনবনি। ফেজ-২ প্রোজেক ২০১৫গী জুলাইদা মন্ত্রীমন্দলনা অয়াবা পীখ্রে অমসুং লুপা করোর ১৬৭০ চঙনা কোর্ত ১৬,৮৪৫ কম্পুতরাইজ তৌখ্রে।

****



(Release ID: 1680050) Visitor Counter : 198